خلصت القصة من كم يوم، باختصر واحط الانطباع اللي كتبته بموضوع 8 لأنه أغلبه لسه ينطبق على التجربة ككل:
طالما نوعا ما الحديث انتقل ل6، ما يمنع اتكلم شوي عنها لأنه يصدف اني العبها من فترة، باقي شابتر وأخلص تقريبا، ما وصلت للنهاية بالضبط ويمكن انطباعي عن النهاية يكون مختلف ، بس بشكل عام اللعبة فاقت توقعاتي صراحة، هو يمكن لأنه كان عندي تصورات معينة عنها، كثير منها ما طلعت بالشكل اللي متوقعه، هي قد تكون "صحيحة" لو تنظر للصورة الكاملة، بس ما تعني ذاك الشيء الكبير لما تلعب اللعبة
أحد الأشياء المميزة بهذا الجزء، انه لأول مرة من 1 و 2 ، الجزء السادس يكمل مباااااشرة على نهاية الجزء الخامس، بالعادة اغلب الاجزاء تبدأ سالفتها بشكل جديد منفصل عن اللي قبله -ما عدا 2 كمل مباشرة من تبعات نهاية الجزء الأول وكله كان مبني عليه-، بس هنا لا، نهاية 5 تركت أثر قوي جدا وكان له تبعات قوية على كل أحداث الجزء السادس، لو ما صار اللي بنهاية الخامس ما كانت بتحصل أي حدث من السادس اصلا.
وهذا الحلو لأنه في حاجة معينة اتقدمت بنهاية 5 على انها مشهد جميل مؤثر، بس اه طلع كان مجرد أماني واحلام وردية والعواقب وراها وخيمة اتحملها الكل هنا، وبشكل عام في جرأة كثير بتقديم كثير مواضيع
برضو نجي لمنطقة هيروشيما وبدايات اللعبة عموما، الهدوء والروقان ذكروني بالأشياء اللي أحبها من الجزء الثالث وما اتوقعت ترجع بالسلسلة اصلا، ذاك الجزء من بدايته كان هادئ ورايق وله أجواءه المميزة الدافئة في أوكيناوا، هذي ثاني مرة جزء يرجع لتلك الاجواء وحتى سوالف الميتم حضرت بشكل أقوى هنا واللي هو شيء أحبه
أيضا، في شيء معين، هو لأنه أول لعبة بالمحرك الجديد فبطبيعة الحال صار في تقليل من الscope العام، بس بالمقابل هذا أدى لأفضل بيسنج من 4، ولكونه أول جزء من 3 يركز على كيريو فقط، أدت لنتيجة جميلة: البيسنج بشابترات معينة كان متسارع جدا، يمكن زي 6 شابترات ورا بعض كانوا سريعين بدون توقف بشكل استغربته، ما لحقت حتى اتنفس واسوي شوي Substories بينهم
فقط الآن بالشابتر اللي اعتقد انه قبل الأخير أخيرا حصلت فرصة ولعبت شوي Virtua Fighter 5 وطبعا سبستوريز
مما يقودنا لشيء ثاني: السبستوريز بهالجزء -كل اللي صادفته لحد الآن عالاقل- له وزن أكبر وحاجة مختلفة أكثر، هي كلها لها تمثيل صوتي بالكامل، حتى اخراجها صار احسن من زمان، وهي اطول حبتين من زمان برضو، واللي لاحظته انه كثير منها مرتبطة بالقصة برضو والأثر اللي صار من الجزء الخامس وغيره
طبعا سوالف انه سبستوريز تربط بالاجزاء الماضية هو شيء موجود من زمان، هنا تشوف سبستوريز تكمل مباشرة لسبستوريز معروفة ومشهورة من زيرو وهذا اكثر شيء الناس نبهت عليه، لكن برضو اتفاجأ وانا اتمشى بالشارع بحدث معين يحصل كأنه شيء رئيسي وهو يكمل على سالفة معينة بالقصة، بس طلع سبستوري ثاني! وله سيكولز كمان، ايش سالفته؟ طلع يجاوب على حاجة كانت في بالي بالفعل ويكمل على حاجة رئيسية بالقصة من الجزء الأول والثالث!
وعلى كثر سوالف انها اول لعبة للمحرك وناقصة، بس اللعبة بواقع الأمر تقدمية كثير، وما اتكلم عن جرافكس، بس طريقة تصميم المهام برضو، مثلا من اول السبستوريز اللي مريت عليها كان يتطلب اني اشتري حاجة غالية من الـpawn shop ، انا رحت له وكنت مطفر وناقصني كثير لاني دخلت السبستوري ذا من بداية اللعبة، المهم طلعت وقلت اضارب شوي ناس، لسه ما جبت الفلوس المطلوبة بس قلت خلني ازور المحل مرة ثانية، اتفاجأ انه....الشيء اللي كنت ابغى اشتريه انباع بالفعل! واضطريت اطلع من المحل واشوف مين اللي اشتراه
صاحبي اللي يصدف انه يلعب اللعبة بنفس الوقت معاي، راح لهنا واشتراه مباشرة وكمل السبستوري عادي وطلعت معاه سالفة مختلفة كثير
شيء مضحك انه ببداية اللعبة وبنصفه الاول تحديدا قلت "شكله مافي معارك طويلة يمكن لأنه اول لعبة بالمحرك، شيء محزن" ، فجأة من شابتر 5 وطالع تقريبا كل شابتر فيه معركة طويلة مختلفة ومتنوعين كثير بشكل غير مسبوق، شوي سوالف سينمائية اكثر وتنويع بالليفل ديزاين فيهم
في اشياء ناقصة طبعا، كاموروتشو ناقصة -ولو انه اتوسعت اكثر وتقدر تدخل مباني اكثر حتى بطوابقها المختلفة وحاجة جانبية مرة- ، الفريمات والسكرين تيرينج يبكّوا عالكونسول، في غياب غريب لبعض الشخصيات، بعضها متفهم، بس سالفة انه تبدأ اللعبة وانت تبغى تبحث عن معلومة محد يعرفها بكاموروتشو، وما تفكر تروح للFlorist اللي عنده كل أخبار كاموروتشو بيده وكان يساعدك بكل جزء بدون استثناء من الجزء الأول ، ذي حاجة غير مفهومة أبدا هنا، يبدو ما بنحصل Majima Boss fight كالمعتاد وما نحصل ريمكس جديد لثيمه، حاجة أساسية يعني، برضو مش شايف كوماكي بأي مكان
بالنسبة لرأيي بالنهاية، ينقسم لقسمين:
النهاية رائعة ومحبطة بنفس الوقت، وحاجة غريبة أيضا حصل فيها.
أول شيء، كل جزء بطبيعة الحال عنده نقطة لا عودة، هنا وقتها تدخل المهمة الأخيرة وتدخل بقتال طويل رهيب قوي كالمعتاد، انت متحمس، تتسلق المبنى الضخم، تقاتل الفاينال البوس الرائع مع الموسيقى الخرافية والقتال الذروة والكلايمكس حق كل اللعبة، حصل هنا، انبسطت
بس لحظة....خلصت المهمة، رجعت لكاموروتشو، اقدر اتجول! طيب ايش صار؟ آه طلع ما كانت مهمة أخيرة حقيقية على الرغم من كل ذا، تحذير نقطة اللاعودة كان كاذب، في مهمة ثانية أخيرة برضو، وبرضو فيها تحذير نقطة اللارجوع
طيب يلا كلايمكس ثاني رهيب، صح؟ لا، كان محبط كثير، مافي قتال طويل، قتال الفاينال بوس نفسه كان مخيب بشكل غريب عجيب هذا وهم كانوا بانينه من البداية، بس لا قتال ولا سينماتكس ولا اوست خرافي فيه -مش سيء بس اضعف لحن فاينال بوس مرتاح-، طيب ليش اضفتوا هالشيء هنا؟ كان كأنه حاجة انضافت زيادة على اللعبة بآخر التطوير، المشكلة انه برضو كان في بوتينشل قتال طويل رائع آخر ،
كان ممكن يكون على ظهر سفينة ياماتو 2، تدخل تقتحمها وتوصل لقمتها ومع المدافع حقتها، كان في بوتينشل وضيعوه
المهم بالنسبة للنهاية الفعلية من ناحية قصصية، عجبتني كثير، طريقة تقديمها ، كيف انها كانت بين اثنين credits وكان مشهد كبير مطول على عكس أغلب مشاهد النهايات بباقي السلسلة
كنت اشوف ناس كثير تعترض على رجوع كيريو لاحقا بعد هالنهاية، أنا أشوف العكس، النهاية هذي ما تنفي ولا تمنع رجوع الشخصية مستقبلا أبدا، ما تنفي قوتها ولا تقلل منها، وصنعت status que جديد مميز للشخصية، بالشكل اللي حتى لو صار في اي رجوع فعلي عن اللي صار هنا، بس خلاص صار تبعات هالشيء واضحة ومؤثرة وما تقدر تتراجع عنها
بس هل اقوى نهاية للشخصية ككل؟ لو كانت كذا كنت بازعل بس مش عشان النهاية نفسها، لكن عشان قصة اللعبة ككل، هو عالاقل المقربين زي ماكوتو داتي وأكياما وأولاد الميتم وطبعا هاروكا كانوا موجودين بدور محوري باللعبة، الباقين اما دورهم بسيط جدا او غائبين تماما، طبعا هذي مشكلة انا اعرف انها اتصلحت لاحقا فيعني من الممتاز انه ما لعبت هاللعبة بوقتها
فبالمختصر حبيت النهاية كنهاية، ما حبيت انه اللعبة ككل تعتبر كنهاية عشان ناقصها ارث كثير من السلسلة عشان تنفع كتقفيلة لقصة الشخصية وعلاقاته، انه اللعبة اللي كانت المفروض تكون آخر شيء له هي اللعبة الوحيدة اللي تتجاهل اساسيات من السلسلة كان شيء بيزعل.
---------------------
أشياء زيادة ناقصة باللعبة واتفهم انه عشان اول لعبة بالمحرك بس يخليني استغرب لسه: وين الأرينا؟ انا مش مفوتها صح؟ وين الUltimate challenges؟ وين الاسلحة ووين تدريبات الكومبات لفتح حركات جديدة؟ صح اول نسخة من المحرك لكن يظل تعبوا من الاساس لأنهم ابتكروا moveset جديدة اصلا، وكثير اشياء جديدة من الصفر باللعبة فمش انهم ما كانوا يقدروا، لكن حطوا اولوياتهم باماكن ثانية، بالمقابل نظام تطوير الحركات موزون وسريع ومن الافضل مقارنة بازعاج الفلوس بالجزء اللي قبل، ويحفزك تسوي نشاطات جانبية اكثر اللي هو شيء الريدي بسويه.
القتالات مفتوحة ومش محصورة بمنطقة معينة، تقدر تلف المدينة كلها بوسط القتال لو حابب، حاجات مثل انك تكون بسطح مبنى وتضارب، تطيح للشارع، الاعداء يطيحوا معك ويكملوا القتال، حاجات جديدة ما تشوفها بالاجزاء السابقة
انا معتاد بأي جزء من الأجزاء انه التحدي القوي والكبير تحدي Amon يفتح فقط بعد ما اخلص كل السبستوريز، هنا اتفاجأت انه فتح بدري....كل اللي عليك انه تخلص اثنين سبستوريز معينين، فقط! حاجة غريبة جديدة ، ما امانعها بس ما فهمت سببها، بجميع الأحوال الدرونز حقته مسحت فيني البلاط اول ما تنفجر فقررت اخليها لاحقا انيواي وأنا مطور كيريو أكثر.
الClan Creator مينيجيم ممتاز بالحقيقة ومن النشاطات الجانبية المفضلة عندي، كونهم جايبين مصارعين اليابان من NJPW مسوي جو، الحلو انه القصة حقته تتخلص سريع
طبعا لأنها ياكوزا فمليانة مينيجيمز بعضها اكتشفها بعد ما اخلص القصة بفترة طويلة واتفاجا انها موجودة، الصيد تحت البحر، او النشاط الجانبي الكبير حق الBar ومحادثاته مع الجماعة في اونوميتشي اللي اشوفه افضل تطبيق لنظام محادثات جانبي بالسلسلة بدل كرينج النوادي والكاباريه، لا هنا طبيعي مع عدة شخصيات تاخذ وتعطي وتحس انك ببار فعلي
باقي شوي واخلص السبستوريز، كلها 51 سبستوري والأقل عدد بالسلسلة بس بالمقابل كلها بتمثيل صوتي كامل وإحساسها يختلف تماما عن السابق، السبستوريز الدرامية صار وقعها أكبر وتاثيرها اقوى خصوصا انه حتى الاخراج مختلف، طبعا هو آخر جزء -للحين- بهالطريقة بالتمثيل الصوتي الكامل لكل شيء، حاجة طبعا مكلفة، بس يضيف رونق لهالجزء
Ono Michi الأفضل.
