The Ranking -- التقرير الشهري (January 2006)

[king zell]

----------------------------

---------------------------​

الحمد لله وصلنا ال نهاية الشهر الأول من نظام The Ranking اللي قدمه TG كأحد الأنظمة الجديدة و اللي يسعى منه لتطوير الأداء الداخلي في الموقع من الأعضاء الحاليين و حثهم على تقديم كل ما عندهم.. طبعا ربما اقتسم الأعضاء من حيث نظرتهم و وجهة نظرهم للنظام و مدى أثره من إيجابي الى سلبي.. طبعا نحب ناخذ رأيكم و انطباعاتكم من الشهر الأول و ذلك عن طريق ردودكم عبر هذا الموضوع.. و ان شاء الله على حسب ردة فعلكم بنقرر ما اذا نستمر في النظام أو نلغيه نهائيا

مبروك للأعضاء المبدعين و اللي بذلوا جهد خلال الشهر.. الأعضاء اللي أدائهم كان أقل نطلب منهم يشدون حيلهم أكثر و أكيد إنهم مش أقل من اللي أعلى منهم لكن ضيق الوقت أو الظروف ما ساعدتهم.. و الأعضاء الغايبين نقول لهم ننتظر عودتكم بفارغ الصبر​

 

[Xavi]

شي جميل اخذ 6 🙂 موضوع واحد وكم رد
الاداء الاسبوعي لاول مرة يكون بالسالب ><

على العموم مشور محمد على الجهد الكبير في وضع التقاييم واانا انصح بالاستمرار ..

 

[Futrus]

كم تقييمي في الإسبوع الرابع ؟
أبي أعرف الموضوع اللي كتبته في منتدى الأونلاين أثر على تقييمي ولا لا

 

[ASWD]

ياحلات السهم اللي نازل على تحت😛

همم المركز13 بما اني ارد فقط بدون ما انشر مواضيع..ان شاء الله اذا تعدلت احوالنا ويا الدوام نقدم شي يفيدنا ويفيد غيرنا🙂

 

[Uchiha Basem]

عندي سؤال

اللي يحط موضوع بياخد علامة مساوية اذا حط رد؟

 

[dragonwarrior]

التقايم ...عموما أفضل مما توقعت.
جهد تشكر علية زيل.

 

[Mukuro]

في البداية كنت أقول على نظام ال Ranking أنه باب لفتح المشاكل بين الأعضاء. ولكن العكس الأن. أنا من رأيي أنه ال Ranking بيثير التنافس الشريف بين الأعضاء من حيث الأجتهاد والتميز من ناحية طرح المواضيع. The Ranking ساعدني أن أرى النور وأرجع كما كنت في كتابة المواضيع المتميزة.

شباب لا أحد يحبط, كونوا دائما طموحين للأفضل وبأذن الله حتوصلوا لهدفكم.

 

[Humam]

الصراحة .. في بداية فكرة الرانكنج انا قللت من شأنها كثير وما أعطيتها أي اهتمام, لكن للأمانة, الفكرة الآن ماشاء الله اتبلورت واتضحت معالمها أكثر .. برافو محمد 🙂

بالمناسبة وين حسين 11 صار له فترة غايب .. عسى المانع خير ان شاء الله 🙂

 

[Ginko]

yare yare -_-

 

[mario0o]

تستحق الشكر والثناء اخوي محمد عالجهد اللي بذلته لانجاح هذه الفكره الرائعه .

الآداء الاسبوعي اشوفه نازل لان للاسف ما كان في وايد اخبار طالعه لتغطيتها

مبروك لعمر عالمركز الاول وللجميع في المراكز المتقدمة


بس محمد عندي اقتراح ذكرته منذ بداية الفكره . ان يكون التقييم من ال0 الى ال10



🙂

 

[Khalid-S]

لول انا ماني شايف اي سبب انه يخلي همام يتقدم على ,, طوال الاسابيع الماضيه انا فوقه , فجأه الاسبوع هذا هو فوقي !! ليش ؟؟ عشانه انتقد نظام الـRankings الاسبوع الماضي ؟؟

مع احترامي وكل تقديري لهمام , لكن مواضيعه الاسبوع هذي كلها مشاكل في مشاكل مع روبسو ,, ليش سهمه طالع فوق ؟

انا اول معارض لهذا النظام ,, من الآن اقولها قدام الجميع. واسحبني من القائمه محمد.

 

[king zell]

خالد.. من قبل ما أدخل و أنا عارف انك بتشتكي..

أولا هو ما طلع فوقك.. هذا ترتيب الحروف بس هو متساوي معاك بالنقاط..

ثانيا همام كاتب تقريبا 40% من مواضيع منتدى الألعاب و أخباره هذا الأسبوع


.......................

marioOo

لو نخلي التقييم من 0-10 ممكن تغيب انت اسبوع لظروف فوق ارادتك و تاخذ 0 و تطلع من التوب 30 مرة وحدة.. مش ظلم هذا؟

......................

باسم

كتابة أي موضوع مش سبب للإرتفاع بالتقييم دائما.. يعني بعض الأعضاء يكتب موضوعين أو ثلاثة بس ما له مشاركة فعالة بمواضيع الآخرين.. أو بعض الشباب يجكر نفسه في مواضيع معينة فقط..

لكن عالعموم شخص ما يكتب مواضيع ما يقدر يطلع فوق ال6.5

.....................

Dante

للأسف ما دخلتك الترتيب للآن.. ان شاء الله شهر فبراير

 

[Aoks]

لول انا ماني شايف اي سبب انه يخلي همام يتقدم على ,, طوال الاسابيع الماضيه انا فوقه , فجأه الاسبوع هذا هو فوقي !! ليش ؟؟ عشانه انتقد نظام الـRankings الاسبوع الماضي ؟؟

مع احترامي وكل تقديري لهمام , لكن مواضيعه الاسبوع هذي كلها مشاكل في مشاكل مع روبسو ,, ليش سهمه طالع فوق ؟

انا اول معارض لهذا النظام ,, من الآن اقولها قدام الجميع. واسحبني من القائمه محمد.

شوي شوي خالد وش فيك معصب

 

[Khalid-S]

محمد ,, شوف الاسبوع الرابع الي هو اليوم انتهى
7.5 همام .. انا 7.0 مع ان مواضيع همام وردوده كلها مشاحنات .

مو مشكلة خلاص ,, بس شيلني من القائمه الله يخليك.

 

[king zell]

محمد ,, شوف الاسبوع الرابع الي هو اليوم انتهى
7.5 همام .. انا 7.0 مع ان مواضيع همام وردوده كلها مشاحنات .

مو مشكلة خلاص ,, بس شيلني من القائمه الله يخليك.

عشان كذا هو ما أخذ 8.. هو اشتغل أكثر من عمر.. لكن تساوى معاه بالنقاط.. لأنه يتناقر احاينا مع بعض الردود..

روبسو يستاهل 7.. سوا كم مشكلة و أخذ 4... و هكذا..

 

[Humam]

أفا خالد !! لول ما أتوقعتها منك هذا بدل ماتقلي مبروك.. آه يازمن ..على أيش ياحسرة لو جبت الأول من حقك تزعل لكن الثالث 😛

تعرف ليش اتقدمت ؟ لأنه في مواضيع المفروض أكون قالبها نار لكن مسكت نفسي فيها بكل رباطة جأش 😀 ثانيا انت تقول اني مواضيعي مشاكل.. أنا ما سويت مشاكل, بل اقحمت نفسي فيها وتناقرت.. للتصحيح فقط 😉


خالد أنا ماني مصدق إنك زعلان من الرانكنج بس شكلك زعلان من حاجة ثانية " كأني " عارف ايش هي .. على العموم أنا اذا حطيت شي في بالي بسويه, مثال على ذلك, هذا الأسبوع قلت ابتقدم في الرانكنج, وفعلا أتقدمت !!

😉

 

[Khalid-S]

خالد أنا ماني مصدق إنك زعلان من الرانكنج بس شكلك زعلان من حاجة ثانية " كأني " عارف ايش هي .. على العموم أنا اذا حطيت شي في بالي بسويه, مثال على ذلك, هذا الأسبوع قلت ابتقدم في الرانكنج, وفعلا أتقدمت !!

😉

 

[Humam]

لول خالد مافهمت 😛

 

[Khalid-S]

لول خالد مافهمت 😛

...Same here

 

[Humam]

طيب هذي بسة عمر الي ترفع الضغط والا ايش 😛

 

[Nintendo]

الفكره كفكره طيبه جدا ولكن الى الان احس انه انه التنفيذ فيه كثير من الغموض من حيث تقييم الاداء 🙂

اكيد كونها فكره حديثه وكونها بدات تتحسن من اسبوع لاسبوع شئ جيد ولكن من الصعب جدا متابعة اداء الجميع للحصول على تقييم نقدر نقول مقنع للجميع .. غير كذا الرانكنق اضاف للمنتدى نوع من الحماس وايضا يعتبر موضوع له متابعه من الاعضاء 🙂

EDIT : مين مزعل خالد ها !!! همام اعترف اعترف !! محمد اعترف ( وحده ) !! خالد انت مثل محمد نور ظالمينك لول

 

[Khalid-S]

شفت يا عمر ايش سوو فيني 🙁 محمد ظلمني بالرانكنقز مع اني احمل سكانات على سيرفري وهمام يتخاصم مع روبسو.

عطيهم على راسهم عمر.

 

[Nintendo]

افاااااااااا

يعني همام و محمد الاثنين مزعلينك .. لالا هذا الكلام مايصير ... خالد خلاص لازم نفتح انا وانت منتدى جديد نسميه ( عمروخالدونور ) ونسوي رانكننق وانا اطلع الاول وانت السادس ... ماعليك منهم 🙂

 

[Alucard]

ما يحتاج تفتحون منتدى جديد ... نسيتوا محكمة TG ..

خالد ارفع قضية على محمد والظلم الى لقيته في الرانكينغ !! 🙂

 

[Ginko]

والله ما ودي اقولها لكن اشوف مثل ماقالوا الشباب التنفيذ حلو وكل شيء وكثر الله خيرك وتعبك محمد لكن الدقه مو موجوده..

انا لو بحلف..ان عدد ردودي في الاسبوع الي فات اكثر من نص الي فوقي..وعندكم الردود في المنتدى وتواريخها..

 

[kInGsIzE]

مبروك للشباب اللي تقدموا و حظ اوفر للي نزلوا 😀


بس ودي اعرف وشلون طريقة التقييم بالضبط يعني هي تحسب بالنقاط مثلا ؟؟




خالد لا تضيق صدرك روح اشتكي عليهم بالمحكمه :razz:

 

[Mada Mada Dane]

انا مفروض اكون المركز الأول

<-- وش يبي هذا XD !!

 

[Mukuro]

والله ما ودي اقولها لكن اشوف مثل ماقالوا الشباب التنفيذ حلو وكل شيء وكثر الله خيرك وتعبك محمد لكن الدقه مو موجوده..

انا لو بحلف..ان عدد ردودي في الاسبوع الي فات اكثر من نص الي فوقي..وعندكم الردود في المنتدى وتواريخها..

لول عبدالله, لا يكون شايل علي إلحين وأنا مدري؟؟

 

[King Wario]

كنت خايف انزل في الرانكينج هذا الاسبوع لكن الحمدلله تقييم 6 اشوفه حلو ... لكن انشالله الاسبوع الياي احاول احصل اكثر ...

بس عندي سؤال .... الحين تقييم الشهر هو بيكون التقييم الاساسي في الاشهر الياية ؟

 

[ZiZ]

واط إز ذيس؟