الموضوع الرسمي Wild Hearts

[Dark Phantom]

ان شاء الله ببدي فيها قبل صدور RE4 بفتره او ممكن أخليها حق رمضان عشان اتفرغ لها صح

 

[الرئيسي]

واصل شابتر 5 واللعبة للحين سهلة.
بركات مئات الساعات في مونستر وورلد وآلاف الساعات في السلسلة ككل.
شكلي ماراح استخدم اقوى عتاد عندي
نزل ابديت للكمبيوتر يحل اغلب المشاكل

 

[Nanaki]

 

[Kain]

 

[Veeto]

ويني عنها ! قتلت اول وحشين .. ياااااه على المتعه

على عكس Nioh هذي فاهمة هي شنو .. وفاهمة شلون تميز روحها عن مونستر هونتر .. واهم تمييز سرعه القتالات

الجرافيكس ممتاز .. تصميم الوحشين لحد الحين رهيب

عاجبتني الاجواء اليابانية الغريبة حتى بالدبلجة كم كلمة ياباني .. والبناء ما ادري توقعته منفر .. طلع جيد وتقدر توظفه بالقتال

بشكل عام لعبت ساعه .. مبشرة جدا جدا
مغامرة فريدة من نوعها من EA

 

[ahmed-xd]

ويني عنها ! قتلت اول وحشين .. ياااااه على المتعه

على عكس Nioh هذي فاهمة هي شنو .. وفاهمة شلون تميز روحها عن مونستر هونتر .. واهم تمييز سرعه القتالات

الجرافيكس ممتاز .. تصميم الوحشين لحد الحين رهيب

عاجبتني الاجواء اليابانية الغريبة حتى بالدبلجة كم كلمة ياباني .. والبناء ما ادري توقعته منفر .. طلع جيد وتقدر توظفه بالقتال

بشكل عام لعبت ساعه .. مبشرة جدا جدا
مغامرة فريدة من نوعها من EA

ذي اللعبة من تطوير omega force مب من تطوير team ninja فأكيد بتكون مختلفة عن nioh وبعد omega force طور لعبتين Toukiden 1 و2 اللي هم العاب مستلهمة من mh فأكيد الفريق عنده خبرة في تطوير ذي النوعية من الالعاب

 

[Veeto]

ذي اللعبة من تطوير omega force مب من تطوير team ninja فأكيد بتكون مختلفة عن nioh وبعد omega force طور لعبتين Toukiden 1 و2 اللي هم العاب مستلهمة من mh فأكيد الفريق عنده خبرة في تطوير ذي النوعية من الالعاب

ما عندي فكرة عن هالشي مشكور على هالمعلومات

 

[Veeto]

انهيت الفصل الاول .. وبدات شوي بالثاني
قتلت تقريبا .. ستة او سبعه وحوش مختلفين

بشكل عام حبيتها .. سريعه .. اكثر من مونستر هونتر كنظام لعب .. على عكس اللي قريته .. حبيت نظام البناء .. سواء بين المراحل او اثناء القتال .. تمنيت لحركات القتال يكون عدد التكرارات اقل

حاليا انا في ثلاث بيئات .. الهب .. ومنطقتين ثنتينهم مختلفين متنوعين حبيت بشكل كبير استغلال البعد العمودي .. البيئات جميلة .. ظالمتنها الدقة .. بس مساعدنها التوجه الفني

الوحوش اللي قاتلته مختلفين متنوعين القتال ضدهم شيق جدا جدا .. فيه واحد مثل الخنزير البري .. ياااه ملحمة .. اذا قدروا يوصلون لشي فهو لنفس احساس وحوش مونستر هونتر .. اللي كانهم زعماء بالعاب ثانية

خصوصا لما يدخل الوحش الـ Rage mode وتتغير ملامحه وتتغير الموسيقى .. ابداع

اتوقعها بتصبرني للبرو .. هانت شهر واشوف وضعي وياها .. بكملها او بلعبها بشكل متفرق

=====

وبعد قراءة عن اللعبه .. اعتقد هذي مثال لوهم مطاردة الـ GAAS وصعوبته الشديدة .. اعتقد اللعبه اقل من مونستر هونتر بس مو لحد انها تموت بعد ٧ اشهر فقط !

انا لولا الاكسترا مستحيل اجربها !