hits counter

The Departed - افضل فلم في 2006.

واو

الفلم حصل الى الأن 8.6 / 10 من موقع imdb بعدد مصوتين وصل 17642 ( الي يتابع imdb , بيعرف معنى ال8.6 , +1 علشان تعرف تقييمه الحقيقي لأنه أفضل فلم بالتاريخ عندهم أخذ 9.0 ) .

55,5% من الي صوتوا عطوا الفلم 10/10 .

الفلم دخل قائمة أفضل 250 فلم فالتاريخ , المركز 50 , أراهن أنه الرقم بيقل للنص 🙂 ( بعد ترشيحات الجولدن جلوب + الأوسكار ) .

شباب الكويت , الفلم بيعرض بالعيد 😉 .

q8departed.jpg



اذا ما سواها كلينت ايستوود ب flags of our fathers , يكون سكورزي حسمها عالأوسكار , باقي 3 أيام :

flagsofourfathers_bigearlyposter.jpg
 
اذا انا قلت افضل فلم في 2006 معناتها افضل فلم في 2006 😉
 
Van قال:
Kill Bill خرافي! أكيد ما يبغى لها كلام... من الأشيا الرهيبة فيه انه كل هذا الأكشن و بدون CG
و على kill Bill ,المخرج حقه (Quentin Tarantino) أخرج ال Finale من CSI (جزئين... يحب التمغط=التطويل) الجزء الخامس, و سمعت أنها نفس الشي ابداع. أخوي قال لي لو ما تتابع المسلسل لازم تشوفها لانها أحلى من كل أفلامه


ههههه كنت متوقع. أصلا مو بس الناس حتى المواقع اختربوا
أنقر للتوسيع...
تبي فلم محترم له، روح شوف رزفوير دوجز (اسف على تأخير الرد لاني توني انتبه له)
 
ممممممممممم بحاول أدوره مع انه قديم, ان شا الله أحصله ^^ ....

The Departed تحمست له زيادة, متى ينزل DVD بس
 
Ginko قال:
اذا انا قلت افضل فلم في 2006 معناتها افضل فلم في 2006 😉
أنقر للتوسيع...

ok :roll: .

الفلم تقدم مرتبتين بأفضل 250# فلم فالتاريخ , صار المركز 48# , عدد المصوتين 19,155 .

بالنسبه لFOOF , للأن 14 مراجعه بموقع روتن توميتوز ..

مخيب ! 54% المعدل ! خرفت ايستوود ؟ التقييمات متناقضه جدا ( واحد A- و الثاني 5/10 !! ) باقي يومين , نشوف .
 
قال Ginko وGinko صادق , ذا ديبارتد أفضل فلم في السنه :smile:
( مع الاعتذار للفنان المرحوم النفيسي )

جميله الأفلام الي تنعشك وترجعك لجو السينما من بعد فترة الأفلام التجاريه الي صحيح أنها ممتعه لكن ماتأثر فيك مثل تأثير هالفلم , The Departed من نوعية الأفلام الي لما تنزل يكون لها وقع قوي مثل the gladiator و million dollar baby . فلم يعمل ضجه في سنته ويكون الأبرز فيها وتظل الناس تتذكره فيما بعد

الفلم شاهدته قبل 24 ساعه تقريبا من كتابة هالرد ومع ذلك لو تحصلي الفرصه لشاهدته مره أخرى الحين , اذكر اني قبل لا ادش الفلم مع الربع حبيت اسوي فيها متابع لاخبار السينما وقلت لهم ان الفلم بحسب كلام شباب الانترنت طويل وفيه فترات ملل وطبعاً قلت هالشي لأني تأثرت بكلام Khalid-S في هالموضوع , وبعد ماانتهى الفلم الشباب كلهم كانوا يخزوني ويقولون فلم ممل ها !! لوول وأنا تفشلت

بس تصدقون مرت ساعتين ونص ولا كأنهم عشر دقايق ! يااخي هالمخرج عبقري , قفز من مشهد لمشهد وسرد لك كل هالاحداث في ساعتين ونص ومع جذي مافي ملل



أوكي شباب ماودكم شوي نتناقش في القصه لأن في كذا شغله أحب أعلق عليها ؟
بانتظار الضوء الاخضر من ذا ويند Ginko
 
أفضل فلم لعقد كامل اذا ماكان على الكل ، بيكون من نوعه

يسلموا جنكو على ذوقك العجيب
 
العفو شباب 🙂

هارتليس دربك اخضر، اي شيء بخصوص الفلم نقدر نناقشه هنا ، قول الي عندك بعطيك رأيي وان شاء الله الي شافوه يشاركوننا 😉
 
Ginko قال:
العفو شباب 🙂

هارتليس دربك اخضر، اي شيء بخصوص الفلم نقدر نناقشه هنا ، قول الي عندك بعطيك رأيي وان شاء الله الي شافوه يشاركوننا 😉
أنقر للتوسيع...

أوكي

بعد ماألقت عصابة كاستيلو بكينان (مارتن شين) من العماره وصار اطلاق النار واحد من العصابه اصيب وقبل لا يموت قال لكوستيغان (ديكابريو) انه عرف انه شرطي ومع جذي ماافشى سره ياترى ليش ؟ هل لأنه شرطي ولا لأن ضميره انبه ؟ انا مع الراي الأول لكن ربعي قالوا الراي الثاني


كاستيلو (نيكلسون ) طلع اف بي اي ؟؟؟؟ كيف ومتى وشنو حكاية الحادثتين , الحادثه الأولى التعامل مع الصينين والحادثه الثانيه المواجهه بين شرطة بوسطن وعصابة كاستيلو

ابي اعرف كل شي عن الحادثتين هذول مثل شلون عرف كاستيلو ان الكاميرات ماراح تصيده لما كان يتعامل مع الصينيين وشنو صار بالشرائح chips وشلون عرف سوليفان (ديمون) ان كاستيلو اف بي اي ... الخ

واخيرا شنو رايكم بالفار الي في المشهد الاخير :laugh:

انا عندي تفسيرات بس احب اعرف الي بالي صح ولا غلط
 
اوكي حبه حبه 🙂

1- لو تفكر فيها، الرجل هذاك الي كلم كوستيغان وقال له تعال في المكان الفلاني ، فهو شاف كوستيغان في اخر لحظه، يعني هو شافه كذا وما امداه يستوعب الا واصلين الشرطه وبدأ طلق النار وقاله اركب، وبعدها اصيب. وهو مصاب طبيعي ما قال شيء لانه الواحد وهو على حافة الموت ما يفكر الا بنفسه. يعني بكل اختصار الرجل ما جاته الفرصه انه يفضح كوستيغان، على طول شافه ووصلوا الشرطه، وبعدها اصيب.

2-كاستيلو اساسا FBI informer. هذا الصنف من المجرمين مشهور في اكثر المسلسلات. باختصار هو مجرم مو شرطي، لكن عشان الاف بي اي يمشون شغله وما يمسكونه، يخلونه يعلمهم عن المجرمين الثانين واماكنهم ومعلوماتهم، يعني تبادل منفعه. الاف بي اي يخلون كاستيلو يفر كل مره وبالمقابل يعطيهم معلومات تساعدهم في شغلهم بالقبض على المجرمين الثانين. ليش يسوون كذا؟ لان بكل بساطه لو مسكوا كاستيلو فلازم يلاحقون كل المجرمين الثانين واحد ورا الثاني، فهم اختصروا الطريق وقالوا لكاستيلوا انت خلك مجرم ماراح نلمسك لكن نبيك تعلمنا عن كل المجرمين الثانين، اصحابك، هذول الي يسمونهم FBI informers. فيوم اكتشف ديمن ان كاستيلو fbi infomer على طول قتله لانه خاف ان كاستيلو علم عليه وقال ان ديمن خائن ويشتغل مع المجرمين.

اما سالفه الصينيين، مات ديمن علم كاستيلو عن الاماكن الي مافيها كاميرات، او بشكل اوضح، علمه ان المكان مليان كاميرات، فكاستيلوا راح ودور على مكان فاضي مافيه كمرات عشان يسوي فيه التبادل.

الشرائح انباعت عادي، لكن بما ان الشرطه ما عندهم ولا دليل (كاميرات) على ان الشرائح انباعت فمايقدرون يسوون شيء.

الفار عجيييب 😉
 
توني جاي من اول عرض للفلم، اقسم بالله فلم خراااااااااااااااااااافي. وصدقوني انا ما يعجبني اي شيء، يعني انا مره مره مره picky بخصوص الافلام.
أنقر للتوسيع...
أبيخ فيلم شفته لسنه هاذي الفيلم بدايته ممله , بعدين يصير جيد , النهايه هههههههههههههههههههههههههههههههههههههههههههههههههههههههههههههههههههههههههههه
نهايه كل الي موجود بالسينما يضحك على التفاهه , أفشل نهايه شفتها بحياتي ,

في قاسم بينا عبدالله , الي انت تحبه انا أكره :yuck: .
 
Khalid-S قال:
خخخخ همام .. شباب فيلم Open Range مين شافه ؟؟ فيلم رهيب.
أنقر للتوسيع...

أنا شفته و كان من اروع الافلام الي شفتها طيلة عمري : :

كيفين كوستنر...وبس !!!

تحرير :

بخصوص الفيلم انا شفته لي النص و كان حلو مو عايبه شي...ان شاء الله بكمله بعد جم يوم و ابدي رأيي :cooool:​
 
التعديل الأخير:
صراحه الفيلم كان جيد في البدايه ..

بس أخر 20 دقيقه الفيلم قلب كوميدي لول الي بالسينما ماتو ضحك " وأنا بعد وياهم ".. :yuck:

فيلم برأيي ما يحتاج هالضجه .. :roll:
 
m7tram قال:
أبيخ فيلم شفته لسنه هاذي الفيلم بدايته ممله , بعدين يصير جيد , النهايه هههههههههههههههههههههههههههههههههههههههههههههههههههههههههههههههههههههههههههه
نهايه كل الي موجود بالسينما يضحك على التفاهه , أفشل نهايه شفتها بحياتي ,

في قاسم بينا عبدالله , الي انت تحبه انا أكره :yuck: .
أنقر للتوسيع...
لول، لا تاخذ رأيي، خذ راي النقاد المشهورين في امريكا :
http://www.rottentomatoes.com/m/departed/

ممكن تمثل لي الافلام الي تعجبك؟
 
شفت الفلم من يومين , لي رد ثاني ( مستعجل ) .
 
m7tram قال:
save the private ryan
the lord of the ring
crash

هذيلا أفضل الأفلام بالنسبه لي 🙂 .
أنقر للتوسيع...

فيصل وين Gothika .. ؟!!! :gasp:
 
صراحه .. الفلم من اوله الى آخر 20 دقيقه له حلو .. بعدين صار مصخره تافه ماله معنى بالحياة

نهاية سخيفه مثل الفلم ..


حسافة ساعتين و 40 دقيقه ضاعو من حياتي على هالتفاهه ... >________<
 
Ginko قال:
اوكي حبه حبه 🙂

1- لو تفكر فيها، الرجل هذاك الي كلم كوستيغان وقال له تعال في المكان الفلاني ، فهو شاف كوستيغان في اخر لحظه، يعني هو شافه كذا وما امداه يستوعب الا واصلين الشرطه وبدأ طلق النار وقاله اركب، وبعدها اصيب. وهو مصاب طبيعي ما قال شيء لانه الواحد وهو على حافة الموت ما يفكر الا بنفسه. يعني بكل اختصار الرجل ما جاته الفرصه انه يفضح كوستيغان، على طول شافه ووصلوا الشرطه، وبعدها اصيب.

2-كاستيلو اساسا FBI informer. هذا الصنف من المجرمين مشهور في اكثر المسلسلات. باختصار هو مجرم مو شرطي، لكن عشان الاف بي اي يمشون شغله وما يمسكونه، يخلونه يعلمهم عن المجرمين الثانين واماكنهم ومعلوماتهم، يعني تبادل منفعه. الاف بي اي يخلون كاستيلو يفر كل مره وبالمقابل يعطيهم معلومات تساعدهم في شغلهم بالقبض على المجرمين الثانين. ليش يسوون كذا؟ لان بكل بساطه لو مسكوا كاستيلو فلازم يلاحقون كل المجرمين الثانين واحد ورا الثاني، فهم اختصروا الطريق وقالوا لكاستيلوا انت خلك مجرم ماراح نلمسك لكن نبيك تعلمنا عن كل المجرمين الثانين، اصحابك، هذول الي يسمونهم FBI informers. فيوم اكتشف ديمن ان كاستيلو fbi infomer على طول قتله لانه خاف ان كاستيلو علم عليه وقال ان ديمن خائن ويشتغل مع المجرمين.

اما سالفه الصينيين، مات ديمن علم كاستيلو عن الاماكن الي مافيها كاميرات، او بشكل اوضح، علمه ان المكان مليان كاميرات، فكاستيلوا راح ودور على مكان فاضي مافيه كمرات عشان يسوي فيه التبادل.

الشرائح انباعت عادي، لكن بما ان الشرطه ما عندهم ولا دليل (كاميرات) على ان الشرائح انباعت فمايقدرون يسوون شيء.

الفار عجيييب 😉
أنقر للتوسيع...


لكن

رجل العصابه قبل لا يموت قال لديكابريو أنه غلط بالعنوان من دون مايدري وأنه عرف ان ديكابريو دخيل ولما ديكابريو بغى يطلع السلاح الرجال مسك ايده وقاله ليش برايك ماعلمت عليك ؟ وبعدها مات , الرجال كانت عنده الفرصه لكن مافضحه وأنا اعتقد السبب لأنه شرطي


والحين فهمت أن كاستيلو fbi infomer شكرا عالتوضيح , بس تدري هالشي يخلنيني استنتج شغله بعد , في عمليه التبادل بي كاستيلو والصينيين كان في واحد من الاف بي اي هو المسؤول عن اماكن الكاميرات اعتقد انه تعمد ان الكاميرات يكون مكانها غلط حتى ماينصاد كاستيلو , حتى ان الشرطة العاديين بعد مافشلت العمليه مسكوا المؤول عن الكاميرات وتولوه ضرب :laugh:


عالعموم الفلم يحتمل الكثير من التأويلات لكن الأمور الأساسيه واضحه

وللشباب الي ماعجبهم الفلم بس حبيت اقولهم ان هذا هو سكورسيسي . يعني لا تتوقعون أنه يمشي على القوانين :smile:

وبالنسبه للنهايه أنا اشوفها من أقوى النهايات ولا تبونها تكون مثل باقي نهايات أفلام هوليوود , وأنا افضلها على نهاية الفلم الاسيوي انفرال افيرز ( مع اني ماشفته بس دريت بنهايته ) لو ظل سكورسيسي على نهاية الفلم الاصلي لاحترق دمي بس زين غيروها
 
كلامك الاول معقول، يمكن انا فاتتني هذيك الكلمه.

بخصوص حق الكاميرات فما اضن انه له علاقه، اضن انه فقط اخطأ.

ماعليك من الي ما يعجبهم الفلم، يمكن صحيح اختلاق اذواق، لكن اذا قالوا النهايه بايخه فهذي مالها علاقه بالذوق، هذي لها علاقه بمدى تقبلك للتغيير والاصاله. هم بس يبون نهاية مثل ساندريلا كل العالم مبسوطين وكل شيء متوقع من اول 10 دقايق من الفلم 🙂
 
هم بس يبون نهاية مثل ساندريلا كل العالم مبسوطين وكل شيء متوقع من اول 10 دقايق من الفلم 🙂
أنقر للتوسيع...

تصدق عبدالله صاحبي واحد منهم بعد ما شاف النهايه ما عجبته سألته كيف كان ودك تكون!!!
الجواب معروف طبعاا جوابه مثل جواب أي واحد شاف الفيلم و ما عجبته النهايه :yuck:
 
هالفيلم " رائعة " .

سكورزي عجيب عجيب عجيب .... و عجيب , اخراجه للحين له طعم ثاني , أفلام سكورزي دايما فريده .

أما الثلاثي .....

ديكابريو ( عرفت سبب اصرار سكورزي عليك ) .

مات ديمون ( هالرجال قدامه مستقبل و الله ) .

جاك نيكلسون ( النجم , بعد أدوار كوميدية , رجعت بشخصية فيها الشر كله , مع اني كنت أفضل انه دي نيرو ما يرفض تمثيل الشخصية , بس تظل انت كوستيلو الملائم ) .

القصه و التويست , شقول , بنفس اللحظه ...

كوستيجان عميل بالشرطه يعمل مع العصابه .

سوليفان ضابط بالشرطه و جاسوس من العصابه .

كوستيلو رئيس العصابه و يشتغل مع الFPI .

حبيت الشعور !

أغلب المشاهد بالفلم عجيبه , مشهد سولفيان بالمطعم طالع ب date , و بنفس الوقت كوستيجان قاعد بمقهى كوستيلو يكسّر ايده , ليش ؟ علشان سمعة عائلة كوستيجان سيئه و هو نفسه له سوابق , ماله ذنب , دور الدكتورة مادولين بسيط بس روعه , كل يوم تسمع الناس يفضفضون , بس ما عندها أحد يسمعها , الطفل الي يلعب دور سوليفان مات ديمون مقعّد , أصوات طلقات الرصاص العالية , و الموسيقى الملائمه ..

رابع أفضل فيلم من سكورزي ..

#1-تاكسي درايفر .
#2-ريجنج بيل .
#3-جوود فيلاس .
#4- ديبارتد .
أنقر للتوسيع...

الأوسكار ؟ مالهم ميل لأفلام الأكشن و لا ميل لأفلام سكورزي الي ما عطوه و لا جائزه من أكثر من 40 سنه من الابداعات , ديبارتد يستاهل للحين .
 
قبل ساعة وشوي طالع من الفلم ..

الفلم حلو بصراحة .. لكن مايوصل لأفضل فلم بالسنة بالنسبة لي ..
 
Ginko قال:
ماعليك من الي ما يعجبهم الفلم، يمكن صحيح اختلاق اذواق، لكن اذا قالوا النهايه بايخه فهذي مالها علاقه بالذوق، هذي لها علاقه بمدى تقبلك للتغيير والاصاله. هم بس يبون نهاية مثل ساندريلا كل العالم مبسوطين وكل شيء متوقع من اول 10 دقايق من الفلم 🙂
أنقر للتوسيع...
الحين لازم أقول ان النهايه حلوه علشان أتقبل التغير والأصاله ؟

اظاهر كلمه ذوق بين شخص وشخص مو مهمه عندك لازم الكل يكون مثلك :innocent: .

تعديل : اشلون النهايه مالها دخل بالذوق ؟ البدايه + العرض + النهايه = الذوق .
 
التعديل الأخير:
Ginko قال:
ماعليك من الي ما يعجبهم الفلم، يمكن صحيح اختلاق اذواق، لكن اذا قالوا النهايه بايخه فهذي مالها علاقه بالذوق، هذي لها علاقه بمدى تقبلك للتغيير والاصاله. هم بس يبون نهاية مثل ساندريلا كل العالم مبسوطين وكل شيء متوقع من اول 10 دقايق من الفلم 🙂
أنقر للتوسيع...
لول ..

التغيير والاصاله ؟!! أنا برايي إن التغيير يكون بشي واقعي ويقدر الواحد يستوعبه مو بشي "خيالي" نهاية الفيلم شي ما يصير وإذا يصير.. ترا يصير بس بالافلام إلي من هالنوع .. البايخه 🙂

ونهاية ساندريلا ها ؟ أنا صراحه وأسف على هالكلمه ما ألوم معظم الاعضاء إنهم يتجنبون المناقشه معاك لأنك ما تحترم أذواق الناس .. والناس بعد ترا ما أعتقد راح تحترم ذوقك 🙂
 
محترم

لوول ، ذوقك على راسي 🙂 اساسا ما كان قصدي انت لان مو انت اول واحد يقول النهايه بايخه، كنت اعم المجموعه كلها الي تتشارك في هالرأي. وهذي وجهه نظري والي خلتهم يقولون النهايه بايخه. ما قلت ذوق تافه، لكن ذوق يبي النهايات "على كيفه". اسف اذا زعلتك على كل حال.
لكن ياريت يعني تقول لنا ليش تشوفها بايخه. يعني حلل نقاط الضعف الي خلت النهايه ما تعجبك.



توريس

ما انتقدت ذوق، ولا قلت ذوق تعبان ولا تافه، قلت ما يتقبل التغيير. لان فعلا اذا شيء "غير" زي نهاية الفلم ما اعجبتكم فأكيد هذي المشكله. لان بكل بساطه انتم قلتوا الفلم نهايته بايخه او مدري ايش من دون تحليل نقاط الضعف. اقدر اجي اقول فلم godfather بايخ لان والله ال باتشينو كان ضعيف فيه، كلامي بيكون ماله معنى، لان اذا قلت شيء بهالقوه لازم اشرح كيف، مو بس والله ما عرف يمثل وخلاص، هذا الي صاير هنا، كل واحد يقول النهايه بايخه وكل العالم تضحك لان اساسا ولا واحد من هالعالم توقع النهايه، لو النهايه مثل ما توقعوها كان ما ضحكوا، كان اخذوها بشكل جدي، لان بنظرهم هي النهايه المناسبه، لكن لان نسبه كبيره ما تتقبل التغيير والغرابه فاستنكروا الاحداث الاخيره، وضحكوا استغرابا من نهاية الفلم. لكن الي ما يعرفونه هو ان مو كل الافلام تنتهي بما يريده الجمهور انها تنتهي، وهنا الي صار في هالفلم.
 
لا عبود لا زعلتني ولا شي ولو مو سوالف بمنتدى الي تخلينا نزعل 😉 .

الي ماعجبني بالنهايه ان الكل صار يموت بطريقه عشوائيه ؟ يعني الحين ليوناردو ديكابريو يهرب من الموت بكل ما أتاه من قوه , وبالنهايه يمون موته سهله ومضحكه , وحتى هذا نسيت اسمه الشرطي , ما سلم ومات موته تضحك بعد , يعني اوكي تبيونهم يموتون بالنهايه , خلوهم يموتون بطريقه جديه , مو طريقه أستهازائيه من الدرجه الاولى وقلب الفيلم بالنهايه فيلم كوميدي بطريقه الموتات .

هذا الي بشكل عام ما عجبني , الفيلم كان جيد جدا بس أحداث النهايه واشلون سردها هو الي خلاني أكره الفيلم 🙂 .
 
حاس انى داش غلط على العموم :

يعني الحين ليوناردو ديكابريو يهرب من الموت بكل ما أتاه من قوه , وبالنهايه يمون موته سهله ومضحكه , وحتى هذا نسيت اسمه الشرطي , ما سلم ومات موته تضحك بعد , يعني اوكي تبيونهم يموتون بالنهايه , خلوهم يموتون بطريقه جديه , مو طريقه أستهازائيه من الدرجه الاولى وقلب الفيلم بالنهايه فيلم كوميدي بطريقه الموتات .
أنقر للتوسيع...

يبا الله بالخير اغلب الى يدخلون السينما . يعلقون بالكلمات و يعملون حالهم ظريفين (( وانت عارف ليش ))

-.- انا شايف وايد منه .... لدرجه تحسب انهم متخلفين
 
RIZE قال:
حاس انى داش غلط على العموم :



يبا الله بالخير اغلب الى يدخلون السينما . يعلقون بالكلمات و يعملون حالهم ظريفين (( وانت عارف ليش ))

-.- انا شايف وايد منه .... لدرجه تحسب انهم متخلفين
أنقر للتوسيع...


لول عدل اقتباسك .. فيصل (محترم) كاتبه بالابيض و انت تقتبسه و توريه للناس الي ما شافو الفلم :roll:


مع اني انصحهم يظللون كل الي باللون الابيض (المخفي) .. علشان يعرفون المقلب :cryy:
 
يجب تسجيل الدخول أو التسجيل كي تتمكن من الرد هنا.
عودة
أعلى