TG كرة اوروبية | موضوع نوفمبر لـ" تيري بعد زّلة لسانه .. زلّت قدمه"

[Mr.Stars]

دييغو ريباس لاعب راااائع لحد اليوم متحسم لانه طلع من اليوفي لاعب مهاري و يمرر بطريقه اكثر من رائعه ..

ادريان يسجل الهجف الاول هذا اللاعب راائع الي شافه في يورو تحت 21 كان الهداف ..

اتمنى مباراة فيها اهداف كثير من الطرفين

 

[BlackBird]

الريال متعادل بنتيجة 1-1 بعد تقدم الأتلتيكو من خطأ دفاعي
والرد جا سريع من ضربة جزاء بعد مناولة رااااائعة من العائد ديماريا لبنزيمة عرقله الحارس و طُرد, جابه رونالدو.

 

[BlackBird]

ما أعتقد إن الأتلتيكو بيكتفي بالطرد هذا, بينطرد لهم أكثر من لاعب كل لعبهم مصارعة

 

[Sir Guts]

لووووعة يالآرسنال!

 

[D.K]

أنا متفاجىء من القفزة الخرافية بمستوى هذا الفريق ، الأسبوع الماضي خماسية ساحقة على بريمن 😵

أتمنالهم كل التوفيق ، هذا النادي واحد من أعرق الفرق في أوروبا و كان منافس قوي على الأبطال في السبعينات و حتى أظن وصل النهائي لو ما كنت غلطان ، و أنتج عدد كبير من نجوم الكرة عبر التاريخ ، منهم كابتن البايرن السابق ستيفن ايفنبرج 🙂

بس ايش الفايدة لو ما قدروا يحافظوا على مستواهم و باعوا نجومهم ( مثل ماركو رويس لو طلع ) و بعدها ترجع حليمة لعادتها القديمة ..

قبل فترة كنت قاعد اقرأ عن تاريخ الدوري الألماني وشدني النادي فعلاً، وعشان نكون منصفين مع بعض، النادي يعتبر واحد من كبار الأندية الألمانية. وأعتقد لو إدارة النادي تتبع نهج نابولي، بتقدر تحافظ على لاعبيها وبهذا النحو تواصل على هذا الأداء.

ولو تأهلوا السنة الجاية لدوري الأبطال، ما أعتقد أحد بيطلع. (ما عدا وريس، بما أن الأندية الأوروبية مهتمة فيه.)

 

[soosi]

لالالالاع 4-1 🙁

مابحدد هالدوري الا الكلاسيكو !!

 

[BlackBird]

وتستمر عقدة الأتلتيكو أمام الريال من عام 99 إلى إشهار آخر
اليوم الأتلتيكو من بعد ما سجل الهدف وهم قاعدي يكسروا يحمدوا ربهم إن اثنين بس الي اطردوا
مع إني أشوف الطرد الثاني كان ظالم شوي بس تحس الحكم م كثر ما مل منهم رح شالهم واحد ببطاقة حمراء مباشرة

عموماً فوز مهم للحفاظ على فارق النقاط فالصدراة

 

[ASWD]

^

جم خلصت المباراة ما شقتها للاسف

 

[hussien-11]

قبل فترة كنت قاعد اقرأ عن تاريخ الدوري الألماني وشدني النادي فعلاً، وعشان نكون منصفين مع بعض، النادي يعتبر واحد من كبار الأندية الألمانية. وأعتقد لو إدارة النادي تتبع نهج نابولي، بتقدر تحافظ على لاعبيها وبهذا النحو تواصل على هذا الأداء.

ولو تأهلوا السنة الجاية لدوري الأبطال، ما أعتقد أحد بيطلع. (ما عدا وريس، بما أن الأندية الأوروبية مهتمة فيه.)

رويس بالتحديد هو نصف فريقهم *_* و المشكلة انو البايرن بدو اياه لوول ، البايرن يقدر يدفع 18 مليون يورو ( سعر اللاعب ) و يشتريه ، و نادي بإمكانيات جلادباخ المالية المتواضعة أشك انه بيقدر يرفض عرض مثل هذا

 

[EPIC FAHAD]

خيتافي والبرشا 0-0 احس المباراه هذي ما بتعدي على خير

 

[HighlyRed]

رويس بالتحديد هو نصف فريقهم *_* و المشكلة انو البايرن بدو اياه لوول ، البايرن يقدر يدفع 18 مليون يورو ( سعر اللاعب ) و يشتريه ، و نادي بإمكانيات جلادباخ المالية المتواضعة أشك انه بيقدر يرفض عرض مثل هذا

ممكن تقول ثلث الفريق وليس النصف. عندك لاعبين مبدعين: آرانجو، هانكه وغيرهم. وليش البايرن ياخذ كل اللاعبين الالمان /: أتمنى اشوف اكثرهم برّا البوندسليجا، أبغى اشوف كيف يبدعوا خصوصًـا لو كان البريمير ليج. لكن لو فعلاً اشتروه البايرن فهي صفقة رابحة بشكل كبير، يعوّض مكان شفايني.

خيتافي متقدمين على برشلونة.

 

[zlatanovic]

سقط الكيان الكتلوني O-o

 

[Byakkino]

يوفنتوس شي عظيم

إنفراد بالصدارة مع مباراة مؤجله بعد ما فاز على الأول مكرر لازيو في روما

يوفنتوس حتى الأن لم يذق طعم الخسارة

 

[النسر الأسود]

برشلونة يتجرع طعم الهزيمة الأولى في الدوري أمام خيتافي

أداء الفريق كان مش ولا بد لكن للأمانة ما كان يستحقون الخسارة في ظل إلغاء هدف صحيح على الأغلب والكرة يلي في القائم في نهاية المباراة، حسيت المباراة نسخة مصغرة عن مباراة المان يو اليوم في الحظ العاثر 🙁

 

[CODE-X]

قايلها سابقاً و اعيدها هذا موسم مدريد .
و برشلونة ما بياخذ ولا لقب في هالموسم . >توقعاتي .

 

[zlatanovic]

^
توقعاتي انه ما راح يآخذ ولا لقب محلي بسبب الدفاع الغير عادي للفرق الصغيرهـ.
لكن كأس العالم للاندية + الابطال ممكن جدا .

 

[Xeon-Q8]

الحظ اليوم لعب ضد برشلونه

تو الناس على حسم الدوري .. وان شاء الله موسم اسطوري وحافل بالبطولات لأفضل فريق في العالم 😀

 

[Fairzilla]

مباراة برشلونة ما شفتها كنت نايم وتوني انصدم بالنتيجة ، عز الله الدوري راح . هذي نهاية اللي يكابر وما يجيب مدافعين ، ما ينلام ابراهيموفتش يوم يقول عنك فيلسوف .

 

[CODE-X]

^
تبغاه يجيب مدافعين و اللي عنده وين يحطهم ؟ 😛
تغير الخطة الأساسية كان دليل على ان الفرق بدت تعرف تتعامل مع اسلوب لعب برشلونة , و ال3-4-3 صارت موضة من بعد ما مشت مع نابولي كل فريق قاعد يجربها :laugh::
بالأخير لكل بداية نهاية و هذا الموسم بداية نهاية عصر برشلونة الذهبي !

لكن كأس العالم للاندية + الابطال ممكن جدا .

كاس العالم للاندية اعتبره في الجيب لبرشلونة , الابطال اشوفه بعيــــد الفرق اللي ارشحها لبلوغ المربع الذهبي يونايتد,مدريد,أرسنال,ميلان,البايرن .

 

[Fairzilla]

^

ترى بويول كبير بالعمر اذا ما تدري .

الابطال اشوفه بعيــــد الفرق اللي ارشحها لبلوغ المربع الذهبي يونايتد,مدريد,أرسنال,ميلان,البايرن .

اذا ما استثنينا اليونايتد بحكم قدرته على العودة ، احلى شي في هالسطر انك ترشح الميلان والارسنال لبلوغ المربع الذهبي وبرشلونة ما ترشحه وتشوفه بعيد :laugh:: ، انيس يا كثر الاعياد اللي تجيبها في هالنوعية من الردود :laugh:: .

صحيح برشلونة خسر اليوم ، بس اهم شي لا تبالغ وتحسسنا الفريق المنتهي ، برشلونة المرشح الاقوى للابطال هو ومدريد يكون في علمك اذا ما التقوا مع بعض قبل النهائي ، وفرصهم بالحصول على الابطال اكبر من فرص الفرق اللي انت ذكرتها ، لكن بالنهاية كل شي ممكن .

 

[CODE-X]

^
ارسنال اتوقع بيكون مفاجئة الموسم و اشوف عنده العوامل المطلوبة و قلت هالشي من قبل .
الميلان ناقصه صانع العاب حقيقي "و افترض هالشي بيتحل في ديسمبر" و يصير فريق متكامل عناصرياً "و الكمال لله وحده " و مع الدفاع الحديدي اللي يملكه بيصير منافس حقيقي عاللقب
برشلونة اتوقع لو يطيح في دور ال16 او ال8 مع واحد من الفرق اللي ذكرتها فوق راح نودعه من البطولة .
غير كذا هذي مجرد توقعاتي و مع الوقت بنشوف 🙂

صحيح برشلونة خسر اليوم ، بس اهم شي لا تبالغ وتحسسنا الفريق المنتهي ، برشلونة المرشح الاقوى للابطال هو ومدريد يكون في علمك اذا ما التقوا مع بعض قبل النهائي ، وفرصهم بالحصول على الابطال اكبر من فرص الفرق اللي انت ذكرتها ، لكن بالنهاية كل شي ممكن .

و قد تكون خسارته الوحيدة هذا الموسم ! انا ما قلت الفريق منتهي , صحيح لا يزال يعتبر مرشح للابطال .
لكن مثل ما قلت هذي توقعاتي لهذا الموسم .

 

[Fairzilla]

^

في شي اسمه توقعات وفي شي اسمه منطق ، طبعا شفنا توقعاتك المبالغ فيها يا انيس الموسم اللي فات وما تحقق منها شي ، المشكلة كرهك لبرشلونة في بعض الاحيان يخليك تقول كلام ما يدش المخ .

 

[CODE-X]

^
ايش هي توقعاتي المبالغ فيها الموسم اللي فات ؟
اي نرفزة 😛
قبل بداية الموسم كنا كان في هايب كبير عالسيتي و توقعات و انا قلت اتوقع التأهل للبايرن و نابولي و حالياً قاعدين نشوف هالشي 😀 > هذي كمان نرفزة عالسيتي لوول
و توقعاتي مبنية على منطق و تحليلات بنطول في شرحها عالعموم مع الوقت راح تبان التحليلات و منطقيتها من عدمه

 

[Fairzilla]

^

اها ، توقعات مبنية على منطق وتحليلات منافية للعقل تخليك تشوف برشلونة بعيد عن المربع الذهبي لول . الله المستعان بس .

 

[Unknown]

مفاجئه خساره برشلونا @_@ .. صاير يتعب مع الفرق الصغيره "انواع التقفيل"
عموما ماهمني الدوري كثر الابطال .. الي اعتبره اكبر مرشح لها للان البارشا

الارسنال نفس الشي بحس هالموسم بيكون غير :inlove:
خصوصا توهج فان بيرسي خرافي "المهم لا يصاب"

 

[J.B.L]

باقي تشيلسي يطلع ليفربول و يصير اسبوع محصلش 😀

 

[soosi]

رفعوا ضغطي خيتافي !!
يلعبوا بخطة 10-1 !!! :

لقطة الفس اعتقد انها ضربة جزاء !

 

[BlackBird]

نمت يائس وقلت البرشا في حصة تدريبية قدام خيتافي
ابداً ما توقعت الهزيمة، شكراً يالجار 😀

 

[Fairzilla]

رفعوا ضغطي خيتافي !!
يلعبوا بخطة 10-1 !!! :

لقطة الفس اعتقد انها ضربة جزاء !

ما شفت المباراة بس اشوف كثير يتكلم عن ركلة الجزاء + هدف شرعي ملغي بشهادة الماركا . تصريح جوارديولا بعد المباراة قال فيه انه ما يتعذر بالتحكيم ولا يلقي اللوم على فريقه على هذي الهزيمة . هذي حلاة جوارديولا ، لو مدرب غيره صار له هالشي كان شفت وجهه مبرطم لين نهاية الموسم ..

على طاري خطط الدجاج ، برشلونة قاعد يعاني من عقم هجومي ، ما عنده راس حربة صريح وفوق هذا الدفاع مشي حالك ، لهالسبب انا اقول برشلونة محتاج نيمار عشان يفك لنا هالتكتلات الدفاعية اللي قاعدين نشوفها ضد برشلونة ، وفيا هذا لازم يشوفون لنا صرفة معاه ، ان شاء الله هذا اخر موسم له ويبيعونه قبل ما يخيس ونتورط فيه ، عاهة في الهجوم يخليك تتحسر على ايام ايتو . على مستواه هذا 25 مليون كافية عليه وزيادة بعد .

ان شاء الله هالخسارة تصحصح برشلونة .

 

[hussien-11]

ممكن تقول ثلث الفريق وليس النصف. عندك لاعبين مبدعين: آرانجو، هانكه وغيرهم. وليش البايرن ياخذ كل اللاعبين الالمان /: أتمنى اشوف اكثرهم برّا البوندسليجا، أبغى اشوف كيف يبدعوا خصوصًـا لو كان البريمير ليج. لكن لو فعلاً اشتروه البايرن فهي صفقة رابحة بشكل كبير، يعوّض مكان شفايني.

خيتافي متقدمين على برشلونة.

آرانجو جيد و دانتي جيد و مايك هانكة جيد ، لكن بدون رويس ما بيقدروا يحققوا نصف النتائج هذي ، مايك هانكة مثلا تنقل بين 100 نادي و نادي بدون ما يترك أي بصمة مع انه "يطلع منه" .. ماركو رويس و الحارس شتيجن هم أبرز عناصر القوة في الفريق
أنا أيضا أتمنى أشوف لاعبين مثل رويس - جوتزة - هولتبي - سيدني سام في بطولات مثل الدوري الإنجليزي ، لكن ما دام ماحد من هناك طلبهم ، فمش غلط ينتقلوا لبايرن P:

بس ارسنال رح يحاول جديا مع ماريو جوتزة في الصيفية المقبلة .