شكرا على سماعكم للكاست وعلى تجاوبكم وملاحظاتكم البناءة. 🙂
اختيار الموسيقى في هذي الحلقة كان فقط بمناسبة الذكرى الرابعة للموقع، وبما أن محمد يعتبر الأغنية هذي هي الـtheme song حقت ترو جيمنج قلنا نحطها هذي المرة لول. في عندنا أفكار عديدة عن كيف راح نسوي موسيقى البداية والنهاية، وأنا متأكد أنها راح تعجبكم. انتظروا الحلقة القادمة.
طول الكاست ما راح يكون ثابت، وراح نخليه على حسب عدد الأخبار وأهميتها. لكن مثل ما ذكرت من قبل، احنا نتوقع أنه ما راح يتجاوز 30 دقيقة في العادة. لكن أهم شي هو أن طول الكاست ما راح يكون على كلام فاضي أو ممل.
تحضير المواضيع راح يكون أفضل من كذا أكيد في المرات القادمة. أنتو بس عطونا فرصة نسوي روتين معين في التحضير للكاست (لا تنسوا أنه أسبوعي). بالتأكيد ما راح ناخذ ببعض نصايح حازم لول لأنها راح تقتل العفوية والارتجالية في النقاش.. ما نبغى الكاست يكون scripted أبدا.
المواضيع الخارجة عن الجيمز راح تكون محدودة جدا وأتوقع أننا ما راح نتكلم إلا عن معارض التكنولوجيا الكبيرة مثل ماك وورلد و CES وغيرها. معليش فيصل لكن صعب نتكلم عن الأفلام لول.
الكلام عن الأعضاء ما يعدو كونه نوع من المزاح لتخفيف الجو، ومستحيل نقصد الاستهزاء بأي عضو أو نتكلم عنه بشكل سيء. نعتذر من اللي يتضايق من كلامنا ونتمنى أنه ما ياخذها بشكل شخصي أبدا، كلنا أخوان ومستحيل نقصد الإهانة لأحد. وللمرة الثانية معليش محمود أحس زودناها شوي هذي الحلقة، حقك علينا. p:
شكرا مرة ثانية، وانتظروا الحلقة الثانية في الأسبوع القادم!
:
