Xpango , حقيقة أم خيال ؟!

[SALAH]

السلام عليكم ورحمة الله وبركاته ..


امم كعادتي بحب ادخل بالموضوع مبااشرة بدون لف و دوران ومقدمات ..
وايضا كالعادة بفتح معكم موضوع شخصي لأني بالفعل أثق برأيكم 🙂

صار لي مدة بفكر بطريقة أقدر من خلالها ازيد دخلي المادي , نظرا لراتبي المتواضع نوعا ما ..فكرت بالدخول لمشروع لكن محتاج رأس مال وفضاوة مخ و خبرة و حركتات ...الخ , وفكرت بالعمل part time في مكان ثاني لكن مافي أمل ( بطلع الدوام 7 الصبح وبرجع 6 الليل ) يعني برجع زومبي !

وصلت لفكرة غريبة لما اتذكرت موقع معروف اسمه Xpango.com , الموقع يشبه الكثير من مواقع الربح اللي ترسل لك جهاز الكترروني مقابل انك تشترك بعدد من الـOffers لكن الغريب اني بحثت عن مصداقيته في الانترنت ولاحظت انه الكل بيتحدث انه صادق وانه بالفعل يرسل هدايا ..آي فون , بلاي ستيشن , اكس بوكس , آي بود.........

ماودي أعمل مثل البزران بالمواقع العربية وأقعد اسوي دعاية عنه واقول الطرريقة مضمووووونة سجلوا عن طريقي و الربح مضموووووون ...الخ ..

السؤال ببساطة , هل أي واحد فيكم عنده فكرة عن هالمواقع - او هذا الموقع بالذات - وهل فيه جدوى من الاشتراك فعلا فيه ؟
هل واحد منكم شاف بأم و أبو عيونه واحد ربح من هالمواقع ؟
هل بالفعل أقدر اربح عن طريقه و أبيع الهدايا بعدين ؟

محتوى مخفي

وبالمرة سؤال ثاني ..احد عنده طريقة اخرى اقدر ازيد دخلي ؟ :whistle:

 

[Mista Koo]

ما أعرف هذا الموقع بالذات لكن إنتبه.. للأسف إيميل قديم لي راح بسبب غبائي وإشتراكي قبل كم سنة بكم واحد فيهم وخذ لك يوميا سبام على كيف كيفك :crying:

شفت واحد في إحتمال إنه يكون حقيقي.. يعتمد على نظام بوينتس وكل ما تجمع بوينتس أكثر تقدر تاخذ جوائز أكثر
لكن كيف تحصل بوينتس؟ تسجل بمواقع دعايات وتخلي أصحابك يسجلون بنفس الموقع وكل ما تسجل أكثر تاخذ بوينتس أكثر (طبعا لازم تسوي لك إيميل جديد وتحصن جهازك بفايروول وأنتي فايروس ممتازين)

محتوى مخفي

وبالمرة سؤال ثاني ..احد عنده طريقة اخرى اقدر ازيد دخلي ؟ :whistle:

أو الحل الحقيقي إنك تجتهد وتكمل دراستك تاخذ دورات وغيره.. وتروح تدور شغل برة (لأن هنا 1-ما يعطون الإنسان حقه 2-ما يحترمون الأجانب)

 

[hamad 11]

^

ما اضيف على ميستا.. بس على فكرة بالنسبة للإحترام.. لو كان هندي او باكستاني... الخ, اتفق معاك فيها

لكن كل الجنسيات العربية الحمدلله الإحترام موجودة لها.


وصلاح إذا نويت تشترك بالموقع سويه على أيميل جديد.. ترا يخربون لك ايميلك

 

[Humam]

عندي لك كلمتين باختصار هي حكمة و سنة وضعها رب العالمين في هذي الحياة.. السماء لا تمطر ذهبا, محد يجلس في بيته وجالس رجل على رجل و ينتظر الفلوس تجيه بضغطة زر, مستحيل تماما يصير هذا الشي, ما في شي يجي بالساهل في هذي الحياة, بالذات مسألة الفلوس و الرزق.

تبغى تزيد رزقك يا أبو الشباب, عليك بكثرة الاستغفار + التوكل على الله حق التوكل + العمل بالأسباب سواء بالاجتهاد في العمل, مواصلة الدراسة أو الحصول على دورات تدريبية.. أما الحركات النص كم هذي صدقني كلها هبل x هبل.

 

[Isaac]

تبغى تزيد رزقك يا أبو الشباب, عليك بكثرة الاستغفار + التوكل على الله حق التوكل + العمل بالأسباب سواء بالاجتهاد في العمل, مواصلة الدراسة أو الحصول على دورات تدريبية..

ما أزيد على كلام همام شي ...

والله يوفقنا وإياك ويكتب لنا اللي فيه الخير.

 

[G7Ga7]

^ همام .. كل يوم تكبر في عيني أكثر وأكثر 🙂
أحسنت القول يا صاح ..

 

[SALAH]

تسلموا جميعا ما قصرتوا ..

موضوع اني اجتهد و أطور نفسي هذا ماعليه كلام أكيد , وهذا اللي أعمل عليه طول الوقت..لكن اللي اتكلم عنه هو مصدر آخر للرزق غير الوظيفة , لان اللي يعتمد على راتب الوظيفة فقط رح يجلس يبيع خضار بالنهاية ..

تسجل بمواقع دعايات وتخلي أصحابك يسجلون بنفس الموقع وكل ما تسجل أكثر تاخذ بوينتس أكثر

بصراحة خلها بعيدة سالفة اني اجيب ناس تسجل عن طريقي ..أحس مابكون عندي سالفة ( لول ) + دخلها قليل جدا ومحدود :yuck::

تبغى تزيد رزقك يا أبو الشباب, عليك بكثرة الاستغفار + التوكل على الله حق التوكل + العمل بالأسباب سواء بالاجتهاد في العمل, مواصلة الدراسة أو الحصول على دورات تدريبية.. أما الحركات النص كم هذي صدقني كلها هبل x هبل.

كلامك صحيح وعلى العين والراس ..لكن مثل ما ذكرت انا احاول من الآن اني اشوف مصدر للدخل الى جانب الوظيفة , مابدي يكون اعتمادي كلي على الراتب والا باكل تبن بعدين , افرض لاسمح الله اتفنشت او صار ما صار ؟
طبعا الارزاق على الله لكن المنطق يقول اعقل وتوكل ..
وبالنسبة لحركات النص كم فهي بالفعل كما وصفتها بس اعتقد فيه استثناءات من هالقاعدة , لكن لو عندك حل بديل او فكره جديدة لا تبخل علينا ..

لول ادري سالفة غريبة للنقاش بالمنتدى ..لكن من يدري ؟ على الله نلاقي حل !

 

[Mista Koo]

بس على فكرة بالنسبة للإحترام.. لو كان هندي او باكستاني... الخ, اتفق معاك فيها

لكن كل الجنسيات العربية الحمدلله الإحترام موجودة لها.

ما عرفت أختار اللفظ لكن قصدي إنه في الغالب ما يعطون مناصب/أعمال للوافدين زي المواطنين حتى لو كانت شهاداتهم أو خبراتهم أفضل

 

[Humam]

لان اللي يعتمد على راتب الوظيفة فقط رح يجلس يبيع خضار بالنهاية ..

لول صلاح ايش به بيع الخضار.. مهنة شريفة ووسيلة مضمونة للرزق بغض النظر عن مداخيلها.. لا تنسى إنه كثيرين يمتهنوها, و مش علشان احنا ناس متعلمين و ننشد الأفضل نقلل من قيمتها, كل ميسر لما خلق له و هذي حكمة ربنا.

ما أدري من فين جبت هذي المقولة ( الي يعتمد على راتب الوظيفة .. الخ ).. لأن دراسة السنوات الطويلة مش فقط لتوسيع المدارك أو الواجهة الاجتماعية أو لتحقيق الذات, بل في النهاية الغاية الأساسية هي الحصول على وظيفة جيدة براتب جيد يضمن لك حياة كريمة.

أنا أتفق معاك ان لو قلت إن الوظيفة ما تخلي الإنسان من الأغنياء أصحاب الملايين, هذا كلام صحيح, أصحاب الملايين غالبهم ممن امتهنوا التجارة من صغرهم أو ممن استقلوا بنفسهم و فتحوا شركات من تأسيسهم في اي تخصص كان.. بس في النهاية كل شيء يبدأ صغير بعدين يكبر..

الخلاصة اذا تبغى زيادة في الدخل أعتقد الوسيلة الأنسب هو البحث عن وظيفة ثانية في وقت ثاني غير وظيفتك الأولى.. والله يوفقك.

 

[BioMario]

صلاح مثل ما قال همام .ز
بس أولاً انصحك نصيحة تكمل دراستك و توصل لمراتب عالية من العلم وصدقني ماحد بيردك إذا شهادتك قوية
ترى الراتب مافي احسن منه لأنه شهري و مضمون إن شاء الله .. وإذا انك موب مرتاح في شغلك الحالي وعندك شهادة عالية
أنا شوف انك تدور لك وضيفة في مكان ثاني بس لا تطلع منه لين ما تضمن لك وظيفة جديدة ..
والله يوفقك و ييسر أمورك صلاح ولكل المسلمين

 

[Naif]

اذا عندك فكرة مشروع.. روح لـ

http://www.sme.ae/
اقرأ عن قصص النجاح في الموقع.. ممكن تلهمك.
و استعد لمواجة الناس اللي يحبطونك دايما مهما كانت فكرتك (including نفسك يوم تعيد التفكير بفكرتك للمرة التريليون..) لا تسمع لهم..

 

[persona]

ذكرتوني ببيزناس ..لول..
المواقع هذي هدفها تجميع أكبر قاعدة أيميلات وبيعها للشركات اللي تحتاج إعلانات سواء كانت محلية-إقليمية أو عالمية وعشان يطلعون قاعدة كبيرة يبيلهم جذبه قويه عشان الناس تسجل وتشارك بوقت قياسي .
وعشان يقنعونك انه فيه ناس تسجل وتسوي انفايت فتشوف مورينك بموقعهم اسماء عضويات وعندها 600 أو 700 دولار وهذا يبعث الامل للمسجلين انهم يوصلون للمبلغ هذا ولكن بالواقع هذي العضويات أصلا عضويات اللي مسوين الموقع وحاطين رقم من عندهم عشان يحفزون الناس انهم يشاركون ويسوون انفايتات
ولكن بالواقع لو فكرت فيها ..اذا شديت حيلك فيه ماراح تطلع حتى 50 دولار أو حتى 100 دولار ..وهم جم يطلعون من ورى سالفه بيع بيانات الاشخاص المسجلين عندهم؟ الآف الدولارت من شركة؟ فمبالك لو شركات؟

والسماء لا تمطر ذهباً مثل ماقالوا الأخوان ..

 

[SALAH]

يعطيكم العافية جميعا لنصيحتكم و آرائكم , ماقصرتوا معي بأمانة 🙂

أنا اللي حفزني إني قرأت عدة قصص لأناس بدأوا حياتهم بفقر وانتهى بهم المطاف من الأغنياء بأفكار بسيطة , على سبيل المثال لا الحصر , قصة رجل من أمريكا كان محتاج فلوس بشدة وجرب جميع الطرق و الوظائف وماقدر يستقر على شي ..بالنهاية وصل لفكرة فتح موقع على الانترنت اسمه send me one dollar .com ( أرسل لي دولار ) او ماشابه , انتشرت قصة الرجل و موقعه وبدأ الناس بأمريكا والعالم يرسلوا له بالفعل دولار واحد ..دولار من كل شخص , بالنهاية كون ثروة ( فوق 300 ألف دولار !! ) ..و اعتقد الموقع مازال شغال لكن شعبيته انتهت ..
لول طبعا هذه تعتبر شحاااادة انترنتية , لكن اللي اتكلم عنه هو الأفكار و قدرة العقل البشري على ايجاد الحل المناسب للمشكلة 🙂

على كل حال الحمدلله فيه وظيفة ثانية تلوح بالأفق ممكن اشتغلها , خلني ساكت ( و استعينوا على قضاء حوائجكم بالكتمان 🙂 ) ..عسى الله يوفقنا ويوفقكم ..

بس في النهاية كل شيء يبدأ صغير بعدين يكبر..

والله Nuf said' , يمكن انا شوي أحاول أطلع السلم كله بقفزة وحدة , هالشي غلط ..


شكرا جميعا وماقصرتوا :nerd:

 

[itachi]

والله كانت في بالي شغله جانبيه أعملها هاليومين ...وهي إنك تصير مصور
يمكن تقول كثير فيه مصورين ..لكن الفكره إنه قليل منهم يصور حق أعراس ومناسبات خاصه
صحيح يمكن هذي السالفه تاخذ وقتك ويومك كله لكن تخيل كلها يوم واحد وتستلم 500 ريال

كل اللي تحتاج له ...كامير تصوير أحترافيه ...وتكون عندك خبره عمليه في التصوير أو تاخذ لك دورات

 

[Zero]

الحركة فيها بركة يا صلاح ، وأغنى أغنياء العالم كثير منهم بدأ مشواره فقير أو بشيء بسيط أو ما أحد كان ملتفت له حتى .
الأمر محتاج شطارة وتفكير تجاري ، وأحيانا تسوي مشروع ما كنت متوقع منه شي ولا مفكر فيه بس ربك يرزقك وأنت ما تدري ، فواصل مشوارك وشغل مخك وتوكل على الله وإبدأ .

الله يوفقك ويوفقنا ويرزقنا جميعا 🙂 .

 

[Mista Koo]

صحيح تذكرت في واحد كان معانا في المدرسة يغني في حفلات لول.. كان ياخذ 30,000 عالحفلة (وصوته كان سوبر سيء >.>)
بس طبعا أنا ما رح أتكلم عن مدى جواز هذا الشي من الناحية الدينية :whistle: