حطيت المراجعة في موضوع التحديات وقلت انقله بما ان مشواري طويل مع هالعظيمة..
مراجعة للجزء الاول فقط
لما احد يسألني شنو افضل لحظاتي / النوستالجيا في زمن التسعينات؟ من النقاط المميزة
اللي راح اذكرها هي لعبة Tomb Raider اللي نزلت في 1996 وغيرت الصناعة بالستايل الجديد
اللي قدمه استديو Core Design والمصاعب اللي واجهوها والتهديدات لتقديم هاذي اللعبة المعجزة
بالنسبة لذاك الوقت, بمجرد ان تشغل اللعبة وتسمع الثيم الايقوني ببداية القائمة راح تحس بشعور
عجيب غريب , الاحساس بالامان والنوستالجيا لا يوصف..
كل جزء من تومب رايدر ختمته على ايامه ولهالسبب لا اذكر الا بعض اللحظات القليلة من كل جزء
وهذي سبب رجعوي لهالسلسلة والحمدالله ان افضل نسخة نزلت اللعام وهي نسخة الثلاثية الريماستر.
اللعبة هي كوبي بيست من الاصلي وبمقدروك تغيير الجرافيكس بين الجديد والاصلي بضغطة زر, حركة جدا مميزة
ولكن المميز اكثر هو تعديل التحكم الى نظام الحالي modern والجرافيكس خيالي بالنسبة لريماستر لأن الاستديو
قدمها على اساس كيف تخيلناها بالتسعينات ومش تجديد او ريميك, اللعبة غنية عن التعريف والجزء الاول عبارة
عن متاهة كبيرة وتحاول العثور على مخرج من كل مرحلة وبعض المراحل كبيرة جدا تحس بالضياع وهنا روعة اللعبة
انك لازم تدقق بكل زاوية وبكل مكان حتى تحصل على الاماكن السرية والمخارج اللي ابدا ماتتوقع وجودها, طبعا
اكثر شي يعجبني بهالجزء هو العزلة والهدوء فالاتموسفير خيالي ومتنوع مع اضافة بعض القتالات مع الحيوانات وبعض
البوسات من البشر, عيب اللعبة هو قرب النهاية / قبل النهاية لما تتحول الى قتالات متواصلة من دون توقف فهنا نوعا
ما قتل ميزة اللعبة والعزلة في حل الالغاز ولكن لا مشكلة من التنويع مع ان بعضها تعجيزية وراح تخسر وايد بسبب
الكاميرا والقتالات المتواصلة بشكل زايد عن اللزوم, هذي احدى العيوب اللي واجهها الاستديو لأنه كان تحت التهديد
ومحاولة انهاء صنع اللعبة بأسرع وقت ممكن حتى انهم كرهو اللعبة بسبب هالمصاعب ولكن بالنهاية اللعبة
كانت مفاجأة الجيل ومن اعظم ماقدم في عالم القيمينغ, تحفة لا تتكرر..
اللعبة اخذت مني تقريبا 11 ساعة
ضروري يصلحون التحكم والكاميرا في الريماستر
