أوكي بطلوا استخفاف و تذكروا اننا في تروجيمنج ............ مانشستر ستي انهزم... اووه هذا يعني ان الدوري الانجليزي ضعيف ............ كلاام فاضي !
الحين وانا كنت قاعد اتغسل, قعدت احلل اسباب شبه خروج ستي من دوري الابطال ...... أهمها :-
1/اداره غير واعيه .
اوكي موب علشانهم صرفوا فوق المليار دولار على لاعبين اوروبيين من اكبر الدواري هذا معناته انهم بيجيبوا دوري الابطال ............ للأسف اللي يفكر كذا, خبرته الكرويه ضعيفه جداً.......... نادي مانشستر ستي عمره ما شارك في دوري الابطال سااابقاً و للأسف الادارة ما يزالون من بقايا الدوري الانجليزي (( أتكلم عن الاشكال اللي وضفها خلدون المبارك مثل جاري كوك و جون ماكبيث و غيرهم من الاداره الغير خبيره في الكره الاوروبيه )), كل نادي لازم يكون له هدف معين, وخاصةً اذا كنت بتلعب في الدوري الاوروبي........... الوحيد اللي في ادارة مانشستر ستي عنده خبره في الكره الاوروبيه هو
باتريك فييرا -_______-*
انصح كل عضو يشجع فريق كروي, يشوف الدايركترز الموجوديين في النادي اللي يشجعه, مثل لويس فييغو في انترميلان, أو زيدان في الريال مدريد أو كيني داغليش (( ايام ماكان بنيتيز مدرب الليفر ! )) و يوهان كرويوف في البرشا قبل موسم او موسمين على ما اظن ............... و ستي مين عندهم ؟!
2/ طاقم تدريب غير اوروبي
مانشيني طول عمره مدرب محلي وحق دوريات..... ولا نسيتوا ان الانتر كان يجددله عقده كل 12 شهر, هذا كله بسبب انه مدرب تفكيره الوحيد فقط هو الفوز بدوري او بكأس واحد فقط في الموسم الرياضي.......... و للأسف حتى الطاقم التكتيكي في النادي مكون من براين كيد (( لاعب سابق لمانشستر ستي )) و ديفيد بلاتت (( مساعد مدرب قديم للارسنال و لارسن فينجر, واللي ساعده في تحقيق الدوري الانجليزي ! هممم يمكن علشان كذا ستي دائماً فالحين على الارسنال :/)), فعلشان كذا لا تستغربوا انكم شفتوا اليوم زابيلاتا ظهير ايمين بدال مايكل ريتشارد (( اللي كان السبب في فوز فريقهم ضد نيوكاسل الاسبوع الماضي !! )) و نصري و جونسون و ايضاً اجويرو كانوا احتياط.
3/ لاعبين متكبريين.
للأسف.... too much ego في الفريق ....... يعني كل لاعب وعنده الكاريكتر و الكاريزما حقته, واذا ظلمته او ما لعبته او استبدلته طلع و بهذل ام الاداره في الصحف........... الله يعين المدربيين على اللاعبين.... كثرة الطباخيين تفسد الطعام.
4/ حظ تعيس .
يعني بدايةً من وضعهم في مجموعة الموت..و مروراً بليلتهم التي لا تنسى يوم رفض تيفيز انه يلعب ضد البايرن.. و نهايةً بالقرعه اللي خلتهم يلعبوا مباراة الليلة الحاسمه في السان باولو.
موب قصدي ادافع عليهم, بالعكس... أنا بأكون اول واحد اسبسبهم الويك ايند القادم........... لكن يا عالم لازم تفهموا انه اذا تبغون نادي ينجح اوروبياً, لازم تكون هناك عوامل اخرى مختلفه كلياً عن عوامل النجاح المحلي........... ولا شايفين الدعوه معكرونه مثلاً ؟!
