انا اول شي حاب اقول المعذرة لأني ماتواصلت معكم امس في الموضوع لكن من بعد المباراة و انا مزاجي منعفس ولا حتى تفطرت زي الناس و بغيت ادخل تحت شاحنة اليوم لكن الله ستر
🙂
اقولها بصوت عالي: آرسين فينجر سبب رئيسي لأمراض القلب و الشرايين! رافع ضغطي يعني اندية تلمح له ترى لاعبينك الي تبيهم متاحين فالسوق و بهذا السعر
ياخوي تحرّك روح وقع معهم ترى الفريق
ميّت و ياريت بس ميّت الا ميّت و متعفن بعد من الأوضاع الي بإمكانها تتعدل مع دخول لاعبين جدد يرفعون النادي مرة ثانية
الوسط منتهي بمعنى الكلمة لدرجة ان كالعادة فان بيرسي يرجع الى خط النص عشان يستلم كورة بالله ايش يسوي تبونه يوزع لكم و تروحون تسجلون بعد؟! يا بعد قلبي يالكوبرا بس!
فريمبونج هذا الاعب صاعد و له مستقبل كبييييييير! لاعب بجد و حقيقي لاعب عنده العزيمة انه يكون Top Class و يا انه يموت في شي اسمه آرسنال و تويتر يشهد ولا كلمته الي ازعجنا فيها DEEEENCH
اليوم في لاعب ابهرني و اجبر الملعب كله يصفق له! و هل يخفى القمر؟ الاعب هو سمير نصري اليوم قدم مباراة كبيرة و لعب بروح جميلة و كان عنده الإصرار! احلى تحية للأمير سمير!
لكن الي مستغرب منه انا ان ليش كان يتنرفز و يعصب اذا شات كورة و ما جات صح او انها قريبة من المرمى؟ مع العلم انه بينتقل للسيتي و اي لاعب ضامن انتقاله المفروض مايهتم خلاص
لكن انا اشكره على مجهوده الأكثر من رائع اليوم و بيكون بالفعل خسارة اذا طلع و لو اني سمعت ان الأمور مو قاعده تتم مثل مايبونها مان سيتي لكن بالتوفيق للاعب
ماعتقد في كلام بقى اقدر اقوله الا حسبي الله و نعم الوكيل يا فينجر ضيعت النادي ضيعت الاعبين ضيعت بطولات في يدك و انت فالنهاية ترجع لنا لعذرك البايخ و هو الحظ!
في عبارة صار لي اكثر من 4 سنوات ارددها الي هي: الى اين يا مدافع لندن
🙂؟؟؟؟؟ خلاص ماعندي كلام ثاني اقوله و آسف على الإطالة:sadwalk:
اليوم بتفوتني ارسنال و ليفربول 🙁
بس بما ان اصحابي يشجعون الفريقين "خالد و مشاري" فأنا ابيها تنتهي تعادل عشان ما يتهاوشون .. احبكم يا اصدقائي *grouphug*
ان شاء الله اليوم نكتسح ويست بروم :evil::
هههههه حبيبي احمد:inlove: الحمدلله انتهت مباراة ثانية تجيب الضغط بأهداف قليلة
و الف الف مبروووك يا خالد على الفوز .. معلومة آخر مرة الليفر فاز على الأرسنال في داره كان من قبل 10 سنوات!
لأول مرة صوت جمهور الضيوف يعلوا على صوت جمهور الأرض! مستوى زفت و الاعبين الي مطرود و الي موقّف و الي و الي.........الخ
اصابة كوشيلني اثرت فيني لأن اقولها بصراحة برغم اوضاع الفريق الا ان الثنائي فيرمالين و كوشيلني مجانييييين
و احلى تحية لحارسنا شيزني على الإبداع هذا يا شيخ يسلم لي راسك يا حبيبي كم سنة و تصير من ابدع حراس العالم
حارس عنده عزيمة و اصرار انه يكون الحارس رقم 1 للأرسنال! و مبروك احمد على فوز تشيلسي ولو اني سمعت ان مستواهم كان اخس من الآرسنال
أرسنال تعريف لمعنى الضياع
و عوار القلب و سبب رئيسي لأمراض القلب و الشرايين و نسبة كبيرة انه يسبب السرطان الله يكفينا معاكم
الحمدالله . فوز مهم لليفر و أول 3 نقاط في بداية المشوار ، نقطة التحول في المباراة كانت في حاجتين : طرد اللاعب المميز فريمبونج ، و تغيير التكتيك مع نزول ميريليس و سواريز .
بس و الله إني زعلان لحال الأرسنال .. مو معقولة اللي بيصير لهم ، غيابات بالجملة و حالات طرد في كل مباراة و مباراتهم الجاية مع المان يونايتد ! واو كان الله في عونكم .
عجبني كثير لاعب الأرسنال فريمبونج ، فعلياً كان هو قاطع الكرات الأول و لو استمر في المباراة كان أخذ لاعب المباراة بكل جدارة .
ياخوي الحال هذا مو مرضي الجميع
🙁 شي يرفع الضغط و يجيب الهم!
انا واحد مو حاط اي امل هذا الموسم يعني اذا خسرنا مافرقت معي و اذا فزنا هاذي بركة
على العموم الف مبرووووك على الفوز و كسر النحس و احلى تحية لجمهور ليفربول و لـKing Kenny!
ياخي بالوتلي ما ادري ليه المدربين رافعينه السماء وهو لاعب عادي جدا جدا
لاعب ما تسمع اخباره الا بمشاكل و تصاريح مفقعة منه و اذا لعب تكتشف انه منتهي
لا حراااام عليك والله انه ابدااااااااع لكن الي مخرب عليه انه مشاغب + مو محترم و مرة تحسه طفل على عمره
لكن صدقني لما يكون مزاجه حلو شوف ايش يسوي و شوف مهاراته و تسديداته! له فاول في التشامبيونز الموسم الي راح او الي قبله مع الإنتر
من مسافة بعيدة! شاتها بكل ثقة و كانت صاروخ و هدف ولا اروع و كلمة الحق تنقال الولد مبدع مع منتخب ايطاليا بعد
