The Lost Symbol من دان براون

[Id]

يعود أحد أشهر الكتاب خلال السنوات القليلة الماضية برواية جديدة ...

الكاتب دان براون الشهير برواية "شفيرة دافنشي" يقدم روايته الجديدة بعد خمسة اعوام من العمل عليها ..

ببطولة ربورت لانغدون بطل روايتيه السابقتين .. ننتظر روايته الجديدة بفارغ الصبر .. تصدر في شهر سبتمبر القادم ..

http://www.danbrown.com/the-lost-symbol.html

http://www.amazon.com/Lost-Symbol-Dan-Brown/dp/0385504225

 

[Aia]

أفضل كاتب عندي !

أنصح كل واحد ما قرأ الـ " خيميائي " , The Alchemist , يقراه فورا ً .

 

[Id]

^

وش دخل ذا الكيمست هنا P:

 

[Aia]

^

ههههههههههه , من جد والله مدري , يمكن علشان الكاتب نفسه 😛 !

ما الظاهر اني راح اشتري الكتاب فور نزوله , عندي كم كتاب ثاني ودي اقراه قبل هذا (باقي كم سلسله من اغاثا) !

 

[Id]

^

لا الكاتب مو نفسه .. الكاتب لرواية الخيميائي هو باولو كويلو ..

 

[Aia]

^

أيش !؟ , اللي اذكره انه دان براون , علما ً اني قاريها يمكن قبل اربع او خمس سنوات ><" !

بس يظل كاتبي المُفضل 😛 .

 

[Nyx]

عمره سبتمبر ماكان أبعد من كذا , ما أقدر أنتظر !

(باقي كم سلسله من اغاثا) !

زي اللي يقول ماراح ألعب جزأ زيلدا الجديد عشان فيه كم لعبه أركيد لازم أخلصها .




P:

 

[Jonas]

سؤال... القصه لها علاقه بدافينشي كود ؟

 

[Aia]

زي اللي يقول ماراح ألعب جزأ زيلدا الجديد عشان فيه كم لعبه أركيد لازم أخلصها .

لووول عالتشبيه !

صراحة ً الكاتبين مُختلفين جدا ً عن التقديم ,, لكل منهم قوته فالكتابه , أشوفهم متساويين , بحكم أن قصص أغاثا تتحمس معها كثير و تكل ما قربت لنهاية القصه , تخيلاتك تزيد وتزيد , القصص البوليسيه معروف عنها أنها أسرع وسيله لتوسيع التخيلّات والتوقعات للي بيحصل بالنهايه .

 

[Salman]

Pre-order بأقرب فرصة إن شاء الله 🙂

سؤال... القصه لها علاقه بدافينشي كود ؟

الشخصية الرئيسية للرواية الجديدة هي روبرت لانجدون, بطل دا فينتشي كود و إنجلز آند ديمنز. أما علاقتها بالقصة, فأغلب الظن إنها ما راح تكون متعلقة بالـقصص السابقة بشكل كبير.

تعديل: بالمناسبة, أذكر أسم الرواية كان The Solomon Key, هل تغير ؟

 

[Isaac]

الغلاف صراحة مخيب ... :/

مافيه زي غلاف الإصدارة الأولى من Angels & Demons

من أذكى الأغلفة اللي شفتها...

محتوى مخفي

Illuminati <tgman>

 

[Saadawii]

هممممممم.

أتفهم حماس الآخرين لدان براون. لكني مو من هواة أسلوبه بالكتابة أو السرد. ما اعتبره أدب، لكني أعتقد أن عنده معرفة جيدة بعناصر رواياته واهتمام بحثي مميز فيها، مو أكثر. مثل ما أقول دايماً، يكتب فيلم، مو أدب.

يمكن أقرأ روايته هذي، لكن على الأغلب مو بالانجليزي. إلا في حالة أنها طلعت مختلفة عن أسلوبه المعتاد، رغم شكي.

والقراءة له أشجعها أكثر من القراءة لدانيال ستيل على أي حال، هذيك اللي ما تدري وين هي موجهه من جد...

 

[Justice]

الي يحب اعمال دان براون من ناحية الاسلوب والذكاء في الطرح انصحه وبقوة يقراء the pillars of the earthطبعاً الكتاب حق الكاتب العبقري Ken Follett

 

[ASWD]

مست وانا مغمض..اسلوبه راييق مرة بالنسبة لي

للان افضل رواية حقه بالنسبة لي هي دافنتشي كود.ومن بعدها ملائكة وشياطين. الحصن الرقمي ما استزغتها كثير.مع انها كانت افضل من رواية حقيقة الخديعة بنظري

 

[pacino]

الصدفه اني شاري روايه دافنشي من 3 سنين وما كملتها..اليوم بالصدفه حصلتها مغبره فتحت جم صفحه وقريتها..بعد دقايق دخلت المنتدى والا احصل هالموضوع!
:what:

 

[Solay]

الغلاف صراحة مخيب ... :/

مافيه زي غلاف الإصدارة الأولى من Angels & Demons

من أذكى الأغلفة اللي شفتها...

محتوى مخفي

Illuminati <tgman>

وااااو عالغلاف..:wow:

 

[Burdegation]

سؤال:

انا شاريلي الكتب الاربعه ملوته على شكل بوك ست من قبل كم سنه و ماكنت فاضي وقتها و نسيتهم

بس هالايام متحمس اقراهم خاصه ان الفلم الثاني قرب, فشنو الترتيب اللي تنصحوني اقراهم فيه ؟

 

[hussien-11]

بانتظار الكتاب على أحر من الجمر .. دان براون كاتب ذكي جدا و مثقف و أي شي منه must
بس غريبة فعلا تغير اسم الرواية ؟
​

 

[Double T]

انا موقف في Angels & Demons من شهرين او اكثر .. و ما اتوقع اني راح اكملها قريب .. المشكلة اني موقف في النص بالضبط

 

[Yaz3D]

دخلت الموضوع على بالي شي يتعلق بمسلسل لوست xD

 

[Mista Koo]

واو على غلاف إينجلز & ديمونز :surprised:

أنصح كل واحد ما قرأ الـ " خيميائي " , The Alchemist , يقراه فورا ً .

عادي أقلب الموضوع حش بالخيميائي :fd3:؟

 

[Id]

شباب الي مستغربين شكل الغلاف .. من جدكم متوقعين هالشكل النهائي ؟!؟!

مكتوب تحت في نفس الصورة .. أنه هذا لا يمثل الشكل النهائي .. دائماً أغلفة قصص دان براون تكون بطابع فني له علاقة بالقصة و هذا المتوقع من غلاف هالكتاب ..

 

[Aia]

عادي أقلب الموضوع حش بالخيميائي ؟

لا , شُكرا ً 🙂 .

 

[DONY]

عندي رواية Angels & Demons من فترة بس للحين ما خلصتها :annoyed: .

فكرة الغلاف ذكرتن بقلعة الحمرا (Alhambra Castle ) اللي بالأندلس :

* للمهتمين: http://en.wikipedia.org/wiki/Alhambra



​

 

[HAL-9000]

أيش شيء من دان براون مستواه مضمون مية في المية.

 

[Majeed]

أنا يعجبني في براون أنه يحشو رواياته بمعلومات رهيبة جداً وبكثرة .. زائد أسلوبه البوليسي الجميل ..
بالتأكيد في انتظار الكتاب :] ..

 

[Id]

صدرت القصة أخيراً !!

الغلاف رهيب لو ما استخدموا الجملة المستهلكة الي فيه .. : (

طبعاً تدور القصة حول الماسونية ..

الموقع الرسمي http://www.thelostsymbol.com/ وفيه لعبة تتحدث عن الرموز رهيب جداً

المشكلة شكلها بتتأخر إلى أنها توصلنا .. اذا احد رايح جرير هاليومين يعلمنا ..

 

[Snake-87]

^
بدأت الترجمة العربية ؟

 

[Id]

ما أذكر من كان مترجم للقصص القديمة بس اتوقع هم "النيل و الفرات" ممكن بدأو في ترجمتها بس ما أتوق نشوفها قريب ..

 

[Mansoury]

اشتريت الكتاب قبل اسبوع
بديت اقرا فيه شوي
فيه مصطلحات سياسيه كثيره تدوخ :confuse: