fatal framer
True Gamer
مشكور اخوي علي ضبطت معاي
Uncharted: The Lost Legacy ستكون standalone
- بادئ الموضوع Unknown
- تاريخ البدء
ifahadx
True Gamer
كيف يعني اوتديد ؟ في اخر 5 سنوات حصلنا على جزء واحد فقط ما اتوقع ما وصلنا الى الـتشبع اللي وصل له بعض الناس من اسسن كريد او كود مثلا !!
المشكلة ان السوق مافية العاب مشابهه الا تومب رايدر
ما احد يقدر يقول كفاية لاي سلسلة ... عدم الرضا او التشبع تنعكس على مبيعات السلسلة واذا المبيعات ما وصلت للحد المطلوب تتوقف السلسلة -زي حالة اسسن كريد-
انشارتد4 حققت بداية اعلى من 66% من انشارتد3 -اللي باعت 6,6 مليون نسخة على كلام فوربس - يعني كتوقع 8-10 مليون نسخة شي ممكن
كولكشن انشارتد ما نعرف كم باع بالضبط لكن قبل صدورة كانت مبيعات السلسلة 21 مليون ووقبل صدور انشارتد4 وصلت الى 28 مليون
الـ7 مليون زيادة في سنة محسوبة كل اجزاء السلسلة لكن معظمها -منطقيا- جاي من الكولكشن يعني نفترض 5 مليون نسخة من الكولكشن !!
كم حصريات الجيل هذا اللي باعت 5 مليون ؟
مش منطقي وراح يكون غبي اذا سوني وقفت انشارتد ممكن نوتي دوق ما تبغى تستمر في السلسلة لكن الشي الاكيد ان استديو ثاني راح يمسك التطوير
Bill Cober
True Gamer
لا شكرا أفضل أن السلسلة توقف على أنها تستمر وتنخرب على يد استوديو تاني
كفاية المعاناة الي عانى منها كراش قبل مانشوف الاعلان عن الريميك وحتى جاك اند داكستر اخر جزء نزل ماعجبني 🙁
fatal framer
True Gamer
شيطون
براقماتي
Bill Cober
True Gamer
بس بس بس
باش و توين سينتي كانت رهيبة
تحديدا توين سينتي اعتبره افضل كراش
توين سانيتي اتفق معك انها كانت ممتعة أنا اتكلم عن الأجزاء الثانية
عموما مابدي اخرب الموضوع ، لو تبغى تكمل للنقاش نكمله في موضوع ثلاثية كراش 😉
Dark_N11
True Gamer
صعب نجزم بـ اي شئ .. كمثال من مده كان في اشاعه قويه ان نوتي دوغ رفض فكرة جزء ثاني لأنشارتد من استديو بند على الفيتا
مع ان سوني كانت موافقه
fatal framer
True Gamer
علشان جذي ماقلت رفعوا الهايب اهي شغلة محتملة مو اكيدة
ifahadx
True Gamer
نيل ما يقدر يوقف السلسله . نوتي دوق ما تقدر توقف السلسلة . سوني بكبرها ما تقدر توقف السلسلة !! لية ؟ انا اقولك
يوشيدا قال ان من كل 10 العاب نصدرها 3-4 العاب تكون مربحة وبعض المرات لعبة وحدة تحقق ارباح تغطي تكلفة 10 العاب ... -يعني 6-7 العاب تخسرهم ولا تجيب راس مالها-
انتاج سلسلة ناجحة تجاريا و نقديا شي صعب ومكلف ويحتاج وقت طويل والكثير والكثير من المحاولات فمش منطقي انهم اذا وصلوا وانتجوا هذي السلسلة انهم يتوقفون رغم ان اخر جزء محقق نجاح تجاري ونقدي .. راح توقف السلسلة اذا صار لها زي اسسن كريد مثلا وصار فية تشبع من اللعبة يؤدي الى تراجع تقييماتها ومبيعاتها
انشارتد حاليا هي ثاني اكبر سلسله عند سوني تجاريا -بعد جران توريزمو واللي فيها مشاكل وبطء تطوير -
انشارتد4 متوقع تبيع مابين 8-10 ملايين نسخة ... ايام PS3 لعبة وحدة وصلت الى هذا الرقم GT5 وباعت 12 مليون !!!
كولكشن انشارتد مبيعاتة حول الـ5 مليون تقريبا -شوف ردي السابق-
اي شخص ماسك رئاسة استديوهات سوني مستحيل يوقف السلسلة !! لان حالي نجاح انشارتد يجيب تكلفة تطوير العاب اخرى + يحرك مبيعات الكونسول
سوني السنة هذي داخلة بباندل انشارتد كباندل اساسي لموسم الاعياد ,,, انشارتد حاليا هي واجهه الـPlaystation مستحيل تتوقف
X I I I
True Gamer
إنشارتد ٤ جابت بأول اسبوع ٣.٥ مليون و قبل البلاك فرايدي اعتقد صارت ٧ ملايين ( هاذي اعتقد الي جابت أرباح )
اما بالنسبة للنسخ البندل حق البلاك فرايدي ( الي هي ما يقارب ٢-٣ مليون ) اشك انها جابت اي ربح ، خصوصا انها انباعت مع الجهاز بسعر المجان
اذا ابغى انشارتد جديدة ابغاها في منتصف الجيل القادم بعالم مفتوح لسع الوقت مبكر عشان جزء جديد ، نتمنى نقلة جذرية من الرابع للخامس
khalid-xs
Hardcore Gamer
أنت و انا أغلب الفان حبينا أنشارتد من ناوتي دوغ مثل ماهي أكشن أدفنشر سينمائي يعيشنا أجواء حماسية ممزوجة ببعض العواطف و الإثارة
فالنقلة الجذرية ما تشترط عالم مفتوح يا صاحبي .. التحفة تبقى مثل ماهي لا تغير أساسها , الخطية ليست شيء سي وبالعكس الألعاب الخطية طالما بقت
ذات مهمات أو فصول قصصية مترابطة و متنوعة وبتصاميم أكثر إبداع و انجذاب من قبل اللاعب لأن المطور يقضي وقت طويل ومال يستثمر فقط
من أجل تصميم هذه المراحل فلا يتشتت الجهد بصنع عالم مفتوح كبير مهمة مرهقة
كل ما أقوله أن ليس من المشترط أن تركب الموجة و تحول لعبتك عالم مفتوح الجنرا الخطية لا زالت لديه الكثير لتقدمه وهناك مساحة كبيرة لتطويرها
مابي أشوف كل الالعاب عالم مفتوح .. مع مهمات جانبية تجميع و جيب وحط وأبيد مجموعة من البطاطس ..الخ
و ربما يعتبره القاريء رأي شخصي انشارتد لا يليق بها عالم مفتوح .. بالعامي هي حلوة كذا
ifahadx
True Gamer
الموضوع مش بهذي البساطة
لعبة وسط باندل =//= مجانا !!
انشارتد تحرك اجهزة ! مثلا باندل PS4 250$ UN4 اللي هو الباندل الاساسي لبلاك فرايدي ولموسم الاعياد كامل لو كان للعبة ثانية فما راح يبيع بنفس الارقام اللي جالس يبيعها هذا الباندل !
السنة الماضية كان فية باندل PS4 مع بلاك اوبز ونجح نجاح كبيروساهم ان PS4 يبيع 8.4 مليون في 3 اشهر !! لان كود -ورغم انها مش حصرية وفي حالة نزول مبيعات- الا انها ما تزال اسم قوي يحرك اجهزة + ومن ناحية ان حتى كود تستفيد وتبيع كمية اكبر من النسخ وطبعا اكتفجون راح تاخذ نسبة من الباندل اللي هو سعر اللعبة -لكن ما راح تنحسب بـ60 دولار مثلا-
انشارتد من الالعاب القليلة اللي يعرفونها جمهور كود وفيفا مثلا او حتى اشخاص ما عندهم PS4 - اخوي واحد منهم وجالس يفكر يشتري PS4 عشانة شاف اعلان انشارتد وحمسة بزيادة انها عربية-
انشارتد هذا الاسبوع هي رقم 7 في مبيعات بريطانيا بعد 7 اشهر من صدورها ما تزال في الـ TOP TEN حتى في باقي الدول الاوروبية هي موجودة في التوب تن !
في الربع المالي اللي صدرت فية انشارتد ارتفعت المبيعات -مقارنة بقبلها بسنة بـ126%- سوني قالت ان الاداء التجاري لانشارتد هو السبب !!
بأختصار حتى ولو سوني كانت تبغى توقف السلسلة بعد هذي النجاحات راح تكون مجبرة انها ترجعها سوا اذا نظرت لها من ناحية مبيعات اللعبة نفسها او مبيعات الاجهزة او وصولها للاعبين مافية اي لعبة سوني وصلت لهم من قبل والاهم من هذا كلة ان مافية لعبة بديلة من سوني -او حتى طرف ثالث- عشان تحل محل انشارتد ف
مثلا اقدر اتفهم ايقاف درايف كلوب و موتورمستورم لان عندهم جران توريزموا اقدر اتفهم ايقاف جاك اند دكستر او سلاي كوبر لان عندهم راتشت اند كلانك ... حتى العاب الشوتر ريسستنس و كيلزون توقفت لان السوق مليان العاب شوتر !!
لو جبت اي واحد من اللي يقول ( خلوا انشارتد تموت نبغى new IP من نوتي دوق) وخليتة يمسك رئاسة استديوهات سوني ويشوف الوضع بشكل كامل فراح تلقاة اول المطالبين بانتاج جزء جديد من انشارتد