Why So Serious? | أضخم فيلم لصيف 2008 .. التقييمات وصلت !

[G7Ga7]

من فينا ما ينتظر الفلم !؟
إلى الان كل شيء فيه يبشر بالخير ..
الصراحة ما عندي خلفية كبيرة حول الفلم , كوني ودي اشوفه من دون ما اعرف عنه شي ..


الكاست :

الريفيوز :

رولينج ستونز : 3.5of 4 Stars Average User Rating: 4of 4 Stars

( شكرا كينج واريو )

حالياً ... هذي المواقع الي اعرفها واثق في تقييماتها ..

لمزيد من الريفيوز :
http://www.imdb.com/title/tt0468569/externalreviews

صور :

للمزيد :
http://www.movieweb.com/news/51/22051.php

التريلر :
[youtube]WaIR9dAZRR0[/youtube]

في انتظار الفلم يوصل لصالاتنا ..

رأي أعضاءTG :

شفت الفيلم الساعه 12:05 صبحية الجمعة, 18 يوليو ..
باختصار, الفيلم من اروع ما رأيت, دور هيث بالفيلم كان ملحمي, بــل اسطوري!
أبدع باداء شخصية جوكر, كان ودي عاش لين ما شاف النجاح الي حققه بالفيلم ..
..

شفت الفلم........................شيء اسطوري، عيب تسميه فلم سوبر هيرو.



هيث ليدجر كان خرافي، شيء لا يوصف، مدري كيف احد الحين بيمثل دوره.


افضل فلم في 2008. وفلمي المفضل على الاطلاق من هذي اللحظه.

انا لحتى الحين مو مستوعب، عطوني كم ساعه عشان اجمع افكاري واكتب رد زي الناس.


بشوفه ايماكس مره ثانيه.

توني رجعت من الفيلم , و بروح له مره ثانيه بعد ساعتين 😀 .

توني راد من الفيلم...

مادري شقول؟..

هيث > الفيلم.

توني راجع من السينما و الفيلم ممتاز ، هيث قام بدور فعلا ابداعي ، كانه حاسس انه اخر دور بيمثله

9/10

20 سنة وأنا ابحث عن جواب للسؤال: "وش أحسن فلم قد شفته في حياتك ؟ "
واليوم عرفت الإجابة.

رهيب, يفرق عن سبايدر مان أن له معنى و مغزى أقوى, والجوكر يمتلك كل الأشرار فأي فلم سوبرهيرو.

بس أوفرريتد بشكل خيالي... من وجهة نظري مش أفضل فيلم ولا يقرب حتى. ممكن من أفضل أفلام السنة فقط...

9

الفيلم ممتاز وما راح اقول افضل فيلم سوبر هيرو لان الي شفته مو فيلم سوبر هيرو نهائياً , الجوكر كل ما يطلع بمشهد أعتبره فيلم بروحه اشوف فيه حركاته وكلامه وتصرفاته ( ابداع ) .

من أفضل افلام السنه ( آخر ثلاث أفلام دشيتهم السينما عجيبين ) .

( عن هيث ليدجر) مش بس لانه مات، لكنه يستاهل بقوة.. اقتباسه لشخصية الجوكر كان perfect.

بالاضافة الى الكلام اللي انقال قبل.. نهاية الفلم كانت ممتازة جدا!

تعديل: و نعم.. هو افضل فلم سوبر هيروز شفته حتى الان، في الحقيقة، و من افضل الافلام اللي شفتها.

دور الجوكر كان مذهل بشكل كبير , والممثل هيث جسد الدور بشكل ممتاز والفلم الاخراج فيه بيرفكت . ما اقدر اقول الا من بياخذ دور الجوكر بعدين 🙁 .من زمان على افلام من هالوزن , يستحق المدح صراحه .

9,5
الجوكر > كل شي

صراحة الفلم لوبصف جمالة وروعته راح اختنق ماكنت متوقع الفلم بيوصل الى هذا الجمال الجذاب
قرر مصيرك ومصير غيرك بنفسك لووول

امس رحت شفته الساعه ١٠:١٥ يبدأ العرض من الزحمه (هذا العرض بعتبر الخامس) قعدنا تستنى على باب السينما تقريبا ٣٠ دقيقه و بعدين دخلنا كم دعايه و الابداع بدأ ....

The Dark Knight من اروع الافلام الي مرت علي و الي احب اخليها ضمن سلسلتي الديفيديه .... شباب حد يعرف متى راح ينزل الديفيدي ..

Batman كان دوره عادي جدا لكن احس ما حد راح يتقن هالدور غير Christian Bale لانه ابدع في اتقانها بهالشكل العادي البسيط
Harvey Dent دوره ممتاز و خصوصا في نهايه الفيلم ....
و نصل الى مسك الختام و هو الجووووووكر The Joker
خساره السينما الامريكيه وفاه هذا الممثل الشباب الذي اتقن شخصيه الجوكر انه Heath Ledger الذي لولاه لكان الفيلم مثل سابقه ...
ما كنت متخيل لهذي الدرجه راح يطلع الدور و احنا نقرا الكومك بوك كنا نتخيل الشخصيه او حتى وحنا نشوووف باتمان الكرتون بس على الحقيقه ما في اروع منه ،،،،
شكرا Heath Ledger هذا الي نقدر نقوله ...

عجبني الكم الهائل من الشر في شخصية الجوكر، قد لا يكون أقوى super villain من ناحية القدرة المادية لكن دماره المعنوي شي غير معقول.

مو قادر أوصف شعوري توني جاي من البحرين
لكن
الجوكر هو الأمتلاك
من أروع ما شفت في السينما هذي السنه ...رهييييييييييب بالقوه بشكل لا يوصف
تقيمي للفلم 9.5 / 10

Why So Serious?

الفلم روعة روعة رووووووووووووووعة
الأفكار روعة و متعنة جداً التصوير قمة في الإحتراف و التمثيل راثي جداً بشكل عام فلم ممتاز وفي الحقيقة من افضل الأفلام إلي شفتها في حياتي

لكن الحقيقة الفلم أوفر ريتد أتوقع أفضل الصراحة يعني أشوف الناس مسوين له هايب كبير جداً لدرجة أنه افضل فلم في التاريخ لكن الحق ينقال انه من أفضل الأفلام في لتاريخ لكنه مب الأفضل مستحيل

أعطية 9.5 / 10

10/10 ...........

أخيراً شفت الفلم، باختصار ومن دون مبالغة: A Majestic Achievement في عالم الأفلام !
فاق توقعاتي بكل صراحة .. ولا أزيد على كلام الأخ المبدع Ash في مدح الفلم.

هيث ليدجر أبدع في أداء دور الجوكر بشكل رائع، JUST WHY.SO.SERIOUS!
10/9.6، والبلوري من الآن محجوز ..

فلم من اروع ما شفت بحياتي بصراحه ....... من زمان ما دخلت فلم بهالروعه ..... الفلم لازم يكون من collection الافلام اللي عندك.

والله الفلم بقوة روعة من اروع الافلام اللي شفتها بحياتي :inlove: طبعا الفلم شي وشخصية الجوكر شي ثاني الممثل مبدع بشكل لا يوصف :inlove:

شفت الفيلم اليوم .. الفيلم جيد والله ... بس بالنسبة لي مسلسل الكرتون القديم ( الأول )أحلى من الفيلم ..

توني راجع من الفلم!
كل الي اقدر اقوله ... واو! من جد واو!

و بس!

شفته امس اخيرا .. ممتاز جدا لكن البداية باردة ..

ويبقى أفضل سوبر هيرو 3>

توني راجع من الفلم. حجزت حق باجر بروحي، حجزت حق عقب باجر مع أخوي (حتى هو بيدخل مرة ثانية).

it's that good.

تحرير: وGary Oldman > الفلم كله. دخلت الفلم عشانه (وعشاني أحب باتمان لول).

أخيرا شفت الفيلم .. من افضل افلام السوبر هيرو

لكن الافضل بالتاريخ !! خل يستريح بس ..

يا ليت تشوفون الجزء الأول الأصلي والي مثل فيه جاك نيكلسون دور الجوكر ..

والفيلم أخذ اكبر من حجمه

 

[SALAH]

من فينا ما ينتظر الفلم !؟

لول , أول مرة اسمع عنه أصلا XD !

بس التقييمات جبارة ! خاصة موقع imdb يالله يالله يعطي أي فيلم ناجح فوق 8 ..فمابالك 9.7 ؟!
ان شا الله لازم اشوفه ..متى المفروض يوصل لصالات الامارات ؟

 

[Isaac]

متحمس له.

البوستر الثاني إبداااع !



صحيح شباب هيث ليدجر مات بعد ما اكتمل تصوير الفيلم ؟ وإلا جابوا كومبارس يكمل النهاية؟

 

[Ash Storm]

متحمس له من اول ما اعلنوا عنه, بدخله اول ما ينزل ان شاء الله!
بس يارب الحبايب المصريين ما يتأخروا في عرضه على شان افلامهم -___-!

 

[MALDINI]

موش موكون امدب متهور ذي الايام ولا ايش سالفته ..
الفلم هذا مثل ماقلت من افضل الافلام بالصيف هذا .. ياخي قهر اذا ماعندك سينما .
البوستر شي لا يعقل .

 

[Isaac]

معقولة هذا هيث ليدجر ؟! واو !! (أول تريلر اشوفه للفيلم.)

الدور شكله من جد متعوب عليه!! :wow:

 

[Golden_Sun]

صحيح شباب هيث ليدجر مات بعد ما اكتمل تصوير الفيلم ؟ وإلا جابوا كومبارس يكمل النهاية؟

كمل التصوير وانتحر (او مات).. بس فيه فيلم ثاني كان يصوره وللحين ما خلصوا منه، مادري شنو اسمه.

 

[Isaac]

ممكن تستغربون شباب ...

بس باتمان وش قاعد يسوي هنا ؟! :laugh::

مدري ليش أول شي تبادر إلى ذهني "فوال يغرف من الجرة!! :wow: "

 

[53]

^

اول ما شفت الصوره عبالي قاعد يشرح درس على الطوفه.:laugh::

 

[Majeed]

أمس أكلم أخوي بكندا يقول اليوم العرض عندهم 🙁 ،،
يقول البوسترات ماليه الدنيا ( ما يحتاج ) ،، وجايبين عندهم سيارة باتمان تحوط :laugh:: ،،

أبيه 🙁 ،،

 

[Lonely Heart]

الفلم اتوقع اني بشوفه في السينما مرتين على الاقل ..

 

[Solid Snake]

اكيد الحماس في العلالي !! .. للاسف ما راح اشوفه قريب .. يمكن راح تمر فترة طويلة قبل ما اشوفه .. سحقاً ._.


+ ملحوظة بسيطة: لا تغركم التقييمات يا شباب .. معروف ان الافلام اول ما تنزل تضرب تقييماتها فوق، لكن مع الزمن تتراجع شيئا فشيئا .. خصوصا imdb .. لا تستبعدون ان الفلم بعد شهر تقييمه يصير 7 لول ..

 

[G7Ga7]

^ لول سليم ...
بس ولو انت فكر فيها .. 4590+ شخص مسوين هالتقييم 😀

 

[Zero]

واو على السيارة O :

 

[itachi]

هذا ثاني فلم متحمس له يقوه بعد فلم قراصنة الكاريبي الثالث ....إنشاء الله نشوفه عندنا الأسبوع الجاي ولا يتأخر

 

[hamad 11]

صحيح شباب هيث ليدجر مات بعد ما اكتمل تصوير الفيلم ؟ وإلا جابوا كومبارس يكمل النهاية؟

مات بعد ما اكتمل تصوير الفيلم

 

[53]

الإسبوع الجاي ينزل الفيلم بإنجلترا, واليوم نزل Wall-e عندنا, ناوي اروحله باجر. :xd: (حبيت توزيع الأفلام القويه عندنا على اسابيع)

 

[Zero_IYAD]

واو , تقاييم ممتازة @_@

نفس وضع الأغلبية , متحمس له منذ الاعلان عنه لكن أيضا معلوماتي جدا محدودة حتى لا أحرقه على نفسي .

واو على السيارة O :

أحس القديمة الطويلة ما غيرها أحلى ._.

btw , شو المشكلة اليوم ؟!
كل فيديوهات الـYou-Tube في المنتدى ما تطلع عندي !!
(( مجرد نافذة بيضاء ))

 

[persona]

يقولون جاك نيكلسون نصح هيث انه مايندمج كثير بدور الجوكر وهيث اندمج بالدور وعاش شخصيه الجوكر وحاشه اكتئاب وبعدين مات؟

 

[G7Ga7]

يقولون جاك نيكلسون نصح هيث انه مايندمج كثير بدور الجوكر وهيث اندمج بالدور وعاش شخصيه الجوكر وحاشه اكتئاب وبعدين مات؟

أولاً .. من التريلرز واضح ان تمثيله كان من جد غير طبيعي .. يعني واحد "فجأة" مثل دور بالتعقيد هذا , وأبدع فيه بالاجماع .. اتوقع يكون له تأثير ..
على العموم من ويكيبيديا : ( تقرير الوفاة )

"We have concluded that the manner of death is accident, resulting from the abuse of prescription medications."[6][81] The medications found in the toxicological analysis are commonly prescribed in the United States for insomnia, anxiety, depression, pain, and/or cold symptoms.

يا للهول :w00t:

 

[persona]

insomnia, anxiety, depression, pain, and/or cold symptoms.

اي وتقريبا هالمواصفات كلها موجوده بالجوكر ايام ماكان جاك نيكلسون يمثل دوره..لول

 

[Majeed]

يقولون جاك نيكلسون نصح هيث انه مايندمج كثير بدور الجوكر وهيث اندمج بالدور وعاش شخصيه الجوكر وحاشه اكتئاب وبعدين مات؟

ما أقدر أتخيل كيف يندمج في الدور لدرجة تأثر على شخصيته ونفسيته ،،

رغم انه ممكن جداً ،، لكن مخي يعجز عن استيعابه 🙁 ،،

 

[ZiZ]

شكل the Joker ما أعجبني. (خصوصاً براطمه المشقوقه)

 

[King Wario]

الفلم اخذ متوسط A- من النقاد حسب موقع ياهو ( بريفهارت وجلادييتور ما سووها )

 

[G7Ga7]

^ شكراً .. حدثت الموضوع ..

 

[Lunar Poet]

من أكثر الأفلام اللي متحمس لها لهذا الصيف!
الجوكر يمتلك!

 

[The Doctor]

أكثر فلم متحمس له هالسنة... خصوصاً ان الجوكر هو احسن villain
و من الgifs اللي شفتها، شكله هيث ليدجر زبط أبو الدور :laugh::

متى بينزل في البحرين؟

 

[G7Ga7]

^ يُقال/المفروض الاسبوع القادم .. تخاوي 😛

 

[JOE]

حماسي لهذا الفيلم شاطح فووووووووووق ....

 

[Solay]

بالنسبه لي مااعرف اي شي عن الفيلم ولاابي اعرف الين اشوفه...