والله ذا تبي الصدق ما هي غلطة النادي..الادارة تحاول تحافظ عاللاعب قد ما تقدر ، لو تلاحظ النجوم اللي طلعوا "فيا" و "سيلفا" كان الوضع المالي متأزم والنادي على حافة الافلاس واللاعبين نفسهم طلعوا لمصلحة فالنسيا المالية خصوصا فيا "رمز الوفاء الاول للفالنسيستا" .. اما ماتا فالنسيا جددوا له العقد ولو تعرف لعقبات اللي مروا فيها عشان يستمر ، لكن ضغط ابوه "وكيل اعماله" عليه ورغبته بالبطولات ساهمت بخروجه رغم ان النادي كان ناوي يضحي بالصفقة الضخمة ماليا لهم مقابل بقاءه بس هذه كانت رغبة اللاعب...نفس الشي خواكين اللاعب ترك النادي بالتراضي لأنه حب يرجع لمسقط رأسه بينما النادي عرض عليه كل شي ممكن لبقائه "زيادة بالراتب والعقد اللي يبغاه و..."
والحين لما يجيك نادي اسمه متسيد العالم على المجال الكروي حاليا مثل برشلونة "مع خواردي البا" ويعرض 20 مليون على لاعب ببداية عمره ويلعب بخط الدفاع اللي اسعارهم عادة منخفضة..ايش حجم الاغراء ؟ ونادي متدمر اقتصاديا وحلوله محدودة لبقاء لاعبيه ايش بيقدر يسوي ؟ مع العلم ان فالنسيا عرضوا رفع سقف رواتب اللاعبين فقط لزيدة راتب البا...ما بيقدروا يتحكموا برغبة اللاعب نفسه بالنهاية :crying:
وهذا اللي اكرهه بفرق المال انها تعرض ارقام خرافية تصنع فجوة بين الاعب وناديه السابق مهما كان وفائه واخلاصه له
:
:
حتى ملقا وايسكو..لاعب عمره 19 فقط وينعرض عليه 6 مليون وهو ما شارك الا بمباراة وحدة بالليجا..ايش بيكون رده !
كان فيه كلام عن جماعة قطرية تبغى تشتريه وبنفس الوقت مستثمرين انجليز كانوا بيشتروا حصة كبيرة من اسهم النادي..والحين الكلام حول ثري كوستاريكي ، بس ما فيه شي فعلي الى الآن...وانا عن نفسي اشوف تحول الديون من 360 مليون الى 150 مليون وتقريبا انتهائها بعد سنة او سنتين يخليني أكره مثل هالاخبار وما اتمنى حدوثها..فالنسيا طول عمره الفريق اللي يصنع ويظهر النجوم مش اللي يشتريهم..وحاليا صح ان فيه بيع للنجوم لكن فيه بناء لفريق جديد بنفس الوقت يحوي لاعبين مميزين ولهم مستقبل واعد بصراحة ، يحتاج فقط يسد النقص لكم مركز وبنشوف فريق مشابه لفالنسيا 2001 اللي محد كان سامع بأسماء لاعبيه من قبل ما يتوج بالبطولات..
