الموضوع الرسمي Zelda: Twilight Princess | الموضوع الرسمي لأفضل زيلدا على الإطلاق

[Mr.3B]

...

Khalid .. OUCH .. That hurts

 

[gray fox]

والله قهر -_- " ...ودي اجرها قبل اي لعبة هالسنه !


مبروك خالد .....والله يخليك نبي موضوع بروحه عن انطباعاتك عن الوي بشكل عام وباقي الألعاب اللي عندك :gasp:

 

[Solid Snake]

قهر .. تقفل موضوع تقييم سبوت !! -_-" .. (عادي نكمل الهواش هنا؟)

--

مبروك عليك الجهاز خالد، ومنتظرين انطباعاتك!!

 

[Solid Snake]

يا سااااااااااتر!! ..

معليش بس بعد ما تقفل النقاش حبيت اوضح نقطة اخيرة، بالذات ليوسف (انسايدر) وعمر (ننتندو) .. وبرضو للي قالوا سبوت موقع فاشل، وign الكاجوالي هو الرهيب المنصف ..

وان جيف متحيز للاكس بوكس وللالعاب الامريكية، ويكره زيلدا ويكره الويي .. شوفوا هالروابط بليز ..

http://www.gamespot.com/n64/adventure/legendofzeldaoot/review.html
http://www.gamespot.com/gamecube/adventure/legendofzeldathewindwaker/review.html?page=2

اللي يكره زيلدا والويي ويموت في الاكس بوكس .. هو اللي اعطى اوكارينا 10 وويند ويكر 9.3!!!!!!!

يا ساتر .. يا ساتر .. يا ساتر .. توني انتبه لهذا الشي .. وين اللي كان يقول جيف عبيط وحاقد على الويي وزيلدا !!

المصيبة اني توني انتبه لهالشي بعد ما قاله لي واحد من الشباب .. من جد مهزلة !! ..

ثقتي في سبوت الحين صارت عمياء بقوة .. ازدادت ثقتي فيه ×100 !! .. وصرت اثق بجيف وبقوة!! .. معليش لكل فان "اعمى" هذي هي الحقيقة!! ..

اللعبة باين ان مستواها هو اللي حطه سبوت لنا .. ومثل ما قلت لكم، سبوت بيكون منصف اكيد .. ولا احد يتحجج لنا بمواقع الكاجوالز ign و1up وغيرهم !!

سبوت للفوووووووووووووووووووووووووز!!

 

[Nintendude]

طيب هم حاقدين على الوي وش دخل ألعاب الكيوب وال64؟ هم مب طايقين فكرة التحكم خير شر.

 

[Nintendo]

اخ سوليد سنيك بحكم انك المدافع الرسمي عن جيم سبوت المفروض على الاقل تفهم كلامنا احسن من كذا !!

نحنا قاعدين بنقول لنا سنتين انه جيم سبوت ( كاره ) الوي نفسه .. كاره الجهاز كاره التحكم والقدرات وهذا سبب تقييم زيلدا المنخفض ( بحسب كلام جيف انه التحكم يحس انه مش راكب على اللعبه والاصوات والجرافيكس ) ..

ثقتك بسبوت عمياء ولا فتحاء ماتفرق .. اللعبه اخذت تقييم بيرفكت من مليون موقع وموقع واحد اعطاها تقييم سئ صارت ثقتك عمياء فيه .. مع احترامي ولكن حتى التعصب والحقد له حدود ولمن يزيد عن حده يصير عبط 🙂

اتمنى مانشوف رد سخيف ثاني بنفس الموضوع ..

edit : وملاخظه بسيطه بس .. طالما سبوت صار الموقع الرسمي عندك اجل من الحين شباب نعتبر ميتل جير الاولى لعبه متوسطه لانها ماخذه تقييم متوسط هناك ومش من اساطير الالعاب .. الخبر صار رسمي 🙂

 

[Gon freeces]

هممممممم........
ليش موضوع التقييم قفل ؟
جنكو مافهمني لمن قلت لفواز العب فف12 , فان مو رجال زي لنك , بس مو EMO زي شخصيات فف الثانية :roll:

 

[Ryu-Bounty Hunter]

وملاخظه بسيطه بس .. طالما سبوت صار الموقع الرسمي عندك اجل من الحين شباب نعتبر ميتل جير الاولى لعبه متوسطه لانها ماخذه تقييم متوسط هناك ومش من اساطير الالعاب .. الخبر صار رسمي

حللللللوة ::
يعني على كلامكم ان سبوت ما يحب التحكم و الوي نفسه هل ممكن نشوف تقييم اعلى ل نسخة الكيوب ?
مع اني مابي اتأمل واجد -_-

 

[AMOR]

ثقتي في سبوت الحين صارت عمياء بقوة .. ازدادت ثقتي فيه ×100 !! .. وصرت اثق بجيف وبقوة!! .. معليش لكل فان "اعمى" هذي هي الحقيقة!! ..

اللعبة باين ان مستواها هو اللي حطه سبوت لنا .. ومثل ما قلت لكم، سبوت بيكون منصف اكيد .. ولا احد يتحجج لنا بمواقع الكاجوالز ign و1up وغيرهم !!

هذا موب مثال على جيمر هذا مثال على (....) لا يملك رأي خاص فيه و لا يتنزل يجرب اللعبة حتى يحكم على مستواها

تبي أقولك ليه الناس كلها منقهرة من تقييم جيم سبوت, الرد بسيط ألق نظرة على هذه الصورة

سبحان الله جيم سبوت صار الآن الموقع الوحيد الصادق

و بالمناسبة ماأعتقد ان هذه أول مرة الناس تعترض على تقييمات جيم سبوت

بالنسبة لي أنا فقط شخصياً :
Majora's Mask 8.3 ,Metal Gear Solid 8.5 و ألعاب أخرى خسف فيها الأرض مع مخالفة صريحة لبقية المواقع و ألعاب رفعها للسماء بدون وجه حق

في النهاية يظل جيم سبوت مجرد موقع يملك آراءه و أنا كلاعب أملك أراءي الخاصة و ما اتبع اراء فلان ولا فلان يقولي وش بيعجبني ووش موب معجبني

P.S. أنا اشك انك قرأت أو شاهدت مراجعة جيم سبوت للعبة لأنها كانت واضحة و مليئة بالأعذار السخيفة و رجاءاً يكفي لحد هنا اذا تبي تتبع جيم سبوت سو اللي تبي بس رجاءاً لا تجي تخرب الموضوع الرسمي للعبة أنا شخصياً أنتظرا من حوالي 6 سنوات 🙂

 

[Solid Snake]

اخ سوليد سنيك بحكم انك المدافع الرسمي عن جيم سبوت المفروض على الاقل تفهم كلامنا احسن من كذا !!

نحنا قاعدين بنقول لنا سنتين انه جيم سبوت ( كاره ) الوي نفسه .. كاره الجهاز كاره التحكم والقدرات وهذا سبب تقييم زيلدا المنخفض ( بحسب كلام جيف انه التحكم يحس انه مش راكب على اللعبه والاصوات والجرافيكس ) ..

ثقتك بسبوت عمياء ولا فتحاء ماتفرق .. اللعبه اخذت تقييم بيرفكت من مليون موقع وموقع واحد اعطاها تقييم سئ صارت ثقتك عمياء فيه .. مع احترامي ولكن حتى التعصب والحقد له حدود ولمن يزيد عن حده يصير عبط 🙂

اتمنى مانشوف رد سخيف ثاني بنفس الموضوع ..

edit : وملاخظه بسيطه بس .. طالما سبوت صار الموقع الرسمي عندك اجل من الحين شباب نعتبر ميتل جير الاولى لعبه متوسطه لانها ماخذه تقييم متوسط هناك ومش من اساطير الالعاب .. الخبر صار رسمي 🙂

اولاً ردي كان "بالتحديد" على اللي قالوا ان جيف عبيط وسبوت ظلم اللعبة ووو .. الخ ..

ثاني شي، اترك عنك الكلام الفاضي كاره وما ادري ايش، لو كاره كان ما شفت اصلا قسم للويي في الموقع، ولو كاره كان ما شفت بعض الالعاب الويي معدية الثمانية ..

بالنسبة للجهاز والتحكم، مو هو الوحيد اللي قاعد "ينتقده" .. كثير مواقع انتقدوه، واشخاص كثار مو مستسغين طريقة التحكم اللي تقعد فيها تنطط وما ادري ايش .. طريقة متعبة، وفكرة يبغى لها اكثر من "ريموت" حتى تركب على كونسول .. فكرة ننتندو للجهاز للالعاب المصغرة فقط، مثلها مثل حال الآركيد لكن على جهاز منزلي .. وانت شايف حالة اغلب العاب الويي من هذي النوعية .. وهدف ننتندو اللي قالته بنفسها هو جذب النون جيمرز والكاجوالز للجهاز، مش للهاردكور جيمرز!! .. واتحداك اي هاردكور جيمر ممكن يترك الاكس360 والبلاي3 اللي هم تقريبا الخيارات الافضل ويروح ياخذ ويفضل الويي عليهم .. وفوق كذا كله تبغى زيلدا نلعبها بهالطريقة وهي لعبة اصلا للهاردكورز؟! .. وفوق كذا ما فيه تقنية!! .. كثير من الهاردكورز بيفضلون بكل تأكيد شراء البلاي3 بسعره الفاحش على الويي بسبب الالعاب الجبارة والتقنية العالية .. بدل "المتعة المؤقتة" .. يعني لا تقنيات، لا العاب للهاردكورز، وللحين ما نعرف مدى جودة التحكم .. ايش تبغى اكثر من كذا !!

وسبب تقييم زيلدا المنخفض واضح مثل الشمس !! .. اول شي التأخير ثم التأخير!! .. يا عالم لعبة كل مالها وتتأجل اكثر واكثر .. الناس ملوا من التأجيل واكيد مروا بتجارب افضل منها وصار فيه خيارات افضل بكثير من لعبة ما يتعدى اساساً موعدها 2004 الى منتصف 2005 او آخره بالكثير، يعني التقييم معذور بقوة مع كثرة التاجيل اللي وصلت لآخر 2006 .. ولو تأخرت بعد ل2007 كان شفنا تقييمات نازلة اكثر واكثر .. وفوق كذا عدم الاستخدام المتقن للويموت "عشان تطبق حركة لينك الشهيرة اللي يدور ما يحتاج تدور وتتعب نفسك، حرك الويموت حركة بسيطة ملتفة وبتشوفها!!" .. انا ابغى شي يحاكي حركتي بالكامل، مو اسختفاف بعقول اللاعبين! .. وفوق هذا، الصوت اللي يطلع من الويموت عبيط ورخيص على قولة جيف .. مو مضبوط وبايخ جداً، حتى لما تكتم صوت التلفزيون، بتتفاجئ من الصوت اللي قاعد يطلع من الويموت .. مش عالي وما يعطيك الصوت اللي تتوقعه ..

وثقتي في سبوت كل يوم تزيد عشانه موقع يعرف كيف يقيم، مو يمشي مع الهايب والاسم ويرضي الفانز وبس .. وابصم لك بالعشرة ان نص الاعضاء هنا يعترفون بسبوت ويعرفون ان تقييماته دوماً الافضل والاكثر انصافاً (ماريو سن شاين كل المواقع بيرفكت، وسبوت 8، والحين الكل يعرف ان مستوى اللعبة ما يتعدى الثمانية وسبوت جاب التقييم صح!) .. مو تعصب ولا خرابيط، بس اعتقد جيف راجع لعبتين من اعظم اصدارات زيلدا اللي هم اوكارينا وويند، وصار خبير بمستواها ويعرف كيف يتعامل معها .. والعيوب اللي طلعها وقلتوا عنها تافهة، بنشوف بعدين اذا كانت فعلا تافهة والا جابها في الصميم!!

بالنسبة لميتل جير .. انا مو "فان اعمى" مثل غيري .. ميتل جير1 اعتقد التقييم اللي حصلت عليه من سبوت منصف .. اللعبة كانت جبارة صحيح، بس مو "أسطورة" .. والوقت اللي ظهرت فيه اعتقد ما كان يؤهلها عشان تظهر بمستوى اسطوري .. انا فان لميتل جير، وفان كبير بعد .. بس الحق حق !! .. ونفس الكلام ينطبق على ميتل جير3 ..

حللللللوة ::
يعني على كلامكم ان سبوت ما يحب التحكم و الوي نفسه هل ممكن نشوف تقييم اعلى ل نسخة الكيوب ?
مع اني مابي اتأمل واجد -_-

اللي يشوفكم يقول سبوت مطلعين عرض قاعدين يكسرون الويي فيه!! .. قلنا لكم فكرة الويي مش ممكن الكل يستسيغها، وما تناسب ابداً الهاردكورز، هي من النوعية اللي تجذب الكاجوالز والنون جيمرز غالباً وما تنفع الا لانواع معينة .. مثل الاي توي حقت البلاي ستيشن2، كانت فكرتها حلوة، بس حدها يوم يومين وتمل .. ما تنفع الا لجذب الكاجوالز .. صحيح الوضع مختلف هنا، حيث هذا جهاز وذيك اضافة جانبية .. بس تظل نفس الفكرة والاسلوب ..

هذا موب مثال على جيمر هذا مثال على (....) لا يملك رأي خاص فيه و لا يتنزل يجرب اللعبة حتى يحكم على مستواها

تبي أقولك ليه الناس كلها منقهرة من تقييم جيم سبوت, الرد بسيط ألق نظرة على هذه الصورة

هههههه .. اذا انا هالـ (....) اجل ايش تسمي الاعضاء اللي هنا اللي حاكمين ان اللعبة جوتي واسطورة وبيرفكت و10/10 ؟! .. ممكن جواب؟!

ثاني شي، لول ممكن تعطيني موقع او مجلة صاحية منهم مثل سبوت ؟! .. ما اعتقد!! ..

الكل هنا يعرف مصداقية سبوت، وتقدر تراجع كثيييير من الردود والمواضيع اللي تثبت هالشي .. لكن لما الموقع ينزل من مكانة لعبتهم المحبوبة (ميتل جير3 سابقاً وزيلدا حالياً) يصير اتفه موقع واغبى موقع في الوجود .. ياللهول .. ign افضل موقع في العالم كله!!

و بالمناسبة ماأعتقد ان هذه أول مرة الناس تعترض على تقييمات جيم سبوت

بالنسبة لي أنا فقط شخصياً :
Majora's Mask 8.3 ,Metal Gear Solid 8.5 و ألعاب أخرى خسف فيها الأرض مع مخالفة صريحة لبقية المواقع و ألعاب رفعها للسماء بدون وجه حق

تعرف ايش هي اساسيات اختيار المحررين في موقع محترم مثل جيم سبوت؟! .. انه يناظر للعبة بنظرة عقلانية ويقيمها على اساس انه يلعب اللعبة لاول مرة حتى لو كانت لعبة من سلسلته المفضلة .. عكسنا احنا، لما تكون جزء لسلسلتي المفضلة، اقول ولا واحد يسبها او يقلل منها لا احوسه واوريه نجوم الليل .. مع اننا عارفين ومقرّين بالعيوب، بس ما نقدر نقلل من لعبتنا المفضلة!

ميتل جير3 قلناها الف مرة ومرة، اللعبة فيها عيوب كثيرة وصلتها لهالتقييم، واكبر دليل على هالكلام، ان نسخة سبستنس اخذت 9 تقريباً من سبوت .. ايش يدل عليه هذا؟! .. على كثرة العيوب اللي تم تعديلها في اللعبة، واي واحد جرب النسختين بيشوف فرق واضح بينهم ..

ماجورا ماسك، كانت حلوة صحيح بس ما قدمت شي جديد غير تطبيق فكرة الاقنعة بس .. كلها كانت عبارة عن استهلاك كامل لاساسيات اوكارينا .. وما اعتقد ماجورا وصلت لمستوى اوكارينا، او على الاقل قدمت اللي قدمته ويند ويكر .. (على فكرة ماجورا من افضل اجزاء زيلدا بالنسبة لي، حبيتها بشكل غير طبيعي ما ادري ليش :cryy: )

وعلى فكرة، انا مريت بنفس المرحلة مع متيل جير3 وحقدت بقوة على سبوت بسبب التقييم، لكن لما انهيتها مرة ثانية وتعمقت فيها اكثر .. حسيت ان التقييم منصف وبقوة!!

وممكن تعدد لي هالالعاب اللي رفعها سبوت للسماء بدون وجه حق على قولتك؟!

في النهاية يظل جيم سبوت مجرد موقع يملك آراءه و أنا كلاعب أملك أراءي الخاصة و ما اتبع اراء فلان ولا فلان يقولي وش بيعجبني ووش موب معجبني

P.S. أنا اشك انك قرأت أو شاهدت مراجعة جيم سبوت للعبة لأنها كانت واضحة و مليئة بالأعذار السخيفة و رجاءاً يكفي لحد هنا اذا تبي تتبع جيم سبوت سو اللي تبي بس رجاءاً لا تجي تخرب الموضوع الرسمي للعبة أنا شخصياً أنتظرا من حوالي 6 سنوات 🙂

ما دامها آراء ليه قلتوا جيف عبيط وغبي وهو اصلا اللي عطى اوكارينا 10!! .. وين راحت الآراء!!

وانا قريت مراجعة سبوت .. وانت حر تعتبر العيوب تافهة او سخيفة، وبنشوف بعد فترة بعد ما نلعب اللعبة ونهيها نشوف مين اللي اعطى التقييم الصح .. الموقع اللي اعطاها 8.8 .. والا كل المواقع اللي جاملت ومشت مع الهايب وعطتها 10!!!!

--

عموماً بنخلي التجربة الحكم، انا راح آخذ الويي مع زيلدا في اقرب فرصة .. ونشوف 🙂

 

[Nintendo]

بالنسبة لميتل جير .. انا مو "فان اعمى" مثل غيري .. ميتل جير1 اعتقد التقييم اللي حصلت عليه من سبوت منصف .. اللعبة كانت جبارة صحيح، بس مو "أسطورة" .. والوقت اللي ظهرت فيه اعتقد ما كان يؤهلها عشان تظهر بمستوى اسطوري .. انا فان لميتل جير، وفان كبير بعد .. بس الحق حق !! .. ونفس الكلام ينطبق على ميتل جير3 ..

والله اخ سوليد سنيك مادري بصراحة انت ايش تبغى اصلا .. خلاص انت بطل وتقييم جيم سبوت صح وباقي التقييمات كلها غلط ..

 

[Aoks]

ما عليك سوليد سنيك ,, هذه الحالات اشوفها كثير 😉

 

[Nintendude]

أجل التأجيل ينقص التقييم؟

 

[Final Fantasy]

Solid Snake كلامك درر 🙂

 

[Solid Snake]

شكرا شكرا .. اخجلتم تواضعي بصراحة

..

ايش هذي المعاملة الاسطورية، روووووووووووعة .. مستحيل احصلها في اي منتدى ثاني الصراحة ..

ما اقول الا الله يخلف بس ..

 

[Nintendo]

مو عاجبك المنتدى اخ سوليد سنيك ... اذا لا قول عادي عشان اخليه مايظهر عندك 🙂

 

[m7tram]

شباب المناقشات وبسبب " تقيم " صارت توصل لهدرجه بالمشاكل وتهديد ؟

هدو النفوس , ترى كلها لعبه لا راحت ولا جت وما تسوي مشاكل بين الاعضاء .

 

[Nintendo]

المشكلة محمود من الناس اللي قاعده ترسل رسايل خاصه عشان تملي عقول البعض .. والمشكله ناس كنت تعتقد انهم ذو عقليه كبيره ولكن للاسف طلعوا مقلب ..

الموضوع كان ماشي باحترام والنقاش حلو .. ولكن للاسف الظاهر فيه شباب المنتدى ماصار يناسبهم كثير ..

 

[Solid Snake]

مو عاجبك المنتدى اخ سوليد سنيك ... اذا لا قول عادي عشان اخليه مايظهر عندك 🙂

اذا الامور وصلت لهالحد .. اطلع بكرامتي افضل لي

..

مصيبة اذا الواحد قعد يعبر عن رأيه لازم يتعامل بهالطريقة ..

 

[Mr.3B]

...

بالنسبة للجهاز والتحكم، مو هو الوحيد اللي قاعد "ينتقده" .. كثير مواقع انتقدوه، واشخاص كثار مو مستسغين طريقة التحكم اللي تقعد فيها تنطط وما ادري ايش .. طريقة متعبة

You say here that it's tiring

وفوق كذا عدم الاستخدام المتقن للويموت "عشان تطبق حركة لينك الشهيرة اللي يدور ما يحتاج تدور وتتعب نفسك، حرك الويموت حركة بسيطة ملتفة وبتشوفها!!" .. انا ابغى شي يحاكي حركتي بالكامل، مو اسختفاف بعقول اللاعبين!

Then here you say you want to do acrobatic skills like spining around all game long .. And you don't find that tiring .. Just lol

تعرف ايش هي اساسيات اختيار المحررين في موقع محترم مثل جيم سبوت؟! .. انه يناظر للعبة بنظرة عقلانية ويقيمها على اساس انه يلعب اللعبة لاول مرة حتى لو كانت لعبة من سلسلته المفضلة

Are you by any means a staff member there ?? I thought you worked there for a sec .. Seems like you even know how they even pick there editors
Then the most funny part comes .. Are you telling me that they play games like that it is there first time playing this franchise ?! Because that's TOTALLY not TRUE .. In every review you see the editore comparing the game with it's previouse series .. And that affects a lot in the rating .. So he abviouslly puts in mind that it's not the first game in the franchise

Solid Snake كلامك ذرر 🙂

And one more thing it's "dorar" not "thorar"

 

[Final Fantasy]

المشكلة محمود من الناس اللي قاعده ترسل رسايل خاصه عشان تملي عقول البعض ..

أهلين أخوي كيف الحال ؟

حبيت بس أرسل لك تحية معبره عن احترامي و تقديري لك على ردك في موضوع زيلدا الي كان أشجع رد قريته في TG من فترة جدا طويلة .

كلامك منطقي جدا و الي راح يماطل معاه فهو راح يماطل مع نفسه .

لا أقصد بكلامي عن كلامك عن زيلدا فقط ... بل محتوى ردك بالكامل و الفكرة التي احتوته

الحين صارت رسايلي تملئ عقول البعض ؟

و بعدين لاحظ أني أبديت اعجابي برده على الفكرة الي احتوته لأنه كان شجاع لما كتب الرد حتى مع نفسه و هو Big Fan حق ميتل جير و أنا صراحة ما أتذكر أني مرة شفت أحد كان بهالصراحة أمام الكل و مع نفسه .. مو عن زيلدا و الويي بس علشان أدري فيه ناس ماخذه فكرة أني متعصب شديد 🙂

و بعدين مو الرسائل الخاصه المفروض تظل خاصه !!

And one more thing it's "dorar" not "thorar"

شكرا على حرصك .. و لكني أخطأت في الحرف و عدلته من قبل لا تقول 🙂

 

[Nintendo]

الواحد يعبر عن رايه وله الحريه بالتعبير عن الرأي .. ولكن يوم يكون الواحد ( حاقد ) وداخل الموضوع للاستعباط بس فصدقني وجوده وكلامه زي عدمه ..

انت لاتحسب نفسك قاعد تناقش لاننا ردينا على كل كلامك المنطقي .. باقي كلامك كله مايصدر غير من واحد ( حاقد ) .. يعني بالعقل واحد ترك مواقع الدنيا كلها واخذ باقل تقييم وش تسميه ذا .. حاقد او ... كلمة ثانيه ماودي احطها بالمنتدى ...

وجهة نظرك وسمعناها وخلصنا .. ودك تكمل بموضوع لفانز لعبه معينه وانت ماعندك غير كلام كثير لايقدم ولاياخر هاذي مشكلتك ..

 

[Mada Mada Dane]

زيلدا لعبة رائعة نعم ..

بعد تجربني نص ساعة من اللعبة -_-", صحيح بدري احكم ..

لكن افضل زيلدا بالتاريخ؟ جوابي " لا " .. ممكن اغير رايي بعدين -_-

تصبحون على خير و كل واحد يصلح سيارته

 

[kInGsIzE]

اخوي سوليد سنيك و عمر خلاص شباب .. طيب خلوا للعبه تنزل ونجربها اول 🙁

 

[Nintendo]

ومين قالك محمود اني اقدر اقرا رسايل الاعضاء الخاصه اصلا !!

ولكن بمجرد التصفح لمعرفة who's online اقدر اعرف كل عضو وش قاعد يسوي مثلي مثل غيري فلمن تشوف اثنين بموضوع واحد يتراسلون شئ طبيعي انهم يهنؤن بعض لول .. وفعلا كلامي طلع صحيح جدا وجزاك الله خير انك حطيت الرساله لاثبات كلامي ..

 

[Final Fantasy]

أنا ما حطيت الرسالة الا علشان أوري الجميع أني مو مرتكب شي غلط علشان أخشه عنهم أو قاعد أسوي عمايل سرية من وراهم .

 

[m7tram]

اطالب بحذف الردود الي فيها مشاكل -_- , الله يهديكم

 

[Humam]

في ناس مكبرة الموضوع زيادة.. أعتقد خالد قد قال من أول إن سالفة تقييم جيم سبوت انتهت وتم إغلاق الموضوع للأبد.. ليش نرجع الآن ونعيده ثاني لا وفي موضوع رسمي يعني المفروض يكون النقاش منصب على جوهر اللعبة فقط.

المشكلة الموضوع اتسع بشكل أكبر لناحية فلسفية, لو شفنا ألعاب مثل ميتل جير - رزدنت إيفل - فاينل فانتسي وغيرها من الألعاب الكبيرة تاخذ تقييم مشابه كان حصلت ضجة مثل هذي إن لم تكن أكبر, ليش البعض ماخذ الموضوع وكأنه شي جديد, فانز زيلدا من حقهم وغصبا عن الجميع إنهم يعبروا عن سخطهم للتقييم, الألعاب الأسطورية لها مكانتها والي ما قد عاش هذه التجربة ما أعتقد إنه أهل للنقاش في مثل هذي المواضيع..

يعني معليش نضحك على بعض, ألعاب ثانية- ما يحتاج نسميها- في قمة السخافة,البعض هنا طاير بها وحاطها ضمن نطاق الألعاب الأسطورية ( مع الأسف كلمة أسطوري صارت مستهلكة بشكل بشع ) ولو جينا نطالع في تقاييمها اللهم لا شماتة, والغريب إنهم جايين في موضوع زيلدا مستغربين ليش ماخذة تقييم 8.8 وكأن الموضوع ضمن نطاق أهميتهم !! مرة سبحان الله من محبي زيلدا و عشاقها الأوفياء.. لو تحطه جمب ايجي انوما يعرف عن اللعبة أكثر منه..

إلي يعتبر نفسه مو " فان أعمى " يا ريت يكون ذا الشي منهاج شامل في كل أمور حياته ومو االقشور فقط , مثال على ذا الشي, ليش نثق في جيم سبوت " ثقة عمياء " و كأنه قرءان منزل و نلغي احتمالية إنه نقص من حق زيلدا مثل ما نقص من حق ألعاب كثيرة مافي داعي نذكرها ؟

لذلك أتمنى الموضوع ينتهي عند هذا الحد لأنه المساحة الي أفردناها أعتقد كانت واسعة جدا ومافي داعي نرجع لنفس الموال.

 

[Nintendo]

حكيم ياهمام حكيم 🙂

ان شاء الله الشباب اللي حصلوا اللعبه مايقصروا ونشوف انبطاعات حلوه منهم 🙂

 

[Nintendude]

زيلدا لعبة رائعة نعم ..

بعد تجربني نص ساعة من اللعبة -_-", صحيح بدري احكم ..

لكن افضل زيلدا بالتاريخ؟ جوابي " لا " .. ممكن اغير رايي بعدين -_-

تصبحون على خير و كل واحد يصلح سيارته

كيف تناااااام ههههههههه لا من جد كيف تنام وانت ما لعبت الا نص ساعة انا ما اقدر خخخ.