UGLY BETTY لازم تدخل

[ryo hazuki]

UGLY BETTY .....لازم تدخل(56k)

انا بديت اشوف المسلسل من فتره و كنت حاب اكتب موضوع عنه لكن بعد يلي حصل لازم اكتب
ماحد كان يتوقع من البطله يلي اول مرة تمثل دور بطوله و بعده المسلسل ماخلص تاخذ جائزة ال Golden Globe لأحسن ممثله عن دورها في ugly betty و فاز بأفضل مسلسل تلفزيوني بعد
هنيه لحظة استلام America Ferrera الجائزة والله كانت اول مرة تطلع على هذا المسرح و تصييح و الممثلين يلي حطو عليهم الكيمرا كانو يدمعون واولهم سلمى حايك لانها هيه المنتجه وابدا ماكان متوقع ولاهي مصدقه (والله كنت بصييح) و قالت ان الجمال عمرة ماكان خارجي اهم شي الجمال الداخلي ....و ادائها في المسلسل كان صدق جامد يخليك تندمج غصبن عنك و تظحك او تحزن عليها .... ادائها بصراحه لاينوصف بكم كلمه ابدا

كل الكاست الرائع

و بعطيكم شرح خفيف للمسلسل الهيت :
رجل مهم يمتلك مجلة ازياء شهيره و حاط ولده كامساعد له و تعب الاب من كثر علاقات الولد مع السكرتيرات و اهماله عمله فقرر يشغل وحده خسفه و تتوالى الاحداث
الشخصيات
Betty الطيبه يلي على نياتها و تحاول تكون خير مساعده في مجال هيه ليست مبدعه فيه ذاك الزود (اريدكم تشوفون ردة فعلها لما عرفت انها مشغلينها عشانها خسفه هنيه بتعرفون كيف التمثيل)
مدير الشركه ووراه سالفه كبيره هوه متورط فيها غيرالمشاكل ابنه مع المساعدات

ولد المدير الوحيد المدلل يلي ابدا مايقدر يمشي المجله لوحده

اماندا تشتغل في الشركة و لها علاقه مع ولد المدير و حطه دوبها و دوب بييتي وتحاول باي شكل تفشلها و تطلعا غبيه ووجهها لوح

ويلميناتعتبر من المشرفين على المجله و غاظبه من المدير انه حط ولده كمساعد له و خبيثه بشكل جنوني لدرجه انها ترشي الكل عشان يكونون في صفها و يعطوها الاخبار اول باول و هيه ماتهتم ببتي ابدا لان اهتماماتها فوق شوي لكن احيانا تنغز بيتتي جدام الحضور بشكل قوي و تحاول تثبت بكل الطرق ان ولد المدير مش قد المسؤليه و هيه الاولى وكلمة شريره شويه عليها وطبعا هيه احلى شخصيه عندي بعد بيتتي

مساعد ويلمينا و كريه جدا يكره بيتي و يمثل انه يعاملها بلطف لكن من وراها يكفربها وطبعا همه الكبر ويلمينا تكون سعيده

اخت بييتي الكبرى و تحبها و دائما كاشخه بس كشختها كشخة فقارا الوان فاقعه على خواتم و اكسسوارات تقرقش وايد وتمثل دور القويه و الامور بخير عندها

مارك ولد اخت بيتتي و يموت على الموظه و المسلسلات المكسيكيه الموجهه للكبار هوياته غير عن الاولاد كليا

ويحب دانس دانس ريفلوشن

في النهايه المسلسل لايمكن وصفه في كيفيه سرد الحلقه و لحظات الكوميديا و لحظات الحزن و طبعا اكثر شي كوميديا الموقف يعني مش كوميديا بالكلام فقط و ارجع و اقول 2 golden globe يستاهلها احلى مسلسل كوميدي اتمنى الكل يشاهده لو على الاقل حلقه بس صدقوني انا انصدمت بمستواه المميز ولا انا اعطيه اكثر عن حقه ارجو يكون الموضوع عجبكم .

و هذا اعلان لازم تشوفونه خصوصا اخر مقطع و هوه احلى اعلان
http://youtube.com/watch?v=6jFqEQ2Srac
و هذا لحظه فوزها باغولدن غلوب
http://youtube.com/watch?v=5TWhtdWbgB8
و هذا اعلان للي يحب يتعمق اكثر مدته 3 دقايق
http://youtube.com/watch?v=S-m9BX2K_38&mode=related&search=

 

[The Last Fantasy]

المسلسل هذا ناوي عليه قريبا جدا ..
ما كنت معطيه اهتمام .. لكن بعد حفل الGG اهتميت فيه .. الأضواء كانت عليه بالفوز .. وما أخذها إلا لأنه يستاهل أكيد .

شكله فعلا شغل صح.

 

[Naif]

ما عجبتني قصة المسلسل وايد .. حسيتها مكررة شوي ( ذا ديفل ويرز برادا !! ) .. بس استمريت اشوفه على شان بعض المواقف الكوميدية الحلوة .. و على شان امريكا فيريرا ..

اذا تريد مسلسل كوميدي صدق .. شوف The Office .. افضل مسلسل كوميدي بعد ساينفلد ..

 

[LiOn HeArT]

واااااااو شوقتني :gasp:
لاااااااازم أتابعه
مشكووووووووور ، خصوصا أني أدور مسلسلات هالأيام ::
<<<<< يروح يدور بالتوررينت :yuck:
:laugh:​

 

[m7tram]

منزل كل حلقاته بس للحين مافضيت اشوفه .. ياكثر المسلسلات الي قاعد اشوفها !!

 

[Bounty]

اتصدق اول مره اسمع عنه !!!

ضروري اشوفه .. لأن هالنوعيه من المسلسلات الواقعيه مع كوميديه احبها ..

قريبا اشوفه ان شاء الله ..

 

[Mista Koo]

حرام عليهم كيوت...

 

[Death match]

هالمسلسل صارت فيه ضجه إعلامية بعد جوائز القلوبل يقولون صار موقف لفريق العمل بتوزيع الجوائز .. عن نفسي ما تابعت الحفل كامل بس ممكن يلي تابعه يقول شنو صار ؟

 

[RIZE]

منزل كل حلقاته بس للحين مافضيت اشوفه .. ياكثر المسلسلات الي قاعد اشوفها !!

مو مشكله انت تشوف نص الأولى للمسلسل ... وانا اشوف النص الثاني ... ونتبادل الاحداث كلامياً :roll:

هالمسلسل صارت فيه ضجه إعلامية بعد جوائز القلوبل يقولون صار موقف لفريق العمل بتوزيع الجوائز .. عن نفسي ما تابعت الحفل كامل بس ممكن يلي تابعه يقول شنو صار ؟

سلمك الله لا ضجه ولا شي .... والسالفه وما فيها انهم الحضور على اي شي يبجون >_> .... يعنى اول ما ربحت هالبنت .. الحضور تاثروا زياده عن اللزوم وبجو على شنو ما ادري ...


وعلشان اثبت انهم يبجون على اي شي .... طالع برنامج اوبرا .... لانه في بعض الحلقات طلعت عن أداه لصنع البوظة ... وبنص الحلقه ما اشوف إلا الحريم يبجون ... والى تصرخ (( تقول ابنها جاب بنت )) ... والى يسون لها تنفس اصطناعي .... كل هذا صار لأنه



اوبرا قالت (( راح نوزع هذى الأداه عليكم ببلاش )) >_> والله شغله تغث

 

[squall leonhart]

ما عجبتني قصة المسلسل وايد .. حسيتها مكررة شوي ( ذا ديفل ويرز برادا !! ) .. بس استمريت اشوفه على شان بعض المواقف الكوميدية الحلوة .. و على شان امريكا فيريرا ..

اذا تريد مسلسل كوميدي صدق .. شوف The Office .. افضل مسلسل كوميدي بعد ساينفلد ..

اهئ اهئ دموع الفرح .. اول مره واحد في المنتدى يشاركني بالراي حول اسطورة الكوميديا سانفيلد

 

[mario0o]

لووول حلو عرض الدعايا ... تسلم عالموضوع

اتمنى احصل فرصة واشوفه 🙂

 

[Leon]

المسلسل باين إن مستواه ممتاز ولا ماكان أخذ الجائزة في حفل توزيع الجولدن جلوب ...

بطلة المسلسل ( أميركا فيريرا ) >> (بيتي ) شفتلها كذا فيلم وصراحة تستحق كل ذي الضجة ..

وعلشان اثبت انهم يبجون على اي شي .... طالع برنامج اوبرا .... لانه في بعض الحلقات طلعت عن أداه لصنع البوظة ... وبنص الحلقه ما اشوف إلا الحريم يبجون ... والى تصرخ (( تقول ابنها جاب بنت )) ... والى يسون لها تنفس اصطناعي .... كل هذا صار لأنه



اوبرا قالت (( راح نوزع هذى الأداه عليكم ببلاش )) >_> والله شغله تغث

ههههههههه والله من جد , تبغى تتونس أتفرج على حلقة أوبرا اللي انعرضت بمناسبة الكريسمس كلها توزيع جوائز , لو تقولي إيش صار في الحلقة أقولك مدري لكن اسألني عن كيف كان شكل الجمهور أعطيك حكاية ... 😀

 

[Isaac]

قبل شوي شفت الحلقة الأولى منه ..


صراحة المسلسل شكله حليو ... باتابع الحلقات الباقية خلال الإجازة ان شاء الله ^^


* أما ساينفيلد يا فيصل فاعتبروني مع شلتكم * :yuck:

 

[m7tram]

شبااااااااااب نزلت الحلقه الاولى من السيزون 2 بالتورنت حاليا قاعد احملها , خلونا نحرك هالموضوع لان آجلي بيتي من أفضل المسلسلات الي تنعرض وحرام ما ياخذ حقه .

محتوى مخفي

الحين راح نعرف شنو صار بدانيال واليكسس من بعد حادث السياره و بهيلدا لما عرفت ان زوجها مات و باماندا لما انكشفت الحقيقه وعرفت انها بنت فيي سمر و هنري المسكين الي راح مع حبيبته الحامل من الدكتور مو منه ومالحقت عليه بيتي والأم الي نحاشت من السجن ولا انسى الجماعه الي يبون ينتقمون من ابو بيتي !!

بس مو قادر اصبر ابي اعرف شنو صار فيهم بسررررعه .

 

[Saadawii]

متحمس لهذا المسلسل من اعلان فوزه. حسيت انه مختلف ومميز.
بس مشكلتي ما أعرف احمل بالتورنت. بديت احمل فيجن اوف اسكافالوني(قديم بس الأفضل) ووقف عند نسبة بسيطة ولا كمل عن طريق متصفح الأوبرا. اللايم واير ما يطلع لي الحلقة الأولى من السيزن الأول. بصراحة أحبطت مرة. اليوتورنت ما أدري وش قصته عيا يضبط معي.
بس شكل المسلسل من جد مميز، تغيير بالنموذج المعهود، البطل لازم يكون آية جمال.

 

[Da S.O.S]

قاعد ادور عليه حاليا .. من زمان وانا ودي اشوفه , بس مدري وش كان يمنعني عن اني انزله فقررت الحين P:
وشله ساينفيلد .. انا اول واحد وراكم P:

 

[Solay]

كان يجي على شو تايم مدبلج عربي:yuck: