هذي اشياء من بداية اللعبة وهويتها يعني بما انها على نظام story book موجه للأطفال، مش المفروض منغصات بما انها اساس اللعبة ولو ما عجبتك لا تكملها يعني.
مدري عنه بس باستغل اني اتكلم عن منغصات توها واجهتني بشابتر 7
بالشابترات الماضية كان يقدم عدة ميكانكس، تخليك تتفاعل مع العالم والغاز معينة ، حلو جدا، وأنا احاول احل لغز معين ، قلت همممم خلني استخدمها، فجأة اتفاجأ انها مش موجودة! كذا انشالت بدون ما احس مسالة اني اعمل tilt للعالم كانت بتحل اللغز اللي قدامي بسهولة
بس يلا مو مشكلة، لسه عندي حل ثاني، بالحقيقة اللغز السابق مباشرة كان يستخدم هذا الحل، مش حاجة قديمة من شابتر سابق، لا لسه لغز جديد توي حاله
استعملت الحل ذا، اللعبة ما اتوقعت اني استعمله بالمكان ذا بالشكل ذا، اني احط القنبلة فوق زر عشان افتح جسر، هي كانت تتوقع مني حل ثاني مختلف، لكن الحل اللي انا سويته اشتغل، حلو، عديت الجسر ووصلت مكاني، بس القنبلة انفجرت! علقت بالمكان الثاني بدون خط رجعة! خلاص علقت تماما والحل الوحيد اني اخرج من اللعبة واعيدها
هذا غير انه كان عندي عدة حلول لعدة الغاز كنت ممكن استغل فيها ميكانك جديدة عطوني اياها ميكانك الStop واقعد اجربها لكن لا، ما تشتغل، على مزاجهم كذا، فيعني على قد ما يعطوك كم اداة كانوا يقدروا يبنوا منها الغاز تنحل بعدة طرق، لكن لا، جامدين، يبغوك تحلها بطريقة واحدة فقط، كذا مضيعين البوتينشل كثير.
غير كم جليتش صادفني، مرة بلغز كان يطلعلي علامة Read ، اضغطها، يطلعلي لوحة...فاضية، مافيها كلام، اقرا ايش طيب؟ هذي ميكانك جديدة؟ جليتش؟ لغز؟ لا، بس كذا، غالبا جليتش فعلا او حاجة غير مكتملة
المهم سالفة الالغاز اللي احلها بطرق مختلفة او ببالي حلول احسن مع الادوات اللي تقدمها اللعبة كثيرة حتى بالشابترات السابقة لما افكر فيها، مشكلة لما تكون اذكى من اللعبة
