Xbox One سيصدر في الخليج رسمياً في شهر سبتمبر هذه السنة

[The Doctor]

من الموقع:

أخيراً و بعد طول إنتظار أعلنت اليوم ماكروسوفت رسمياً من خلال متحدثها Major Nelson، و ذلك في حسابه الرسمي على موقع التواصل الإجتماعي تويتر،
بأن جهازهم الجديد الإكس بوكس ون سيصل إلى 26 سوق جديد في شهر سبتمبر القادم، من ضمنهم السعودية و الإمارات العربية المتحدة و اليابان و كوريا و تركيا.

[TWEET]445907478195105792[/TWEET]

إذا لكل من كان ينظر الجهاز في منطقة الخليج و لم يحصل عليه بعد، هل أنتم مستعدون للحصول عليه بإصداره الرسمي في شهر سبتمبر القادم؟

 

[CODE-X]

لا ليش هالاستعجال كله؟ خلوها 2018 على نهاية الجيل احسن مثل ابوه ال360

بلجيكا و هولندا و سويسرا و فنلندا و الدنمارك ما عندهم الجهاز بعد؟ :satisfied:

 

[king zell]

شباب هالموعد تم القتال عليه بشدة من مايكروسوفت المحلية

صدقوني أفضل من المواعيد السابقة اللي كنت أسمع عنها


أهم شي إن الجهاز ينتشر أكثر و يتم دعمه بشكل أفضل و الأسعار تنزل كثير


من هنا لسبتمر ما في ألعاب كبيرة كثيرة، و في سبتمبر بيكون في ديستني ففرصة حلوة للي ما أخذه

 

[T i d u s]

زي إلي راح يحج والناس راجعين ..

 

[Nasser]

ممتاز ، كنت ناوي عليه في الأيام القادمة نظراً للعروض اللي توصلني بأسعار مختلفة.

لكن بما أن راح يكون فيه أصدار رسمي وبعد تقريبا 5 شهور. فأظن راح أنتظر حتى ذلك الوقت.

 

[L.O.R.D]

زي إلي راح يحج والناس راجعين ..

كيف رح تحج اذا مافي شي تحج فيه ؟
اعرف مثال سيئ جدا
لكن
مقصدي هو اذا اخذت الجهاز الأن...ايش رح تلعب فيه ؟

 

[Master Assassin]

^
يمكن انا معاك ان الألعاب قليلة ولكن أغلبها ممتاز
زي تايتنفول وديدرايزنج وفورزا و بلانيت ڤيرسز زومبي
ولكن طبعاً الإنتظار لصدور الجهاز رسمياً أفضل

 

[NO1]

شباب هالموعد تم القتال عليه بشدة من مايكروسوفت المحلية

صدقوني أفضل من المواعيد السابقة اللي كنت أسمع عنها


أهم شي إن الجهاز ينتشر أكثر و يتم دعمه بشكل أفضل و الأسعار تنزل كثير


من هنا لسبتمر ما في ألعاب كبيرة كثيرة، و في سبتمبر بيكون في ديستني ففرصة حلوة للي ما أخذه

ليش متى كانو ناوين ان شاء الله !!

 

[The Doctor]

^النص الثاني من 2015 كان توقع متفائل في أحد الأوقات

 

[NO1]

^النص الثاني من 2015 كان توقع متفائل في أحد الأوقات

من زين العابهم الي نصها على الكمبيوتر

 

[gears of war]

ما ادري وش سبب الفكرة الخايسة
تترك الاسواق لسوني تاكلها عني ؟؟؟

لو كان السوق الامريكي مو مكفيته الاجهزة فصح له أولوية لكن التصنيع مكفيه وازياده




- الجهاز عندي من أسبوع بقيمته الرسمية ب2000 و 250 أجور الشحن
سعر لا بأس فيه

- مستحيل ينزل عندنا بأقل من 2000 في أحسن الاحوال

 

[ABDUL HADI]

كيف رح تحج اذا مافي شي تحج فيه ؟
اعرف مثال سيئ جدا
لكن
مقصدي هو اذا اخذت الجهاز الأن...ايش رح تلعب فيه ؟

في رايز روم


سبتمبر بعيد

 

[CODE-X]

كيف رح تحج اذا مافي شي تحج فيه ؟
اعرف مثال سيئ جدا
لكن
مقصدي هو اذا اخذت الجهاز الأن...ايش رح تلعب فيه ؟

اممممم.... NBA2K14, اساسن4 ، باتل4، فورزا5، ديد رايزينج، تايتنفول ، مجس جز، كيلر انستنكت... الخ

خاصة كون الالعاب بنفس السعر سواء نكست ولا كورنت فليه الواحد يضطر ينغبن و ينتظر سنة حرفياً على بال ما ينزل رسمي بضمان كون سمعة نوعية الاجهزة اصلاً مش جيدة؟!
هذا غير اللي يبغى الجهاز داي 1 مع العالم و ما يبغاه يفوته اللحين هي شالت طعم هالشي من نص العالم. ليش تهمش نص العالم و انت ناجح فيهم؟!
عاد من ايام الاكس الاول كنا نبلش مايكرو الشرق الاوسط علشان يجيبون الجهاز رسمي و نسوي حملات و و و... و بالاخير وعدونا يجيبوا الجهاز اللي بعده في سنته الاولى "ال360" انتهينا بالجهاز ما جا رسمي الا في النص الثاني من الجيل بعد ما نص البشرية اكلت RROD و راحت فيها.
المهم عارف سياساتهم و تعاملاتهم العقيمة في هالامور و هو بسبب سوئهم و سوء فهم للسوق و سوء تعامل مع زباينك و عقم كبير في الشركة لا غير، عاد من فترة تصويت جيمسبوت في الشرق الاوسط فاز فيه الاكسون و برقم كبير يخلون سوقهم يروح للمنافس عبط؟

 

[14/08]

ماكان لازم انها توفر ملايين الأجهزة لهذي الأسواق فكل اللي كان عليها هو أنها توفر آلاف فقط بوقت تايتن فول
علشان اي واحد يفكر بالجهاز تحصل له فرصة بتجربة اللعبة بوقتها .

ما ادري وش سبب الفكرة الخايسة تترك الاسواق لسوني تاكلها عني ؟؟؟

هذا سبب نجاح سوني في كل دول العالم - باستثناء أمريكا واليابان وبريطانيا - فسوني تقدم لكل الأسواق الدعم اللي تحتاجه وبوقته ... تتذكر انطلاقة جيرز أوف وار 2 باسواقنا والدراما اللي صارت ؟ هذا سبب تحويلي على البلاي 3 لبقية الجيل حتى مع البورتز التعبانة 🙁

بالنهاية اللاعب بهذي الدول راح يروح لسوني وهذا لأن أبسط الخدمات ماتوفرها مايكروسوفت على جهازها .

 

[NO1]

ماكان لازم انها توفر ملايين الأجهزة لهذي الأسواق فكل اللي كان عليها هو أنها توفر آلاف فقط بوقت تايتن فول
علشان اي واحد يفكر بالجهاز تحصل له فرصة بتجربة اللعبة بوقتها .


هذا سبب نجاح سوني في كل دول العالم - باستثناء أمريكا واليابان وبريطانيا - فسوني تقدم لكل الأسواق الدعم اللي تحتاجه وبوقته ... تتذكر انطلاقة جيرز أوف وار 2 باسواقنا والدراما اللي صارت ؟ هذا سبب تحويلي على البلاي 3 لبقية الجيل حتى مع البورتز التعبانة 🙁

بالنهاية اللاعب بهذي الدول راح يروح لسوني وهذا لأن أبسط الخدمات ماتوفرها مايكروسوفت على جهازها .

شو صار!؟

 

[Q8Dante]

إذا لكل من كان ينظر الجهاز في منطقة الخليج و لم يحصل عليه بعد

السعوديه والامارات =/= الخليج
ماعتقد ان في خليجي بينطر سنه وبياخذه من السعوديه/الامارات ... اطلبه من بره ويوصلي بسبوعين افضل

 

[The Last Lombax]

توقعاتكم للسعر الرسمي ؟ أتوقع بـ2299 ريال/درهم.

 

[L.O.R.D]

توقعاتكم للسعر الرسمي ؟ أتوقع بـ2299 ريال/درهم.

2499 ريال
بما ان سعره الرسمي في بريطانيا 400 جنيه

 

[SCREAMING_RAGE]

توقعاتكم للسعر الرسمي ؟ أتوقع بـ2299 ريال/درهم.

يب..... نفس السعر .... مع فورزا 5 مجانيه.

 

[ESRB]

اطلاقه رسميا هل يعني جميع خدمات التلفزيون اللي معه بتكون موجوده؟

 

[SnakeGin]

هل حصلوا على لايسنز حقت او اس ان؟؟

 

[The Doctor]

اطلاقه رسميا هل يعني جميع خدمات التلفزيون اللي معه بتكون موجوده؟

ما أتوقع.

 

[ryo hazuki]

خبر ممتاز ، اعتقد التوقيت بيكون على معرض دبي للالعاب ، اتمنى يكون حفل الاطلاق ممتاز

يعطيهم العافية مايكروسوفت الخليج شادين حيلهم ، ماكنت متوقع انهم يسوون معرض هالسنة اذا ماكان عندهم جهاز جديد للمنطقة بس زين ان مايكرو الام وافقت

 

[14/08]

شو صار!؟

نسخة الشرق الأوسط صارت مسروقة ومن ضمنها محتويات النسخة الليمتد واللي هم عبارة عن اكواد تتفعل في الماركت بليس .. الأسوأ في الموضوع ان بعض الشباب اشتروا اللعبة مرة ثانية و بالنسخة الأمريكية وتفاجؤوا لما شافوا ان المحتويات محجوبة على اي آي بي خارج أمريكا مع أنهم يقدرون يشترون العاب الماركت بليس بدون إي مشكلة ... تقدر ترجع للموضوع الرسمي للعبة علشان تشوف القصة وبتفاصيلها .

 

[Emirates]

نسخة الشرق الأوسط صارت مسروقة ومن ضمنها محتويات النسخة الليمتد واللي هم عبارة عن اكواد تتفعل في الماركت بليس .. الأسوأ في الموضوع ان بعض الشباب اشتروا اللعبة مرة ثانية و بالنسخة الأمريكية وتفاجؤوا لما شافوا ان المحتويات محجوبة على اي آي بي خارج أمريكا مع أنهم يقدرون يشترون العاب الماركت بليس بدون إي مشكلة ... تقدر ترجع للموضوع الرسمي للعبة علشان تشوف القصة وبتفاصيلها .

خلاص شالوا هالحركات مع صدور الاكس 1 وصار الماركت عالمي لول

لدرجة اكواد كود فيرونيكا ورزيدنت ايفل 4 اللي تجي مع رزيدنت ايفل 6 اشتغلت عندي من ثلاث اسابيع واللي كانت في السابق ما تشتغل بحجة الريجون

 

[NO1]

خلاص شالوا هالحركات مع صدور الاكس 1 وصار الماركت عالمي لول

لدرجة اكواد كود فيرونيكا ورزيدنت ايفل 4 اللي تجي مع رزيدنت ايفل 5 اشتغلت عندي من ثلاث اسابيع واللي كانت في السابق ما تشتغل بحجة الريجون

سمعت بأنه الVPN انشال بعد .. صحيح هالكلام ؟

 

[Emirates]

سمعت بأنه الVPN انشال بعد .. صحيح هالكلام ؟

انشال وصار بامكانك تشاهد الافلام على xbox video وتسمع الاغاني وتحمل الالعاب بدون اي مشاكل او قيود

فقط vpn على النت فليكس وخدمة افلام امازون اللي غير مرخصة للي خارج امريكا

 

[L.O.R.D]

على فكرة..من ضمن الخبر ايضا
من ضمن الدول ..اليابان من بينهم
نعم..الاكس ون قادم لليابان بنفس الوقت معنا
ايش رح تكون الألعاب اليابانية ؟
وهل رح يكون ريجيون لوك مخصص لليابان ؟

 

[L.O.R.D]

انشال وصار بامكانك تشاهد الافلام على xbox video وتسمع الاغاني وتحمل الالعاب بدون اي مشاكل او قيود

فقط vpn على النت فليكس وخدمة افلام امازون اللي غير مرخصة للي خارج امريكا

اعتقد هذا الكلام فقط اذا كان الريجيون حق بروفايلك أمريكي

 

[Gomez]

على فكرة..من ضمن الخبر ايضا
من ضمن الدول ..اليابان من بينهم
نعم..الاكس ون قادم لليابان بنفس الوقت معنا
ايش رح تكون الألعاب اليابانية ؟
وهل رح يكون ريجيون لوك مخصص لليابان ؟

[video=youtube;FQqbD3gBhBY]https://www.youtube.com/watch?v=FQqbD3gBhBY[/video]