ما قدرت العب اللعبة هاليومين للأسف بسبب الاختبارات ..
لكن اليوم عالسريع قبل الدوام لعبتها لمدة ساعة ..
ياخي احس اللعبة صَعبة ,, صعبة لدرجة ممتعة , من زمان عن الالعاب اللي تخليك تفتش وتدور وتفكر مليون مرة قبل لا تتهور وتضيع الرصاص والموارد اللي معك .. انا حرفياً متورط وبعيد اللعبة من جديد واصير بخيل اكثر وافتش المناطق بشكل اكثر .
ما ودي اقحم ذا لاست اوف اس هنا لكن هذا الشيء اللي كنت اتمناه يكون موجود في ذا لاست اوف اس واللي ذكرته في مراجعتي لها . ذا لاست كان تخليك تجمع ادوات و اسلحه وهكذا لكن ما حسيتها انها تجبرك على هذا الشيء , يعني رغم بخلي الشديد في اللعبة الا اني وصلت للشابتر الاخير فيها والرصاص فل والاسلحة ما استخدمتها كلها والميلي كومبات كان يفي بالغرض في مواقف كثيرة ..
هنا في ذا ايفل ويذ ان هذا الشي تم تطبيقه بشكل رائع , انت ضعيف جداً و Every shot count هنا مطبقة بحذافيرها . انا حاليا وصلت في الشابتر الثالث وانحشرت لأنه فعلياً ما عندي ولا رصاصة واسحلتي فاضية . لكن بعيد اللعبة من اول الان والعبها بشكل اعمق لأن اللي فات كان تجربة ودرعمة بعض الشيء .
:
