^
^
مافي شئ اسمه سوالف ورعان و كلام بزران في كرة القدم !!
هذه هي الحرب النفسيه على اشدها................ و مورينهو يعتبر واحد من افضل المدربين اللي يتقنها (( هو و اليكس فيرغسون في مرتبة وحده !!)).
و الدليل على تأثيرها هو ان المشجع و المشاهد صار يدقق في كل كبيره و صغيره تصير في مباريات البرشا......... واذا الحكم عمل شئ تافه غير معتاد, انقسم الناس لنصفين منهم مع البرشا و الجزء الاخر صار يقول " التحكيم مساعد للبرشا " .................. و للأسف, بسبب هذه الحرب, سمعة الحكام و برشلونة بتستمر في الحضيض, الين ما ينسوها الناس, ( أو ان البرشا ينهزم من مدريد في النهائي, علشان يطلع مورينهو كلامه خطأ ).
المشكلة ان هذه موب اول مره يسويها مورينهو في تاريخه, سواها في تشيلسي, وحقق الدوري مرتين........ سواها في الانتر و حطم فيها الميديا الايطاليه, و اهان كبار الاسامي من المدربين و اللاعبين في هذاك الدوري, و الحين قاعد يسويها في اللاليجا و في دوري الابطال..... وشكله في طريقه للنجاح.
طيب هل هذه الطريقة حقيره ؟؟؟؟؟؟؟؟ ايه نعم ........... لكنها في نفس الوقت تعتبر ذكاء و حنكه.
مثال غير مورينهو .............. شوف اليكس فيرغسون كيف ضيع علوم مانشستر ستي و طير عليهم الدوري في الاسبوعين الماضيين بسبب تصريحاته على تيفيز و مانشيني .......... الكلام هذا قبل اسبوعين بالظبط, واللي متابع للدوري الانجليزي بيفهم علي !!
بعد ما ستي انهزموا من سوانزي...... ادارة مانشستر ستي قررت ارجاع كارلوس تيفيز للفريق الاول علشان يساعدهم في الربع الاخير من الدوري...... طلع فيرغسون من بين كل المدربين الاخرين في الدوري و قال" موب تيفيز هو نفسه اللاعب اللي حلف مانشيني انه ما يلعبه ثاني مره في فريقه ؟؟ هو مانشيني موب مدرب الفريق ولا انا غلطان ..... لو انا بداله كنت ما بألعبه ابداً, حتى ولو خسرت الدوري علشان اثبت ان كلمتي ما تنزل الارض, وعلشان اللاعبين الاخرين يحترموا كلمتي ".
التصريح هذا ((( الترجمة موب بالكلمة الحرفيه ))) خرج من الكاريغتون ترينغ جراوند و من غرفة صحافة مانشستر يونايتد قبل اسبوعين بالظبط.......... طبعاً مانشيني ما رد عليه, و لعب تيفيز في اخر عشر دقائق ضد تشيلسي, و استطاع بفضله انه يفوز في المباراه.
و بعدها الصحافه الانجليزيه بدأت بالجنون, و مانشيني بدأ ياخذه الغرور و قرر انه يكسر كلمة اليكس فيرغسون, فما بدأ بتفييز ضد ستوك...... و تعادل............ و برضوا قدام سندرلاند ما بدأ بتفيز ..... وكان مهزوم 3 اهداف في الشوط الاول ..... ولولا رحمة ربك, لكانت المباراة انتهت 3-1 !!
الزبده, مانشيني خسر غرفة تبديل ملعب الامارات, بسبب تصريح اليكس فيرغسون اللي لعب في عقول كبار لاعبين الستي مثل ماريو بالوتيلي و سيلفا (( اللي اختفى كلياً من بعد ما رجع تيفيز )) و غيرهم, لأنهم خسروا احترامهم لمدربهم !!
و الحين الفرق صار خمس نقاط ما بين اليونايتد (( متصدر الترتيب )) و مانشستر ستي , و الشكر كله لتصريح و خبث/ذكاء اليكس فيرغسون !!
حركه حقيره ؟! ايه نعم .......................... حركه ذكيه؟! للأسف, نعم ................ وحلاتها يوم تبدأ الكلمات تأثر في خصمك !!!
