WWDC 2007 | الموضوع الرسمي

[Khalid-S]

Welcome to WWDC07 .. Expand your Universe

الحدث: WWDC07
المكان: سان فرانسيسكو
التاريخ: June 11
التوقيت: 8 مساء بتوقيت السعودية
النجم: ستيف جوبر
الفائز: مستخدمي الماك

لا يوجد فيديو ستريم للحدث .. لكن يوجد تيسكت فييد مباشر وقت المؤتمر ..
هنا
http://www.macrumorslive.com/
او
http://www.engadget.com/2007/06/11/steve-jobs-live-from-wwdc-2007/

حمي يا ستيف حمي ... نبي شغل جاااااااااااامد ..

ملاحظة: الـTrolls لا يدخلون الموضوع ويسببون ضجه مثل السنة الي فاتت رجاء .. ولا بيكون في عقابات انفراكشن قوية.

​

ـــــــــــــــــــــــــــــــــــــــــــــــــــــــــــــــــــــــــــــــــــ

​

يومان تفصلنا عن مشاهدة النسخة الشبه نهائية من نظام ابل جديد ليبورد، في يوم 11 من هذا الشهر سنشاهد ستيف جوبر على خشبة المسرح بمعرض المطورين في سان فرانسيسكو يتحدث عن اهم ميزات النظام الجديد وربما الكشف عن تحديثات لبعض اجهزتها المتوفرة.

لمعرفة المزيد عن المؤتمر اضغط هنا​

---------------
فريق أخبار ألعاب الفيديو
موقع TG الرسمي -- ادخل لقراءة آخر أخبار ألعاب الفيديو و المزيد
http://www.true-gaming.net/home

 

[AMG]

والله متحمس للمعرض من زمااان

ودي اشوف نظام التشغيل الجديد يار يكون في عرض عن مميزات جديدة ثورية

 

[BioMario]

متحمس على كشف ليبورد ..
بس انا شمعت ان استايل النظام مارح يتغير يعني مجرد خصائص جديدة !!

 

[Khalid-S]

اكيد بيكشفون عن اغلب مزاياه .. لكن بيكون نسخة Beta طبعا ..

الستايل ما بيتغير كثير .. مثل ما ما تغير عن البانثر .. هذي صوره من البانثر والبوما

اقروا الفرق هنا بين اصدارات الOSX ... http://en.wikipedia.org/wiki/Mac_OS_X

ابل مو حتاجه انها تغير الواجهه .. متقدمه زمنها بكثير ..

 

[Xeno]

بصراحة... iDontCare :yuck:

 

[Khalid-S]

ليش دخلت اذن ؟؟
روح عشش على الويندوز.

 

[Aoks]

بصراحة... iDontCare :yuck:

ههههه رهيبه :yuck:

​

 

[Khalid-S]

شباب توني الاحظ ..

يا حبيبي .. اكيد بيكون موجود تورينت بعد ما يخلص .. فله بعد يومين نجرب البيتا ..

 

[Dark Man]

متحمس جداً ,,
أحسة بيطلع شي أسطوري :laugh:
لاتنسون يا شباب تخبرونا بكل جديد

لاتنس الرفيو يا خالد اذا جربتة

 

[Tomb raider]

بصراحة... iDontCare :yuck:

خخخخ زينو بس u would care if u tried it deeply !

 

[king zell]

فلة

متحمس أجرب الليبوارد قريب


و قهر سمعت اشاعة انهم ما راح يكشفون iMac جديد

 

[Tomb raider]

الحين النظام اليديد اقدر استعمله على الMacbook pro؟ اعتقد يتطلب سرعه اكبر مممم افكر اسوي له upgrade للسرعه !

 

[Futrus]

اهم شي الليبورد ما ابي آخذ الماكبوك برو إلا وفيه النظام الجديد

 

[Khalid-S]

عزوز لا تخاف تحطه باذن الله وانت مرتاح ...

يارب يارب يارب iMac جديد ... هو الدور جايه جايه .. شفنا MacBook مطور من اسبوعين .. ومن كم يوم شفنا MacBook Pro مطور .. والLED جاي الiMac لا محاله ..

 

[NSider]

الليوبارد فيه إضافات جيدة لكن ما أعرف ليش هذا الهايب المهول عليه في الانترنت كله؟ هو ما يتعدى مجرد أبديت بسيط للـOS X وما فيه هذيك الميزات الثورية أو التغييرات الجذرية (ميزة Spaces عجبتني لكنها موجودة من برامج ثيرد بارتي من زمان).

 

[Khalid-S]

لول يوسف ... الي شفته مو النهائي ابدا ... ليش تكتم ابل بالله ؟؟ عشان المزايا الي اعلنتها زمان ؟؟
ميزه iChat الجديدة تغنيني عن اي اضافة جديدة ... فعلا WOW

 

[Tomb raider]

ميزه iChat الجديدة تغنيني عن اي اضافة جديدة

اللي هي ؟؟؟

 

[Khalid-S]

عزوز ..
http://www.apple.com/macosx/leopard/ichat.html

 

[Xavi]

بصراحة أنا من مهتم من فترة بـiMac وهو ان شاء الله جهازي القادم واتمنى يكون في أخبار عن تطوير جديد له .

 

[ShinShadi]

أهم شيء عندي في المعرض هو .. iMac .. ياريت يعلنوا عنه .. أكيد بيكون Next لا محاله ( بإذن الله ) ..

 

[itachi]

فله متحمس له واجد ....بس ياشباب ما باكون معاكم يوم المعرض ولا باشوف عنه شئ :yuck:
هالمره باشوفه لايف بعد ما ينزل في النت ...أبي أحس بالمفاجآت القويه مره وحده بدون ما أعرف شئ ( طبعا الفشار والعصيرات بتكون موجوده :laugh: )

آبل كل معرض لها تطلع شئ قوي ...
المشكله الناس على بالها هذا آبديت فقط بالبوينت ....ما تدري إنه هذا البوينت عند آبل يسوي طفره وشغلات جديده في النظام ...
الله يستر لما ينزل Mac 11

 

[H-Bomb]

أهم شي الأعلان عن لون جديد للـ iMac و تخفيض سعره و سعر الـ Mac Pro ... لأني ناوي على واحد ...
إلا شدني في الليوبارد هو Time Machine و Core Animation
خالد ... على ما أعتقد الأخ عبدالرحمن ( desperado ) جرب الليوبارد

 

[AMG]

إلا شدني في الليوبارد هو Time Machine و Core Animation

نفس الشي خصوصا ال Time Machine راح تنفعني كثير

http://www.apple.com/macosx/leopard/ichat.html

فعلا WOW

 

[Khalid-S]

ايتاشي .. بنفقدك .لول.

hbomb .. اعتقد هو نزل منه نسخه تورينت لكن مو نفس الي بتعرضه ابل في المعرض .. بشيك على منتداهم اشوف وش يقول عنه ..

شباب الي ما عنده .mac يسويله واحد لول .. نبي نستخدم الichat الجديد .. بيكون فله.

 

[H-Bomb]

ايتاشي .. بنفقدك .لول.

hbomb .. اعتقد هو نزل منه نسخه تورينت لكن مو نفس الي بتعرضه ابل في المعرض .. بشيك على منتداهم اشوف وش يقول عنه ..

شباب الي ما عنده .mac يسويله واحد لول .. نبي نستخدم الichat الجديد .. بيكون فله.

لا هو جرب نسخة المطورين ، شيك على موضوعك عن السفاري

 

[Sir Doyle]

لن أكون موجود معكم يوم المؤتمر ... لاني بانزل الفيديو (تورنت) يوم الثلاثاء....

 

[itachi]

🙂 أقتربت الساعه يا شباب ...شكلي ما بقدر أمسك نفسي عن الأخبار بكره ...بس نصبر ونشوف

 

[Khalid-S]

تم تحديث الموضوع ... هذا الموضوع الرسمي ...


حمي يا حبيبي حمي ..

 

[Ash]

هم أعلنوا عن ايبود فيديو 120 جيجا و لا للحين ؟ اذا لا اتمنى يعرضونه .

 

[Khalid-S]

لا مافي .. ولا تتوقع شي .. هذا مؤتمر مايتم اعلان عن ipods فيه ..

لكن ستيف قال من كم اسبوع ان iPhone هو احسن ايبود تم صنعه ..