Unearthed: Trail of Ibn Battuta نسخە من UnCharted

[KAIN.]

كنت محق تماما بقولي في موضوع سابق ان اللعبه نسخ و لصق و هذا التريلر دليل على كلامي , المطور العربي ما عنده اي ابداع في هذا المجال الى الأن

 

[BigSur]

ما ادعمها بولا ميلي!
كون أن المطور عربي عليه أن يحترم نفسه أولاً و يقدم شيء محترم من بناة افكاره عشان ندعمه!
كون انك تقدم لي لعبة بفكرة جديدة أو عملية خلط أفكار ألعاب أخرى، حتى لو كانت بمستوى أقل، أرحم بمليون مرة من انك تجيب لي نسخ عيني عينك!

 

[Naserano]

اللعبة مسوية ضجة كبيرة في N4G .. على الأقل الحين متأكد إن فيه ناس راح يشترونها من مبدأ "حب الاستطلاع"

الموقع هذا مسوي مقارنة بينها وبين انتشارتد3
http://www.gamersmint.com/uncharted-clone-vs-uncharted-3-screenshot-comparison

حركتهم فيها نذالة الصراحة

 

[key_san]

شباب من أحين جهزوا نفسكم من التقاييم اللي راح تطلع للعبة

 

[Survivor]

للأسف اللعبة نسخه سيىء جدا من إنشارد 🙁

عليهم البدء بصنع لعبة 2D أولا حتى يتعلموا ويستفيدوا من أخطائهم
ولا يستعجلوا بالدخول الى عالم ال3D .

 

[X-SRI-X]

الله يستر على التقييمات
اتوقع 5 بالكثير .... 4 على الاغلب
فوق كذا فهو انجاز

 

[slifer dragon]

رغم أنها سرقة, لكن أتمنى فقط يستفيدون من تجربتهم مع هاللعبة.. من الناحية التقنية والفنية ويكون هالمنتج محفز لهم يصنعون أفكارهم الخاصة.. وأفضل ألعابهم الجاية تنزل على الXBLA والPSN كوننا بعيدين تقنياً عن المطور الغربي والفريق يحتاج سنوات عشان يتجاوز هالفارق..

 

[14/08]

صحيح إن المفترض يكون هدف المشروع هو توضيح الإبداع العربي للعالم ولكن مع هذا ما يمنع إن المشروع يكون له نتايج إيجابية ونجاحه يعتبر شيء إيجابي .
بالنسبة لقضية نسخ اللعبة فصندقوني عالم الألعاب مليان من هذا الشيء و الشركات الغربية تستخدمه لوقتنا هذا لدرجة إنه فيه شركة حاليًا مبنية على هذا المبدأ (Gameloft) .

 

[قناص]

الله يستر على التقييمات
اتوقع 5 بالكثير .... 4 على الاغلب
فوق كذا فهو انجاز

5 مين يا عمي :laugh::

أتوقع التقييمات بين 2 و 3

 

[H2O]

[video=youtube;o2eSg2Uwh8Q]http://www.youtube.com/watch?v=o2eSg2Uwh8Q[/video]

 

[إحساس]

^

ياساتر الرجال قاعد يسب ويضحك علينا ضحك مو طبيعي .. وبصراحة من اللي أشوفه فعلاً تستاهل اللي يجيها ..

وااااو اللعبة مكسورة بشكل غير طبيعي .. مظهرها " زبااالة " والأنميشن سيء جداً جداً حرفياً .. أخطاء تقنية بالهبل ورسوم بيئية سلبية جداً .. اللعبة جداً جداً جداً سيئة والله يعينهم من التقييمات اللي راح تجيها ..

 

[Old Snake]

ضحكته مصطنعة بشكل مقرف + متى بيعرفوا إنه لهجة العرب الإنجليزية =/= الهندية والباكستانية...إلخ \:

 

[Naserano]

ضحكته مصطنعة بشكل مقرف + متى بيعرفوا إنه لهجة العرب الإنجليزية =/= الهندية والباكستانية...إلخ \:

من جد

بعدين صراحة لو إني في مكان المطور كان كنسلت المشروع وبديت مشروع جديد وبسيط بالاسست اللي عندي

 

[persona]

اتفق مع اولد سنيك بخصوص الفيديو ، معدل ذكاءه تحت ال60 هذا..

عموماً بخصوص اللعبة ، حشيت فيها لين قلت بس وقلت رايي بموضوع سابق

برايكم ، هالتعب هذا لو صارفينه على لعبة 2d بأرت جيد وقيم بلي مقبول وتنزل على البلي ستيشن ستور والاكس بوكس بكووب محترم وبافكار حتى لو كانت مقتبسة او مكررة(بطل ينقذ اميرة ، اربعة ينقذون المدينة من الاشرار)؟ صدقوني راح تضرب عندنا بالمنطقة (على الاقل) ، مو احسن من انتشارتد نسخة البلي ستيشن 2 هذي؟..

 

[Akilla]

لول , اللعبة حصلت على كل الهايب اللي تبيه واكثر :laugh:: .

قالوها الشباب واقولها مرة ثانية , قفزتهم هذي كانت كبيرة جداً , لو اشتغلو على شي بسيط لهم كان ابرك , لعبة تو دي مثلاً , حاجه بسيط وتقدر تحط فيها افكار واجد , اما اللي طلعو فيه فهو شي سيء جداً , يعني لعبة تقليد للعبة ثانية وفوق كذا مضروبة وتعيسة جداً ويبغون العالم يشترونها ؟ لول عليهم بس .

 

[key_san]

أنا مو متأكد بس كأني سمعت أنه بعد هذا الجزء راح يسووا جزء ثاني .

يعني سلسة عن قصص قديمة >>> زي Uncharted

 

[MH MD]

^
هي اللعبة بتنزل على شكل حلقات في اللايف والPSN ، وهذه هي الحلقة الأولى

 

[MAX9009]

اللعبه بدال ما ترفع راس الفريق العربي اللي اشتغل عليها بتجيب لهم المحشات والشتايم وتزيد الطين بله بتفكيرهم تجاه العرب =/

 

[Five]

حسيت بالعار والخجل من الي قاعد أشوفه , سيمافلوب -_-

مو احسن من انتشارتد نسخة البلي ستيشن 2 هذي؟..

حرام عليك ! تومب رايدر مالت البس1 أرحم من هذا في الجرافيكس (&)

 

[AL3TTR-M]

^

مدري والله بس أنا شفت هالمقطع وعلى أساس إنه ملتبلير ولا 😵 ؟

[video=youtube;LdE9Unac29E]http://www.youtube.com/watch?v=LdE9Unac29E[/video]

الي اعرفه ان الملتي بلاير بالفيس بوك للكل
والمقطع يذكرني بالعاب الـpsp الرخيصه:d

 

[يمكازي]

لول , يا شباب مب لهذي الدرجة عاد ؟! تحس بالعار ؟ رسوم الـps1 لأفضل ؟!

يعلم الله ردودكم تعطيني شعور ان العرب متقدمين في صناعية الجيمنج , و هذا اللعبة خطوة للوراء , بعض الأخوان احيهم على ردودهم , حيث بدل السخرية و الاستهزاء اللي ما راح تقدم و لا تأخر كتب لك حلول , مثل "اً يركز الفريق على تطوير لعبة 2d , مع co-ob " بالتاكيد إذا فريق وصل لهذا المستوى شيء طبيعي يستطيع تقديم لعبة 2d محترمة .

أن تقدم حلول خير من أن تتهجم على المطور .

على العموم , اللعبة وصلت لـgameinformer .

Unearthed's visuals look nice and detailed. Maybe not up to the standards of the game that so clearly influenced it, but still nice.

 

[dro]

صراحة اللعبة تفشل معليش خلونا نكون واقعيين >_> ... فيه العاب لـ PS1 مستعد ارجع العبها و هذه اللعبة جديدة و مستحيل العبها او افكر فيها >_>

اتمنى اشوف العرب يبدعو بهذا المجال بس مو بهذا المظهر و المستوى .. لكن نقول ان شاء الله بداية تعيسة و تطور في المستقبل اي شركة او مطور بدايته غالبا تكون سيئة

و lol على البنت المحجبة هذا الي ناقص كمان :laugh::

ضحكته مصطنعة بشكل مقرف

كويس اني مو الوحيد الي لاحظ التصنع في الضحكة

 

[Brewmaster]

المولتي بلاير للفيسبوك, من جدكم متوقعين نسخة البلايستيشن 3 مثلها؟, عن نفسي لا.

 

[Lord of Cinder]

[video=youtube;o2eSg2Uwh8Q]http://www.youtube.com/watch?v=o2eSg2Uwh8Q[/video]

عرض مقرف جدا والان عرفت ان اللعبة مضروبة من جد ، الرجال اللي بالفيديو باين انه من المطورين اللي اشتغلوا على اللعبة وقاعد يسب ويتكلم بشكل غريب وماله داعي ابدا ، وضحكته بالفعل مصطنعة جدا ، عجزت اكمل الفيديو من القرف اللي قاعد اسمعه او اشوفه من الفيديو

 

[Naserano]

الرجال اللي بالفيديو باين انه من المطورين اللي اشتغلوا على اللعبة وقاعد يسب ويتكلم بشكل غريب وماله داعي ابدا

لا ويييين راح تفكيرك بعيد

 

[X-SRI-X]

شباب ... انتم مرة غريبين ... سب وعدم دعم وكنتيجة : ما تطور في بناء العاب
يا رجال خليها تقليد ... اصلا يقلك : قلد في البداية وابدع في النهاية

الشي الثاني .. اللعبة لا تناظروها كلعبة لعبة جيل جديد بل كلعبة بلايستشين 2 .... اعتقد انه كلعبة بلايستشن 2 تعتبر حلوة
الشيء الثالث .. المطور ما عنده خبرة ولسة اول لعبة ... وراح يتطور مع الوقت
انا معكم ان اللعبة مقارنة بانشارتد سيئة جدا ... وان المطور غلط بتقليده لانشارتد لكنه حاول على الاقل مش مثل الكثيرين ما سووا اي شي بس كلام وبربرة
هذا على الاقل اشتغل ... انتم وش سويتهم لهالمجال ؟

 

[dro]

اعتقد انه كلعبة بلايستشن 2 تعتبر حلوة

اللعبة المعوقة هذه :

اسطورية مقارنة بها :tongue:

عموما انا معاك في نقطة انك تقلد في البداية و تجيب العيد لكن تبدع في النهاية

انتم وش سويتهم لهالمجال ؟

نمتلك افكار مميزة و نمتلك حس اخراجي و نمتلك افكار لتصاميم و بيئات و نبني قصة بعوالم خيالية مميزة و نقدر ننافس اليابانين في هذا المجال كمان لكن يد وحده ما تصفق :sadwalk: إذا ما فيه اهتمام لهذا المجال و دعم و المجتمع و الثقافة عندك واقف حاجز امامك هذا غير الظروف ما تسمح لك تبدع و تدخل في هذا المجال و با الأضافة إلى Team يكملو بعضهم البعض و يكونو متفاهمين و مبدعين الكل في مجاله الخاص فيه مو لوحدك >_>

 

[يمكازي]

نمتلك افكار مميزة و نمتلك حس اخراجي و نمتلك افكار لتصاميم و بيئات و نبني قصة بعوالم خيالية مميزة و نقدر ننافس اليابانين في هذا المجال كمان لكن يد وحده ما تصفق :sadwalk: إذا ما فيه اهتمام لهذا المجال و دعم و المجتمع و الثقافة عندك واقف حاجز امامك هذا غير الظروف ما تسمح لك تبدع و تدخل في هذا المجال

نعم نمتلك الابداع , لكن القدرات محدودة , كلامك صحيح , لكن يوم أحد منا يحاول يتقدم في هذا المجال , وش يصير ؟ احباط ...

و بالمناسبة , تستطيع ترسل للمطور رسالة و تحاول توضح له وش هي الأخطاء في لعبتة و تحاول تنصحة و تقولة بدل ما يكون التصويب من ذيك الزاوية ليش ما تحاول تخلية من ذيك الزاوية؟ , أيضاً بما ان القدرات عندك محدودة , ليش ما تبتعد عن لعبة محاكة و تركز على تحكم اركيدي , بهذي الطريقة انت تساعد الصناعة ان تتطور تدريجياً .

 

[Hwoarang]

شركات التطوير الجديده أشوف ضروري تكون بدايتهم بشكل بسيط قدر الإمكان.
الـXBLA وPSN أو حتى الهواتف الذكيه فرصه مناسبه جدا للشركات أنها تطلع.
يعني صنع لعبه مشابهه لـUncharted أعتقد أنها مهمه صعبه لأي مطور بالعالم ومش للشركات الجديده فقط.

المهم
مسألة أنها تشبه "لعبه ثانيه مشهوره" أشوفها خطوه موفقه ... من ناحيه تسويقيه

 

[X-SRI-X]

نمتلك افكار مميزة و نمتلك حس اخراجي و نمتلك افكار لتصاميم و بيئات و نبني قصة بعوالم خيالية مميزة و نقدر ننافس اليابانين في هذا المجال كمان لكن يد وحده ما تصفق :sadwalk: إذا ما فيه اهتمام لهذا المجال و دعم و المجتمع و الثقافة عندك واقف حاجز امامك هذا غير الظروف ما تسمح لك تبدع و تدخل في هذا المجال و با الأضافة إلى Team يكملو بعضهم البعض و يكونو متفاهمين و مبدعين الكل في مجاله الخاص فيه مو لوحدك >_>

[/QUOTE]

يعني ما سويتوا شي :tongue: بس كلام
الرجل هذا بدأ

مشوار الالف ميل يبدا بخطوة

راح ادعم المطور هذا وراح تشوفونه باذن الله احسن من نوتي دوق ونينتندو وكوجيما وكونامي >>>>>>> نبالغ شوية :tongue: