المشكله ان كل واحد قام يشوف الريميك بأنه ما سووله ريميك الا ان الفلم اسطوري ..
اقدر الحين اسوي ريميك حق فلم من الافلام الفاشله و اقول عنه اسطوري ؟ حلو حده ؟
لول .. انا ما اقول ان الفلم بايخ .. اقول ان الفلم حلو بس مو بالمستوى الي وصلتوه .. و سلبيته الوحيده النهايه الي خربت الفلم كله .. (واللي كانت الفرق بين النسخه الاصليه و الريميك على ما اعتقد .. )
أولا اجابتك اذا اعتبرتها اجابة رئيسية بحط لك اكس كبير عليها , خطأ .
خليني أقول لك قصة بسيطه , سكورزي مشواره السينمائي واضح فيه جدا انه ينتقد أمريكا بشوارعها و مجتمعها , في فلم تاكسي درايفر مثلا , البطل كان يعيش بالوحده و هو عايش في نيويورك , على كثرة تعداد السكان الهائل , فكرة سائق التاكسي كانت مجرد ارادة المخرج انه يخلي البطل يمر على جميع أنواع الناس ,و بهالشيئ تقدر تشوف درجة الانحطاط الي وصل لها هذا الشعب , و في فلم نيويورك جانجز , كان يوري شعبه تاريخهم , و كيف انه العصابات و القتل هم أساس تأسيس أميركا كلها , أو حتى فلم جوودفيلاس الى اخره من افلامه , الي أبي أتكلم عنه , سكورزي هذي طريقته في صناعة الأفلام , يصدم شعبه بواقعهم , و لما سئلت السؤال الي فوق كان بهدف , و بجاوب عليه الحين مع اني كنت أتمنى الي يتهم الفلم بضياع المضمون هو الي يجاوب عليه .
مخرج بكبر و مقام مثل سكورزي , ليش يا ترى أعاد فلم من انتاج هون كونج ناجح بعد مده ما عدت من صدوره 4 سنوات ؟
اعادة فلم غير أمريكي لفلم يحمل اسم هوليوود , هدفها تخليد هذا الفلم ( لاحظ اني اتكلم عن اعادة افلام غير امريكية ) , و لكن , أشوف انه سكوزي ماكان هدفه هذا الشيئ بالمقام الأول , و لا كان شفنا تجارب سابقه له أو حتى تصريحات بمدح أفلام غير أمريكية في تصريحات سابقه له ( سكورزي انسان يحب شعبه , جدا ) السبب في اعادته هو انه نظرة سكورزي لهذا الفلم كانت أعمق , و شاف فيها حقيقة بوستن الي شفناها بهذا الفلم , قدر بخياله يتصور الفلم يتكلم عن أميركا و مجتمعها و نخصص بكلمة بوستن , فالمقام الأول , سبب اعادة الفلم هو كان
المضمون , و هذا للي يشكك انه الفلم خالي او فقير المضمون .
بالنسبه لموضوع أي ريميك لأي فلم لازم يكون أسطوري , لا لا نظرية خاطئة و ما وصلت لهذي الدرجه من السذاجه و الغباء ان اطرح هذي النظريه كاثبات انه فلمنا اليوم اسطوري , المشكله انك فهمت السؤال بطريقة ثانيه , بصيغها لك بصيغة الفيديو جيمز , الفرق بين البورت و الريميك , فيلمنا اليوم بورت مو ريميك مثل أغلب أفلام هوليوود هاليومين ( ذا اوومين ) و الي انت تقصدها بكلامك , و الي الهدف من اعادتهم هو رغبة فانز او اعادة انعاش سلسلة ميته قديمه , البورت مثل ما قلت لك يختلف , و وضحت بالفقره الي فوقها الهدف منها و الي هي المضمون .
سؤال ثاني , شمعنى هالأعضاء خصوصا ( جنكو , مادامادا , خالدs , كريتوس ) هم من معجبين الفلم من البداية ؟
لما تلقى العامل المشترك بينهم , و تربطه بكلامي عن المضمون بردي السابق , بتكون الاجابه سهله و واضحه .
لول .. انا ما اقول ان الفلم بايخ .. اقول ان الفلم حلو بس مو بالمستوى الي وصلتوه ..
أحترم وجهة نظرك , بالمقابل ماله داعي ( للمستوى الي وصلتوه ) لانه انت بدورك المفروض تبادلنا الاحترام تحترم راينا و راي ملايين المواقع و النقاد و المشاهدين , لاحظ اني ما علقت على اي رد بالموضوع لانه الاغلب دخل و كتب رايه الشخصي عن الفلم سواء ايجابي او سلبي , لكني بالبداية حبيت اعلق على رد يو سزوكي الي يبي يثبت ان وجهة نظره هي الصحيحه في الواقع .
: 
