hits counter

اجهزة تحسفت انك شريتها؟

White Soul

Pokémon Hunter
مشرف
#31
شكلي المغبر الوحيد.. اسوء جهاز اقتنيته بلا منازع السيجا ميجا درايف.. احس الفترة بين جهازي الفاميلي والبلاي 1 هي اسوء فترة بتاريخ الجيمنج بالنسبة ليي وسببها جهاز السيجا!
ما شريت الـSNES؟ @@
عرفنا سبب عدم تقديرك لنينتندو :p

ولو إني ما امتلكت الدرايف.... بس غريب كلامك عنه، الي أعرفه إنه جهاز محبوب جدًا.
 
#34
الجيم كيوب "اخر منتج من ننتندو اشتريته" .. اشتريته وقت اصدار حصرية RE4 ذاك الوقت
ماكان فيه شي يستاهل على الجهاز .. ومن يومها اول مره احس بندم على جهاز شريته
 
#37
بشكل دائم ولا جهاز

لكن في البداية تحسفت على العدس اخذته اول ايامه وما كان عليه العاب تعجبني حتى فكرت
اني ابيعه واتخلص منه

شكلي المغبر الوحيد.. اسوء جهاز اقتنيته بلا منازع السيجا ميجا درايف.. احس الفترة بين جهازي الفاميلي والبلاي 1 هي اسوء فترة بتاريخ الجيمنج بالنسبة ليي وسببها جهاز السيجا!
نفسي بالضبط فاميلي سيجا ثم PS1 السيجا لعبت عليه العاب قليلة وفترة قصيرة ورديت اللعب الفاميلي
الى ان اشتريت PS1
 
#39
الXbox one.. حرفيا لعبت عليه اقل من ٥ العاب و غبر الجهاز.. عطيته اخوي الصغير اللي كان متحمس و جمع غبار اكثر من اللي كان مجمعه عندي xD
 
#43
ما شريت الـSNES؟ @@
عرفنا سبب عدم تقديرك لنينتندو :p

ولو إني ما امتلكت الدرايف.... بس غريب كلامك عنه، الي أعرفه إنه جهاز محبوب جدًا.
ما اعرف كيف كانت تجربته مع الجهاز لكنه يظل جهاز ألعاب ممتاز جدا و بمكتبة جبارة و متنوعة و أغلب الالعاب ممتازين و برأيي عصر ال١٦ افضل عصر مر علي لان فيه منافسة شرسة جدا بين السوبر ننتندو و الجنسس و كل واحد فيهم يحاول يتفوق على الثاني
وقتها كان عندنا جهازين و نشتري الالعاب من الطرفين و نستمتع بألعابهم الممتازة
 
#44
اتوقع كثير بيقولون الفيتا، لكن شخصيا الفيتا اكثر جهاز فاجأني، الجهاز معروف في الميديا وفي اوساط اللاعبين انه جهاز ميت وبدون العاب ودخلت عليه بهذا الانطباع لكن بعدين صار جهاز محبوب جدا بالنسبة لي، الجهاز كان مرتع وملاذ العاب النيش بالنسبة لي، قضيت معاه يام جميلة مع سلسلة دانجن وشتاينس قيت، عوضا عن كونه منصة العاب الاندي المثالية على وقته، هو المكان اللي خلاني العب فيه تجارب عظيمة مثل مجس كولكشن وففX وجاو وسلاي كوبر وجاك وبيرسونا 4 على المحمول.

الجهاز اللي ما قدرت افرط فيه الى الان.

ولكن موضوعنا مو عن جهاز مكروه بس تحبه، بس فجأة قمت افضفض&&

عموما ما عمري ندمت على شراء جهاز لأني غالبا اشتريه لهدف واضح ومحدد وتكون عليه سلسلة او كمية العاب بلعبها عليه.

لكن اكثر شي ندمت عليه هي طرفية Move على وقتها، سوني حرفيا طنشتها وسحبت عليها وما قدمت الا العاب سخيفة وابو كلب ما تليق بالتقنية والدقة الجبارة اللي فيها. فلذلك ما استفدت منها ابدا.
 
#47
جهاز الاكس بوكس الكلاسيكي اخذتة سنة 2007 لسبب مجهول وطبعا اللعابة معدومة من السوق بشكل كامل وباقي مادخلت عالم الطلبات من النت. يالله على الاقل لعبت علية Doom وبعدها مدري وين راح, ومدري لية ماخذت 360 بدالة. هي وحدة من القرارات اللي تتخذها ولما تمر السنين ترجع تفكر فيها وتقول لنفسك وربي اني غبي.
 
#51
بس غريب كلامك عنه، الي أعرفه إنه جهاز محبوب جدًا.
يمكن اختياراتي للالعاب غلط بوقتها.. بس اللي اتذذكره ان اغلب افضل الالعاب اللي عليه اخذتها وبصراحة ما اتذكر منهم شي.. يعني ما فيه لعبة تقدر تقول انرسمت في مخيلتي مع هالجهاز

يعني الفاميلي عدا ثلاثية سوبر ماريو الاسطورية.. حتى العابه الثانية بعضهم اتذكر تفاصيلهم.. كابتن ماجد مثلا بلا مبالغة اتذكر كل ثييم لكل فريق.. حتى msx اتذكر العابه بمحبة.. كانت فيه لعبة الغاز في الاهرامات جميلة جدا ولعبة طائرات salemander ولعبة البطريق ..السيجا ما امتلكت بالنسبة ليي مثل هاللحظات .. فعليا اقل جهاز لعبت عليه واسوء جهاز امتلكته
 
#52
ليش كيف كان عتاد الDS؟
الدي اس صدر بنهاية 2004 وبعتاد اضعف (بكثير) من السوني الاول اللي صدر في الـ 95، وفي زمن كنا نحصل فيه علي تجارب مثل MGS3 و RE4
نظريا نعم كلامك صحيح، لكن اشوف الفرق التقني شخصيا اكبر بحالة ال3DS يارجل نازل بزمن ال4K بدقة شاشة مخجلة مثل هذي

غير انه الDS كان كونسبت جديد تماما وثوري وضعفه التقني ساهم في حصوله على تجارب مميزة جدا ومكتبة العاب خارقة

الDS جهاز لن يتكرر
 
#53
الPs4 ماتحسفت (لحد الآن) ، لكن ماحللته نهائيا
شريته مع إعلان شينمو ٣ من الحماس
ولعبت عليه كم لعبة بالاضافة لانتشارتد ٤ خلصتها ومن ذاك الوقت حاطه بالدولاب
 
#56
الاكس بوكس الاصلي القديم

اشتريته اول ما نزل لاجل
Oddworld: Munch's Oddysee

و لم ألعب عليه اي لعبة ثانية ، بل جائتني فترة نسيت اني اشتريته ، لاني كنت غارق في احد اعظم اجهزة شركتي سوني و نيتندو ( البلايستيشن 2 - جيم كيوب )
 
#57
في اجهزة ماتحسفت عليها ولكن لعبي فيها قليل جداً لعدة اسباب.

الWii الجهاز اللي ابعدني عن نينتندو (استمتعت فيه في البداية فقط لأنه شي جديد وغير مسبوق) ولكن بسبب الموشن كنترول وضعف الجرافكس في وقت الHD تركته بسرعة.
اللعبة الوحيدة اللي انهيتها عليه ماريو جالكسي ١،٢

3DS رزليوشن الشاشة المتخلف في زمن التطور ابعدني عن الجهاز وبالتحديد في الفترة الأخيرة.

Vita انهيت عليه عدة العاب ولكن قليلة جداً ومعدودة وفي الاخير صرت استخدمه في الRemote Play

Wii U مع ان عنده مكتبة العاب ممتازة جداً ولكن فكرة الجهاز فاشلة واتمنى كل لعبة اقدر العبها بالبرو كنترولر فقط.

اما Xbox One انا ليش اخذته اصلاً ! هذا الجهاز الوحيد اللي تحسفت عليه.
 
التعديل الأخير:

The Doctor

Once a Voyager on a Cursed Sea
#58
كنت أبكتب ال3DS بس إتذكرت إن بما إني إستمتعت بأكثر من 5 ألعاب عليه، فمش خسارة كاملة.
خياري هو الوي، 100%. كل الألعاب اللي كنت متحمس ألعبها عليه كانت خيبة أمل. و كنت أقدر أستعير جهاز عشان ماريو جالاكسي بدال ما أزحم نفسي بجهاز ياخذ مكان و يجمع غبار.

شكلي المغبر الوحيد.. اسوء جهاز اقتنيته بلا منازع السيجا ميجا درايف.. احس الفترة بين جهازي الفاميلي والبلاي 1 هي اسوء فترة بتاريخ الجيمنج بالنسبة ليي وسببها جهاز السيجا!
خخخ، بالنسبة لي فقبل الPS1 شراء هالأجهزة كان على الوالد، عادةً كمكافأة على علامات المدرسة... فنخزة خسارة مبلغ كنت تجمعه عشان جهاز ما كانت موجودة
 
#59
الps4 نوعا ما. للحين ماقدم لي شي يفوق الي عندي على الpc.هذا غير عن الجرافيكس الاضعف بفارق عن ال pc. كل هذا مع اونلاين مدفوع. من بعد هذا ماراح اشتري كونسل عدا السويتش ربما.
 
#60
نظريا نعم كلامك صحيح، لكن اشوف الفرق التقني شخصيا اكبر بحالة ال3DS يارجل نازل بزمن ال4K بدقة شاشة مخجلة مثل هذي

غير انه الDS كان كونسبت جديد تماما وثوري وضعفه التقني ساهم في حصوله على تجارب مميزة جدا ومكتبة العاب خارقة

الDS جهاز لن يتكرر
غير انه على وقت الدي اس ما كان فيه اجهزة الجوال او "ايبود بسعر رخيص" يتفوق عليه تقنيا.