TG Summer Event Kuwait 2007 -- الموضوع الرسمي .

[Leon]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!

أنا مستغرب من هالرد والله .... :evil: :evil:

اخوي ليون الحين ناس جايين لك من خارج ديرتك تقول ما في شيء اسمه ضيوف تقول في تجمع اخوان بالدرجة الأولى ؟....؟

لا تعليق بصراحه >>> صدمتني بكلمتك <<< عيد النظر فيها اخوي ليون ...

^ لول في إيش صدمتك بالضبط ؟! .... طبعا ما أنكر واجب الضيافة , أنا اللي أقصده إنه تجمعات الشباب دايما حلاوتها في الأريحية اللي فيها .. فما بالك لمن يكون التجمع لناس إنتا تقريبا عارفهم من خلال المنتدى !؟
مع إني ما حضرت ولا عندي فكرة عن أي شي لكن أعتقد إنه القائمين على الإيفينت ما قصروا , يكفيهم تعب التنظيم مشكورين .. 🙂

 

[Colorization]

لول شباب شدعوة، مافي أحد ما يعرف الضيافة وأصولها، ليون كان يقصد شيء آخر تقريبا ً، وحتى لو، هو عارف الضيافة وواجباتها، مجرد وجهة نظر طرحها.

 

[gaara 660]

انا أحترم وجهة نظرك يا ليون ....

و الشباب الي قاموا >>> قاموا على الإيفينت <<< ترى ما قصروا .... ^__^


كولو شلونك انت زين ....

 

[Aoks]

شباب ماادري وش كنتم تتوقعون بالضبط ؟ يعني تبون خدمات فندقيه في الايفينت ؟

كل الايفينتات كانت self serving

الجمعة علشان اللعب والوناسة
​

 

[Aoks]

عند كولرايزيشن كل شي عنده بالكامره...و ياريته يرفع من الحين لو عنده وقت...

صورنا وايد اعضاء تقريبا كل الاعضاء أنا و بونتي و محمود و زيل و كولورايزيشن و جولدن و دراجون واريور و وايد شباب

seph ولا lionol احد فيهم جا ؟ 😛
​

 

[Colorization]

لول الصور شوية والفيديو بايخ P: لا تتوقعون HUGE fire-works (إنصدمت لما عرفت إنه الصور شوية وآنا أشوفهم بالبيت!)

 

[Da S.O.S]

أرونا بعضا من الصور يا فتيان

 

[Leon]

(إنصدمت لما عرفت إنه الصور شوية وآنا أشوفهم بالبيت!)

لول أصلا دايما تصير كدة , الواحد لمن يصور ورى بعض يحس إنه صور كثير ..

 

[Colorization]

المشكلة الكاميرا ما جتني كلش، ما صوّرت غير 3 صور يمكن، كانت عند المصور المحترف Jizasu -__-
أغلب الشباب مو متصورين!!!! اقسم بالله قهر! 🙁

 

[Final Fantasy]

seph ولا lionol احد فيهم جا ؟ 😛
​

seph يه معاي و قلنا له يي علشان يطلع معانا بالصورة بس رفض .. فاكتفى أنه يلتقط صوري مع محمد و جاك بالتلفون

 

[Mesharey]

السلام عليكم ^^

إن شاءلله تكونون استمتعتوا بالإيفنت : )

كنت اتمنى احضر لكن كنت مسافر للعمرة مع الأهل، امس وصلت ^^

ماشاءلله ماتوقعت ان محمد بيسافر للكويت للإيفنت، وقفة إحترام صراحة على المجهود اللي بذله مع الشباب بالسفر للإيفنت ^^

إن شاءلله تتكرر ! ^^

 

[Colorization]

مشاري، جاسم (Heartless)، محمود، بيرسونا، kanon. تمنيت يكونون موجودين على طول بالإيفنت ب_ب

الحمدلله عالسلامة مشاري، عمرة مباركة!

 

[kanon]

جزاك الله خير كينجي على حرصك انت وابو يوسف اني اكون موجود لكن حصلي ضرف

وكنت اتمنى اكون موجود لكن الحمدلله قدر الله ماشاء فعل خيره بس سباي جزاه الله خير

قالي كل شي بالايفنت صراحه فرحت انكم تونستو

 

[Solay]

يبدوا انكم استمتعتوا وبقوة^_^

مقبوله العمره مشاري

 

[BioMario]

شباب حطو كل الصور ..
في تصوير فيديو كان ؟

 

[gaara 660]

كولو وين الصور ؟؟؟؟


مع إني أمس موجود إلا إني ما عرفت إلا جم عضو فقط لا غير ...


واهم ...

باتشينو >> عبدالعزيز . >>> هذا إذا ما كنت ناسي بعد <<<
فاينل فانتسي >> محمود .
سورا >> ناصر .
أش >> فيصل .
محترم >> فيصل .
عبدالعزيز >> كابتن سبارو .
وكينجي >> محمد .
ودراقون ووريور >> نسيت اسمه ><" .
وسنيك >> محمد .
وأخوي وهيوجا نيجي ما يبيله كلام ....

 

[Mario2]

فعلا الواحد يشكر جهود اللي اشتغلوا على الايفنت والناس اللي اخذت مشوار طويل عبال ما توصل الايفنت ..

دراغون واريور + كينجي = :cooool:

ما قلتولنا من فاز بسماش ..؟

 

[Dante]

فعلا الواحد يشكر جهود اللي اشتغلوا على الايفنت والناس اللي اخذت مشوار طويل عبال ما توصل الايفنت ..

دراغون واريور + كينجي = :cooool:

ما قلتولنا من فاز بسماش ..؟

يقولون علق الشريط بعد مباراتين وماكملوا البطولة

 

[Mario2]

هههههههههههههههههههه .. اكيد بسببي .. كنت متحمس اعرف النتيجه ..

 

[Isaac]

ماشاء الله ...


والله شباب ... بالنسبة لي أهم شي بالإيفنت هو شوفة الشباب ...

يعني اللعب يأتي بالمرتبة الثانية ...


وصراحة أحب أشكر جميع من نظم وساهم بإيفنتكم ...


بس قهر صراحة ... من كلامكم أفهم إنه مافيه صورة جماعية :embarrassed: (كنت أبي أنبه على هالنقطة بأني أحط رد بالأحمر وبأكبر حجم .... بس للأسف تأخرت -___-" )

 

[Torpedo]

ماشاء الله ...


والله شباب ... بالنسبة لي أهم شي بالإيفنت هو شوفة الشباب ...

يعني اللعب يأتي بالمرتبة الثانية ...


وصراحة أحب أشكر جميع من نظم وساهم بإيفنتكم ...


بس قهر صراحة ... من كلامكم أفهم إنه مافيه صورة جماعية :embarrassed: (كنت أبي أنبه على هالنقطة بأني أحط رد بالأحمر وبأكبر حجم .... بس للأسف تأخرت -___-" )

يعني الي يشوف ردك بيقول اخذنا مليون صورة جماعية في الشرقية .. -_-"

قهر ><

---

على العموم اهم شي الشباب تقابلوا و تعرفوا على بعض و تونسوا .....

متى ايفنت البحرين >.> ؟ P:

 

[Futrus]

متى ايفنت البحرين >.> ؟ P:

🙁 🙁 🙁
كم عضو بحريني لول
انا قلت قبل يمكن حاسبين الاعضاء البحرين مع ايفنت الشرقيه

 

[Torpedo]

🙁 🙁 🙁
كم عضو بحريني لول
انا قلت قبل يمكن حاسبين الاعضاء البحرين مع ايفنت الشرقيه

يه .. ايش كان يمنعك انك تجي افنت الشرقية .. اي افنت للشبكة الكل مرحب فيه.. و اهل البحرين و الشرقية واحد .. نص ساعة من البحرين إلى مكان التجمع كان ..

 

[Futrus]

ايش كان يمنعك انك تجي افنت الشرقية

ماعندي ليسن ولا ادل داخل السعوديه إن شاء الله الجايات 🙂

 

[Emirates]

الله يعطيكم الف عافيخ شباااب على هالتنظيم الرائع

حضور محمد واخوانا في السعوديه هذا في حد ذاته وسام وجميل ينشل فوق الراس

مو بس في الكويت .. بل في جميع الدول

الله يعطيكم الف عافيه

بانتظار فلم همااام اللي اطالب انه يكون على اقراص بلوراي فري ريجون :laugh: ههههه

 

[Solay]

صحيح المفروض يكون ايفينت البحرين والشرقيه واحد سنه بالبحرين وسنه بالشرقيه

يالله عاد باقي الإمارات ^__^

 

[BioMario]

يالله عاد باقي الإمارات ^__^

الله يسمع منك

 

[Snake-87]

بس قهر صراحة ... من كلامكم أفهم إنه مافيه صورة جماعية :embarrassed: (كنت أبي أنبه على هالنقطة بأني أحط رد بالأحمر وبأكبر حجم .... بس للأسف تأخرت -___-" )

فيه 4 صور جماعية ^^

 

[m7tram]

شباب بدال الأنتقادات المفروض تفكرون شوي بعده نقاط :

1- هذا أول أيفنت بالكويت .
2- تعب القائمين على الأيفنت , شوف جم اسبوع اهم يدورن لنا على مكان + ومن متى كانو موجودين بالفندق + والناس الي ماعندها سياره وراحو مروهم .
3- كافي ان بالنهايه كان الحظور مشرف والحمدالله .
4- الأيفنت كان ناجح وهذا هو المهم .


وبالنسبه للأنتقادات المرات الجايه راح تكون احسن واحسن , ويعطيكم العافيه جميعاً .

 

[Ginko]

بما انه اول اجتماع ما اعتقد المفروض تدققون شباب. عموما اهم شيء وسعتوا صدوركم.