الموضوع الرسمي The Evil Within حيث عقلك قد يكون... عدوك

[D1rk-Knight]

قاعد اعيد من شابتر 10، خلصت الشابتر الحين..الوضع صاير اسهل من قبل لان كل مكان مزعج صار عندي استراتيجية خاصة له، عدا مكان واحد متشاءم منه (شابتر 12 لما يظهرون لك الاعداء من فوق وانت داخل الباص المصدوم) :/

محتوى مخفي: صادق

لم توصل لهذه الجزئية، روح عند كرسي السائق وخلي جوزيف وكيدمان يتكفلون بالأعداء فوق بينما أنت تهتم باللي يصعدون للباص. لا تخاف ما أحد من اللي فوق بيقدر يصيبك وأنت عند كرسي السائق وبتوفر ذخيرة على نفسك.

 

[Raulioo]

محتوى مخفي: صادق

لم توصل لهذه الجزئية، روح عند كرسي السائق وخلي جوزيف وكيدمان يتكفلون بالأعداء فوق بينما أنت تهتم باللي يصعدون للباص. لا تخاف ما أحد من اللي فوق بيقدر يصيبك وأنت عند كرسي السائق وبتوفر ذخيرة على نفسك.

سويت كذا من المرة الماضية لما اتجاوزت المكان ولكن :

محتوى مخفي: همم

فيه اعداء من فوق يرمون زجاجات نارية، او اللي ينفجر..وغالبا كدمان و جوزيف ما يلحقون عليهم..واخسر بسببها، لهذا لازم اراقب الوضع..بس فيه وقت معين بالمعركة ارجع واختبي بهالمكان واصير بوضع آمن تماما، هذه كانت استراتيجي اللي نجحت بالنهاية..بس طبعا وقت الاختباء متأخر وفيه مواقف تعتمد عالحظ والارتجال السريع بالوسط

 

[D1rk-Knight]

سويت كذا من المرة الماضية لما اتجاوزت المكان ولكن :

محتوى مخفي: همم

فيه اعداء من فوق يرمون زجاجات نارية، او اللي ينفجر..وغالبا كدمان و جوزيف ما يلحقون عليهم..واخسر بسببها، لهذا لازم اراقب الوضع..بس فيه وقت معين بالمعركة ارجع واختبي بهالمكان واصير بوضع آمن تماما، هذه كانت استراتيجي اللي نجحت بالنهاية..بس طبعا وقت الاختباء متأخر وفيه مواقف تعتمد عالحظ والارتجال السريع بالوسط

محتوى مخفي: !!!

هو مصدر الخطر كله من اللي على جهة اليمين (أول ما توصل المكان) بالنسبة لك، أما اللي فوقك بالضبط ما أذكر أي واحد منهم أصابني نهائيًا.

 

[Raulioo]

محتوى مخفي: مممممم

^^
لما بقت مجموعة مصطفة فوقي فيه حد ضربني على نافوخي بالزجاجة النارية @@ بس بصراحة ما متأكد اذا كانت منه ولا واحد من اللي سقطوا عالارض .
على فكرة استخدمت طريقتك بشابتر 10 مع العمالقة.."اسهم الكهربا" فعلا ريحتني ووفرت ذخيرتي، وفرت علي كثييير من العناء والاسراف @@

 

[D1rk-Knight]

^
ممتاز!

محتوى مخفي: !!!

بخصوص القفص (الشابتر 11) اعتمد كليًا على Agony علشان تخلصه بدون أي خسائر ما لها داعي.
الدفعة الأولى استعمل عليهم القنبلة الضوئية أول ما يطلعون ثلاثتهم واطعنهم وخليك قريب من باب الجراج وجهز قنبلة الثلج وابدأ ارجع ببطأ، بمجرد ما يفتح الباب على طول أطقلها وتقدم علشان تجمدهم قبل ما ينتشرون. بعدها ارجع لخلف الحاجة وجهز وحدة ثانية للثلاثة اللي بعدهم واطلقها على الأرض في المنتصف وعلى طول حول للسنايبر ويفضل تكون مستوى 4 علشان تقتل المتخلف اللي فوق من طلقة وحده. المفروض بيجونك السوات برضوا استعمل معهم قنبلة ثلجية.
يتبقى السمين عندك حلين: إما تظل تخبي وترمي القنبلة اليدوية عليه ويحتاج 2 أو تنتظره يخلص اطلاق وبيكون عندك أجزاء من الثانية علشان تقتله بالسنايبر، أفضل الحل الأول.

على فكرة لم تسحب الرافعة ما يحتاج تقتل الأعداء، فقط أبو رشاش فوق البقية طنش فيهم وخلاص الشيك بوينت بتلغي وجودهم. XD
لو تقدر خلي السنايبر مستوى 4، القنبلة الثلجية المدى مترين والضوئية مدة 13 ثانية.

 

[J a m a l]

[video=youtube;CctdpetuX70]http://www.youtube.com/watch?v=CctdpetuX70&list=UUWBA1-H9A5IldSb3tNwQmtQ[/video]
لو سمحتو شباب كيف اجيب التروفي ذا، سويت نفس الطريقه بس ما ضبطت معي ::

 

[LegendaryK]

اخ جمال ماذكر انك عطيتنا انطباعاتك وتقييمك للعبة ؟! ::

 

[D1rk-Knight]

وبحمد الله تم ختم صعوبة AKUMU:

الوقت المستغرق مع عدد مرات الموت:

محتوى مخفي: Results

والآن إن سمحتم لي. . . . . .

 

[II EYAD II]

[video=youtube;CctdpetuX70]http://www.youtube.com/watch?v=CctdpetuX70&list=UUWBA1-H9A5IldSb3tNwQmtQ[/video]
لو سمحتو شباب كيف اجيب التروفي ذا، سويت نفس الطريقه بس ما ضبطت معي ::

ساويها 5 مرات ويطلع لك

 

[JIN KAZAMA]

وبحمد الله تم ختم صعوبة AKUMU:

الوقت المستغرق مع عدد مرات الموت:

محتوى مخفي: Results

والآن إن سمحتم لي. . . . . .

ماشاء الله عليك ! انجاز رهيب للامانه

ان شاء الله بعيدها مرة ثانيه لما اجيب البلايستيشن 4 ، حاليا مش قادر العب الالعاب اللي عندي بعد ايفل ويذين ! اريد اعيدها مره ثانيه بس ماراح العبها ع البلاي 3

 

[Raulioo]

وبحمد الله تم ختم صعوبة AKUMU:

الوقت المستغرق مع عدد مرات الموت:

محتوى مخفي: Results

والآن إن سمحتم لي. . . . . .

ما شاء الله الف مبروك..انا اعتقد عدد موتاتي بتكون متجاوزة الالف الحين @@
على فكرة مريت من المنطقة ذيك بشابتر 11، بس ما استخدمت استراتيجية الاسهم، لعبت بالاستراتيجية اللي قدرت اختم المكان فيها بالنهاية المرة الماضية "بنفس الطور قبل ما اعيدها" ، خلصته من المحاولة الثانية! لما تكتشف طريقة معينة خلاص المكان يصبح سهل جدا.

 

[ibrahimJ]

شباب the evil with عليها تخفيض في الستيم 15% , حاليا السعر صار 60$
60$
60$
60$

يعني السعر الاصلي 70$ في الستيم مع انوا سعر اللعبة في green man gaming يكلف 60$ .
طمع بيثيسدا.

 

[juma]

شريتها يوم الاصدار ب38دولار

 

[FANTASTIC DREAM]

شباب the evil with عليها تخفيض في الستيم 15% , حاليا السعر صار 60$
60$
60$
60$

يعني السعر الاصلي 70$ في الستيم مع انوا سعر اللعبة في green man gaming يكلف 60$ .
طمع بيثيسدا.

لا تاكلوني ارجوكم , بس انا أشوف ايفل ويذن تستاهل 70$ (ايه نعم أكثر من سعر اللعبه العاديه وايه نعم أشتريتها ديجتل من الستور بنفس السعر).

-------------------------------------------------

بالنسبه للبارات السوداء , أنا ما عانيت منها أبداً , لكن بعد ما تابعت فيديو الباتش حق ستيم اللي شالها أفكر أحطها سلبيه , شيء خسيس , تجربتي للعبه كان ممكن تكون أفضل و لو شوي!!.

محتوى مخفي: سبويلر

لعبت شوي من صعوبة اوكوما , تحديداً في التشابتر الثاني , قبل ما توصل الباب اللي تفتحه بالعجله مو كأنهم زادو عدد الزومبيز هناك؟ أنا أشوف انه من المستحيل أنك تجابه الوحوش وجه لوجه , التسلل الحل الوحيد , هنا لازم تفكر أكثر من مره قبل ما تسوي اي حركه! في المرحله ذي قتلني واحد منسدح , بعد ما سدحته بالمسدس جيت أقتله برجلي وأنتهز الفرصه وقتلني(وهو منسدح!) , ضربه وحده! , قتلني حتى فخ والأفخاخ في اللعبه ذي لئيمه وما تشوفها أبداً!! عند الباب في أكثر من زومبي متجمعين , لحد الأن ما لقيت اي طريقه عشان أعدي الباب , أحد عنده الإستراتيجيه؟.

 

[Raulioo]

محتوى مخفي: سبويلر

لعبت شوي من صعوبة اوكوما , تحديداً في التشابتر الثاني , قبل ما توصل الباب اللي تفتحه بالعجله مو كأنهم زادو عدد الزومبيز هناك؟ أنا أشوف انه من المستحيل أنك تجابه الوحوش وجه لوجه , التسلل الحل الوحيد , هنا لازم تفكر أكثر من مره قبل ما تسوي اي حركه! في المرحله ذي قتلني واحد منسدح , بعد ما سدحته بالمسدس جيت أقتله برجلي وأنتهز الفرصه وقتلني(وهو منسدح!) , ضربه وحده! , قتلني حتى فخ والأفخاخ في اللعبه ذي لئيمه وما تشوفها أبداً!! عند الباب في أكثر من زومبي متجمعين , لحد الأن ما لقيت اي طريقه عشان أعدي الباب , أحد عنده الإستراتيجيه؟.

هههه تذكرني لما بديت اللعبة على هالمستوى، نفس الصدمة انتباتني وفضفضت فيها هنا..خاصة للي متسدحين وتحسهم يحاولوا يعوموا بيدهم ويضربوك @@

محتوى مخفي: اللي انا سويته

قبل لا تفتح العجلة اتأكد انك قتلت كل اللي بالبيئة قبل ما توصل لهنا، وبتحصل كم جثة ملقاة عالارض ضروري تحرقهم! بعد ما تحرك العجلة 2 اظن بس اللي بيطلعون لك وبتقدر تتعامل معهم بسهولة..خاصة لو هربت بعيد "مباشرة بعد ما تبدا تحريك العجلة" لين ما يصحون بيبدون يدورون عليك..تقدر تقتل واحد منهم بالتسلل، والثاني بيكون بمتناول اليد @@
طبعا لا تنسى تعطل الافخاخ او تخلي بعضها بصالحك بالمعركة اذا حبيت

 

[Storm is here]

جربت ديمو ستيم
واللعبة طالعة احلى بكثير بدون البارات السوداء

 

[D1rk-Knight]

@JIN KAZAMA
شكرًا فؤاد. ::::
تقريبًا حالتي مثلك، كل ما قلت خلاص بآخذ بريك منها أشوف نفسي أرجع لها بشكل تلقائي. :sweat_smile:

@راؤول الأسطورة
الله يبارك في عمرك يا صادق، عقبالك إن شاء الله. :kissing_heart:
جميل إنك خلصتها بطريقتك وفعلًا كل واحد له طريقته اللي تسهل عليه الأمور.
شد حيلك ما بقى لك إلا القليل. :thumbsup:

 

[W.W.W]

عبد الرحمن

انت ختمت طور النايتمير ؟

ليش احسكم محاربين هالطور ؟ @@

وسؤال اخيرا , هل طور AKUMU كان استحاله ؟

فارس الجهني

ما شفنا انطباعك عن اللعبه ؟ 🙂

مين ارعب بنسبه لك , ذا ايفل ويذن ولا فاتم فريم ؟ xD

 

[D1rk-Knight]

^
عبدالله، ما قربت منه نهائيًا. خلصت Survival وقفزت مباشرة للـ AKUMU.
علشان أختصر على نفسي المعاناة مرة واحدة.

الطور مش مستحيل وإنما رتمه بطيئ بشكل أكبر بكثير، بسبب إن كل حركة تعملها لازم تكون مدروسة بعناية، خصوصًا مع محركات التيربو في المنطقة (الأعداء سرعتهم مجنونة!).
الجزئية الأولى للفصل 6 الأكثر جحيمية في اللعبة كلها! ولا فصل طولت حتى 10% فيه مثل ذاك!

 

[Raulioo]

أخيرا جا الدور علي :

الوقت 22 ساعة والموتات فوق الـ 500 روح زهقت لسبستيان @@
==
على فكرة اللعبة "باستثناء اول جزئية من شابتر 6" مش صعبة ابدا بهالطور، اللي بياخذ وقت وموتات كثيرة هي توصلك للاستراتيجية الصحيحة بكل مكان، يعني لو شخص ما قرر يمشي على Faq او مقاطع يوتيوب بتكون ختمته مثل النزهة @@
شابتر 11 و 12 مت فيهم عشرات المرات بل ممكن حتى وصلت للمئات @@، لما اكتشفت اني ناسي الماجنوم وعدت اللعبة من تخزينتي الوحيدة ببداية شابتر 10، مريت من شابتر10و11و12و13 كله بنفس اليوم وعلى مدار 3 ساعات فقط تقريبا ومع توفير اكوام من الرصاص وما فيه مكان خسرت فيه اكثر من 3 مرات...لاني صنعت لنفسي خطة لكل معركة.
كانت تجربة رهيبة عموما ومرهقة للاعصاب وياما أغرتني بالانسحاب منها على الدناءة اللي فيها ببعض المناطق واللحظات، الشكر الجزيل لميكامي @@

 

[W.W.W]

اوكي اثنين في منتدى ختموا طور AKUMU , رسميا صار عار علي اني ما اختمها خصوصا اني عاشق كبير لأعمال ميكامي 🙁

انا من قبل خاتم فيها اول شابترين ووقفت , لمن اكون فاضي نفسيا بكمل @@

 

[ZIBIT]

يارباااااه على التشابتر العاشر واو :scream:

اعصابي تلفت عبال ما انهيته!
كل شي فيه ضدي، الاعداء و البيئة.

والله صرت احس فصول ذا ايفل ويثين اشبه بdungeons في العاب ار بي جي.

من كثر عبقرية/خطورة تصميم الفصل هذا، سيباسشيان سأل نفسه السؤال الي جا في بالي:
"?What IS this place"

شيء خرافي و عظيم الي عشته حتى الآن.

صدق ميكامي لما قال انه مشروعه هذا سيجلب الفخر لليابان.

 

[FANTASTIC DREAM]

ما شفنا انطباعك عن اللعبه ؟

مين ارعب بنسبه لك , ذا ايفل ويذن ولا فاتم فريم ؟ xD

:joy: :joy: , أكيد فاتال فريم عبد الله , إيفل ويذن ممكن تعتبرها أفضل من ناحية عامل التوتر أثناء المواجهه , لكن رعب وإحساس بالإرتجاف (وأحياناً تحس انك بتصك البلايستيشن من كثر الرعب وممكن تهجر اللعبه) , لا! تصدق؟ حتى أتوموسفير أفضِل اتوموسفير فاتال فريم(3) على إيفل ويذن , لكن يضل اتوموسفير الثانيه ممتاز.

إيفل ويذن لعبه نادره وأتوقع ما راح ألقى اي لعبه في اي وقت قريب عندها نفس كلاسيكية إيفل ويذن وتمجيدها للاعب القديم والهاردكور , وأنا ألعب اللعبه رجعلي إحساس مفقود من زمن طويل , حسيت إني واحد مضيع الطريق وإيفل ويذن ورتني الطريق لبلدي الأصلي(أدري بالغت شوي).

حبيتها أكثر من الرابع , في كل شيء, حتى إحساس مواجهة الأعداء , في الرابع كان عندي ذخيرة إرهابي , وحتى لعبي كان لعب إرهابي إنتحاري , ما عندي اي مشكله مع الزومبي وأقنصهم بكل هداوه , لكن في إيفل ويذن الوضع مختلف , الذخيره شحيحه جداً ومواجهات الأعداء يغلب عليها التوتر , اللعبه عبقريه في الجيمبلاي , لعبه نذله(وحبيتها والله) تحاول تقتلك بأي طريقه , الشيء ذا يحطك في موقف "اللي يتوقع من مسار اللعبه القادم اي حاجه ويتوقع الأسوأ" اللعبه تقولك "I will eat you" ذخيرتك قليله , كثيره , ما يهمني أبداً , إستعد عشاني , خطط , حط مختلف الإستراتيجيات عشان تطلع من مواقفي الصعبه , مواجهات The keaper عظيمه , ومن عبقرية اللعبه تصميم المرحله اللي يظهرلك فيها يخدمهُ هو ما يخدم اللاعب , (اللاعب ياكل تبن , وهذي هي الهاردكوريه).

9/10

تشابتر 12 ضيع عليها البيرفيكشن.

 

[منتقي]

شباب ، كيف اقدر اطعن الزومبي بالسكين من ورا بدون مايدري

 

[LegendaryK]

^

نفس مافي اي لعبة تسلل

تعال من وراه ولا تخليه يشوفك وانت تمشي مشية التسلل

وذا قربت منه راح يطلع لك علامة تضغط زر الاكشن عشان يسوي الحركة

 

[Ray Gun]

تشابتر 11 ميكامي استلعن فيه ليييين قال امين ، مواجهات افواج من الزومبيز و انت متلفت ماعندك امو ::

محتوى مخفي: تشابتر 11

لما شفت ليزلي و رحت الحقه دخلت المكان حق الدما و كان فيه غاز .. ماجا ف بالي ابدا ان المكان ممكن ينفجر في حال احرقت جثه لان ميكامي حاط لك اعواد كبريت ف الارض و كانه يقولك عادي تستخدمهم .. الزبده لعب علي احرقت جثه و انفجر المكان كله :raised_hands:

عموما التشابتر اضعف من كل التشابترز الي مرت بشكل ملحوظ .. لكن ابدا مب سيء و فيه تحدي حلو

 

[Lost Piece]

بديت اللعبه قبل شوي وهوباااا قلتش يخليني أضطر اطفي الجهاز .. بداية مبشره 🙂

 

[Raulioo]

ما جا ببالي ارفع مقطع فيديو وقتها، لكن لما

محتوى مخفي: عدت شابتر 10 بالـAKUMU

ملاحقة لاورا لي، بالجزئية الاخيرة منها اختفت لاورا بشكل كلي! وخذيت راحتي بتعطيل الفخاخ وتجميع الخير كله وانهاء المكان على كيفي

ذكرت الحادثة هذه لأن هالمقطع الحين مريت فيه وذكرني :

محتوى مخفي: شابتر 7

http://www.youtube.com/watch?v=wcTNwHMLerQ&feature=youtu.be

 

[NO1]

ما جا ببالي ارفع مقطع فيديو وقتها، لكن لما

محتوى مخفي: عدت شابتر 10 بالـAKUMU

ملاحقة لاورا لي، بالجزئية الاخيرة منها اختفت لاورا بشكل كلي! وخذيت راحتي بتعطيل الفخاخ وتجميع الخير كله وانهاء المكان على كيفي

ذكرت الحادثة هذه لأن هالمقطع الحين مريت فيه وذكرني :

محتوى مخفي: شابتر 7

http://www.youtube.com/watch?v=wcTNwHMLerQ&feature=youtu.be

معقولة مفتاح الخزانة الي في هالشابتر أخذه من هالصعوبة !!

 

[Random]

تشابتر 11 ميكامي استلعن فيه ليييين قال امين ، مواجهات افواج من الزومبيز و انت متلفت ماعندك امو ::

محتوى مخفي: تشابتر 11

لما شفت ليزلي و رحت الحقه دخلت المكان حق الدما و كان فيه غاز .. ماجا ف بالي ابدا ان المكان ممكن ينفجر في حال احرقت جثه لان ميكامي حاط لك اعواد كبريت ف الارض و كانه يقولك عادي تستخدمهم .. الزبده لعب علي احرقت جثه و انفجر المكان كله :raised_hands:

عموما التشابتر اضعف من كل التشابترز الي مرت بشكل ملحوظ .. لكن ابدا مب سيء و فيه تحدي حلو

فيه لوحة تحتوي على تحذير في بداية المنطقة تنبهك من هالشيء :thumbsup: