Top Ten Game Movies...IGN

[gray fox]

بمناسبة قرب عرض فيلم سايلنت هيل ..استعرض IGN أكثر عشر العاب يشوف انها تكون مناسبة تكون فلم !!

واسثنى فيها جميع الأفلام اللي اعلنوا عنها من قبل مثل Halo, Postal, Dungeon Siege, Spy Hunter, Dead Or Alive, Hitman and Resident Evil




10. Shadow of the Colossus

9. Fatal Frame

8. Kingdom Hearts

7. Too Human

!!




6. Half-Life

5. Castlevania

4. World of Warcraft

3. Zelda

2. Metal Gear Solid

1. Metroid

* فخور جدا وسعيد انه CASTLEVANIA : Curse Of Darkness في المركز الخامس ..وصدق تستاهل ...والله يا iga للأسف ما فيه ناس تقدر فنك !!! ..لكن ما ادري هاذي من وين طلعت !!

* ميتل جير وشادو فعلا معاهم حق ...تخيلوا بس ميتل جير 3 ولا 1 !!

* فاتل فريم ...اممم ...اتمنى فعلا ..بس ما ادري احس بتكون صعبه تظبط !!

* كينجدون هارتس لازم تكون CG ...خاصه بوجود شخصيات ديزني !! تخيلوا شي بمستوى ادفانت شيلدرن !!

* خلونا الحين مع زيلدا وميترويد ....يالله بنقول مترويد يمكن يمكن يمشي حالها وتدبر ولو انه صعب يجيبوا اتموسفيريتها في فيلم !! لكن زيلدا وش جابها !! احس ما تصلح بس تكون لعبة طبعا من الطراز الأول !! لكن فلم صعبة من وجهة نظري ..بس تخيلوا من هذا أبو ذنين طويله وشعر ذهبي رهيب بيمثل دور لينك😛

* مرة ثانيه فرحان بوجود كاسلفانيا 😀



شو رايكم ؟! ...وشو العاب ثانيه تتخيلو انها تصلح قبل ما انكم تتمنوا يجسدوها بفيلم هوليوودي ؟!


غير بعض اللي فوق ..اشوف فاينل فانتسي 7-8 مناسبين ...شادو اوف ديستني ....ديفل ماي كراي ..كيوس ليجون

هذا اللي اذكره الحين !!

 

[Ash]

الحين بالله ميترويد متقدمه على ميتل جير 3 بالقوة السينمائية ؟ بس فعلا اللعبة الوحيدة الي لو ينقلوها بحذافيرها بتكون قوة هي ميتل جير 3 , و أكيد شادو اوف ذا كلويسيس من اخراج بيتر جاكسون يا سلام .

فاتيل فريم , ميترويد أعلنوا لهم أفلام من مدة على ما أعتقد , زيلدا مممم ما أحس فيها روح سينمائية , كنقدوم هارتس من انتاج بيكسار بيكون شيئ مذهل , هاف لايف جوها هوليوودي 100% بغموضها و شخصياتها , ألعاب الأربيجي أبدا أبدا ما تنفع تكون أفلام , فهرنهايت و شادو اوف ديستني أنا نفسي أعتبرهم أفلام أكثر من كونهم ألعاب .

و مع ذلك , ما أتمنى أي لعبة من الي أنا ذكرتهم يتحولون أفلام , و على فكرة اليوم صدر فيلم سايلنت هيل بالصالات الأميريكية , بانتظار الانطباعات .

 

[Tomb raider]

الحين بالله ميترويد متقدمه على ميتل جير 3 بالقوة السينمائية ؟

شكلهم مخرفين -___-
انابعد اشوف ان متل جير تنفع أكثر عن مترويد..

زيلدا مممم ما أحس فيها روح سينمائية

الا اذا بيسووون anime Movie

على فكرة اليوم صدر فيلم سايلنت هيل بالصالات الأميريكية , بانتظار الانطباعات

شوية جمهور حط الانطباع عن الفلم ...
الاسبوع الجاي عندنا ان شاء الله

 

[m7tram]

فاتل فريم اعلنو عن فيلم له وشفت لقطه صغيره من الفيلم (بس ما ادري اذا كان الفيلم الأصلي ولا لأ لان مو موضح بالعرض كل الي قاله : في لعبه تخرع اسمها فاتل فريم !! وانتهى العرض لول)
يعني تصلح فيلم رعب مثل ذا رينج وذاجرادج .

شادو فيلم امممم كل ما أشوف العملاق الي بالغلاف اتذكر لورد اوف ذا رينجز
ميتل جير فيلم لو اتصير اتمنى يكون المخرج نفسه هايدو كوجيما علشان ما يطلع لنا واحد ويخرب اللعبه تخريب
زيلدا فيلم؟ لول مستحيل شنو راح يحطون .. خخ ما افكر انها تكون فيلم ابد

وبالنسبه لفيلم سايلنت هيل نزل اليوم .. متى يوصل عندنا >< من اكثر الافلام الي انتظرها

 

[DeaDMaN]

امم زيلدا لو بتكون فلم ممكن يعملوها بس تكون انمي..والقصة ممكن يعملوها بيرفكت..أما البقية..رزدنت ايفل ياريت لو ليها فلم مثل الجزء الأول للعبه بس بحماس أعلى طبعاً..وممكن الجزء الرابع يعملوه فلم لكن مع إضافات كثيره في القصة..بيكون جبار..فلم هيلو منتظره على أحر من الجمر..>_>ميترويد شفنا ممثلة لابسة الدرع في عرض من عروض ميترويد برايم 2 ..قبل فترة طويلة..والشركة اكدت وجود فلم ليها..
..اما متل جير...جد أحس انها محتاجة فلم ليها..سايلنت هيل لحد الآن كل اللي أعرفه أن الفلم مو طبيعي..انا من اكثر الافلام اللي تعجبني افلام الرعب..والظاهر هالفلم مو معقول تقييمه في imdbكان 6.9/10
وهذا الكلام من انطباع احد اللي شاهدوا الفلم :

. As a fan of the games, and anything related to them, my faith has been firmly established in Gans and Avery, and I can only wish for sequels.
The atmosphere was perfect, the acting was on point, the creatures were amazing, well, everything was amazing.
The town itself looks just like the town we love, and it's almost like coming home again. You'll see what I mean when you finally get to see the film.
Just be prepared for a disturbing, bloody (oh man, the blood), and genuinely creepy ride.
I'd say more, but giving spoilers would be like slapping you in the face.
Go see it!

والله كلامه يحمس..​

 

[Bounty]

فاتل فريم المفروض المركز الأول :exclamati

زيلدا .. اعتقد لو ياخذها مخرج قوي يطلع منها شي :razz:

شادو .. مثل لورد اوف ذا رينج .. + مقاتلين صغار يصير افلم WOW:jawDrop::

كينقدوم هارتس .. لو اتكون CG تطلع بيرفكت :bigSmile:

 

[mario0o]

امنيتي اشوف فلم لزيلدا مع

🙂

شخصية لينك وايد راكب عليه

وكل ما اشوف لورد اوف ذا رينجز اتخيل جو زيلدا

ولو بيتير جاكسون هو اللي يسوي الفلم . بيكون قممة 🙂

 

[msm]

في البداية اعتقدت أن الموضوع يتحدث عن أفضل الأفلام المقتبسة عن الألعاب 😛eeved: ..

برأيي العاب المغامرات والمنصات ماتنفع تكون أفلام .. أكثر مايناسب الأفلام ألعاب الأكشن والرعب ..

 

[ABUALI]

IGN متى صار صاحي علشان يخرف :razz:

 

[m7tram]

الحين تأكيد رسمي في فيلم لفاتل فريم

 

[Solid Snake]

هممم .. ميتل جير ما عليها كلام .. تنفع تكون فلم بقوة !! .. هي ومترويد برايم ..

شادو .. مش متقبل فكرة كونها فلم .. يعني الفلم بيكون كله رح ضارب لك عملاق اقتله وارجع للمعبد شفه يتكسر وارجع وهكذا كل الفلم ؟! .. بيكون بايخ الصراحة ..

كينجدوم هيرتس وزيلدا بيكونون جيدين إذا انميشن ..

فاتال فريم وكاسلفينيا وهاف لايف مش بطالين .. جوهم سينمائي وينفعون يتحولون لافلام ,,


اللعبة اللي من جد اتمنى انها تتحول لفلم هي ديفل ماي كراي ..

 

[Final Fantasy]

أنا عندي فكرة حلوه لفيلم Shadow of the Colossus من أشهر و أنا أفكر و أعدل فيها و جاهزة للطرح .. بس أخاف تنسرق مني الفكرة اذا تكلمت >_> !