TG كرة أوروبية | يناير 2013 رضا اعضاء قسم الكرة غاية لا تدرك @@

[hussien-11]

هاردلك مشاري وشباب الارسنال

البايرن هالموسم ما شاء الله، لازم لازم نطلع ببطولة او 2.

 

[MaxPro]

مبروك للبايرن وحسين وانيس ، هاردلك الارسنال ومشاري .

اليوم دورنا ... بالتوفيق للميلان ان شاء الله .

 

[Sir Guts]

شكرا شباب و مبروك لأفضل فريق في اوروبا الموسم هذا

للأمانة دخلنا الشوط الثاني بقوة و لكن كالعادة يا سادة مانسجّل

هدفين للبايرن مادري كيف دخلوا و احمل الدفاع اللوم طبعا

الثاني و الثالث؟ معليش بس في اغبى من كذا اهداف تدخل؟

الثاني معطينه free header و الدفاع يتفرجون و الثالث غباء 100٪

كنا نقدر نتعادل بس الله مو كاتب لنا. على العموم هاردلك لنا و مبروك البايرن

اليوم اتوقع فوز الميلان على برشلونة مع احترامي لجمهور برشلونة اللي هنا

 

[Emirates]

الف مبروك لبايرن ميونخ ولمشجعيه الفوز ،،، حسين وانيس

وهارد لك ارسنال ،، مشاري

 

[The Blue King 9]

الليلة اقوى مباراة بعد الريال ومانتشيستر

الله يستر من الهجمات المرتدة الميلانية
انا متفائل بالفوز ان شاء الله لكن كل خوفي هو دفاعنا الفلة لا ينكبنا بس

 

[squall leonhart]

ههههه الفريقين كلهم خافين من دفاعهم الفله .. ميلان اليوم حيلعب قدام اصعب فريق في العالم باضعف خط دفاع علي مر تاريخ ميلان

 

[Unknown]

البرشا السنه هذي بمدربنه .. دفاعه هش ويسمعون بالتنظيم .. انا اعطي المباراه 50/50

 

[soosi]

اتوقعها اليوم الميلان يسجلوا من وقت وبعدين بيلعبوا 10 دفاع وعلى نهاية الشوط الثاني البرشا بسجلوا التعادل !

وبنحسمها في الكامبنو

بالتوفيق برشا

 

[soosi]

اجل ميلان خايفين من دفاعهم ؟ لول ليش ؟

والشعراوي والبرنس دفاع :laugh::

 

[USefQ80]

^^
الشعراوي لو كنت تشوفه بالدوري على طوول يرد دفاع مو شي يديد
عندي سؤال ليش مشجعين البرشا يبون الفرق اللي تلعب امامهم يلعبون بطريق هجومية و ما يكثر من الدفاع ؟؟؟ ياخي كل فريق و امكانياته , مكسس و زاباتا ابدا ابدا ما اعتمد عليهم ضد بارما ! شنو تتوقع ضد اقوى فريق بالعالم و ملوك الإستحواذ !!؟؟

 

[squall leonhart]

اجل ميلان خايفين من دفاعهم ؟ لول ليش ؟

والشعراوي والبرنس دفاع :laugh::

تري قلوب الدفاع من انكب ما يكون هههه .. لكن شكله الكل قدام البرشا يقلب باريزي .. للحين اتذكر بونيرا الموسم الي فات قدام ميسي كانه مالديني و بعدها بكم يوم رجع نكبنا في الدوري

 

[Fairzilla]

برشلونة يمديهم يسجلون, صعبة تصمد 90 دقيقة تدافع.. الميلان ممكن يسجل من مرتدة..

 

[soosi]

ههه

اشوفه شوط متعادل من الطرفين , بس هجمة الشعراوي طيحت قلبي , الحمدالله طولها على روحه ولا كنا في خبر كان

 

[squall leonhart]

^^
الشعراوي لو كنت تشوفه بالدوري على طوول يرد دفاع مو شي يديد
عندي سؤال ليش مشجعين البرشا يبون الفرق اللي تلعب امامهم يلعبون بطريق هجومية و ما يكثر من الدفاع ؟؟؟ ياخي كل فريق و امكانياته , مكسس و زاباتا ابدا ابدا ما اعتمد عليهم ضد بارما ! شنو تتوقع ضد اقوى فريق بالعالم و ملوك الإستحواذ !!؟؟

هذا الي يعجبني بالفرعون .. دايما يضحي لاجل الفريق و يرجع يدافع و يقطع كور

الشعراوي لاعب صغير بعمره لكن بشخصية كبييييييره جدا

 

[Fairzilla]

مالديني عالجزيرة متضايق من طريقة لعب الميلان الدفاعية ويقول مو عاجبته.

 

[soosi]

لمست يد وااااااااضحة

 

[fall out boy]

لوول لمسة يد

 

[USefQ80]

جمال الشريف : هدف ميلان صحيح 100% لمسة اليد غير متعمدة #ميلان_برشلونة
@Ms3don

.

 

[Fairzilla]

ههههههههه الثاني مونتاري

 

[USefQ80]

هاردلك لمشجعين البرشا و الحمدلله نتيجة ممتازة لرفع معنويات الاعبين !
المباريات القادمة للميلان
انتر - لازيو - جنوة - برشلونة !!

انه ميلان, فـــخــــر الـطــليــــان ! :inlove:

 

[MaxPro]

الحمد لله علي الفوز .. هاردلك برشلونة ... ميلان فاز باستحقاق ومنع فاعلية برشلونة تماما ، يارب التأهل .

 

[persona]

يستاهلون الميلان، الهدف الاول اربك حسابات البارشا

 

[sogeking]

برشلونه تسديدهوحده على المرمى لووووول

وبدعاية الجزيره للمباراه يقولون هل يتجروون الميلان مرة اخرى على تحدي الكبار؟ xD

 

[SCREAMING_RAGE]

بوووووو برشلونة ..... ما صرتوا مثل زمان 🙁

اما الميلان ............. فهذه احسن نتيجه جماهيرهم يتمنوها قبل الديربي .... صح ولا كيف ؟!

 

[Fairzilla]

سواها الميلان, 2 - 0 وعلى برشلونة قوية والله .. مو صعبة على برشلونة يسجل هدفين في الكامب نو لكن مع الدفاع هذا اكيد راح يستقبل هدف وتنتهي.. مالديني شكله غير رايه الحين لول.

 

[soosi]

مبروك فيصل والميلانيين

فوز مستحق

فريقنا بحاجة لاعادة حسابات


احم على الاقل بعد ساعتين مؤتمر سوني , شي يهون عليي :crying:

 

[SCREAMING_RAGE]

^
^
صراحةً, الفريق تحسه كان محتاج مدربه في غرفة تبديل الملابس و على دكة الاحتياط ...... أوكيه كان غير محظوظين في عديد من الهجمات....... لكن مع ايام جوارديولا, كنا نشوف مناولات سريعه بين اللاعبين و ضغط عالي على حامل الكره ............. وهذا الشئ اللي افتقده البرشا اليوم.


أما الميلان,,,, فأخيراً لعبوا بالطريقة الصح ضد برشولنة ............... نفس الطريقه في النو كامب و بيكون لهم احتمال كبير يتأهلوا لربع النهائي !

 

[Unknown]

هاردلك .. مستوى ابوكلب ومستحيل بالاياب يحسمونها
ان ماحسمتها بالذهاب راحت عليك بالاياب والخصم مقفل

مبروك اميلان مستواهم ممتاز مقارنه بمسواهم بالدوري
الهدف الاول كان عليه كلام بس بالاعاده هدف صحيح

 

[SCREAMING_RAGE]

هاردلك .. مستوى ابوكلب ومستحيل بالاياب يحسمونها
ان ماحسمتها بالذهاب راحت عليك بالاياب والخصم مقفل

تستهبل صح ؟!
2-0 خارج ارضك شئ مش بطال ابداً...... كل اللي تحتاجه هو أداء منظبط ((والكثير من الحظ )) و بتقدر تسجل ثلاثة اهداف و تحافظ على اهداف نظيفه...

 

[squall leonhart]

مستوي البرشا اليوم استمرار للحالة الي بدا يدخل فيها الفريق من الموسم الي راح .. الفريق بس صار ميسي .. ما ابدا حلول غيره .. و لو ميسي توقف النتيجه تصير زي اليوم .. بس تسديده وحده ضد اضعف خط دفاع ميلاني بالتاريخ

نجي للميلان .. التككتيك الي لعب فيه ميلان كان من بيرلسكوني نفسه .. طبعا ما ابخس دور اليقري بادارة للمباره و تغيراته الناجخه و بنائه لهذا الفريق في اقل من موسم بعد خروج اساطير الفريق مره واحده

الدفاغ كانو 10\10 ,, كونستات و اباتي ابداع علي المستوي الدفاعي .. منوتيليفيو سكتني اليوم و اثبت انه لاعب عالمي و خير خليفه لبيرلو لكن بدون نكبات بيرلو الدفاعيه .. مونتاري لاعب كان مقاتل اليوم و كالعاده يسجل في المباريات الكبيره .. البرنس اليوم لعب افضل مبارة له هذا الموسم علي الاطلاق... ايش لمسات .. ايش تمريرات .. ايش تسديدات .. و مع دوره الدفاعي الكبير جدا الي قفل فيه علي افضل لاعب وسط في العالم انيستا .. الشعراوي ما يحتاج اتكلم عنه لاعب متكامل و من لاعب ماشي علي طريق عظماء كرة القدم .. تمريرته للهدف خياليه .. نيانق نجم قادم جديد .. يلعب بثقه كبيره جدا .. كانه باوتيلي صغير

نجي للعاهات .. الباتزو .. و امبروزيني .. و لا خليني ساكت .. احسن شي سواه باتزيني انه اصاب بويول و دوخه

المهم .. الفريق الي اطلق عليه اسوا ميلان في التاريخ .. يهزم البرشا .. !!!! هل عصر البرشا بدا ينتهي .؟؟ المدرب تغير .. بويول كبير .. تشافي كبر .. ميسي مرهق جدا .. مافي احتياط ابدا