The Prestige -- واحد من افضل افلام 2006 (اذا ما كان الافضل)

[Khalid-S]

السنة هذي الافلام الحلوه قليلة جداَ جداَ .. يمكن الى الان الافلام الجيدة تنعد على اصابع الكفين .. اخر فيلم جيد كان ذا ديبارتد .. الان .. ذا بريستيج ..

Hugh Jackman ؟؟ Christian Bale ؟؟ او Scarlett Johansson .. كل واحد فيهم ادى دوره على اتم شكل .. فيلم ما يخليك في لقطة وحده تشعر بالملل .. والنهاية .. اخخخ نهاية ابدا ما تتوقعها .. احب الافلام الي يكون فيها خدعة تخدعك في نهاية الفيلم .. تخليك تطلع من قاعة السينما وانت تفكر .. كيف هذا صار !! يبدا التحليل.
اخراج رهيب وموسيقى رهيبه .. مثل ما عودنا Christopher Nolan في افلامه (انسومنيا . باتمان بيجنز)\

اصدقاء .. يصيرون اشد اعداء بعض .. كيف بتكون النهاية ؟؟

الموقع الرسمي
http://theprestige.movies.go.com/

تريلر
http://www.apple.com/trailers/touchstone/theprestige/

لا تفوتونه !!

 

[53]

من ممثلين الفيلم تعرف إنه قوي ..
إنشالله قريب ينزل السينما وأشوفه .. :laugh:

 

[Mada Mada Dane]

صراحه ما اتوقع في فيلم هالسنه افضل من Departed :slant: شئ خرافي

 

[Khalid-S]

صراحه ما اتوقع في فيلم هالسنه افضل من Departed :slant: شئ خرافي

تختلف الاذواق .. انا شفت الاثنين .. وفضلت هذا عن ذاق مع ان مافي اي تقارب من ناحية القصة.

 

[TenZen]

[From Trailer]
Cutter: Every great magic trick consists of three acts. The first act is called "The Pledge"; The magician shows you something ordinary, but of course... it probably isn't. The second act is called "The Turn"; The magician makes his ordinary some thing do something extraordinary. Now if you're looking for the secret... you won't find it, that's why there's a third act called, "The Prestige"; this is the part with the twists and turns, where lives hang in the balance, and you see something shocking you've never seen before.

شكله جيد ... احب هذي النوعية من الافلام ... 🙂

 

[Naif]

Hell Yeah

ما اقدر انتظر اشوفه >< ..

المنافس معاه في اللقب The Fountain الشهر الياي 😉

 

[Van]

فلم ثاني رهيب غير the departed....

همممم.... خلاص وضعته في القائمة ^^

ننتظر الDVD

 

[Ash]

مثل ما توقعت , روعة ! نولان ملك الغموض :: , كافي بس طلع من ايده ( التحفه ) Memento .

بعض الأراء :

A Stylish, Uniquely Twisted Period Piece

Outstanding acting performances worth price of admission

كريستيان بيل و هيو جاكمان في طريقهم للقمة

.

Oscar Alert 2006: ''The Prestige''

One of the best movies EVER

This movie fills the screen and your mind

سويتها مره ثانيه يا نولان 🙂 .

أوكي الفيلم للأن تقييمه 8,5 ( واو أقل من ديبارتد ب1 ) لكن عدد المصوتين 299 , ننتظر هاليومين و يوصلون 20 ألف و نشوف .

مثل ما عودنا Christopher Nolan في افلامه (انسومنيا . باتمان بيجنز)\

زعلت من هالجمله 🙁 .. وين ( التحفه ) Memento ؟ عالعموم اذا حبيت بريستيج , لازم تشوف ميمينتو , أفضل فلم غموض هالألفية للحين .

خالد اذا حصلت لك فرصه ادخل Flags of Our Fathers .

 

[Khalid-S]

لوووول بصراحه ما حطيتها لاني ما شفته .. مع ان كل الي اعرفهم يقولون الفيلم جبار.

FOOF 🙁 ابي ادخله .. بس ياخي احنا دايما نطلع جروب ونروح للسينما .. وتعرف في امريكا الديموقراطيه 😛 لازم تصير عملية تصويت .. محد يبي يشوف الفيلم الا انا .. كلهم كارهينه بسبب الـ"حب الامريكي" الي بالفيلم وكل افلام الحرب .. يطلعون نفسهم هم الصادقين والمخلصين ووالخ وان اليابانيين هم الملاعين.

يقولون الفيلم دوكيمينتري ؟؟؟

 

[Ash]

لوول قولهم Clint Eastwood أكبر ديموقراطي , علشان ما يأنب نفسه ما سوى فلم من وجهة نظر الأمريكيين بس , بل هو حاليا يشتغل على فلم اسمه Letters from Iwo Jima يستعرض لك الحرب العالمية الثانيه من وجهة نظر اليابانيين و بيعرض الصيف القادم , يعني وحده بوحده , و لا اقولك , روح لحالك 😀 .

يقولون الفيلم دوكيمينتري ؟؟؟

لا , الفلم نوعه : أكشن/دراما/حرب , شوف التريلر حقه بموقع Apple الظاهر موجود HD .

 

[Khalid-S]

هممم والله بحاول اقنعهم .. لو ما وافقوا بروح بلحالي بكيفهم ... اخيرا الحرب العالمية من منظور اليابانين .. ومن اخراج الامريكين .. تحمست للفيلم.

التريلر شفته ترليون الف مره .. دايما يجيبونه في التلفزيون وفي كل محل .. لكن ما كان واضح هل هو دوكيومنتري ولا لا.

 

[Humam]

لاحقين ان شاء الله لين ينزل .. وبنزل فيلم فيصل ميمنتو .. ودي في شي خارق للعادة 🙂

 

[Khalid-S]

فيصل .. قد شفت فيلم Midnight Express ؟؟ ياخي الفيلم هذا شفته مرتين بس وكلها كانت بالتلفزيون .. فيلم جبار .. فيلم من الافلام الي بعد ما ينتهي تقعد كئيب لمده يوم كامل تفكر فيه 😛 .. الفيلم ما اخذ جوائر ولا شي .. والممثلين الي فيه مو مشهورين ابدا .. لكن فيلم يستاهل مره.

ترى الفيلم قديم جدا .. صوروه عام 1978 ميلادي .. حتى البطل الي بالفيلم مات من AIDS خخخ.

 

[Ash]

همام , فعلا بتشوف شيئ خارق للعاده 😉 .

Midnight Express 🙁 أذكر اني شفته عالتلفزيون أكثر من مره , و ما مليت منه أبد , فلم نفسي عجيب و من أفضل الأفلام الي تتكلم عن نتائج المخدرات , Billy Hayes كان تمثيله روعه , بالأصل كان جون ترافولتا هو الي بياخذ الدور , بس المخرج آلان فكر انه ياخذ واحد فعلا مدمن مخدرات , ايه بيلي كان مدمن أثناء التصوير .

الفيلم ما اخذ جوائر ولا شي

حرام عليك 🙁 ..

الأوسكار :
فاز بأفضل موسيقى .
فاز بأفضل سيناريو .
ترشح لأفضل ممثل مساعد : John Hurt .
ترشح لأفضل مخرج .
ترشح لأفضل تحرير .
ترشح لأفضل فلم !

و بالجولدن جلوب : فاز ب6 جوائز منها ( أفضل فلم , أفضل ممثل , أفضل ممثله , أفضل موسيقى , أفضل سيناريو , أفضل ممثل مساعد ) و ترشح لغيرها جائزتين .

هذا غير جوائز البافتا و مهرجان كان و مجتمع الفلم السياسي الخ الخ .

 

[Khalid-S]

اوووف بالله عليك !! والله توني ادري انه فاز بكل هذي الجوائز .. الفيلم عجيب مره .. والموسيقى الي فيه رهيبه بقوه .. تدخلك جو الفيلم لدرجه خياليه .. افكر اطلب الفيلم من امازون .. فيلم يستحق انه يكون في مكتبتك.

 

[Kratos]

الي يتوقع فلم زي Saving Private Ryan لا يضيع فلوسه على Flags of Our Fathers
ما راح يعجبه الفلم ..

شكل The Prestige خرب عليه العرض الإفتتاحي

الفلم يوم شفته كان فيه على الأكثر 30 شخص نصهم عجايز مع إن السينما كانت زحمة مهي طبيعية .. الناس الي صافين عشان يشترون تذاكر على الأقل كان عددهم 250 شخص على الأقل يوم وصلت .. وقتها جلست أقول الحمدلله إني أخذت التذكرة من أول .. ما توقعت إني أدخل الصالة و تكون فاضية بالشكل ذا .. حتى جلست أشيك على رقم صالة العرض بالتذكرة أكثر من مره قلت لا أكون دخلت صالة غلط 😛

بشوف The Prestige الويك إند الجاي

 

[Ash]

Top Box Office

1. The Prestige
2. The Departed
3. Flags of Our Fathers

clint owned ! لول المنافسه بين كلنت و سكورزي تذكرني ب2004 ( مليون دولار بيبي و أفاييتر ) و فاز كلنت , و الله ودي يجيهم دي نيرو أخر السنه و يهرجدهم 🙂 .

الأسبوع الجاي أتوقع المركز الاول Saw 3 :: .

 

[Argandir]

هذا تقريبا اكثر افلام الخريف اللي كنت انتظرها بعد The Departed...

ان شاء الله بشوفه الاسبوع الجاي...بعد امتحان الfinance...

 

[hussien-11]

السنة هذي الافلام الحلوه قليلة جداَ جداَ

حرام عليك خالد ! و الله هالسنة تحفة ، لحد الان 3 أفلام من مستوى القمة ، بايرتس2 ، ديبارتد ، و الان هاد ، و البقية بالطريق ! من زمااااااااان ما شفنا سنة فيها زحمة أفلام تحفة متل هاي !
​

 

[53]

الأسبوع الجاي أتوقع المركز الاول Saw 3 :: .

Of Cours #1 😛

 

[Death match]

الأسبوع الجاي أتوقع المركز الاول Saw 3 :: .

لوول تصدق كنت اتمنى يجي مع العيد لانهم اول شئ قالوا بأكتوبر فتمنيت يجي مع العيد لكن طلع اخر أكتوبر وقريت خبر من كم يوم انها Last puzzle !! والغريب يهذا الجزء تواجد جون Jigsaw :S

 

[Ryu-Bounty Hunter]

اف
فلم رهيب؟:gasp:
و يمثل فيه Christian Bale بعد :gasp:
خلاص مافي
لازم اشوفه
: cooool: Christian Bale FTW

 

[Ash]

حرام عليك خالد ! و الله هالسنة تحفة ، لحد الان 3 أفلام من مستوى القمة ، بايرتس2 ، ديبارتد ، و الان هاد ، و البقية بالطريق ! من زمااااااااان ما شفنا سنة فيها زحمة أفلام تحفة متل هاي !
​

معناته انك ما شفت V for Vendetta ؟ هذا أنا أعتبره أفضل فلم هالسنه للحين ( ما شفت أفلام هالموسم للحين ) و الفلم على الأقل المفروض يترشح لأفضل سيناريو بالأوسكار .

لوول تصدق كنت اتمنى يجي مع العيد لانهم اول شئ قالوا بأكتوبر فتمنيت يجي مع العيد لكن طلع اخر أكتوبر وقريت خبر من كم يوم انها Last puzzle !! والغريب يهذا الجزء تواجد جون Jigsaw :S

ممم حتى لو عرض قبل , ماتوقع يعرضونه بالسينما لانه لا الاول و لا الثاني عرضوه عندنا ( دموي حييل ) .

و يسمون هالجزأ ( عودة جيقسو ) :gasp: .

 

[hussien-11]

معناته انك ما شفت V for Vendetta ؟ هذا أنا أعتبره أفضل فلم هالسنه للحين ( ما شفت أفلام هالموسم للحين ) و الفلم على الأقل المفروض يترشح لأفضل سيناريو بالأوسكار .

لا للأسف ، بضيفه للقائمة !
​

 

[AMG]

معناته انك ما شفت V for Vendetta ؟ هذا أنا أعتبره أفضل فلم هالسنه للحين ( ما شفت أفلام هالموسم للحين ) و الفلم على الأقل المفروض يترشح لأفضل سيناريو بالأوسكار .


.

.

فعلا هذا الفلم فظيع وخصوصا القصة و فكرة الفلم ناهيك عن سيناريو الرائع


الحين عندى فلمين لازم اشوفهم

ذا بريستيج

ذا ديبارتيد

 

[The Heartless]

ash

وين ( التحفه ) Memento ؟ عالعموم اذا حبيت بريستيج , لازم تشوف ميمينتو , أفضل فلم غموض هالألفية للحين .

أنا شفت أفلام غموض وايد بس مثل ميمنتو ماشفت , هذا الفلم سوى في impact غير طبيعي وكل ماأشوف واحد يتكلم عنه لازم أرد في الموضوع

اذكر انه نزل بنفس فتره فلم fight club لكن Memento تفوق عليه بمراحل

باختصار Memento is a must

وعن فلم The Prestige دام أنه من نفس من نولان أكيد بأشوفه , أصلاً الفتره هذي نفسي انفتحت على الأفلام من بعد ماشفت ذا ديبارتد ( فلم السنه )

وسؤال للشباب فلم سبايدر مان 3 متى ينزل بالضبط ؟

 

[Bounty]

والله على بالي من جم يوم اشوف فلم احداثه تكون بالزمن القديم ..

و هذا شكله عجيب ... ان شاء الله قريب اشوفه .. ^_^

 

[Ash]

ash


أنا شفت أفلام غموض وايد بس مثل ميمنتو ماشفت , هذا الفلم سوى في impact غير طبيعي وكل ماأشوف واحد يتكلم عنه لازم أرد في الموضوع

اذكر انه نزل بنفس فتره فلم fight club لكن Memento تفوق عليه بمراحل

باختصار Memento is a must

وعن فلم The Prestige دام أنه من نفس من نولان أكيد بأشوفه , أصلاً الفتره هذي نفسي انفتحت على الأفلام من بعد ماشفت ذا ديبارتد ( فلم السنه )

وسؤال للشباب فلم سبايدر مان 3 متى ينزل بالضبط ؟

فعلا ميمينتو فلم غير طبيعي .

بالنسبه لسبايدر مان 3 موعده 4 مايو ( بنفس الشهر : Pirates of the Caribbean 3 , شباك التذاكر بينفجر هالشهر ) .

أما بريستيج , فتقييمه نزل ل8,3 ( قوي! ) و دخل بقائمة أفضل 250 فلم فالتاريخ ( عدد المصوتين 6 آلاف للحين ) .

 

[Naif]

امس شفت الفلم اخيرا في السينما ..

وااو .. النهاية خلتني >> :0

فلم رائع جدا سواء من التمثيل (هيو و كريستيان و حبيت تمثيل زوجة الفرد .. حسيتها واقعية وايد في دورها ولو انها ما طلعت وايد ) اسلوب شرح القصة كان رائع في الفلم (ما قريت الكتاب) .. ما اعرف اذا كان في القصة الاصلية بينوا الصداقة اللي كانت بين الفرد و روبرت قبل ما يصيرون اعداء .. لكن كنت اتمنى لو كان في هذا الشي في الفلم قبل ما يتعادون .. (فوتت كم دقيقة من بداية الفلم .. )

من فترة ما شفت فلم ما حسيت بالملل فيه في اي لقطة .. فعلا كان ممتع على طوال الفلم و الخدع اللي فيه تخليك تتسائل لين النهاية، و هذا اكيد بفضل الاخراج الرائع للفلم .. نولان رهيب في اخراجه

في شي ما فهمته ..
ما فهمت الالة اللي استخدمها روبرت على نهاية الفلم (الالة اللي فيها الكهرباء) .. هل صدق هي تطلع مستنسخين منك ؟ لاني احس انها مش مناسبة للفلم او الطريقة الواقعية اللي اخرج فيها المخرج الفلم او حتى طريقة القصة و ما دخلوا في تفاصيلها و قالولنا صدق انها آلة استنساخ .. همم .. بس في نفس الوقت الطريقة الذكية اللي نفذ فيها روبرت الخدعة كانت ما تعطينا شك انها فعلا الة استنتساخ لانه مافي اي تفسير ثانية غيره ممكن يفسر انتقاله بهذي السرعة الى خلف المسرح و الظهور وراء الجماهير .. همم

 

[AMG]

شفت الفلم من كم يوم لكن الفلم ما اعجبنى -_____-

هو ماهو سىء لكن اقل ممكا كنت اتوقع و بصراحة فيه فتى كثييييير و انا كنت متوقع انه واقعى 100%

همم اعطيه B-