Nyx اسمح لي بس ردك الاخير في تناقضات
إذا مشينا على نفس المنطق فإيش دخل إن الهاردسك داخل الجهاز أو لا....
كيف ما اله دخل اذا كنت ماراح اشيل هم شيل وركب وماراح اشيل هم افراد مساحة*ولو كانت طول اصبع*على رف الطاولة ولا راح اشيل هم مسالت وقوع الاكستيرنل من فوق الطاولة واذا كنت محظوظ بيشتغل او كالعادة طيحته والعافية وماراح اشيل هم خراب كيبل التوصيل*ولو كان قيمته فلس* و الخ الخ الخ.انا بمقدوري اخلي لك اسباب واصفها من اول رد لي واخليها كميزات لكن المسالة مو مستاهلة لهذ اختصرتها بـ*اكثر عملية واريحية*ولا لو اجت على مسالت الميزات بكل بساطة تقدر تشوف التفوق لاي خيار بالعين المجردة فقط حتى لو كنت تبحث عن نقطة السرعة فالحل موجود والهارد فبطن الجهاز
كيف شدخلها وهي تعتبر ميزه للحل إلي تستخدمه مايكرو في مسئله تخزين الملفات؟
وش دخل مصطلح*ميزة* وربطه مع*الحل*اللي اوجدته مايكرو في مايخص مسألت لستوريج بالجهاز؟
الحلول *شي اساسي* مالها دخل بشي اسمه ميزة*شي ثانوي*.لو تروح تلف*كل النت وتحفر في الفيد باك المتعلق بهذي النقطة ماراح تلاقي*اي* اولوية تتضمنها هالفيد باكس متعلق بسرعة النقل من عدمه.لما تجي تتكلم مع اي شخص بخصوص مسالت لستوريج في الكونسلز ووش المطلوب من ورا تبديل الهارد ديسك فالجواب وبشكل*تلقائي*بيكون*المساحة* اولا واخيرا لا سرعة نقل ولا غيره تعتبر اولوية عند اي كونسل جيمرز خصوصا في جيل الاحجام المهولة لكل شي.فالجواب مثل ردي السابق وش دخل مسالت السرعة في موضوعنا هذ
وبرضه مهما حاولت ليل نهار تبين قد إيش حل الإكس سيئ وغير عملي ما تقدر تلغي مميزاته وأفضلياته عن حل سوني مثل:
1. الUSB3 أسرع زي ماذكرت = لودينج أقل بالألعاب + تنصيب أسرع.
اولا انا ماقلت*سيئ* قلت غير عملي واظن فيه فرق بين الكلمتين.لما يكون الشخص ما جرب حلول ثانية اكثر مرونة وانسيابية واكثر عملية بكل تاكيد خيار االاكستيرنل بيكون شي عملي مريح له.اما اللي جرب حلول ثانية وعارف كل شي متعلق بكلا الخيارين فالامر بيختلف بالنسبة له*كلامي عام وما اقصد احد*عشان ما تقول الكلام موجه الك
وانا ما يحتاج احاول ليل نهار عشان اثبت شي موجود اصلا و*كل* هالكلام اللي حاطها على انها ميزات موجودة والهارد ديسك في بطن الجهاز.خلنا ناخذها حبة حبة
-اولا تنصيب الالعاب الكل عارف ان لبلاي4 يسدح الاكس ون وباستخدام الهرد ديسك الاصلي لكلا الجهازين.ما ادري انت وين كنت يوم صدور الاجهزة والفيد باك والفيديوهات المقارنة بخصوص هالشي
=ثانيا تتكلم عن اللودينج,لو اخذنا جدلا كلامك على انه اولوية عند*البعض*فالخيار موجود.تبغى سرعة مافي مشكلة عندك الـSSD HD او الـhybrid ركبه في لبلاي4 واستمتع بالسرعة اللي تسال عنها من لودينج وغيره
وغيرهم الكثييير من فيديوهات المقارنة تقاهم فاليوتيوب
-ثالثا حطيت الـUSB3 على انه ميزة اوكي شي طيب.ما راح اعلق على سالفة السرعة لاني جاوبت عليه فوق.انا راح اتكلم عنه كمنفذ اله*سلبياته ايضا*بما انك*مصر* على حشر سالفت المزايا في الموضوع مع ان *انا تحديدا* وبقية الاخوان بشكل عام ما جابو سيرة ميزات بل سيرة*حلول* واللي هي مساحة التخزين في الكونسلز وهي النقطة الاولى والاخيرة اذا جينا لخيار التغيير*لدى الاغلبية الساااحقة*وفيه بدائل*للبعض* ممن يبحثون عن السرعة وبينتهم فوق.خلنا نضرب لك مثال على سلبياته
انا مثلا عندي اكس ون وعندي هارد ديسك حجمه اللي يكون لكني ما اقدر اشبكه بسبب انه USB2 والجهاز ما يدعم اقل من 3.معناه انا لازم اشتري واحد جديد.فالسؤال هو هل هذ شي ايجابي او سلبي؟. اكان عدم المقدرة من استخدام USB2 بسبب البورت نفسه او بسبب اغلاق هالشي بواسطت سوفت وير الجهاز
2. شبك وتغير الهارد أسهل بكثير كلها شبك سلك USB (أدري إن سوني مسهلين تغيير الهارد بس مهما كان ماراح يكون بسهوله سلك USB)
3. ميزه حلوه وهي إني أقدر أفصل الهارد وأروح أشبكه بجهاز صاحبي ونقدر نلعب بألعابي اللي منزلها من الستور.
4. إذا الهارد إمتلئ , بدل ما أشتري واحد أكبر وأعمل باك أب وكل ذا المشوار أختصره بشبك هارد ثاني وأكمل.
أ-سهل لكن ماهو اكثر عملية واريحية من تركيبه داخل الجهاز.وكمميزات انا وضحت فوق مميزات تركيبه بالداخل اكان بخصوص مساحة لوضعه فالرف والخ
ب-معذرة لكن هذ ما له دخل خير شر بسالفة موضوعنا*اسباب تغيير الهارد*ولا هو اولوية ولا هو شي*سائد* بكثرة بين الجيمرز عشان تخليه كسبب او ميزة.هذ فقط انوضع*كتبرير*
ت-في كلا الحالتين انت مضطر تشتري هارد ديسك ثاني اكان مركب داخل او خارج الجهاز ما فرقت+انا وغالبية اللي اخذو هارد ديسك*2تيرا* استفادو من القديم وجعلوه اكستيرنل لهم من خلال تركيبه في علبة الاكستيرنل اللي شريناه حق تركيبه في لبلاي4.عصفورين بحجر+اصف لي كم اكستيرنل جمب الجهاز ليش بما اني قادر اختصر بتركيبه داخل الجهاز ونسيانه الييين يفرجها ربك بعد دهر لتبديله.وش المميز في هالنقطة مدري
ومسالة إنها تفرق لو الملفات خارج أو داخل الجهاز فأعتقد إنها نفسيا لأنه فعليا ما تفرق.
لا مش نفسية بل من الناحية العملية.لاني بكل الاحوال اقدر اسوي باك اب لملفاتي واخليها في هارد ديسك خارجي فا نفسيا مالها دخل لكن عمليا نعم لها دخل على الاقل عند*الاغلبية*
ملاحظ عليك ماخذ المسالة على انها ردود*حش* في مايكرو لا اكثر بينما فالواقع وخلني اتكلم عن نفسي هي نقاش *بحت* لمسالت تجاهل شغلة تغيير الهارد وهذ هو الفرق بيني وبينك هني.انا مو مشخصن الموضوع بينيvsمايكرو وما اظن اي احد من الشباب هني حاول يشخصنه مثل ما انت متوقع
