دمار يالآرسنال دمار! مبارتين على راس الفريق يلعب بدون روح! ما ادري ايش السالفة رغم البداية الممتازة في الدوري!
قبل المباراة كتبت لتويتر الآرسنال وجهوا انظاركم على فارفان، هانتيلار، و افيلاي و تحذيري لفريقي ما كان غلط لأن هالثلاثي الي عفسنا!
للأمانة فارفان الي لعب ولا الباقي محد بيّن الا بالأهداف الغبية الي جات من دفاعنا الجميل! على العموم انا مابي اتكلم اكثر عن مستوى اليوم لأني بنجلط
ما قلت لكم ملقا بيفوزون على الميلان امس مدري الي قبله؟ هذا هو ملقا فاز! الفريق مو صاحي! ما ادري الإنسجام هذا من وين طلع مرة وحدة! تخيلت الفريق الحالي حقهم + كاثورلا ما زال موجود
ارفع القبعة لأياكس على الروح الي لعبوا فيها اليوم قدام السيتي رغم تفوّق السيتي عناصريا بدون شك! مانشيني؟ احد يوديه المستشفى يسوون له فحص شامل و خصوصا في المخ يمكن فيه ارتجاج او شي
ياخي حرام عليك! حراااام عليك يا غبي!!! فريق مثل هذا تعامله كأنك ماسك نادي من الدرجة الخامسة؟! انا لو احط اي واحد من المنتدى هنا مدرّب للسيتي بتشوفونه ماكل الأخضر و اليابس!
يا ساتر على مخ الطليان المتحجّر المتخاّف في الكورة! مايعرف شي اسمه توازن هالمانشيني! يا يبتدي المباراة يدافع او ينتظر الى آخر الوقت و يبيعها و يلعّب كل مهاجمينه! في احد عاقل يسوّي كذا؟
اوكي في مباريات تستدعي انك تسوّي كذا لكن مو كل مباراة! انا غاسل يدي منه من زمان لكن متى غسلتها من بالصابون مرة ثانية؟ لما كان مهزوم من الليفر و قعد
يدافع يا آدمي انت مهزوم و تدااااافع؟؟؟!!
الله يعين جماهير السيتي على هالعاهة! عاهة؟ لا معليش انا آسف! العاهة ابرك منه بمليون مرة! السيتي اكبر من مانشيني! هذا قسم بالله حتى التعاون ماخلّيه يدربهم! على العموم هاردلك يالمدفعجية و لكل الخاسرين
الارسنال وشالكة 2-1 لشالكة ويجون مشجعي الارسنال يغلطوا ويهاجموا فنغر كالعادة ويجي مشاري يدافع عنه ويغني أغنية ظلموه
ما اسميهم مشجعين ذول انا .. اسميهم مهرجين! وقت ما نفوز يرفعون فينجر في السما و وقت مانخسر يخسفون فيه الأرض! اكره اكره اكره اكره جمهور الآرسنال من كل قلبي!
لا عمري اعترفت فيهم ولا راح اعترف فيهم ابدا! خصوصا البزران ذول الي كل يوم يقولك شي عن فينجر و هو اصلا مايدري بشي عن فينجر! انا Pro-Wenger الى الموت!
شهدت ايام مع فينجر في الآرسنال ما راح اشهدها ولا اعشقها ولا احبها مع اي مدرّب ثاني .. طبعا اتكلّم عن ايام عز الآرسنال الي اغلب البزران مايدرون عنها اصلا!
آرسين فينجر؟ عشقي الأبدي!
