Valkyrie - كروز في عملية اغتيال هتلر .

[Ash]

Valkyrie فيلم أمريكي جديد يحكي عن المؤامرة الألمانية لقتل هتلر أثناء الحرب العالمية الثانيه ( مقتبس من أحداث حقيقية ) .

الفيلم بيكون من بطولة توم كروز الي شكله رجع لعقله و اختار دور صح عكس أخر أفلامه و خصوصا ميشن امبوسيبل 3 الي حتى الحيوانات في فيلم over the hedge جمعوا أكثر منه بالبوكس أوفيس , يذكر انه كروز دخل بحالة جنون ما يعلم فيها غير صاحبة وجه الفقر كيت بنت هولميس بحيث من يوم خطوبته لها و لحتى مباراة بيكام الأخيره و هم ملوعين جبد العالم بظهورهم الاعلامي الغثيث و المليق بحيث انك تدخل أي موقع أخبار تلقى ( توم و كيت راحوا يتعشون ) أوكي , ( توم و كيت راحوا النادي ) طيب , ( توم و كيت راحوا الحديقه مع بنتهم ) و بعدين!! ,( توم و كيت راحوا البقاله ) .... , ياعمي ياريتهم يروحون في ستين داهية :embarrassed: .

المهم نرجع لفيلم فالكري , الفيلم موعده عام 2008 و راح يبدأ التصوير هالشهر في برلين ( ألمانيا مكان أحداث القصة ) .

الفيلم من اخراج براين سنجر الي أخرج الفيلم ( الخطيييييير ) The Usual Suspects :cooool: بالاضافة للفيلم ( السخيييييف ) Superman Returns :normal: .

البطلة بتكون الممثله الألمانية Carice van Houten الي مثلت بفيلم Black Book ( ألماني ) و توم كروز أعجب بتمثيلها في هذا الفيلم , دورها بيكون زوجة توم كروز بالفيلم ( و الي هو طبعا قائد المؤامرة ضد هتلر ) , و أهم جزأ , الممثل و المخرج و الكاتب المبدع كينيث برانج بيشارك بالتمثيل بالفيلم ( حائز على أربع ترشيحات بالأوسكار ) .

حاليا : بانتظار فيلم توم مع ميرل ستريب هالسنه .. LION FOR LAMBS , في نوفمبر!!

 

[m7tram]

أكره نوعيه هالأفلام , تحطيم -_- .

 

[53]

ننطر شورانا ..

وأفاترك حلو لا يقص عليك فيصل ترا ما قلت شي :yuck: ..

 

[Ash]

ننطر شورانا ..

وأفاترك حلو لا يقص عليك فيصل ترا ما قلت شي :yuck: ..

أفا عليك , أصدقك بس أنت لا تصدقه هههه .

 

[The Heartless]

أفلام توم كروز = علامة الجودة

طبعاً في الانتظار

سؤال فيصل :laugh: ديكابريو شنو عنده مشاريع ؟

 

[Naif]

توني اعرف عن الفلم اللي مع ميرل ستريب.. تحمست!.. احب تمثيل ميرل

رحت قريت عنه.. قصته شكلها جيدة..

 

[Death match]

يا سلام احب هذي النوعية من الأفلام خصوصاً انه عن هتلر 😎 .. بس مدري ليش احس توم كروز ما يصلح لمثل هذي النوعية من القصص

 

[UN3]

أفلام توم كروز = علامة الجودة

طبعاً في الانتظار

سؤال فيصل :laugh: ديكابريو شنو عنده مشاريع ؟

جواب على السؤال انا والله شفت تريلر لأجدد افلام دكابريو راح يكون في السمر

الا وهو (تايتنك 2)

الفلم اكشن

ودي احط التريلر بس ماني قادر:yuck:

 

[King Wario]

احس بيكون شي حلو ...

زين فيصل متى ينزل فلم توم وكيت راحوا المطعم ؟ متحمس p:

 

[Ash]

The Heartless :

ديكابريو ماله أي فيلم في 2007 ( يحق له يحق له , السنه الي طافت سوى فلمين أقوى من بعض ) .

في 2008 له فيلم اسمه Revolutionary Road من اخراج ( المبدع ) سام مينديس الي أخرج American Beauty و Road to Perdition و الألماني Jarhead .

بطلة الفيلم هي زوجة سام مينديس ( المخرج ) و الي هي الممثله ( مافي كلمه توفيها ) كيت ونسلت , يعني هالفيلم بيشهد اجتماع ليوناردوو كيت ونسلت في بطولة من بعد اجتماعهم الغير منسي في فيلم تايتنك قبل أكثر من 10 سنين , و الي يضحك أكثر انه حتى الممثله كاثي بيتس معاهم ( الحرمه المتينه صديقة أم روز ) .

المهم , القصة تحكي عن اثنين متزوجين يعيشون في ضاحية كونيكتيكت في فترة الخمسينات و غرقانين بمشاكلهم الشخصية و تربية عيالهم , السيناريو بيكون مقتبس من نوفيل لريتشارد ييتس .

حتى انه في 2008 له مشروع ثاني و منتظر من الجمهور بشغف , و هو فيلم The Rise of Theodore Roosevelt من اخراج مارتن سكورسيزي !! ( مارتن للحين مصمم على ليو ! ) .

ليو بهالفيلم بيسوي دور رئيس أمريكا السادس و العشرون Theodore Roosevelt و يوريك شلون صار كوماندر في الحرب الأمريكية الفرنسية .

هذي تقريبا مشاريعه المؤكده للآن .

كنج واريو :

لا غلطان اهو مو فيلم طلع مسلسل هزلي P: , يطلع كل يوم مدموج مع انسايدر او انسايدر ايدشن , لا يطوفك .

 

[Ash]

أوكي بعد مشاكل عويصه صارت بمنع تصوير الفيلم بألمانيا و و و و أخيرا بدأ التصوير و هذي أول صورة للبردكشن :

و أخيرا الفيلم حصل على تاريخ عرض :

Tom Cruise’s new film “Valkyrie,” the MGM/United Artists historical thriller that kicked up dust last month in Germany, now has a tentative release date: Aug. 8, 2008.

Cruise, who is also one of the film’s producers, stars at Col. Claus von Stauffenberg, the leader of a July 1944 attempt to assassinate Adolf Hitler with a briefcase bomb. Valkyrie was the code name for Stauffenberg’s plot.

A studio spokeswoman said the film’s release date could change, but she said an alternative hadn’t been determined.

The film will have plenty of competition in August if that date holds.

Universal’s “Hellboy 2″ and Buena Vista’s animated feature “South of the Border” are due out on Aug. 1. New Line’s Brendan Fraser adventure “Journey 3-D,” Warner Bros.’ “The Sisterhood of the Traveling Pants 2″ and Sony’s Seth Rogen comedy “The Pineapple Express” are all set to release on Aug. 8.

Last month, Germany barred “Valkyrie” filmmakers from shooting at the “Bendlerblock” memorial inside the Defense Ministry complex in Berlin because Cruise is a Scientologist. The government considers Scientology a cult. (LATimes.com)

 

[The Doctor]

أوكي بعد مشاكل عويصه صارت بمنع تصوير الفيلم بألمانيا و و و و أخيرا بدأ التصوير و هذي أول صورة للبردكشن :

و أخيرا الفيلم حصل على تاريخ عرض :

Big Boss على غفلة :yuck:

الفلم مطول... بس متحمس له... بصراحة نحتاج افلام اغتيالات سياسية أكثر XD

 

[MALDINI]

The Rise of Theodore Roosevelt هذا الفلم ماراح يظبطه الا ليوناردو .. بأفلامه الاخيره اثبت بحق انه من افضل الممثلين اللي يعيش الأدوار عندك مثلا فلم The Aviator & Catch Me If You Can .. اتوقع نجاح كبير لفلمه The Rise of Theodore Roosevelt .. هههه ياخي يعجبني ليو بالسنه بعض الاحيان مايسوي الا 4 افلام بالكثير او ثلاثه لكن بالصميم وتحتل المراكز الاولى لمده كافيه ..
اوه نسيت كيت .. احلى شي اذا شفت اول مقطع بالفلم يرجعهم مع بعض
بأنتظار Revolutionary Road

تاريخ بعيد .. لكني متحمس للفلم جدا !!
***

 

[Colorization]

الفيلم بيكون من بطولة توم كروز ا

وصلت هني ووقفت، eww

 

[Ash]

وصلت هني ووقفت، eww

شكلك تنتظر The Incredible Hulk .

 

[Colorization]

أنتظر أي شي مافيه توم كروز، مادري شاللي عاجبكم فيه لول، كل ما أتذكر حلقته مع أوبرا.....

 

[Ash]

محظوظين Norton فانز , هلك الخارق سيعود في صيف 2008 , احنا كروز فانز لوزرس بننتظر فيلم حربي/درامي عن مقتل هتلر .

على فكره في حلقه قادمه لأوبرا بتستضيف توم و كيت مره ثانيه :cooool: ( بيتكلم عن مشروعه هالسنه ليونز فور لامبس + فالكري ) .

 

[Colorization]

شدخل نورتن الحين 😛eeved: توم هانكس > الكل، الباجي ok ما عدا كروز وبراد بيت، أكرههم..

على فكره في حلقه قادمه لأوبرا بتستضيف توم و كيت مره ثانيه

لوول ممتاز، خنشوف هالمرة بيناقز على شنو :yuck:

 

[Ash]

خبري تحبه لول .

 

[MALDINI]

لوول توم كروز ما احبه لكن مدري ايش اللي يخليني اشوف افلامه كلها !!
شكلكم بتضحكون علي لكن فلمه Top Gun مع Val Kilmer من افضل الافلام عندي

الساوندتراك للفلم مره حلو خاصة Take My Breath Away
خخخ شكل مافيه حد يحب ذا الفلم لول

***

 

[Captain Jack Sparrow]

احسه حلو بس راح يكون فيه شوية سخافة :gasp: :gasp: