عن نفسي, بلنتي واحد يستاهله ميسي من البلنتيين المشتبهين فيهم ........... وهي حقة عرقلة رامي اللي في الشوط الاول (( مدري هل هي بلنتي ولا كانت خارج منطقة الجزاء !))
العرقله اللي في اخر عشر دقائق شفتها كمان تنعطى, لكني ضحكت على ميسي يوم كان يناظر الحكم و يقول " دوووس !! " XD
مباراه كانت ممتعه جداً, و الفريقين كانوا جداً غير محظوظين في اغلب هجمات المباراه (( التسللات تنحسب بالملي و الزاوية المئويه في الدوري الاسباني !! )), لكن لفت نظري اللاعب ايفر بانيجا, كان عامل شغل رهيب جداً في نصف الميدان .... غطى على اكسافي بالراااحه .
على العموم, اليوم كان فيه تكملة للدور الثالث من مباريات الكارلينج كوب في انجلترا ...
مانشستر ستي2 X بيرمنجهام ستي0
* ياخي تحس ستي وقعوه بس علشان يقهروا يونايتد اللي خلوه يروح ببلاش !!*
ستي اقصى اليوم بطل الكأس العام الماضي و اخرجه من البطولة بهدفين من كل من اون هارجريفز و ماريو بالاتالي .......... تيفيز ضيع فرصة مجنووووونة في المباراه !!
برايتون1 X ليفربول2
* ستيفين جيرارد يلعب لأول مره مع الليفر من ستة شهور ماضيه........ الكابتن دخل مكان سواريز في الدقيقه 76 من المباراه *
السكاوسرز يقصون أبطال الدرجه الثانيه للموسم الماضي في مباراة مختلفة الشوطين (( الشوط الاول ليفربولي و الشوط الثاني كان لبرايتون )), لكن الغلبه كانت للخبره. هدفين لليفر من اقدام كريج بالمي و ديرك كويت, بينما هدف برايتون الوحيد جاء من ركلة جزاء من لاعب موب لازم تعرفوا اسمه.
تشيلسي0 X فولهام0 (( المباراه انتهت 5-4 لتشيلسي بركلات الجزاء ))
* الكس ينطرد في المباراه بسبب هذه العرقله المتهوره, و فولهام يضعيون التأهل بتصطيحها في سقف البردج *
في مباراه كانت نوعاً ما خاليه من الاثاره, فولهام كان في فتره من فتراتها على وشك التأهل, لكن الحظ ولأول مره - على لسان AVB - يقف مع تشيلسي و يساعدهم في التأهل. المباراه انتهت 0-0 في اشواطها الاصلية و الاضافيه.... فرانك لامبارد يضيع اول بلنتي لتشيلسي (( مفاجئه صح ؟! )) و فولهام يضيعون بلنتيين (( البلنتي الاخير لفولهام مشكوك في امره... رويز سدد الكره بكل قوة لترططم في العارضه العليا للمرمى, ثم ترتد على خط الهدف, لترتد مره اخرى الى العارضه العليا و تخرج خارج المرمى ... الظاهر حكم الرايه شاف لاعبين تشيلسي يحتفلون فما رضى انه يخرب فرحتهم و اعطاهم الفوز )).
ايفرتون2 X وست بروم1
* مين الشخص اللي ما عنده حياه ابداً يتفرج مباراه بهذه الملل ؟! *
ويست بروم كانوا متقدمين الشوط الاول ببلنتي تسبب فيه ايدوجندي (( لاعب نيجيري للمستقبل ... و اتذكروا كلامي !! )) , الشوط الثاني ايفرتون عملولك EPIC COMEBACK و سجلوا هدف التعادل في الدقيقه 90 من قدم مروان فلاييني, و بعدين فيل نيفيل (( اخو واحد اهبل الله يستر عليه )) سجل هدف الفوز في الشوط الاضافي الاول بعد مهاره رائعه جداً من اقدام الهولندي المعار من ريال مدريد ديرنثي .
القرعه للدور القادم سوف تجرى في يوم
السبت القادم........... و 100% راح تكون فيه مباريات من الدور الثقيييييييييييييل !!!
: > تعلموا من التجارب السابقة 😛 
