TG كرة اوروبية | موضوع نوفمبر لـ" تيري بعد زّلة لسانه .. زلّت قدمه"

[Fairzilla]

^

كارفاليو خلاص انتهى ، الموسم اللي فات طلع آخر اللي عنده ، الحين ما ينفع كلش لدفاع مدريد .

 

[Vorg Zangief]

احلى شيء لما حارس اوسسونا خسران 7 و يضيع وقت @@

 

[MaxPro]

احلى شيء لما حارس اوسسونا خسران 7 و يضيع وقت @@

من حقه الانسان العاقل مايحب المهازل تطول .

 

[BlackBird]

^
بس والله عنده خبره كبيرة, هذا اللاعب يوم يكون 1 ضد 1 يكون قوي جداً
المهم الريال دفاعياً صار قوي جداً وما صار ينخاف عليه زي أول

اليوم الريال عيد علي زين 😀 في عيد قاعد فيه الوحدي

مباراة اليوم شافها 250 مليون شخص!!! 60 مليون منهم فالصين, على كذا بتكثر مباريات الصباح للأسف.. بكذا في مباريات ما راح أقدر أشوفها بسبب الجامعة

 

[BlackBird]

[video=youtube;r_V6y5P050M]http://www.youtube.com/watch?v=r_V6y5P050M[/video]

فعلا هذا هو ستايل اللاعب البرازيلي واللي المفروض ما يتغير . آخر لاعب بهالستايل كان رونالدينهو ، اللي اجو بعده ما اقنعوني ومن ضمنهم نيمار .

هذا ستايله زي ستايل ألكسيس سانشيز, أما رونالدينيو ما اعتقد رونالدينيو يعتمد على المهارة اعتماد تام أما هذا مراوغ مو مهاري يعني يستخدم اللف والدوران أكثر
للأسف مات بدري كان ممكن نشوفه يتقارن بماردونا و بيلي وغيرهم

 

[HighlyRed]

أخيرًا نوري شاهين لعب. كوّيس اني لحقت على الدقيقة 70. نومة العيد أليمة /:
لعبه ممتاز كأول يوم له، وشكله فعلاً ينفع مع الريال. السلبية اللي شفتها إلى الآن هي اماكن تواجده، لكن مع الوقت يتعوّد.

 

[Fairzilla]

هذا ستايله زي ستايل ألكسيس سانشيز, أما رونالدينيو ما اعتقد رونالدينيو يعتمد على المهارة اعتماد تام أما هذا مراوغ مو مهاري يعني يستخدم اللف والدوران أكثر
للأسف مات بدري كان ممكن نشوفه يتقارن بماردونا و بيلي وغيرهم

رونالدينهو = مراوغة + مهارة = لاعب متكامل بالنسبة لي .

 

[Vorg Zangief]

للأسف مات بدري كان ممكن نشوفه يتقارن بماردونا و بيلي وغيرهم

اتذكر انا محلل الاي ار تي . الكابتن عبدوه صالح الوحش . الله يرحمه
كان يقول انه ما شاف لاعب يراوغ مثل قارينشا و قال لو ما مات بدي كان افضل حتى من بيليه .
و انه عنده عيب خلقي . و هو ان رجله اليمنى اقصر من رجله اليسرى . بشيء بسيط . لكنها كانت تساعده في المراوغة كثير .
--- ---
و سكريمنج رينج .
انته ليفربولي متعصب ما تشوف الفريق كيف يلعب . بالذات مع الفرق الصغيرة . تلاقيهم اول كم دقيقة شادين حليهم و يلعبون و تجيهم فرص و بعد فترة يموتون . و ما يسوون ولا شيء يذكر باللعب و اخر دقيقة تشوفهم يلعبون و خطرين جداً . هذا اللي يبط جبدي فيهم . يعني ليش ما لعبوا بهالحماس طول المباراة ليش بآخر دقايق xD
و بخصوص هدف كويت . هي تسلل . تقريباً :> لان الكورة لو بتلاحظ عدل راح تلاحظ ان مدافع الفريق الخصم ضربها بعدها ضربت بلاعب ليفربول و بعدها راحت لكويت :> و بس الحين تعادلتوا بالنقاط مع ارسنال :>

 

[Fairzilla]

جارينشا مات وهو عمره 49 سنة ، يعني مات وهو كبير مستغرب ليش يقولون لو ما مات بدري كان قارنوه ببيليه ومارادونا ؟ يعني مات وهو معتزل وتارك الكورة ، اتوقع يقصدون لو عايش كان انشهر اكثر ، مع انه اسمه له سمعته بالبرازيل ومن اساطير كرتهم .

هالأقدام الله يعلم شكثر سحب فيها مدافعين .

تعديل:

قريت تعليق على فيديو جارينشا مدري اذا صح هالمعلومة او لا ، يقول لك المنتخب البرازيلي ما خسر ولا مباراة طوال لعب بيليه وجارينشا مع بعض .

 

[Vorg Zangief]

يعني مات وهو كبير مستغرب ليش يقولون لو ما مات بدري كان قارنوه ببيليه ومارادونا ؟

لا تعتقد انه لعب طول السنوات مثل اللاعبين العاديين :> هاللاعب كان يشرب كثير خصوصاً بعد الشهرة و الفلوس . و بهذا الشكل الى ان مات . لهذا ما يقارنوه معهم :>
يعني مستواه راح . مع كم سنة . بسبب الاهمال و الفلوس و والخ :>

 

[Fairzilla]

^

مع ذلك يبقى رمز من رموز الكرة البرازيلية حاله من حال رونالدينهو وغيره ، مشكلة البرازيليين والله .

 

[fall out boy]

رونالدينهو = مراوغة + مهارة + تسديد الركلات الحره = لاعب متكامل بالنسبة لي .

.

 

[Fairzilla]

^

بالضبط ، بعد اللي يعجبني في رونالدينهو انه لاعب ما يعتمد على السرعة في المراوغات ، يعني يقدر يراوغ عالواقف مثل رونالدو دا ليما وروماريو .

 

[Vorg Zangief]

بعد اللي يعجبني في رونالدينهو انه لاعب ما يعتمد على السرعة في المراوغات

مثل ريفالدو + زيدان + ريكيلمي + مارادونا + رونالدو البرازيلي + اوكوشا
يختلفون اختلاف كلي عن طريقة لعب
ميسي و رونالدو البرتغالي و اوفر مارس و روبن و ريان قيقز و هنري و شون رايت فيليبس و لينين
.. .. ..

 

[MaxPro]

لا تعتقد انه لعب طول السنوات مثل اللاعبين العاديين :> هاللاعب كان يشرب كثير خصوصاً بعد الشهرة و الفلوس . و بهذا الشكل الى ان مات . لهذا ما يقارنوه معهم :>
يعني مستواه راح . مع كم سنة . بسبب الاهمال و الفلوس و والخ :>

لامشاكله هذي كانت في نهاية حياته وليس في نهاية مسيرته الكروية وليس شي اثر علي مستواه الكروي
ومات هو في نهاية حياته بسبب الادمان علي الكحول والمخدرات وايضا الكثير من الديون والمشاكل المالية
وهو مشهور ولكن ليس بين الناس بل في السجلات كافضل اللاعبين الذين يركضون بالكرة في التاريخ

 

[Fairzilla]

^

جارينشا عند البرازيليين اشهر من ريفيلينو على فكرة .

 

[MaxPro]

^

جارينشا عند البرازيليين اشهر من ريفيلينو على فكرة .

بين الناس اقصد بها جمهور الكرة في العالم وليس البرازيليين لانه برازيلي فأكيد سيكون مشهور عندهم .

 

[MaxPro]

ميلان ابدع اليوم 4-0 علي قاهر الكبار كاتانيا
ابداع بالاصابات .

 

[Vorg Zangief]

لا يطوفكم ولد عم ادقار ديفيدز لاعب هولندا .
الحين يلعب ضد بايرن 😀
شوفوه نفس ديفدز القديم تماماً و يلعب باليسار بعد @@

 

[squall leonhart]

ميلان ابدع اليوم 4-0 علي قاهر الكبار كاتانيا
ابداع بالاصابات .

اليوم بينهو مبدع على عكس العاده .. لوووووول ميلان من موسمين حرفيا ما لعب كامل .. مع كذا الفريق لازال متماسك و قوي جدا .. يعني بعد ما فرحنا بقرب رجعة باتو فقدنا كسانو لنهاية الموسم .. كنت اتمنى و لو لمباره وحده اشوف ال 4 مع بعض 2 منهم اساسين و 2 احتياط ( ابرا .. باتو .. كسانو .. روبينهو ) و الله هحوم مرعب جدا .. يمكن يكون الاقوى في اوربا كمهاجمين تقليدين ..( بما ان البرسا ما فيه راس حربه تقليدي ) .. و لو ان وسط الميلان كان فيه صانع لعب تقليدي كان الهجوم ابدع زياده ..

اتمنى في الشتاء نشوف صانع العاب تقليدي عشان تصير التشيكله ..

اكويلاني - قان بومل - بواتنج
صانع الالعاب
ابرا - باتو

بتكون تشكليه تنافسيه جدا في ابطال اوربا .. خصوصا مع دفاع الميلان القوي جدا

 

[Jonas]

انتهى الشوط الاول من اتلتيك بلباو و برشلونه ، مباراة حلوة

 

[soosi]

المطر عافس المباراه وتسبب بالهدف على برشا :

 

[zlatanovic]

هدف برشلونة جا على النيّه >ـ>
و دافيد فيا عالدكة؟ اتمنى ما تكون علامات نهاية المسيرة مع البارسا.

 

[BlackBird]

ليش كل مباريات البرشا و أتلتيك بيباو فالسان ماميس ممطرة بغزارة
مباراة العام الملعب قلب طين بس هنا شكل العشب ماسك 😛

 

[MaxPro]

مسبح السان ماميس خرافي .

 

[BlackBird]

باا باا باا باا باا باا باا باا يا سانشيز :laugh:: دراجي تضحكني مؤثراته الصوتية

الأتلتيك عارف يلعب فالمطر أكثر من برشلونة, شكلهم عرفوا إن في مطر بينزل فادربوا عالوضع زين 😛

 

[Vorg Zangief]

بهالارضية الباصات و التمريرات السريعة صعبة جداً جداً جداً .
بالتالي برشلونه شلون بيلعبون xD
لازم حلول مثل كورات رأسية بس وين اللي يلعب بالراس 🙁 . الا من ضربة زاوية 🙁
تعديل : خسارة برشلونه . بعد ما ماسكيرانو يعطيهم ركنية من نص الملعب @@

 

[BlackBird]

الثاااااااني لبلباو من بيكي على نفسه

 

[Fairzilla]

الاتحاد الاسباني يستهبل ولا كيف ؟ يعني احوال طقس مثل هذي ابي اعرف ليش ما تأجلت المباراة ؟ مستحيل ينلعب في هالمسبح !

 

[CODE-X]

الثاني
هالفريق فعلاً يستاهل الفوز احلى صفقة لهم