Warhawk - الموضوع الرسمي

[SALAH]

أسود اول شي روح على settings في الجهاز
بعدها اختار accecories
ومنها اختار Register Bluttooth Device
رح يجيك اختيارات اختار Headset Device
واكبس على scan

الحين امسك السماعة واطفيها ( خليك كابس خمس ثواني حتى تطفي )
الحين وهي مطفية اكبس الزر خمس ثواني تماما حتى يصير الضوء الازرق مضيء بشكل دائم ( يعني ما يغمز ) عشان تخلي السماعة بوضعية الاستكشاف

ارجع للجهاز الحين بتلاقيه وجد سماعة بلوتوث Jabra عطيه اوكي

ارجع للsettings و روح على الاكسيسوريز ومنها Sound devices ورح تلاقي شاشة فيها اختبار لسماعاتك..لاحظ عند input sound device معيرة على لاشيء , روح عندها وغير الاختيار الى Jabra headset

مبروك...عملية جراحية معقققققققدة الصراحة بس المهم زبطت ان شا الله :yuck:

 

[Old School]

اهم شي اسود ان السماعة تتاكد انها بوضع الانتظار للتعريف عشان الجهاز يلقطها وقت ال scan مقلك اول مرة عجزت احاول اعرفها لاني مدري كيف اخلي السماعة تكون في وضع الاستقبال.

 

[M 7 L]

يالله واحد يخبرنا كيف نعرف الهيت سيت عالجهاز او يرسل لنا لينك فيه شرح للطريقة..تقولو فيه مانوال مع العبة يشرح لك وألخ..مو ملاقي شي بالعلبة مجرد اللعبة والهيد سيت وكيبل اليو اس بي حق السماعة مليت وانا احاول معها -_-

موجود ليش مو موجود ! عندك مع اللعبة تشوف مثل المنشورة لونها أصفر ! مكتوب فيها كل شي !

يكفي انها معوقة عالاذن مدري كيف ترتاحو لها

إية والله حتى أنا ما اترحت لها لكن الحمد لله عندي هيد سيت غيرها مريحة جداً :cooool:

شباب الظاهر إني ما راح أكون متواجد يوم الخميس ! لأن بكون في رحلة .. .. ..

احتمال كبير أكون مو موجود لكن إن شاء الله أقدر أكون موجود لأن إذا كنت مو موجود معناها إن أنا موجود في الرحلة وإذا قدرت إني أكون موجود معناها إني مو موجود في الرحلة << ما تذكركم بشي :yuck: ( إلي يعرف له أفاتر حلو )

 

[ASWD]

يعطيكم العافية بحالو الحين واذ ماضبط باستخدم الهيد سيت الثانية اصرف لي

موجود ليش مو موجود ! عندك مع اللعبة تشوف مثل المنشورة لونها أصفر ! مكتوب فيها كل شي !

مثل ما وضحت فوق مافي شي بالعلبة مجرد الاغراض اللي ذكرتهم بردي السابق

 

[SALAH]

لا تنسى انه اضافة للشرح اللي خبرتك عليه , لما تكون داخل اللعبة اكبس زر السماعات مرة واحدة لتشغيلها, وبعدها اكبس L3 عشان تتكلم

شباب الظاهر إني ما راح أكون متواجد يوم الخميس ! لأن بكون في رحلة .. .. .

.

يووووه خسارة !
كنت حابب أغير نظرتك السوداء نحوي بهالجولة..خلاص الاسبوع القادم ان شا الله مو مشكلة :yuck:

 

[Old School]

خسارة -_- ما ودي عددنا يقل باي طريقة لول خل عنك الرحلة وتعال خلنا نكسر راسك

 

[غريب]

سوولنا انفايت بالكلان حقكم

x_BRAVE_HEART_x

 

[Old School]

اوكي للتذكير الساعة الرابعة عصر موعدنا اليوم لا تنسون وتسحبون علي

اليوم فيني حرة لي اسبوع مو ماسك يدة السوني
الباسورد كالعادة 1234

كذلك بالنسبة للي يبغا ينظم لنا الاسبوع هذا لاول مرة تأكد اني بقائمة اصدقائك او بالكلان عشان تدخل السيرفر عن طريق البدي ليست من اسمي

 

[M 7 L]

هلا شباب << للتو وصلت من الرحلة -_____-"

إن شاء الله راح أقدر أجلس من النوم , ( أعطيكم رقم جوالي عشان تجلسوني من النوم P: )

يووووه خسارة !
كنت حابب أغير نظرتك السوداء نحوي بهالجولة..خلاص الاسبوع القادم ان شا الله مو مشكلة

لا ما عليك بحاول إني أكون متواجد وما أعتقد إن النظرة راح تتغيّر " لووول "

خسارة -_- ما ودي عددنا يقل باي طريقة لول خل عنك الرحلة وتعال خلنا نكسر راسك

توني واصل من الرحلة وإن شاء الله راح أقدر أكون معاكم قولو يا رب أجلس من النوم بس ^^

 

[SALAH]

الساعة 4 العصر بكون في الدوام ( برجع 6 ونص ) ما اظن اقدر العاب معاكم هالاسبوع
اذا بكون اللعب كمان بيوم جمعة وسبت أفضل عشان اجازة والكل مستريح وفاضي 🙂

<<< خخخ بعد آخر مرة صرت احس وجودي مثل عدمه :yuck:

 

[AMG]

حتى انا اليوم عندي مشوار للمطار و مبارة كرة ، شباب ايش رايكم نخلي الموعد الاسبوع هذا السبت اعتقد بيكون مناسب اكثر و بيكون العدد اكبر

 

[M 7 L]

أنا جاهز وإن شاء الله هالمرّة بجيب اثنين معاي . . .

 

[Double T]

ها شباب انا معاكم و داخل اللعبة ... في لعب و الا لأ

 

[M 7 L]

شباب للحين ما وصل الأخ أول سكول ؟؟

مادري يمكن انشغل أو شي ؟؟ أنا ما زلت أنتظر وإذا أحد يقدر يسوّي غرفة لا يقصّر لأن أكثر الشباب موجودين !

. . .

 

[Double T]

شباب الي عنده الكلان يرسلي انفينيشن لو سمحتوا 😀

 

[Nintendo]

سررت باللعب معكم شباب 🙁

وش ذا .. مافي غير الاخ MZX اللي كان موجود على الموعد .. اولد سكول وينك .؟

 

[Double T]

كنت موجود بس ما عرفت وين ادخل لأن ما عندي الكلان

 

[M 7 L]

سررت باللعب معكم شباب 🙁

وش ذا .. مافي غير الاخ MZX اللي كان موجود على الموعد .. اولد سكول وينك .؟

شدعوة !! صار لي ساعة أنتظر ورحت للغرفة إلي تلعبون فيها وكانت فل ؟؟

كيف أدخل !! وكتبت تعقيب هنا ولا شفت أحد جاوبني ؟

أولد سكول الظاهر طرأ عليه طارئ !

 

[SALAH]

بكرا باذن الله بكون في دبي ..
شباب لو نلعب عصر يوم السبت ..احد عنده مشاكل ؟

 

[Old School]

أعتذر إعتذار شديد والسموحة والمعذرة
وانا كنت موجود على جهاز السوني كالعادة قبل ساعة لكن لا حياة لمن تنادي كوم كاست فاصلين النت عني ومطاق معاهم على التلفون وتوهم يرجعونه لي
اكرر اعتذاري وانها حصلة من غير لا حول ولا قوة مني 🙁
سوري شباب اعوضكم بالمرة الجاية ان شاء الله

 

[Old School]

اش رايكم بيوم الجمعة يا شباب فاضين ؟ ودي اعوضكم باسرع فرصة ومنحرج منكم كثير

 

[SALAH]

ولايهمك عادي 🙂
بالنسبة لي ما اقدر الا يوم السبت...يناسب بعضكم ؟

 

[M 7 L]

أعتذر إعتذار شديد والسموحة والمعذرة
وانا كنت موجود على جهاز السوني كالعادة قبل ساعة لكن لا حياة لمن تنادي كوم كاست فاصلين النت عني ومطاق معاهم على التلفون وتوهم يرجعونه لي
اكرر اعتذاري وانها حصلة من غير لا حول ولا قوة مني 🙁
سوري شباب اعوضكم بالمرة الجاية ان شاء الله

لا ما عليك أصلاً أنا من أول ما شفتك عاطيني سابع في الموضوع ولا تجاوب قلت أكيد الرجال عنده شي طارئ , أنا ما عندي مشكلة لو كانت بكرة وكذلك يوم السبت عشان كذا إذا كان أحد من الشباب عنده مشكلة يكون بكرة خلاص فلتكن عصر السبت . . .

وياريت باقي الشباب يقولون شنو رايهم بالموعد !

 

[Old School]

عصر السبت اوكي بالنسبة لي ( صباح طبعا بالنسبة لي ) لول
عمر (نتيندو) قالي بكرة ما عنده مشكلة خلنا نشوف رايه على السبت ابغا اكبر عدد مكن والله يدي يطلع منها نار
تبغى تمسك يدة سوني وتحرقكم واحد واحد 🙂

 

[Nintendo]

ان شاء الله يكون السبت مناسب ( المشكلة ماعرف وش يصير من هنا ليوم السبت ) ولكن نقول ان شاء الله موجودين ..

 

[Double T]

ما عندي مشكلة ان شاء الله .. بس الله يستر من اتصال الجامعة ايش راح يسوي فيه ( افضل الحالات العب بدون ما اتكلم و الا اكلم احد )

 

[Old School]

اوكي على كذا موعدنا السبت ان شاء الله اليوم ارتفعت رانك مع اني من زمان مو لاعب لول طلعت حرتي بخلق الله و وان شاء الله ان المستوى ما يتغير لما العب معكم لول

 

[SALAH]

بكرا باذن الله الساعة 4 العصر ..اتفقنا شباب ؟

 

[AMG]

بكرا باذن الله الساعة 4 العصر ..اتفقنا شباب ؟

الوقت هذا مناسب لي تماما ::

 

[Old School]

خلاص اليوم الساعة اربع العصر نتقابل يا شباب ما عاد فيني ابغا تكسير رؤوس وتنظيف الغبار بالخشش وتغليف السيارات بالجلود لول

المهم زي المعتاد الباسورد 1234 ^^
المرة هذي باذن واحد احد بكون موجود للتشطيح