hits counter

Western Digital تقدم قرص صلب محمول بسعة 250 جيجا بايت

  • بادئ الموضوع بادئ الموضوع Humam
  • تاريخ البدء تاريخ البدء
Humam

Humam

True Gamer
هل سئمت من الحجم الكبير لملفات الفيديو عالية الدقة وباتت سعة التخزين تشكل عائقا كبيرا أمام تبادل برامجك التلفزيونية المفضلة مع أصدقائك ؟ *ويسترن ديجيتال تقدم لك حلا مثاليا, فمع الموديل الجديد للقرص الصلب المحمول WD Passport بوصلة USB 2.0 ستتمكن من حمل 250 جيجا بايت في جيبك بكل سهولة, هذا يعني *أنك قادر على حمل جميع حلقات مسلسل 24 الشهير من الموسم الأول حتى الأخير( *باعتبار كل حلقة مخزنة بدقة 720p ) ومع ذلك سيتبقى لك أكثر من 40 % *من السعة كمساحة شاغرة. رائع !
*
السعر هو 199.99 دولار, و لم يتم تحديد موعد إطلاق للمنتج لكن بمقدورك الآن طلبه من موقع الشركة الرسمي على شبكة الإنترنت* بالضغط هنا


---------------
فريق أخبار TG Tech
موقع TG الرسمي -- ادخل لقراءة آخر أخبار التقنية و المزيد
http://www.true-gaming.net/home
 
مشكور همام على الخبر .... انا عندي نفس الموديل لكن 160 جيجا

مرة ممتاز بس عيبه الوحيد ان عملية نقل الملفات من الكمبيوتر الى الهارديسك طويلة بشكل

خرافي ؟ مادري ليه.
 
اوه عندك ال 160 جيجا ؟ ممتاز.. انا افكر اشتري لي واحد.. صراحة شكله رهيب..

عملية نقل الملفات طبيعي تكون بطيئ بعض الشيء لأنك تستخدم منفذ USB .. بس طالما تقول بطيئة بشكل خرافي فيمكن انت عندك مشكلة.. حاول تجرب منفذ مختلف, تاكد ان كل منافذك USB 2.0, يمكن في منفذ بسبب لك تعارض.

اذا تبغى trick مفيد, اذا جيت تنقل ملفات كثيرة, حطهم كلهم في ملف zip, لأن الوندوز اذا جيت تنقل ملفات كثيرة راح يتعامل معاها كلها على حدة, يمسك الملف الأول, يشيك عليه, يرسله, يتأكد منه بعدييين يمسك الملف الثاني وهكذا.. فلمت تخليها كلها في ملف واحد راح يكون اسرع لك.
 
تسلم اخوي على الخبر ,
شكلة جديد و عصري و السعة الي فيه خرافية ×_×
تخيلت سعرة خرافي أيضاً , لكنة حلو مقارنة بـ250 جيجا
 
الهارديسكات الخارجية أبدا ماهي ثقة ضربوا علي اثنين 120 جيجا وبقي واحد 🙁 ( بالمناسبة في احد عنده حل ؟ )
 
الهارد دسكات المحموله الي عندها هنا كلها خمة .. المشكله لما جيت ادور هارد ديسك محترم ما لقيت غير نصب جرير (200 جيجا بالكهرباء ب 1500 ريال ) و الهارددسكات المنتشره ماركة توشيبا ابو كلب ..

لكن بالاخير لقيت WB 350جيجا و مخرج فايروير ب 500 ريال تقريبا
 
أنا عندي اثنين 40 جيجا واحد توشيبا والثاني وسترن ديجيتال.. لول اثنينهم جتهم فترات يستهبلوا فيها.. صكيتهم فورمات رجعوا زي العسل.. بس الله يستر.
 
أنا عندي هارد ديسك خارجي بنفس الحجم تقريبا (توشيبا)
سعته 100 جيجا
شريته بـ300 درهم

ومرتاح منه جدا
حتى نقل الملفات له مش بطيئة أبدا ...
 
(200 جيجا بالكهرباء ب 1500 ريال ) و الهارددسكات المنتشره ماركة توشيبا ابو كلب ..
أنقر للتوسيع...

اوووف ..سرقه عيني عينك :roll: ...انا قبل شهرين شاري Western Digital بالكهرب 250 قيقا ب 99.99$ يعني 100 دولار :yuck: 375 ريال سعودي تقريبا ...
 
لول ابو الكهرباء هذا SATA.. شفت واحد عند ولد خالتي .. 200 جيجا.. حجمه ديناصوري لول.. بس هو يوصله ب USB .. الحقيقة مش مطلع تماما على كيفي عمل الاكسترنال هارد ديسكس, بس فعلا ايش الفائدة انه يكون SATA دامك تستخدم بريدج داخلي يحولك ل USB.. أكيد كونه SATA ب rpm و buffer أكبر يعمل فرق لو توصل ب SATA كونكتور.. لكن أنا ما أكون ضيعت هذي الأشياء لمن استخدم USB ؟
 
على فكره من زمان موجود عندنا !!
شكله انيق والله !
 
و الله شكله رايق و السعة قياسية بالنسبة للحجم

أنا قبل أمس رحت إكسترا أبي اشتري ويسترن ديجيتال 500 جيجا و ما حصلته مخلص للأسف :cryy:
 
هذا شكله 2.5
اصبر كم شهر و يبي يطلعلك SSD بهذا الججم (الي اصغر منه و أسرع)

بالنسبه للهاردسكات الكبيره أنا عندي MyBook حق WD حجمه 500GB شريته بـ700ريال من اكسترا

بالنسبه لخرابات الهاردسكات الصغيرة 2.5 لأنه إما طاح منك أكثر من مرة، أو تشغله وهو مقلوب، أو تشغله وهو مهب متوازن (يعني تحرك سواء بيدك أو بأي طريقه أخرى)، أو انك تحطه بمكان ضيق "يرعصه"
على العموم أنا خربانلي 40GB من نفس النوع و الـ80 على الطريق
 
التعديل الأخير:
أنا قبل أمس رحت إكسترا أبي اشتري ويسترن ديجيتال 500 جيجا و ما حصلته مخلص للأسف
أنقر للتوسيع...
متوفر و بكثرة بمحلات أبراج الدوسري.
 
بصراحة الهرديسك شكله رهييب خصوصا انه صغير و حجمة كبير
شكلي راح اطلبه :::wink::: :::wink:::
 
شكله مره انيق وسعره ممتاز مقارنه بالنصب اللي عندنا .. يبيلي واحد ان شاء الله 🙂
 
شكله وااااااااااااااااايد حلوووو @_@
اول مرة اشوف هارديسك شكله جذاب P:

بس عندي سؤال، شنو الفرق بين هذا وبين اللي يشتغل على الكهرباء؟ لأن اذا فيه فرق في الاداء والسرعه بفكر قبل لا اشتري واحد مثل WD Passport
 
أنا خليت أخوي يشتري Western Digital My Book 250GB لأن النت عنده من غير ليمت وينزل لي الأنميز 🙂
بس كلامكم خوفني يعني الهارديسكات تخترب بسرعه ولازم أصلحهم بفورمات ويضيع كل شي عليه !!!
المشكله أنا باخذه معاي وبكون في الشحن في الطياره يعني بيخترب -__-"
 
أنا عندي 300 جيجا بكهربا.. المشكلة إني مستخدمه كـInternal :\
والله أعتقد هذا مفيد.. بس أعتقد الـ Flash Drive أسهل للإستخدام.. ولنقل الأحجام الكبيرة الله يخلي الـDVDs (وقريبا الـBlueray ~^ )

ههه ولد عمي شاري 600 جيجا إنترنال إضافة للمليون اللي عنده xD
 
حلو، بس سعره نار. وشخصيا ما احب ويسترن ديجتال، لان غالبا عمر هاردسكاتهم تتراوح بين سنه الى سنتين.

اذا تبغى trick مفيد, اذا جيت تنقل ملفات كثيرة, حطهم كلهم في ملف zip, لأن الوندوز اذا جيت تنقل ملفات كثيرة راح يتعامل معاها كلها على حدة, يمسك الملف الأول, يشيك عليه, يرسله, يتأكد منه بعدييين يمسك الملف الثاني وهكذا.. فلمت تخليها كلها في ملف واحد راح يكون اسرع لك.
أنقر للتوسيع...
طيب واذا جيت تسوي لها ضغط؟ بيتعامل مع كل واحد على حده، يعني في النهايه بتحصل على وقت اطول اذا جمعت وقت الضغط مع النقل وقارنته بالنقل بدون ضغط.

لول ابو الكهرباء هذا SATA.. شفت واحد عند ولد خالتي .. 200 جيجا.. حجمه ديناصوري لول.. بس هو يوصله ب USB .. الحقيقة مش مطلع تماما على كيفي عمل الاكسترنال هارد ديسكس, بس فعلا ايش الفائدة انه يكون SATA دامك تستخدم بريدج داخلي يحولك ل USB.. أكيد كونه SATA ب rpm و buffer أكبر يعمل فرق لو توصل ب SATA كونكتور.. لكن أنا ما أكون ضيعت هذي الأشياء لمن استخدم USB ؟
أنقر للتوسيع...

صحيح لو بالساتا احسن لك بكثير، لكن هذا ما يعني انك ضيعت البفر وعدد الدوران العالي وما استفدت منه اذا استخدمت USB. لان في النهايه لو ما عندك بفر ممتاز وسرعه جيده ماكان راح تحصل على السرعه الي تحصل عليها بالUSB المستخدم.

_________

انا عندي 3 هاردسكات خارجيه كل واحد 80 جيجا.
 
هارد حلو .. بس .. ال غالي !!
بالقيمة هاذي أخذ 500 جيجا أرجل لي !!
 
Mr.VEGA قال:
هارد حلو .. بس .. ال غالي !!
بالقيمة هاذي أخذ 500 جيجا أرجل لي !!
أنقر للتوسيع...

والله هو غالي.. بس هذي ضريبة الحجم.. الحجم مرة حلو وانا من الناس الي مرة ما احب اشيل أكوام من العفش معاي لول.
 
في رأيي Seagate افضل من يصنع الهاردسكات ماعمري سمعت احد يشتكي منها
وعندهم هاردسكات خارجيه متنقله مصممه بشكل يحميها من الصدمات بشكل قوي
sgp.jpg

الـenclosure الى عليه هذا المينوم مطلي بالكروم موب بلاستيك زي اغلب الهاردسكات البورتبل الخارجيه وفيه فتحات تهويه من كل الجوانب
http://www.seagate.com/www/en-us/products/portable/portable_drives/
 
التعديل الأخير:
Xavi قال:
الهارديسكات الخارجية أبدا ماهي ثقة ضربوا علي اثنين 120 جيجا وبقي واحد 🙁 ( بالمناسبة في احد عنده حل ؟ )
أنقر للتوسيع...
جرب توديه للمحلات اعتقد يقدرون يطلعون الملفات منه :/
هممم ما ادري إذا تستعملها ولا لأ .. لكن إذا بتشيله اضغط علامة السهم (عند الساعة) ووقفه بعدين لما يقول لك safe to remove شيله ..


الحين انتشر بالاسواق الـ160 حجمه صغير وسعره ممتاز 30 دينار تقريبا ..
 
Xavi قال:
الهارديسكات الخارجية أبدا ماهي ثقة ضربوا علي اثنين 120 جيجا وبقي واحد 🙁 ( بالمناسبة في احد عنده حل ؟ )
أنقر للتوسيع...
كم قعدوا عندك؟ لان الهاردسكات لها عمر.
 
أنا عندي هارديسك من Western Digital بنفس الحجم 250 جيجا لكن فرق كبير لول لأن مالي يتركب بكهربا + حجمه أكبر شوي .

أنا أشوفه يستاهل بس طبعا بعدين لمن ينزل سعره وشكله بالمناسبه روعه .
 
جرب توديه للمحلات اعتقد يقدرون يطلعون الملفات منه :/
هممم ما ادري إذا تستعملها ولا لأ .. لكن إذا بتشيله اضغط علامة السهم (عند الساعة) ووقفه بعدين لما يقول لك safe to remove شيله ..
أنقر للتوسيع...

الهارديسكات للحين عندي ماوديتها أي محل كمبيوتر ان شاء الله بحاول أوديها قريب وبشوف قصتها .

Ginko قال:
كم قعدوا عندك؟ لان الهاردسكات لها عمر.
أنقر للتوسيع...

هممم والله طولوا معي ، سنة ونص أتوقع او شي قريب من هذه المدة .
 
Xavi قال:
الهارديسكات للحين عندي ماوديتها أي محل كمبيوتر ان شاء الله بحاول أوديها قريب وبشوف قصتها .



هممم والله طولوا معي ، سنة ونص أتوقع او شي قريب من هذه المدة .
أنقر للتوسيع...
اذا كنت دائما تشغلها (يعني القرص الي في الداخل دائما شغال ويدور) اجل احتمال كبير ان عمرها خلص، لكن مافيه شيء اكيد لان علمي في هالشيء مو واسع. وانا ما اعني بدائما يعني 24 ساعه، بل استخدام متواصل يعني ما عمرك خليتها شهر بدون استخدام او اسبوعين على الاقل، دائما تستخدمها. سنه ونص تقريبا هي اعمار ويسترن ديجتال. طبعا هالشركه شخصيا ما اتعامل معها تحديدا عشان هالسبب، الاقراص الي يستخدمونها اي كلام وما تعيش.
 
يجب تسجيل الدخول أو التسجيل كي تتمكن من الرد هنا.
عودة
أعلى