Uzumaki Naruto

السب وي موجود في كل المدن الكبيره بس ما يغطي بشكل كامل الا الداون تاون تقريباً, بس اكيد فيه باصات بعد. عن نفسي ما احتجت سياره ابداً في تورنتو بس دفعت 100 دولار بالشهر واركب الي ابيه.

المدن الصغيره يكون فيها باصات تمشي الحال (مشاوير جامعه-سوبرماركت) بس انا شريت سياره لاني ما احب الباصات.

باختصار لا تشيل هم المواصلات خاصه اذا كنت بمدينه كبيره

هلا اخوي
معليش ابطيت عليك بس انا ما شفت الرساله الا يوم جيت اسافر وانشغلت بالجامعه شوي. اسف.

تورنتو حلو، شوي ازعاج بس هي تعتمد عليك انت وطبعك، المدينه فيها كل الجنسيات ومنتب حاس انك غريب، اصلاً محد يدري انك غريب. الناس تتجمع بمناطق معينه مثل الشاينا تاون وليتل ايتالي كذا، في منطقتين للعرب وحده كبيره بميساساقا واغلبهم شاميين هناك وتعتبر خارج تورنتو، والثانيه في سكاربور (بتروح شارع لورنس هناك مثلاً كله عرب مطاعم ومقاهي شيشه وسوبرمركتات وحلاقين كل شي هناك حتى بالعربي مكتوب). المنطقه ايه بارده بالخريف والشتا.

الجامعات كويسه ما عليها، انا نقلت لمدينه جمب تورنتو حوالي ٣٥ دقيقه بالسياره لاني احب الهدوء وفيها جامعه هناك.
المدينه ليلها ما ابي اقول مثل نهارها بس اكتف بالليل.
اذا انت مبتعث الراتب بيكفيك وزياده، المعيشه غاليه بكندا عامتاً شوي بس تعتمد على المنطقه الي بتسكن فيها بالمدينه وطباعك (تاكل من برى ولا تبطخ الخ)

اي شي ثاني اسأل مافي اي ازعاج.

ههه لا انا كنت قاصد بالحالة "المرض" مش عشان المباراة..بالعكس المباراة وحدها مهددة بالالغاء لنفس السبب p=
وعندي تحليل بسيط بديل..لو كان عمري 18 كنت برشلوني بدون شك @@

عندي حسبة صغيرة بوجع لك راسك بس بتيبن خطأ حساباتك..فرضًا انا بالثانوية وعشان نقلل من شناعة استنتاجك بخلي نفسي بالثانوية العامة يعني عمري بيكون 18 "يا الهي من 24 الى 18" وانا قايل بكل مكان اني اشجع منتخب اسبانيا من عام 1994 .. يعني بحسبة بسيطة كان عمري 1 لما شجعت المنتخب..وهذا يوصلنا الى انك تكذبني ، كيف تجرأ يا هذا p=
بخصوص المباراة خلاص نتلاقى بكرا وحدد الوقت اللي يناسبك "شكلي بطوف الجامعة عالحالة هذه"

ووش ذا التحطيم على اي اساس حطيتني بالثانوي...يعني رأيك أراجع طبيب عقلي ولا حاجة p=
صايرلي 6 سنوات بالجامعة وهذا فصلي الاخير .. بس ما يمنع اني اتمنى لو كنت لسة بالثانوية @@
خلاص اذن مع اني ما متذكر اني شفتك بالبسن من قبل بس يبدو انه من آثار المرض ..

اول شي الله يبارك فيك على اللي ردك هنا سوري اليوم اغلبه كنت نايم وما كان لي حيل اتصفح..
بكرا اول يوم جامعي بالفصل الجديد عندنا وانا استقبلت احلى بشارة من "الحلق" لأني بديت احس بالتهاب والي عادة يلحقه مباشرة الزكام والحمى والبلاعم والتوابع الانفلونزية
بس عادي حدد الوقت اللي يناسبك وان شاء الله بنتبارز @@ بس كأننا ما ضايفين بعض اساسا بالبسن ؟ ايش يوزرك ..

مدري تقصد عن التقديم على الفيزا, الاجراءات والا القبول وسرعته .. على العموم, المدة غالبا من شهر الى شهرين وتختلف على حسب الزحمة. اما التقديم فـ مثل اي دولة ( فحص طبي + اوراق ) ومافيها مقابلة مثل امريكا. توديها لأرامكس او ترسلها للسفارة الكندية في بريطانيا بأي شكل من الاشكال.
مدري لو انا جاوبتك على سؤال او لأ .. لكن اي استفسار انا حاضر.

المشكلة نادال مدافع ومهاجم بنفس وقت دفاعه وهذا اللي يعطيه التميز الخارق عنده p=
والله لما كنت اتابع مباريات فيدرر ونادال كنت اقول يحتاج عمر كامل للاعب تنس موهوب بالفطرة حتى يوصل لنصف مستوياتهم..نوفاك كسر المعادلة وصنع المستحيل وما اعتقد بنشوف بفترة طويلة حد بيجاريهم..
ايوه هي النقطة..الللاعب المكافح يجبرك انك تحترمه مهما كنت تشجع خصمه..متأكد لو نوفاك او فيدرر محد منهم كان بيركض لها بس نادال لو يقفز للقمر عشان يرد ضربة ما بيقصر p=
تصدق هذا الشي ممكن اللي قلل من اهتمامي بالتنس..حجم المباريات الكبيرة وكمية المواهب والكرات التاريخية فيها وارتفاع النسق خلت المباريات الثانية مملة ومحسومة نسبيا..

ياخي شي جبار الي سووه بالمباراة! والي يقهر انك وأنت تشوفهم ما تحس بأي انجاز بلعبهم!
نوفاك تحركاته عجييييييييبه ومثل ما قلت لك الباك هاند حقه خورافي, نادال نفس الشي تحركاته ممتازه وأفضل مدافع بالتنس حالياً (ونوفاك جالس يتحداه بذا الشي الحين) والفور هاند حقه ماحصلش (أحلى شي بنادال اذا تحسبه خلاص بيخسر النقطه ويجيك ركض من ورا البيس لاين ويعطيك أحلى فور هاند ((اسمها باس شوت الظاهر)) وفجأه الا وهو كاسب النقطه!)
واي عرفت النقطه الي قلتها ولول يوم نادال جا بيلحق عليها رحمته تشوفه نزل وجهه ودفع نفسه عشان يحاول يجيبها ولو انه حتى لو جابها بيخسر النقطه بكل حال بس ما فقد الأمل.
التنس كل ما له يتطور بس من الي أشوفه مع التطور هذا اللاعبين بيروحون فيها! تتطلب منهم الكثير ومع الجدول حقهم الله يعينهم.
لول وعلى قولتك نادال لازم يريح بعد الي سواه بالمباراة, ونوفاك بعد الي سواه طول السنه!
بس اشوا انهم بيلعبون مره ثانيه بالديفس كب الويكند الظاهر -_______________________-

صحيح وشوف الفرق مع مقابلة نادال اللي دخل قلبي بكلامه ، اغلب تصريحه كان مدح لنوفاك وكأنه منصدم انه ظهر بهالمستوى وواصل حالة يأس بمجاراته حاليا p=
واضح انه يبغى يطور من استعداده مرة ثانية لكذا مواجهات وهذا من مصلحتنا ان نشوف مستوى التنس يوصل لهالدرجة من التطور ، فيه كرات صارت امس ما اظن شفت مثلها من قبل ، سرعة وحركة وقتالية ومهارة وكل فنون التنس فيها..اذكر وحدة فيهم حتى نادال كان يحرث الارض يمين ويسار لين ما جابها نوفاك لوب من فوقه وحسيته نادال منهك تماما لكن اتحامل على نفسه وركض ورجعها للملعب (وبرأيي مستحيل اي لاعب كان بيسويها) بس كانت بوضعية سهلة لنوفاك اللي كسب النقطة منها...نوفاك كان مهاري بشكل اكبر لكن نادال اظنه بيجلس اسبوع كامل بدون حركة عشان يستعيد لياقته..ألطرفين بيخلوك تحزن على اي واحد بيخسر فيهم ، عطوا كل اللي عندهم...

من كان يتوقع نوفاك بيصعد السلم من الاسفل...يعني فيدرر ونادال أظنهم وصلوا للقمة بشكل سريع وما اتذكر اني شفتهم غير ابطال..اما نوفاك تدرجه كان مش قفزة وحدة ، بل ظل فترة طويل بين كبار التنس لكن بعيد عن فيدرر ونادال..والحين شكله بيهيمن على عالم التنس على حساب الكبيرين اللي احتكروها بما يكفي من السنوات p=

لول ما فكرت بايش كان بيسوي فيدرر, بس فكرت بالموسم الجاي. مين بيوقف نوفاك؟!
السنه هذي 6 مرات, 6! لعب نوفاك مع نادال وكلها فاز هو. فيدرر شكله خلاص جته نفسيه من نوفاك بعد الي صارله معه. وموراي لسا قدامه مشوار طويل.
مافي الا نادال انه يلقاله طريقه عشان يوقفه. وأنا يعجبني تسونجا وأحسه يقدر يخترق التوب 4.

أهم شي نوفاك يستمر بابداعنا.

فعلا لعب بكل روح واترفاع نسق المباراة اللي عمله هو اللي اتسبب برفع نوفاك لمستواه..بصراحة ما متأكد ان فيدرر كان بيصمد مثل نوفاك ضد نادال ، فيه كرات كثيرة كنت أسأل نفسي ايش ممكن بيسوي فيها فيدرر p=

نوفاك رهيييب ياخي ، انا كنت متوقع من قبل المباراة 2-0 له ويقلبها نادال 3-2 .. بس ما شاء الله طلع كل قطرات العرق من نادال بالمجموعة الثالثة ، وصارت الرابعة كأنه يلعب ضد لاعب غير مصنف p=
بخصوص الدوري تو برسلك اللازم @@

اوه ليش ما صلحت لي على بالي المباراة الساعة 12 بتوقيتكم

هههههه اكيد بس اساسا هم مرتبين الجدول خصيصا لي ، بعد ملقا مباشرة بيبدأ النهائي..@@

بكرا يبدأ دوري الابطال yo ولسة ما شفنا فريقك..لا تقول ما عندك وقت تسوي الفريق انت من اللي وجودهم بالدوري ما هو باختيارهم

والله مـ حصلت لي فرصة اشوف الموتمر الصحفي , بعد المباراة مباشرة سكرت التلفزيون .. النسبة لنقطة جوكو يعني احسها عادية لكن الامر اللي جعل الناس يحسون انها نقطة جبارة هو توقيتها ومدى تأثيرها على سير المباراة والدارماتيكيه اللي حدثت بعدها ولا النقطة مجرد فورهاند عادي ..
بالعكس انا اشوف الجمهور عطوه تحية بعد الفورهاند خصوصا لما توجه لهم ورفع يديه احس الجمهور بادله التحيه وشجعه شوي .. يعني لولا الله ثم الجمهور لما شفت فاز في المباراة ..
نقول ان شا الله يبيض الوجه الموسم القادم

والتكاليف تعتبر غالية اذا ما قارنتها بأمريكا, واللي يجي على حسابه يآكلها من جد -ـ- لكن المبتعثين ما يشيلون هم لأن الرواتب في كندا هي اعلى نسبة رواتب مقارنة بأسعار البلد ( ايام كان الدولار نازل رفعها الملك من 1900 الى 2700, ولما ارتفع الدولار اعلى من الامريكي حتى ما رجعوهـ لسعرهـ الاول) فـ صارت 2700 مع ارتفاع الدولار وانخفاض السلع. واغلى شي بتواجهه اتوقع الاكل , اما الباقي فـ اسعار عادية.
ومعليش عالردين, لكن لازم اقل من 1000 كلمة لكل رد^^"
وحياكـ اي وقت .. اي شي يجي على بالك آمرني بس =)

لا عادي , كل يوم تعال ^^
الاوربيين موجودين سواء مهاجرين او كنديين لكن من اصول اوروبية ( نادر اصلا تشوف كندي حقيقي). بالنسبة للجامعات سألت اثنين توهم جايين من فترة قريبه وقالوا انهم لقوا كم جامعه مفتوحة, فـ ما اتوقع راح تكون مشكلة. اوتاوا طبعا هي العاصمة ومركز تواجد الملحقية ( هذي ميزتها الوحيدهـ, انكـ تقدر تكلم المسؤولين وجه لـ وجه وتخلص اشغالك بسرعه ), غير كذا هي بالشرق بعد وابرد من تورنتو وفانكوفر. حاول تخليها خياركـ الاخير.
لول , بالنسبة للامطار صحيح شي مزعج وكئيب شوي, لكن حسب ما سمعت انه لايقارن باللي عندكم , يعني خفيف ولا يكون كل اليوم. اما الشمس فـ تطلع ايام الشتاء بس شكل! لا تدفّي ولا هم يحزنون, وقليل جدا تطلع. وبالصيف ( حاليا ) من بداية جولاي الى يومك هذا والشمس كل يوم طالعه, والجو من احلى ما يكون .. حر بالشمس وجو خرافي بالظل.

لوول
دجوكوفيتش لاعب موهوب و خلوق لكن انا بكره الصرب بصراحة .. عموما أهم شي عندي انه نادال يطلع من المولد بلا حمص !XD

بالعكس انا أعشق التنس يا رجل ! P:
و هاردلك خسارة المايسترو مبارح >__<

كل هذا الوقت والفرصة عطيتك وما شيكت انك حاط ردك بالمكان الغلط p=
لول مدري بس مرة شفته يتكلم بالالعاب وجاني فلاش باك لماضيه وما حصلت اي اثر للجيمز فيه فشفته اكثر مثال ملائم p=
انت من اللي انا ملاحظه اختياراتك سيئة للالعاب..لو ما عجبتك بورتال 2 ، ديمونز سولز ، فالكريا كرونكلز ، كاثرين وقتها كنت بقولك اعتزل الفيديوجيمز..بس هالالعاب المذكورة حاسها تناسبك ولا تسألني ليش @@

أوكي الي تشوفه.
لول جلست أضحك يوم قلت سرمد؟ ايش معنى يعني؟ D:
أنا يوم كنت أصغر كنت أحب الجيمز كثير بس السنوات الأخيره قل اهتمامي كثيييييييير, الحين ما ألعب الا فيفا (والي بديت أطفش منها) وتوب سبين (تنس). السنه هذي ما لعبت الا أنشارتد 2 وخلصتها (ناااااااااااااااادر ما أخلص لعبه) وشوي من كيلزون 3, شريت كول أوف دوتي بلاك أوبس وما لعبتها الا مره وحده بس!
دايم أتحمس ألعب شي بس بنفس الوقت مالي خلق >.>, حدي صار بس أتابع الأخبار بقسم الألعاب وأشوف ايش الجديد الكويس وبس, من رغم اني مو مستفيد >.>

خلاص شكلنا احسن ننتظر بطولة استراليا يعني..عندك كل هالوقت ترتب افكار وخريطة الموضوع p=
وزي ما قلت لك مستحيل بسويه ما استحقه بوجود امثالك..!
صحيح الفضول يغمرني عشان أسألك..انت مالك اهتمام نهائيا بالجيمز .. يعني حتى سرمد شفت له ردود جيمزية بعد تحري دقيق لكن انت نهائيا @@

وايوه صح الحين مباراة سيرينا وليامز..شكلي بعوّض خيبات متابعتي للتنس امس بهالمباراة p=
ياخي اشفقت عليها بعد ما عرفت ان جاها جلطة شهر مارس الماضي وكانت بحالة خطرة جدا

بس تبي الصدق الواحد بعد ما يتلقى صدمة مثل اللي جته ممكن يقول اي شي من الاحباط .. وانا وحدي حزين عليه كنت اتمنى يباري نادال "على اني كنت اتمنى نوفاك كمان يتأهل" بس اشتقت لشوفة فيدرر يعتلي المنصة ويفوز بقاء الكلاسيكو الشهير..ليش ما طاحوا بنصف النهائي عالاقل
نادال شفت له المجموعة الاولى .. يا الهي هذا الانسان كراته كلها عالخط..واحلى شي ضربته الشهيرة اللي من بره الملعب وتدخل باللحظات الاخيرة..
بخصوص الموضوع هو فيه 3 او 4 مهتمين وممكن يزيدوا مع الوقت..وبيكون هايب ممتاز للنهائي > يعني ممكن تعتبره ايجابية اكثر من انه سلبية انه ينفتح قبل النهائي ..؟ عموما هذا رأيك وانت حر فيه اما أنا فمستحيل أفتحه طالما انت عايش وتتنفس من مذنب الين p=

هههه يا الهي خلاص انا حسمت قراري لازم انت تحديدا تكتب الموضوع ومحد غيرك...ما شاء الله عليك تتنفس تنس وانا اكبر خائن للرياضة بالأيام الماضية ، وضمنت تسويقي لموضوعك بكل بقاع الارض p=
تصدق لما دجوكو عمل حركته انا ظنيت انه يائس من المباراة نهائيا وسواها كحركة تحشيشية متعودين عليها منه..ما ظنيته يحارب نفسيا او يستفز فيدرر ، بالتويتر غضم عارم طاح عليه بعدها ، ياخي نوفاك اكثر لاعب شفته يمدح ويحترم فيدرر بتصريحاته ومن ورا الكواليس وما اتخيلت انه قاصد سوء بهالحركة ابدا..
أوف تو اسمع منك تفاصيل مؤتمر فيدرر..شكلنا حسدناه وحسدنا اخلاقه...يعني ما جت الا على اليوم بعد مسيرة احترافه كلها ما بتكون صدفة p=

للأسف جالس ارتكب جرائم واحدة تلو الاخرى
مبارا فيدرر ونوفاك طبعا كانت متعارضة مع فالنسيا وخارجة من حبستي "رغم اني قدرت اشوف فرصتين فيدرر اللي كان يقدر ينهي المباراة فيهم" ، ومباراة نادال نمت من التعب بعد يوم مرهق بعد المجموعة الاولى خصوصا وان تكهناتي كانت مسيطرة على تفكيري وهي ان المباراة بتكون نزهة لنادال وشكله هذا اللي صار..@@
ياخي لازم يفتح موضوع رسمي للتنس .. أجرب حظي ؟ ولا تبي انت تفتحه ؟ ولا رأيك ما في فايدة نفكر بالسالفة ونخلي الحرب الطاحنة بالملفات الشخصية p=

جوكوفتش كان رائع بالفعل خصوصا لما كان متأخر 40 - 15 رجع بفورهاند خرافي حتى هو نفسه ماصدق.عموما حظ اوفر لجميع محبي فيدرر , وان شا الله يستمر ونشوفه بطل استراليا الموسم المقبل