hits counter

X-Seed 4000: أطول بناء في تاريخ البشرية !

Humam

Humam

True Gamer
110126.gif


x-seed-4000-140-01.jpg


x-seed-4000-140-02.jpg


bernstrup_01.jpg


x_seed_4000_lrg.png



- إرتفاع البرج : 4000 م ( 4 كم )

-عدد الطوابق : 800 طابق

-المساحة: ضعف ولاية تكساس

-مدة الإنجاز: تصل إلى 30 عاما.

-يستوعب من السكان : 500,000 الى 1,000,000 شخص.

-سيتم تشييده في خليج طوكيو على شكل جبل يشبه جبل فوجي ياما الشهير

-وصفت بعض الشركات الهندسية والاستشارية البرج بأنه «عمل مجنون» لأنه يجنح إلى مستويات غير معقولة لم تصل إليها التقنيات الهندسية والمعمارية في العالم كله.

- الشركة الهندسية المسؤولة عنه هي شركة Taisei Construction Co. Ltd.

- تكلفته راح تتراوح بين 300 - 900 مليار دولار ( يا لطيف )

لا إله إلا الله.. ايش هذا.. والله شي أسطوري لو نجحوا في تشييده, وما أظن إن هذا مستحيل.. الهندسة المدنية في اليابان متفوقة بسنين ضوئية على غيرها.. ذاك اليوم شفت برنامج في الBBC والعربية عن الهندسة في اليابان والله شي خرااااافي..

تتوقعوا ممكن نلحقه شباب وناخذ لنا كم لفة فيه ؟
 
والله شكله فله بالصوره ( تحس فاينل فانتسي ) ..

بس 30 سنه والله كثيره . يلا ممكن نروح انا والاولاد اذا ربي عطانا العمر ونشوفه مادري على وقتها فيلرز نارتو بيكون خلص ولا لا
 
ههههههههه ايش ذا .. تحسها بلده كامله.

احس انها فقشه اليمه .. تصميم سريع وانشر بالانترنت.
 
واو .. مشروع مجنون! ذكرني بالفكرة المقترحة عن مدينة معلقة في دبي ..

bubblecity_dubai.png


طبعاً المشروع ما تعدى مرحلة الفكرة، لكنه فكرة مجنونة: مدينة صغيرة معلقة بمناطيد هيليوم ومحركات عملاقة على ارتفاع 200 متر فوق الأرض ومحاطة بفقاعة زجاجية للتحكم بالجو.
 
من فتره كنت اتابع قناة دسكفري عاملين تقرير عنه ، ما ادري ليش احسه مستحيل.

الشيء العجيب انهم يتكلمون عن مادة الكربون الي راح تستعمل كأساس في البناء
 
i guess soon enough will rly live in a world filled with robots and giant floating cities ! .
 
WoOoOoW ..

تحسه اهرامات عصرنا ..

فكرة ما احسها مستحيله .. لكن العمال الله يعينهم .. يموتون وماخلصوا شغلهم ..

---------

انا اللي سمعت عنه جسر يربط بين اوروبا وامريكا الشمالية او شيء زي كذا ..

المهم البرنامج كله 5 دقايق مدح وبيقدرون و5 دقايق اللي بعدها ازمة جديدة ..

تحمست وانا اتابعه .. ^_^
 
الصور خيالية ، والمبنى مرعب @@ ! ، انتظر اليوم اللي راح يصنع فيه اليابانيين سوبر روبوت ( جاندام XD )
وشكرا
 
@_@ واو بس صراحه شكله يخوف ما ادري ليش !! شكله رائع الصراحه !!

bubblecity_dubai.png


لوول اول مره اشوفها @_@ بس اشوف انها صعب تستوي يمكن بعد 400 سنه 😛
 
30 سنه وااااااااااو ..
يعني عمري بيكون 37 وااااو .. ( ان شاء الله )
اكيد لازم زيارة إلى عافانا الله ..

الصراحة شيء عظيم
مع اني اشوفة شيء مستحيل انا اقول على الأقل بيتم البدء فيه
بعد 10 او 15 سنه من الدراسة ..
 
...

لول أمس راجع من جبل فوجي .. كنت بملاهي فوجي كيو
 
تصاميم اولية زاحفة صراحا

يالله عقبال ما نزوره انا وام محمد في المستقبل البعيد😛
 
واو @_@ تصميم خيالي... على اليابان ممكن تستوي

الله يعيننا ننتظر 30 سنة ,,, ان شا الله مع العيال
 
اذكر شفت المشروع في برنامج قبل 3 سنوات ونفس الصور انعرت ومن بعدها ما سمعت عنه شي. قلت يمكن يحلمون يسون هالشي :roll:

حتى بيكون فيه مستشفيات ومدارس ومب مجرد سكن
 
أيش هذا الجنون @_@ !!!!!!!!!!!!!!!!!

انا سمعت فيه قبل كده من واحد صاحبي يدرس في الهندسة البيئية حتى قلي ان المصمم صممه للاجيال القادمة يعني أحتمال كبير ما يشوف أنجازه , لكني ما أتخيلته بالمواصفات المرعبة هذي !!!!!
 
تنكلوجيا!!!! ويييييييوه!!!
 
أووه .. شكله يخوف ! تحس ما يدخل العقل لوول .. البناء بيكون على البحر .. يمكن عشان يوسعون نطاق المعيشة بحكم الزحمة السكانية المهولة في اليابان ..
 
ضعف ولاية تكساس!! احححح

Map_of_USA_highlighting_Texas.png


والله اتحدى يسوونها..
 
مشروع على ورق .. لا أكثر ولا أقل..
يستحيل انه يصير حقيقة..
 
يارجال كل شي ممكن, ( وما أوتيتم من العلم إلا قليلا ) .. يعني قبل كم قرن من كان يتخيل إنه بيكون في طيارة أو تلفون محمول أو إنترنت.. هو مشروع طموح للغاية.. لو صار بلا شك راح يكون أعجوبة العالم عبر التاريخ..
 
إذا الفراعنة بنوا الأهرام بالأدوات البدائية قبل مدري كم الف سنة ..
ما أشوف إنه مستحيل تطبيق المشروع ذا لو توفر الدعم المادي
 
مساحة تكساس = (695,622 km²)

يعني ما فيه أمل...
 
وااااااو تكساس كبيرة وايد ..
انا اقولكم والله العظيم انه مستحيل يكون بهذا الكبر ^^ ..
معقولة صعب ولاية تكساس شيء حتى فوق الخيال ..

يعني كبرة مثل ما اسافر بالسيارة من الإمارات إلى الرياض رايح و راد والله مستحيل
يكن بعد 100 او 200 سنه من الأن معقولة ^^ ..
 
يجب تسجيل الدخول أو التسجيل كي تتمكن من الرد هنا.
عودة
أعلى