TG كرة اوروبية | موضوع يناير لـ"مراجعة سنة 2011 + افتتاح سوق الانتقالات الشتويه !! "

[Spartan-A34]

كل يوم يزداد كرهي لسواريز زيادة : من حادثة غانا و اسوء لاعب عندي

 

[Fairzilla]

دي ناتالي يخرب بيتك يا شيخ ، ميلان ضايع في الشوط الاول .

 

[Byakkino]

مدربي يوفي قبل كونتي كلهم ثيران لو كان عندهم كلمة عند انيلي.التفريط بميكولي وبعده جيوفنكو ! كل لاعب يصنع معجزات مع فريقه الجديد ، والمضحك انهم حتى ايام اليوفي بالدقائق القليلة اللي يتيحها لهم المدربين يقدمون عطاءات كبيرة ! بس اظن ضئالة الجسم اللي تخلي المدربين ما يثقون فيهم ! المشكلة على حساب بقاء من . ياكوينتا واماوري وتوني وبقية شلة العملاقة البطيئين ، من جد ادارة عقيمة ، بوريليو صفقته اسوأ من توريس ماله دااعي ابدا !

ميكولي ما لعب مع اليوفي بعد الهبوط كان من ايام كابيلو اعتقد

كان عندنا ديل بيرو جديد

لول مع احترامي لرأيك بس يبطي ميكولي لين بكره يصير حتى حول ديل بييرو

 

[Raulioo]

^^
صحيح كنت ابي اصلح واكتب ايام مودجي وانيلي بس اتكاسلت @@
بس جوهرة ميكولي..وجيوفنكو بعد افضل لاعب يصنع العجب !

 

[Raheem]

صراحة صاير اشك في قدراات بواش كثيراً بوسينجوا مستواه منخفض وايفانو فيتش مستوااه عالي جداً في الظهير اليمين وعندنا كاهيل كقلب دفاع ومستوااه خرافي
والله مري بس قالة بواس جاية جاية لاني صاير اشوف ابرامو فتش في التمارين!!
بالنسبة للتوريس والله اكلنا فيه خااابور مابناكله مرة ثانية قدام شفشينكو ولا شيئ!!!

 

[Vorg Zangief]

مباراة الميلان كلها على بعضها حتى الان الدقيقة 71 . مباراة مافيها لعب مافيها ولا شيييييييييييييي الا هدف اودينيزي ، متى تبدآ برشلونه علشان نستمتع 😀
تعديل : تعادل للميلان ، بسبب خطآ تافه من الحارس

 

[Leon]

ريان ياخي يا ريتك تشارك أكثر بالموضوع ومو بس اذا ليفربول لعبوا

لول ودي لكن المشكلة إن متابعتي ضعيفة للدواري الثانية و تقتصر على المباريات الكبيرة فقط .

بالعكس! كارول توه بادي ينسجم شوي مع الفريق, مو سجل هدف وسوا أسيست في المباراتين الي قبل؟ يعني بالذات في ظل الوضع الحالي لسواريز ليش ما خلاه بالاحتياط ولعب كارول أساسي؟ طبعاً أنا أكيد ببلعب سواريز لو ما يمشي الا على رجل وحده بس اعتماداً على نفسية اللاعب والي شفناها بالمباراة كانت زفت وما قدر يقدم عطاءه المعتاد ولو انه حاول, أو يمكن الأمر يكون انو الرجال ببساطه مو fit 100% بسبب غيابه 8 مباريات؟ بكلا الحالتين اللوم يقع على داجليش, لو كان نفسيته مضروبه وما درا (لأنه صرح بأن سواريز جاهز للمباراة ذهنياً ومو شايل هم المشكله مع سواريز) فهذا غلط كبير منه كمدرب لأنه مفروض أول واحد يعرف نفسية لاعبينه, ونفس الشي اذا ما كان جاهز بدنياً غلطته.

فعلاً كلامك صحيح حول كارول ، في اَخر مبارتين قدم مستوى جيد جداً "مقارنةً" مع مستوياته في المباريات السابقة ، لكن بشكل عام كارول يبيله شغل كثير على ما يرجع لمستواه مع المكبايز ، مشكلة كارول إن إضافة لمستواه المتواضع بشكل عام إلا إن أساساً أسلوب لعب الفريق غير مناسب لوضع رأس حربة صريح و ثابت ، الليفر بحسب أسلوبه يحتاج مهاجمين يتقنوا عملية التقاطعات و الـ Pass&Move و هالشي كارول ضعيف فيه .
سواريز في مدة إيقافه ما غاب و لا يوم عن الفريق و كان يتدرب بشكل كامل مع زملاءه ، تقنياً هو جاهز لكن بطبيعة الحال الغياب عن أجواء المباريات له دور أكيد و هذا هو المأخذ ، داجليش صرح أكثر من مرة إن سواريز جاهز نفسياً ، و في تصريح ثاني حول قضيته مع إيفرا قال إنه متأكد إن سواريز راح يسلم عليه قبل المباراة .. لكن هالشي ما حصل مثل ما شفنا، قد تكون نية مبيتة للاعب و قد تكون لحظة إنفعال وقت نزوله لأرضية الملعب .. في كلتا الحالتين داجليش كان وده يعطيه فرصة للعب أساسي في مباراة اليوم كنوع من زيادة الدافعية ، و للأسف حصل العكس .

وسط الملعب فرق كبير بنظري بين الفريقين! كيف تقارن داونينج "الي كان بالملعب أصلاً؟" وسبيرينج الي نكبكم بالهدف الثاني وكاوت الي يجري طول الوقت بدون هدف وهاندرسون الروكي بسكولز وجيجز (صحيح كبار بس شفنا بالمباراة أداءهم العالي) وفالنسيا "أحسن جناح حالياً بالدوري", عاد كاريك فاشل D:. بس حتى بالورق يا ريان الفرق شاسع.

وليش جيرارد مركزه متأخر ورا وهاندرسون قدام؟ ليييييش؟

لو قارنت تشكيلة الفريقين و هم في حالتهم الطبيعية أعتقد إن الندية راح تكون موجودة ، مش مكابرة .. لا والله ، لكن أتكلم عن العناصر بحد ذاتها ، اللي فرق في مباراة اليوم مثل ما قلت هو أسلوب اللعب و مقدار التفاهم أكبر للاعبي المان يو + الحالة المعنوية العالية للاعبين في المباراة + على أرضهم و بين جماهيرهم .
لكل مباراة ظروفها الخاصة أكيد و الحالة العامة لتوزيع الاعبين كان فيها نوع من العشوائية و سوء التنظيم .

وليش مو غلطه؟ بالله عليك حتى مع مستوياتهم الموسم الي راح يستاهلون الأسعار الي شروهم فيها؟ وربي في مليون لاعب أحسن وأرخص بأوربا منهم, بس خل البريطان ينفعونه, وحتى لو ما تلعبون تشامبينز ليج أكيد في لاعبين موجودين بالسوق أحسن. كاميلي كان مسوي شغل كويس بتوتنهام ومتأكد انو كان يمديه يجيب لاعبين أحسن.

وأنا معك في هاندرسون, انريكي وأدام. هاندرسون على سعره المرتفع بس بدري نحكم عليه, انريكي صفقه ناجحه تماماً وأدام لاعب جيد بالكثير ويخدم الفريق بس غالي كان. بيلامي عاد ما يحتاج معروفه قتاليته ومهاراته اللهم أعصاب اللاعب كانت تخذله كثير.

أنا مستغرب ليش ما لعب بيلامي بالجناح الأيمن وخلاه يستلم ايفرا الي شفنا اليوم كيف جونسون أخذ راحته معه, هذا الشي كان ممكن يغير الكثير. ومافي أمل ألعب داوينج أساسي على مستواه الحالي, ممكن انريكي بداله؟ ولا حتى هاندرسون كان بيكون أحسن.

لا إذا بتتكلم عن الأسعار الغير منطقية اللي اندفعت للاعبين فأنا أوافقك تماماً ، داونينغ 28 مليون ؟! مش ممكن و لا حتى منطقياً و هذه كانت ردة فعلي يوم إعلان الصفقة حتى ، لكن إذا بتتكلم عن مستويات .. داونينغ و كارول كانوا أهداف رئيسية لبعض الأندية في هذاك الوقت بناءً على مستوياتهم الملفتة فعلاً اَنذاك ، كومولي إداري محنك و له نظرة ، لكن أعتقد إن رغبة داجليش في جلب لاعبين متعودين على أجواء الدوري الإنجليزي لعبت دور كبير في التعاقدات و قللت الخيارات ، "يوفانوفيتش" كان مثال للاعب الممتاز اللي فشل بشكل ذريع لمن جا البريمر ليج ، فنوعاً ما كانت ردة فعل لنفس السبب .
قد تكون أكبر ميزة لداجليش هي إعادة تكوين الدافعية في نفوس لاعبيه ، و له أسلوبه في عملية تدوير اللاعبين بين الأساسيين و دكة الإحتياط ، قد يكون إعتقد إنه الزج بداونينج في هالمباراة بالتحديد بترجع له روحه المعنوية المفقودة ، لكن كان خاطيء للأسف لأن اللاعب كان و لا زال سيء جداً، و تمنيت إن بيلامي كان متواجد من البداية .. فعلاً .


سواء قدرنا نتأهل للتشامبيونز ليج السنة الجاية أو حتى لو ما قدرنا ، في كلتا الحالتين الفريق بحاجة لتعاقدات كبيرة في الهجوم و الوسط ، و هالشي كان ظاهر للعيان و للجميع في فترة الإنتقالات الشتوية ، لكن يمكن لأن السوق في هالفترة هو مجرد تحصيل حاصل و فرصة لاعبين الطواريء هي الأكبر فيه لذلك ما حطيت أمل كبير عليه ، و هذا اللي يخليني مو قادر أنتظر عشان أشوف إيش اللي بيصير في الماركت الصيفي القادم .

 

[Fairzilla]

الله ياخذك يا روبينهو ، ياخي دايما يخربها . لو انه تارك الشعراوي يحطها ارحم ..

 

[Fairzilla]

فووووووووووورزا الشعرااااااااااااوي . 2 - 1 للميلان

 

[Fairzilla]

فوز ثمين للميلان على ارض اودينيزي العنيد ، تبديلات اليغري :inlove:

 

[MaxPro]

واخيرا فزت ياميلان ... كدنا نفقد الامل في الدوري ولكن بعد اليوم عاد الامل من جديد

الشعرواي رهيب اليوم كالعادة .

 

[squall leonhart]

فووووووووووورزا الشعرااااااااااااوي . 2 - 1 للميلان

و فاز الميلان ... مباره صغبه جدا .. اصعب مبارة للميلان من سنوات ... ابرا .. باتو ,, بواتنيج .. اكويلاني .. ميركل .. فان بومل .. نسيتا .. ابياتي ..( طبعا ما ننسى المصابين الثانين جاتوز .. فلامني .. يببس ) اهم لاعبي الفريق غايبين .. لكن الروح هيا الي فوزت الفريق بعد مبارة سيئه جدا .. الشعوراي و ماكسي لوبيز بيضوا الوجه ,, روبينهو الله يخذك يا علة .. اتمنى اصابة تشله لاخر الموسم بعد ما يرجع باتو و ابرا .. طبعا ما انسى الاسد اميليا الي صد كور ما تنصد خاصة اخر كوره ..الفريق خرج من عنق الزجاجه بعد ذا الفوز .. لو نخرج من اليوفي باقل الاضرار يعني تعادل على الاقل اقدر اظمن السكوديتو هذا الموسم ..

 

[squall leonhart]

فوز ثمين للميلان على ارض اودينيزي العنيد ، تبديلات اليغري :inlove:

على فكره هذا اول فوز لميلان على ارض اودينيزي من 2008 .. و اول خسارة لاوديني على ارضه هذا الموسم .. كبير يا ميلان .. يلعب و 3\4 التشكيلة الاساسية غايبه .. و يشهر مرهق جدا جدا جدا ما عمري شفت جدول لاي فريق زيه من فتره طويله .. و بايقاف لاهم لاعب ابرا .. مع كذا نفوز .. و بوجود علتين اسمهم سيدروف و روبينهو .. الحمد لله .

 

[Fairzilla]

جوارديولا جاب العيد بالتشكيلة ، 2 - 0 لاوسوسونا ..

 

[Vorg Zangief]

🙁 2-0 للاوساسونا 🙁

 

[squall leonhart]

حان وقت خطة الدجاج ؟؟!!!!!!! و الله اوساسونا لو يسويها حيصل له كم هدية من المدريد و كم مليون فوقها ..

 

[Xeon-Q8]

لا أفضل حارس بالعالم ولا افضل مدافع بالعالم قدروا يسوون شي قدام اوساسونا ؟

شسالفه

 

[Fairzilla]

جوارديولا متى يسوي تبديل ؟ يستهبل ؟ يعني بيدرو اللي فاقد حس وجو المباريات وتوه راجع من اصابة يلعب اساسي ؟ وملعب لي واحد بزر اسمه سيرجيو روبيرتو في مباراة مثل هذي ؟

جوارديولا قسم بالله عليه شطحات ، الله يصبرنا بس .

 

[persona]

الحين تيري هنري عادل اهدافه مع توريس في ثلاث مباريات وشكله بيطوفه ههههههههههههه

 

[squall leonhart]

جوارديولا متى يسوي تبديل ؟ يستهبل ؟

من جده ذا ؟؟؟؟؟؟؟ وش الوسط الي ملعبة ذي المباره ؟؟؟!!!!!!!!!!! تشافي مصاب ؟؟؟ فابري ؟؟؟ وينهم

 

[Xeon-Q8]

برشلونه = زافي + انييستا

حتى ميسي ضايع بالملعب من دونهم

بيكيه يترقص واكا واكا ولا يدري عن الدفاع

 

[Fairzilla]

من جده ذا ؟؟؟؟؟؟؟ وش الوسط الي ملعبة ذي المباره ؟؟؟!!!!!!!!!!! تشافي مصاب ؟؟؟ فابري ؟؟؟ وينهم

يستهبل حاطهم احتياط ، بالغصب يبي اوسوسونا يفوز شكله ..

 

[Fairzilla]

ههههه دقيقة 32 وللحين جوارديولا مو راضي يسوي تبديل ، يلعن ام الاستهبال .. خلاص واضحة المباراة منتهية ونتيجتها معروفة . مدربنا بالله بالخير مهو راضي يسوي تبديل ..

تعديل: هههههههههه كوينكا وتيللو يبي يلعبهم ، من جده هذا يا شباب ولا شسالفة ؟

 

[Vorg Zangief]

جوارديولا متى يسوي تبديل ؟ يستهبل ؟ يعني بيدرو اللي فاقد حس وجو المباريات وتوه راجع من اصابة يلعب اساسي ؟ وملعب لي واحد بزر اسمه سيرجيو روبيرتو في مباراة مثل هذي ؟

جوارديولا قسم بالله عليه شطحات ، الله يصبرنا بس .

يبدل شنو ؟؟؟
-- -- --
اظن الحين صار واضح جداً من هو اللي مؤثر اكثر في البارسا . زافي او ميسي 😀
زافي <3
-- -- -- --
عندي احساس راح ناكل الثالث قريب 🙁

 

[Fairzilla]

^

ويش اللي يبدل شنو ؟ تشافي وفابريجاس لازم ينزلون الملعب الوسط اوسوسونا ماسكه . سيرجيو روبيرتو وبيدرو لازم يطلعون ..

 

[squall leonhart]

ههههه دقيقة 32 وللحين جوارديولا مو راضي يسوي تبديل ، يلعن ام الاستهبال ..

اول مره اشوف مدرب عنده لاعبين اساسين مصابين ( بوسكيتش و انستا ) و يجي كمان يزيدها و يحط 2 كمان من اهم لاغبيه بل اشوف ان اهم لاعب في البرشا كله هو تشافي ... ابغى الفريق يخسر عشان يتعلم جوارديولا انه مو كل مره تسلم الجره ,, ميسي مو كل يوم يكون بالفورمه و ينقذ الفريق

 

[Fairzilla]

^

والله ما يتعلم من هالشطحات خذها مني ، دايما يسويها ويستهبل ..

 

[Uzumaki Naruto]

فعلاً كلامك صحيح حول كارول ، في اَخر مبارتين قدم مستوى جيد جداً "مقارنةً" مع مستوياته في المباريات السابقة ، لكن بشكل عام كارول يبيله شغل كثير على ما يرجع لمستواه مع المكبايز ، مشكلة كارول إن إضافة لمستواه المتواضع بشكل عام إلا إن أساساً أسلوب لعب الفريق غير مناسب لوضع رأس حربة صريح و ثابت ، الليفر بحسب أسلوبه يحتاج مهاجمين يتقنوا عملية التقاطعات و الـ Pass&Move و هالشي كارول ضعيف فيه .
سواريز في مدة إيقافه ما غاب و لا يوم عن الفريق و كان يتدرب بشكل كامل مع زملاءه ، تقنياً هو جاهز لكن بطبيعة الحال الغياب عن أجواء المباريات له دور أكيد و هذا هو المأخذ ، داجليش صرح أكثر من مرة إن سواريز جاهز نفسياً ، و في تصريح ثاني حول قضيته مع إيفرا قال إنه متأكد إن سواريز راح يسلم عليه قبل المباراة .. لكن هالشي ما حصل مثل ما شفنا، قد تكون نية مبيتة للاعب و قد تكون لحظة إنفعال وقت نزوله لأرضية الملعب .. في كلتا الحالتين داجليش كان وده يعطيه فرصة للعب أساسي في مباراة اليوم كنوع من زيادة الدافعية ، و للأسف حصل العكس .

هممم غريبه طيب مو أساساً الليفر أو داجليش جايبين داونيج وأدام عشان يعززون لكارول بالعكسيات والضربات الثابته؟
كلام صحيح عن أسلوب لعب كارول بس باين انو الليفر مخططين انهم يبنون الفريق حولينه أو على الأقل بالصفقات الجديده وشفنا نتيجة هذا الشي -.-

لو قارنت تشكيلة الفريقين و هم في حالتهم الطبيعية أعتقد إن الندية راح تكون موجودة ، مش مكابرة .. لا والله ، لكن أتكلم عن العناصر بحد ذاتها ، اللي فرق في مباراة اليوم مثل ما قلت هو أسلوب اللعب و مقدار التفاهم أكبر للاعبي المان يو + الحالة المعنوية العالية للاعبين في المباراة + على أرضهم و بين جماهيرهم .
لكل مباراة ظروفها الخاصة أكيد و الحالة العامة لتوزيع الاعبين كان فيها نوع من العشوائية و سوء التنظيم .

أجل هنا we have to agree to disagree ممكن أقولك في الدفاع والهجوم الفريقين متكافئين بس زي ما قلت برأيي انو الوسط في فرق وزي ما يقولون في وسط الملعب المباريات تنحسم (لول وناس يقولون ما تفوز ببطولة الا بدفاع فتاك, وثانيين يقولون لك ما تسوي شي الا بهجوم. المشكله كلهم صح>.> الا يمكن الهجوم هو أقلهم أهميه لأنو مهاجم واحد كويس يكفي)
وكلامك جميل عن المانيو ولو اني ما أحس انهم لعبوا ذاك اللعب البطل قدامكم اليوم, كل ما في الأمر انو لعبكم كان مره تعبان وهذا الشي سهل الأمل على سكولز وكاريك من تحكم الأمور بوسط الملعب.

سواء قدرنا نتأهل للتشامبيونز ليج السنة الجاية أو حتى لو ما قدرنا ، في كلتا الحالتين الفريق بحاجة لتعاقدات كبيرة في الهجوم و الوسط ، و هالشي كان ظاهر للعيان و للجميع في فترة الإنتقالات الشتوية ، لكن يمكن لأن السوق في هالفترة هو مجرد تحصيل حاصل و فرصة لاعبين الطواريء هي الأكبر فيه لذلك ما حطيت أمل كبير عليه ، و هذا اللي يخليني مو قادر أنتظر عشان أشوف إيش اللي بيصير في الماركت الصيفي القادم .

لا تتحمس كثير بالصيف. تراكم صرفتوا كثير في يناير الي راح ونشوف ايش آخرة الموسم هذا, اذا تأهلتوا للتشامبينز أتوقع الأمريكي ما عنده مانع يجيب لاعب أو لاعبين من الطراز العالي, أما اذا فشلتوا بتحقيق المطلوب فما أتوقع انه بيصرف الكثير هذا اذا صرف شي. وغير كذا في مسألة داجليش, هل بيكمل معكم الموسم الجاي أو لا؟ الاداره بتتعب عشان تلاقي الشخص المناسب للوظيفه.

-----

وسواها أليجري!

أودينيزي ضيعوا الـ3 نقاط صراحه بس الميلان كانوا قدها والشعراوي أثبت انه مشروع لاعب محترم من جد. روبينهو عار عالميلان والبرازيل والرياضه ككل. ما أدري ايش شعور اللاعبين أخوياه تجاهه؟

 

[Xeon-Q8]

بياكلها الليله الفيلسوف

 

[Vorg Zangief]

الشوط الاول :
ميسي يحاول بس لا يزال مستواه نازل هالايام
بيدرو هالموسم كله كل ما يدخل ما احسه مثل بيدرو القديم 🙁
سانشيز يحاول بلا جدوى
النص ما يعمل شيء بتاتاً .
-- -- -- -- -- -- -- -- -- --
بين مكان زافي و انيستا 🙁