" Unable To Read the ... " مشــكله

[Argaki]

السلام عليكم ورحمة الله وبركاته ,,



أهلين أخواني & أخواتي ..
شلونكم ؟ أن شاء لله بأحسن حــال


المهم :

أنا عندي مشـــكلة بالوي وما عارف أحله سويت كل الطرق فرمت الجهاز سويتله أبدايت
شريت لعبة يديد مانفع *.* كل تطلعلي هذي الجمله ..


Unable To Read the disk

Check The Wii Operations Manal
For help troubleshooting


أتمنى أحد يساعدني في حل هذه المشكله
وشـــكرا ً لكم مقدمـــا ً

 

[Bounty]

الحين انت لعبت على الجهاز العاب و صارت لك المشكله ولا من اول ما شريته صار فيه جذي ؟


تأكد من جهازك (ياباني\اوروبي\امريكي) ..

يمكن يكون ياباني و انت حاط فيه لعبه امريكيه

 

[Argaki]

هلا والله أخوي ^^

لأ أنا كنت ألعاب فيه زيلد و رايمان .. بعد فتره صارت لي المشكله
واليوم شريت للعبه يديده ما أشتغلت


وبصراحه ما أعرف نوعية جهازي !! ^^" شلون أعرف ؟

 

[Naif]

ما اعرف عن المشكلة.. لكن مشاكل عدم المقدر على قراءة الديسكات عادة تكون من العدسة يبالها تنظيف\تعديل او من الديسكات نفسهم (و هذي مش حالتك بما انك قلت انك شاري لعبة جديدة..)

حاولت مع جميع الالعاب اللي عندك و ما طاعت تشتغل؟ وي سبورت؟

الالعاب اللي اشتريتها اصلية ولا كوبي؟..

 

[Argaki]

ولا لعبه راضيه تشتغل .. وألعابي أصليه , بس الغريب أن ألعاب الجيم كيوب تشتغل ؟!


وأن تطلع لي هذه الصوره بظبط :

 

[Khalid-S]

ممممممم .. اخوي مركب قطعه تعديل ؟ (Mod) .

 

[NSider]

شكلها مشكلة عدسة.. غبار أو calibration.

إذا أنت في السعودية وده النسر أعتقد يصلحونه.

 

[gray fox]

همممم ....أنا يطلعلي نفس الرسالة لكن بعد ما يشتغل الشريط ...لكن نفس الرسالة بالضبط !!

هذا لما أشغل واريو وير بس ... وهي أجدد لعبة عندي ( قبل وي بلاي بس ) ...

اللعبة ما فيها ولا شمخ ..حكه ...whatever !!
لكنه ما يشتغل ومتحسف عليه .... انهيته مرة وحدة وبعدها ما اشتغل !!

لو حد بيعرف حل زين ... بترقب الموضوع 🙂



... لا

ما مركب مودشيب ...ولا اي شي ثاني ...عندي غيرة أربعه كلها تشتغل طبيعية ... حاولت معاه كل شي !!

 

[dark-link]

أنا تطلع لي هذي المشكلة اذا كان الجهاز واقف (اذا كنت مستخدم الWii Stand)
بس اذا خليت الجهاز جالس على الأرض تشتغل معي الألعاب.
فما أدري جرب يمكن تنفع معك.

 

[Argaki]

Khalid-S

هلا والله أخواني ..


أيه أنا مراكب Mod بس كانت ألعب فيها عادي ..


NSider

أن شاء لله بوديها اليوم بس خوفي يقولولي الجهاز خربان
وماتقدر تصلحه .

gray fox

أنا مو بس واريو ,, كل الألعاب واريو أنا شاري يديد ما أشتغل حتى ولا مره


dark-link

هلا أخوي يمكن يطلع حلك صح راح أجرب وأرد لك خبر
وشـــكرا ً للجميع

 

[fnh]

أيه أنا مراكب Mod بس كانت ألعب فيها عادي ..

أحسن شيء تتاكد من ان الاسلاك (الخاصه بالمود) ما تحركت او صار لها شيء

لانها ممكن تسبب هاذي المشكله لو كانت نقاطها ماهي ملحمه بشكل ممتاز

 

[Ginko]

أيه أنا مراكب Mod بس كانت ألعب فيها عادي ..

وش تسوي هالمود؟

مع احترامي لليعدلون اجهزتهم، لكن المفروض ما يشتكون اذا خرب جهازهم. مع اني اتمنى انه يصلح جهازك والله، لكن ياريت نتعلم من الزمن ونبطل تركيد قطع مود.

 

[The Doctor]

شيل المود
إذا كل العابك أصلية ليش مركبنه أصلاً؟ عشان تلعب العاب يابانية؟ عندك الFreeLoader
بكل بساطة لا تتعب حالك مع هالقطع...

مع احترامي لليعدلون اجهزتهم، لكن المفروض ما يشتكون اذا خرب جهازهم. مع اني اتمنى انه يصلح جهازك والله، لكن ياريت نتعلم من الزمن ونبطل تركيد قطع مود.

QFT

 

[Xavi]

إذا كل العابك أصلية ليش مركبنه أصلاً؟ عشان تلعب العاب يابانية؟ عندك الFreeLoader

ايش هذا بالضبط ؟ :slant:

 

[NSider]

Kaizoku- ما في فري لودر للـWii.. ممكن تشغل عليه حق الكيوب لألعاب الكيوب فقط.

 

[The Doctor]

Kaizoku- ما في فري لودر للـWii.. ممكن تشغل عليه حق الكيوب لألعاب الكيوب فقط.

انا شفته في امازون على السريع... الحين لما قريت الProduct Features انتبهت انه ما يشغل إلا العاب الكيوب >.< (مكتوب Wii/GameCube)
مب قالوا بينزلوه انيواي؟

 

[Argaki]

مشكورين أخواني على المساعدات .. لكن مثل ماقال NSider العيب كان من العدسه
( بنت أخوي مدخل 5 أشراطه بالوي ) ^^"


والمشكله مو من المود ولله الحمد .. أعتقد تشتري كوبي أحسن من الأصلي .. لأن الأصلي ماتقدر
ترده أذا ماعجبك وأنت أشتريت 20 أو 25 دينار .. أما الكوبي عادي دينـــا


يعني مثــلا ً زيــلد شريتها وتحسفت أني شريتها لأنها بصراحه سخيفه مع أحترامي لمعجبيها


والله يعطيكم العافيه .. ^.^

 

[Rockman]

يعني مثــلا ً زيــلد شريتها وتحسفت أني شريتها لأنها بصراحه سخيفه مع أحترامي لمعجبيها

لول لاحد يقرى الرد هذا ، عموما المسألة اذواق

انا سمعت عن مشكلة تصير بالمود تشيب لما تشغل العاب من منطقة ثانية " ريجون ثاني يعني " زي بيبر ماريو
يجي معاها ابديت"
مثلا لو الحين جهازك امريكي ومو مسوي له ابديت من النت ودخلت الشريط سواء كان اوروبي او ياباني
راح ينزل الابديت لكن راح يسوي مشاكل لأن الابديت للجهاز الاوروبي وانت امريكي واختربت اجهزة بسببها
الحل الوحيد لها انك تسوي ابديت كل ما نزل من الانترنت وما تسوي ابديت اللي يجي مع اللعبة

عموما الكوبي عصره الذهبي انتهى مع الكونسولز :roll:

 

[squall leonhart]

يعني مثــلا ً زيــلد شريتها وتحسفت أني شريتها لأنها بصراحه سخيفه مع أحترامي لمعجبيها

WoW..........

 

[mario0o]

يعني مثــلا ً زيــلد شريتها وتحسفت أني شريتها لأنها بصراحه سخيفه مع أحترامي لمعجبيها

مادري اظحك ولا احزن عليك

 

[AMOR]

يعني مثــلا ً زيــلد شريتها وتحسفت أني شريتها لأنها بصراحه سخيفه مع أحترامي لمعجبيها

........

 

[Khalid-S]

لا يتحول الموضوع عن زيلدا الحين لوووول ..
اهم شي اشتغل جهازك .. وشكله خرب لانك ما عطيت زيلدا حقها.

 

[Argaki]

??

^________^


بصراحه أنا شريتها وماعجبتني .. ونفس ماقال Rockman هي مسألة أذواق

مادري اظحك ولا احزن عليك

To

أضحك وأحزن بنفس الوقت شوف شنو يطلعلك ^.^"

وشكله خرب لانك ما عطيت زيلدا حقها

تدري أنا ألي كرهني بزيلد زايده شنو ؟ أن ما في أصوات للشخصيات .
المهم ما نبي ندخل بمواضيع خارج الموضوع الأساسي .

 

[Miyamoto]

:yuckyuck:
come on , the guy entered the video games world last week so don't pother him what ever he says about Zelda,
lol it seems like new people inter to the Nintendo colony
:yuckyuck:
Welcome to the Nintendo difference

 

[hussien-11]

من كلامك واضح انك ما لعبت شي باللعبة

امشي فيها و بعدين قول حلوة أو لا ( هذا اذا قدرت P: ) ، و طبعا حتى لو ما عجبتك استخدم مصطلحات غير ( سخيفة ) علشان نحترم وجهة نظرك @@
​

 

[mario0o]

تدري أنا ألي كرهني بزيلد زايده شنو ؟ أن ما في أصوات للشخصيات

صح انا معاك .. لانك انت كنت متعود تلعب الاجزاء السابقة بتمثيل صوتي لكن الحين لا :/ للاسف
لان صارلهم مرض وماقامو يتكلمون الحين . ان شا الله يشفون فالجزء القادم

اتمنى تستمتع بعالم الفيديوجمز وعالم ننتندو معانا :kiss:

 

[Rockman]

شباب شدعوة كليتوا الرجال
لول صراحة شكله كلامك صح خالد الموضوع رسميا صار عن زلدا الحين

عموما يا كثر اللي اعرفهم ما يحبون زلدا ومع ذلك تشوفهم شارين الويي والالعاب اللي خذوه عشانها اتفه من ما تكون "لول قلت لكم هي مسألة اذواق بالاخير"

بس صراحة توقعت السبب شيئ خطير انك ما تحب الRpg اكشن مثلا او تكره هالنوعية من الالعاب
لكن عشان الاصوات ..__.. صحيح فيه العاب الاصوات عامل مهم فيها "زي سوبر روبوت مثلا " لكن فف 7 فيها اصوات ؟ بوكيمون ؟ ميجامان "لول غصب يدخله" ؟ يعني وايد العاب صارت اساطير الالعاب الخالدة وهي ما فيها تمثيل صوتي

انا برأيي ان زلدا من الالعاب اللي من الافضل ما يكون فيها تمثيل صوتي لأنه بالاخير احسه راح يخرب جو اللعب

 

[Argaki]

hussien-11


أولا ً شفيك شاد حيــلك ترا كله لعبة .
ثـــانيــا ً أنت شدارك أني مالعبت اللعبه , ساكن معاي ؟! ( وأذا عرفت من طريقة كلامي فمشـــاء لله
على الموهبه الخارقه )

...


أنا واحد من الناس ماعجبتني اللعبه غصب أحبه !!
أنا قاعد أقول راي بصراحه ..

mario0o

أتنكت أنت ؟!
مشاء لله عليك دمك خفيف ^^


Rockman

هلا أخوي أنا من عشاق ألعاب الأر بي جي ولعبة على الجيم الكيوب
تيلز أوف سمفونيــا وباتن كارتوس . وعلى ما أضن فف 7 على بلاستيشن 1 يعني مشي حالك .

 

[Argaki]

Miyamoto


أوه تصدق توني أشوف ردك تكلم عربي بعدين أرد عليك!!

 

[Rockman]

لول اخوي لا تعصب من الشباب تراه كل كلامهم مزح معاك :yuck: ولا تاخذه جد .._..

اممم عرفت نوعيتك " لول لا تفهمها غلط" لكن اعتقد ظلم كبير للعبة انك تتركها لأجل تمثيل صوتي :slant: