Khalid-S
Executive Member
هذا الكلام كله في مدونتي .. حبيت انقله لكم هنا عشان الكل يقراه -ـ- على الاقل .. ما تقعد في المدونة المهجوره من الزوار. مع ان التحديث فيها سريع
المهم كلامي هذا كله بعد ما شفت الفيلم اليوم .... المراجعة موجودة في المدونة كمان للي حاب يشوفها.
ـــــــــــــــــــــــــــــــــــــــــــــ
- منطقة السويدي في الرياض. اعتقد سكان الرياض كلهم يعرفونها. منطقة بالفيلم خلوها المنطقة المحذورة الي تدخلها تموت او يقلبون عليك الناس هههه. وهي مافيها كل التضخيم هذا
- جينفر قارنر. صحيح ان موقعها من الاعراب كله غلط. سعودية تمشي بهذا الشكل في كل مكان لكن يالله نقول هذي حالة استثنائية تقريباَ. حصلت في مكان كانوا الارهابين جالسين فيه سيجاره على الارض. ممم المطاوعة تقريباَ ما يدخنون والي بالفيلم المفروض يكونون متشددين بزياده يعني المفروض .. ما يدخنون!!
- جيمي فوكس قابل سفير السعودية في امريكا. طريقة كلامة ابدا مو طريقة مخاطبة سفير. قال الكلمة الي تبدا بحرف الإف وهدده وقاله لازم تدوينا للسعودية. هههه ودي اشوف لو واحد سواها بالحقيقية وش بيصير له
- جيمي فوكس وفارس كانوا بيدخلون مكان داخل منطقة طلق النار. قال جيمي لفارس "الحين الله مع مين" قال فارس "بنعرف الآن" .ايش هذا الرد بالله؟
المهم كلامي هذا كله بعد ما شفت الفيلم اليوم .... المراجعة موجودة في المدونة كمان للي حاب يشوفها.
ـــــــــــــــــــــــــــــــــــــــــــــ
كثير تكلموا عن الفيلم .. كثير سبوه عشان اسم امريكا وهوليود فقط واعتقدوا انه بيكون مسئ للسعودية وبيبينها بشكل سئ وغير حقيقي لانه من هوليوود ونعرف من يرأس هذا العالم. ممم تقريباَ معاهم حق لكن في هذا الفيلم .. اقدر اقول ان نسبة كبيرة جداَ هي حقائق. خليني ادخل بالتفصيل واتكلم عن رايي في هذي المسئلة بعد ما شاهدت الفيلم.
مثل ما تشوفون على اليمين في المراجعة وفيها القصة بشكل مختصر جداَ فما يحتاج اتكلم عنها. الاحداث حقيقية. عملية التفجير حقيقية بالضبط. الي ماتوا حقيقين سواء شهداء جنودنا او الاجانب الي بالمجمع. السؤال هو ... الفرقة الي ارسلتها امريكا حقيقية؟ هممممم .. بعد تفكير اقدر اقول ما ادري !! والله ما ادري ... ليش .. انا ساكن في منطقة بالرياض بدون ذكر اسمها لكن احداث كثير حصلت جنبها. بنفسي اسمع صوت النار وصوت الاسعاف والشرطة والهيليكوبتر .. افتح المحطات التلفزيونة سواء العربية او الاخبارية السعودية او القناة السعودية الاولى .. اخليها عليها ساعات وما اشوف اي خبر !! ما اتكلم عن جميع الاحداث .. بعضها والكثير منها. الي نشوفه بالتلفزيون هي الاحداث الكبيرة. فكر للحظة. قائمة المطلوبين كانت كبيرة جداَ جداَ .. والعثور والمسك عليهم والاحداث الي صارت بين جنودنا والفئة الضالة (الارهابين) كثيرة لكن ما نسمع عنها كلها بالتلفزيون .. فبامانه ما اعرف هل في جنود امريكان .. لكن يمكن الكفة ترجح انه مافي جنود مثل هذول لكن اعتقد اكيد ان في خبراء ساعدوا كثير للكشف والعثور على هذي الفئة.
اوكي .. المهم .. هل الفيلم جسدنا احنا السعودين بشكل خاطئ؟ اطمنكم واقول لا .. الفيلم جاب ان في فئة طيبة جداَ في السعودية وفئة تفكيرها غريب. يعني ما خلوا الكل ارهابي والكل يقتل وووالخ .. هل جسدوا الرياض بالفلوجة؟؟ لا .. حتى عمارة المملكة طلعت بالفيلم وعماير كثير طلعت مثل الحقيقية بس طبعا بالكومبيوتر تركيب لان تم تصوير الفيلم بابو ظبي. الفيلم امريكي. فيلم هوليوود. شي طبيعي بتشوف ان الامريكان التركيز عليهم وهم الخارقين الي ما يموتون ويمشون بين الرصاص. طبعا شي طبيعي لان ما يبون يخسرون نسبة مشاهدة عالية وارباح كثيرة. لكن .. بينوا ان الجندي السعودي له دور .. يمكن مو كبير لكن له دور .. والدور المهم جداَ بالفيلم هو دور العقيد فارس الغازي. جداَ دور جميل وبامانه اشوفه افضل من جيمي فوكس بمراحل في هذا الفيلم.
بذكر بشكل نقاط ايش الاشياء الغريبة الي لاحظتها بالفيلم .. يعني الاشياء الغير صحيحة عن السعودية. كان بالامكان نشوف افضل مع انه جيد لكن شي طبيعي يكون كذا لان ايش همهم الفيلم للامريكان
- الامير. ولد ما يتعدى العشرين. من متى وفي السعودية في ولد ماسك هذا المنصب؟ للمعلومية المنصب هذا قصدهم هو وزير الداخلية السعودي. نايف بن عبدالعزيز.
- الكلام العربي. احد اصدقائي كان ضمن مساعدين وكذا. حكى لي عن الممثلين وان اغلبهم ما يعرفون يتكلمون عربي كويس وبعض منهم مغربي ومن الشام. المهم حاول معاهم لدرجة كبيره انه يخلي اللهجة سعودية. في لقطات كثيرة تشوفها مضبوطة لكن بلقطات كمان تشوفهم يتكلمون مغربي؟
- منطقة السويدي في الرياض. اعتقد سكان الرياض كلهم يعرفونها. منطقة بالفيلم خلوها المنطقة المحذورة الي تدخلها تموت او يقلبون عليك الناس هههه. وهي مافيها كل التضخيم هذا
- جينفر قارنر. صحيح ان موقعها من الاعراب كله غلط. سعودية تمشي بهذا الشكل في كل مكان لكن يالله نقول هذي حالة استثنائية تقريباَ. حصلت في مكان كانوا الارهابين جالسين فيه سيجاره على الارض. ممم المطاوعة تقريباَ ما يدخنون والي بالفيلم المفروض يكونون متشددين بزياده يعني المفروض .. ما يدخنون!!
- جيمي فوكس قابل سفير السعودية في امريكا. طريقة كلامة ابدا مو طريقة مخاطبة سفير. قال الكلمة الي تبدا بحرف الإف وهدده وقاله لازم تدوينا للسعودية. هههه ودي اشوف لو واحد سواها بالحقيقية وش بيصير له
- جيمي فوكس وفارس كانوا بيدخلون مكان داخل منطقة طلق النار. قال جيمي لفارس "الحين الله مع مين" قال فارس "بنعرف الآن" .ايش هذا الرد بالله؟
تقريباَ هذي الاشياء الي لاحظتها وبعدل شي بالقائمة اذا كان في زيادة. اجمالا وبشكل عام طلع الشين والزين. طلع المتطرفين المعقدين وطلع الممتازين. طلع الاطفال الي المتطرفين يسون لهم غسيل دماغ وطلع الاطفال المساكين المتعلمين. ابو حمزة اوفر ريتد على فكرة.
الفيلم لازم تشوفه. سواء كنت سعودي او خليجي او امريكي او ياباني او هندي. مره جيد.
