TG كرة أوروبية | موضوع أغسطس للديربيات الإنجليزية

[Raulioo]

ايش ذي الحالة بنشوف كلاسيكو من السنة الماضية 🙁

 

[CODE-X]

سرمد ترى خضيرة + راموس ما في العب واحد مصاب و الثاني تعبان 🙁
و بنشوف شاهين + كوينتراو الظاهر
و الظاهر بنزيما ما بيكون اساسي اذا كاني غلطان .
و من برشلونة اعلان صفقة فابري بيكون الاثنين و تأجلت رحلته للأثنين لهاسبب . يعني ما بيلعب بكرى !

 

[F.JUBRAN]

^

يصير خير لول ..



التشكيلة الاقرب لكلاسيكو السوبر

بس ياريت لو يحط لنا سانشيز بدل بيدرو ، بيدرو مستواه تعبان في آخر المباريات ومب لهناك ..

سانشيز ماله يومين يتمرن مع الفريق تبغاه اساسي في الكلاسيكو ؟؟؟

 

[Sir Guts]

الأرسنال على رغم النقص في الفريق الا اننا اكلنا نيوكاسل اكل! جيرفينيو جاته فرصتين يسجل لكن مايشوت!

اما عن جوي بارتون القذر الوصخ الـ...كل شي!!!!! المفروض هو الي يطرد مو جيرفينيو!!! هاذي حركة احد يسويها!

ياخي انت مالك؟! الحكم موجود في الملعب لابوك لابو شكلك! قال جيرفينيو لازم ينطرد هههه حلوة! جيرفينيو تعرقل لكن هو زودها حبتين في طيحته

و الي بيشك و بيتفلسف يروح يشوف الفيديو مليون مرة و يدقق ان ذاك حاط له رجل و طاح جيرفينيو! سونج اي ينطرد بعد ما داس على رجل بارتون!

الموسم الي فات نفس الملعب و تفس الفريقين و صار نفس الي سواه بارتون اليوم لكن ديابي سواها في بارتون ليش بارتون مانطرد و انطرد ديابي؟

حكم كلب عنصري! كلهم يخافون من بارتون حتى المدرب يخاف منه لابوكم على آبو رجولتكم والله لو رحت له لا افجّر ابو راسه هالتبن! وما زال التحكيم ضد الأرسنال لكن هالمرة من بداية الموسم🙂

 

[Fairzilla]

سانشيز ماله يومين يتمرن مع الفريق تبغاه اساسي في الكلاسيكو ؟؟؟

بالمقابل بيدرو لياقته تعبانة ، وسانشيز اكثر جاهزية منه ، ما اشوف في صعوبة بأشراكه في هالمباراة ، في لاعبين يكتسبون ثقة ويبرزون اكثر في مثل هالمباريات حتى ولو كانوا جداد عالفريق ، عموما هو واحد من الاثنين راح يطلع بالشوط بالثاني يا فيا ، او بيدرو .. وما استبعد نشوف مفاجأة من بيب ويلعبه اساسي ..

 

[SCREAMING_RAGE]

^
واللي يعجبك فيه, انه بعد ما خلصت المباراه على طووووول فتحلك التويتر و طاحلك سب في الارسنال و الحكام وكأنه ما عمل شئ خخخخخخخخخخخخخخ كلاسيك :laugh::
قبل شوي خلصت ماتش اوف ذا داي...............ياخي قسماً بالله الليفر لعب حلو جداً اليوم ......... سواريز ضيع بلنتي في بداية المباراه (( رتشيسون كان المفروض ينطرد أحمممممر من بداية المباراه !! )), لكنه عوضها بهدف..... و فيه هدف صحيح 100% انلغى لاندي كارول بداعي دفع على فيردينالد...... لكن overall الليفر كان الاخطر, و الاحسن و الافضل في كل شئ,,,,,,,,,,,, وما اعتقد انهم هددوا مرمى بيبي رينا ابداً اليوم.

لكن الحق يقال, هدف التعادل حق سندرلاند, من الحين تقدر ترشحه لأحد افضل اهداف الموسم هذا ........... مقصيه ولا اروع 😵 و اداء ويس براون اليوم يثبتلك انه كان مدافع لمانشستر يونايتد, ادائه اليوم كان بطولي وعلى طراز مدافعين اوروبا العمالقه, و ماترك فرصه ابداً لسواريز و اندي كارول بالتحرك او اعطائهم اي مجال للتنفس !!

overall الليفر اليوم كان لعبه جميل جداً........ و اعتقد لو اننا لعبنا ضد اي فريق اخر غير عن سندرلاند (( اللي اشتروا 10 لاعبين في سوق الانتقالات )), أو على الاقل كان الحظ معانا (( في الكرت الاحمر و الهدف الملغي و ضربة العارضه حقت دانويغ )) كنا بنفوز بالراااحه اليوم !!

الاسبوع القادم بيكون ضد ارسنال في الامارات............. و بأذن الله, بنكسر النحس الموسم هذا, و بنحقق الفوز في الامارات !!!

 

[Sir Guts]

^

تحسف انه فتح التويتر لأني طحت فيه طيحة غير الناس الثانية غير مشجعين نيوكاسل الشرفاء الي طاحوا فيه سب لين ماكره نفس و قال انا بروح انام!

[video=youtube;st0QxH-KXrI]http://www.youtube.com/watch?v=st0QxH-KXrI[/video]

يالله خلني اشوف واحد يقول بارتون مايستاهل الطرد و جيرفينيو هو الي استاهل!!!!!!!

 

[Fairzilla]

^

والله تمنيت ابراهيموفتش هو اللي محتك معاه ، وقسم يربيه عدل ويخليه يكره اليوم اللي انولد فيه ..

 

[Wild Fox]

بعد تصريح لاعب نادي ريال مدريد الأسبق ومحلّل الحزيرة الرياضية "باكو بويو" الذي كان به تقليل من شأن البارسا عندما قال بأن ريال مدريد سيفوز اليوم بنتيجة "5-0" وسيكرّر الفوز "1-3" إيّاباً أي بمجموع المباراتين "8-1".

حيث قلّل اللاعب البرتغالي "كريستيانو رونالدو" من شأن البارسا بتصريحاته النارية والمستفزة عندما قال بأنّه سوف يسجّل "3 أهداف" ، حيث أن صحيفة "سبورت" الكاتالونية جمعت تصاريح البرتغالي منذ وصوله إلى "الليغا" عندما قال أوّلاً : "لن أوقّع للبارسا أبداً" ، وواعد جماهير فريقه بأنّه سوف يسجّل "هاتريك" في "كامب نو" ولم يحدث ذلك ، وفي الكلاسيكو الأوّل الموسم الماضي قال : "سوف نفوز بـ ( 8 أهداف )" ليعرف ما مدى خطورة تصريحه بتلقيه "5 أهداف" على وجهه.

ليأتي اليوم ويقول بشأن تعافي النجم الكاتالوني "سيرجيو بوسكيتس" من الإصابة قائلاً : "حزنت عندما عرفت بأن ( بوسكيتس ) ليس مصاباً".

ابشركم قدامنا موسم خايس مليان شحن و مشاكل ... الله يقلعك يا مورينهو و يا كرستيانو .. افكر ما اتابع الموسم السنه هذي من الاساس

 

[Sir Guts]

^

والله تمنيت ابراهيموفتش هو اللي محتك معاه ، وقسم يربيه عدل ويخليه يكره اليوم اللي انولد فيه ..

لحظة انا ابي اوريك الي سواه الموسم الي فات ديابي و انطرد و الي سواه الموسم هذا بارتون و مانطرد

هذا ديابي:

و هذا بارتون:

[video=dailymotion;xkizj5]http://www.dailymotion.com/video/xkizj5_newbartonincident_news#from=embediframe&start=21[/video]

ينطرد القذر هذا ولا لا؟

 

[Fairzilla]

^

لقطة ديابي شفتها بالفيديو اللي حطيته بالصفحة السابقة ، وحش والله ياهي مسكة مسكه فيها نشف ريقه اعتقد من هالمسكة ، لاعب يمثل القذارة الانجليزية على اكمل وجه ..

 

[Fairzilla]

ابشركم قدامنا موسم خايس مليان شحن و مشاكل ... الله يقلعك يا مورينهو و يا كرستيانو .. افكر ما اتابع الموسم السنه هذي من الاساس

متعود يشحن لعيبتة بهالطريقة الغبية ، والله اتمنى يستمر على هالمنوال ، مع اني اشك بصحة الخبر واتوقع رونالدو ما صرح بهالتصريح ، واتمنى يكثر من هالتصريحات هو ومورينهو لانها في صالح برشلونة ..

 

[Uzumaki Naruto]

يالله خلني اشوف واحد يقول بارتون مايستاهل الطرد و جيرفينيو هو الي استاهل!!!!!!!

ما أشوف أحد غيري هنا قال انو اثنينتهم ينطردون فشكلك تكلمني ولول ايه الى الحين أقولها بعد. على اني ما أطيق بارتون بعيشة الله بس جرفنيو وسونج شحنوه, سونج أنا من زمان أعتبره لاعب حمار وما يمسك أعصابه, ياما اذا هو (حس) انه أحد غلط عليه بالملعب راح وأخذ لك حقه بنفسه, وباللقطه الي دعس على جو بالله ليش دعس؟ شفت الاعاده كم مره وجو ما سوا شي, بس شات (قطع) الكوره من بين رجوله. سونج ذا اذا ما عدل نفسه بيصير مشكله.

أما الي صار بين جرفينو وبارتون. أنا أشوف انو جرفنيو مثل بطيحته (سواها بالشوط الأول بعد برا الجزاء وكسب فاول) بس هذا مستحيل يعطي الحق للعاهه بارتون (الي قدم مباراه حلوه بيني وبينك) انه يجي ويشيله وليته شايله زي الناس هذا غطى على راموس وبيبي (اثنين!) يوم شالوا فيا بالكلاسيكو. يا رجال ممكن أنا لو مكان جرفنيو مو أعطيه كف وبس الا أبقسه بعد وأخذ كرت أحمر وأنا ما همني, بس بتقولي انه ما بينطرد بعد الكف؟ من جدك أنت؟

 

[Sir Guts]

^

بارتون لاعب ممتااااااااااااااااااااز لكنه قذر درجة اولى! تم عرقلت جيرفينيو و روح شوف اللقطة من ورى ظهر جيرفينيو عشان تشوف الرجل الي انحطت له

بلنتي صحيح لكن طيحت جيرفينيو مثل فيها حبتين زيادة و لو طايح عادي زي الناس انا بأكد لك ان الحكم بيحتسبها بلنتي!

شي طباعي جيرفينيو يعطيه كف كردت فعل من حركة بارتون القذرة! طيب جيرفينيو يستاهل ينطرد عشان الكف و بارتون؟؟!!!

و لو بارتون ماسوى الحركة هاذي كان ما اكل له كف عدّل خرايط مخه لكن طيحته هاذي من الكف ضحكتني محسسني انه شاته في وجهه ماعطاه كف سريع

و هذا انت قلتها انك لو مكان جيرفينيو كان بقست فيه و تنطرد و ماعليك و هاذي ردت فعل اي لاعب ينهان بالضرب راح يضرب و مايسكت

العين بالعين و السن بالسن و البادي اظلم .. الي يضربك اضربه الا اذا هالإنسان ماعنده شخصية و عادي ينضرب و يسكت فهذا شي يراجع له

 

[slifer dragon]

^

لول, أبو الدفاشة الي على بارتون!
راموس وبيبي يوم شالوا فيا بدون هجوم وجر.. بارتون هنا غطى على ذيك اللقطة بمعنى الكلمة, ما شال اللاعب, راح جره مع لبسه كأنه حمار!

على العموم, مساكين جماهير الأرسنال بداية موسم تعيسة! مع طرد لاعبهم الجديد..

 

[Uzumaki Naruto]

^

هممم شفت الاعادة كم مره بعد المباراة (والي حلتني أتحمل واحد بثثثثثثر بالتحليل اسمه سافج -___-) وما أعتبرها بلنتي صراحه, اذا في احتكاك فـهو بسيط جداً ومن الاحتكاكات الي المهاجم هو الي رمى رجله عشان يحتك مو العكس.
غير كذا احنا متفقين, بارتون هو الي بداها وكنت أتمنى انو جرفنيو قدر يمسك أعصابه (ولو انها صعبه مره أول مباراة له ببلد جديد ويجيه واحد شغال بتويتو أكثر مما هو يتدرب كوره ويرفعه زي كذا؟!) كان ممكن انو الحكم طرد بارتون بس. بس صار الي صار يا رجل.

عالعموم أداء آرسنال كان حليو اليوم, للأسف برايي زي دايماً تمريرات حلوه وبوزيشن بالمباراة بس مافي أهداف من رغم الفرص الكثيره -__-, جرفنيو كان أحسن لاعب لهم تحركاته وسرعته كويسين بس في آخر مناوله أو الأسيست لك عليه شوي بس مع الوقت بنشوفه يتحسن, صفقه ممتازه والله (ما شفته له كثير بليل الموسم الي راح عشان أحكم, تقرا يا سرمد؟ D: ) وأتمنى يخفف تمثيل بالمباريات الجايه بعد.
الحارس كان أوكي بعد وفيرمالين يا أهلا وسهلاً (على قولة أحمد الشقيري) بعودته للفريق.

 

[CODE-X]

ابشركم قدامنا موسم خايس مليان شحن و مشاكل ... الله يقلعك يا مورينهو و يا كرستيانو .. افكر ما اتابع الموسم السنه هذي من الاساس

يا رجل من جدك موريتو يشحن كريستيانوا :laugh:: > لوول حركات كل الاندية ما تسوى و مدريد ما يسوى من لاعبينه لمدربه الا نادي برشلونة الوحيد ذو الأخلاق الخارقة و اللي ....
أذكرك بآخر مرة لما ميسي يشوت الكورة على جمهور مدريد و ضربت راس عجوز مسكين !!! و جاه بيبي و ... ما ابغى ادخل في نقاش عقيم و بلا فائدة بس يعني ...

 

[F.JUBRAN]

اليوم الكلاسيكو و متحمس على الاخر .. عندي مباراة اليوم في بحرة الساعة 11 هههه يمدحون الخلسات :laugh::

قبل شوية شفت ملخصات المباريات السابقة و كانت اكتساح برشلوني كالعادة ان شاء الله الفوز كتلوني

يالله نبدأ توقعات انا اتوقعها 2-0 لبرشلونة

 

[SCREAMING_RAGE]

2-2 تعادل !!!

الاهداف: فيا - بدرو للبرشا .............. كارفاليو و خضيره للريال.

متحمس جداً للردود بعد المباراه :laugh::

 

[Uzumaki Naruto]

Gooner توني شايف اعادة match of the day وجابوا زاويه من البلنتي ما شفتها, صحيح في احتكاك زي ما قلت أنت, على قولة الانجليز it could've gone either way للحكم بس ما كان فيها تمثيل.

الكلاسيكو؟ 3-1 للريال >.>

 

[Raulioo]

رعبتوني حسبت الكلاسيكو خلص وانا ما داري..بكل الاحوال متحمس لمباريات الدوري الانجليزي اليوم اكثر @@
ناروتو..انا اوافقك بخصوص جريفينهو كان بلاشك يستاهل الطرد مع بارتون..بس شكله الحكم الاول ما شاف حركة بارتون ولما خبروه الحكام المساعدين بغى يسوي فيها شخصية ويتمسك بقراره عشان ما تنفلت عليه المباراة "والحكام عادة ما يتراجعون بعد قرارات مصيرية مثل كذا"..
بخصوص مستوى جيرفينهو كان ممتاز لكن لمسته الاخيرة سيئة جدا سواء بالعرضيات او اختيار الحلول المناسبة..ماهر بالمراوغات والحلول الفردية والسرعة بالمقام الاول لكن غير كذا فيه نواقص كثيرة.. + الشوط الثاني انهار لياقيا بسرعة..والمشكلة سوء مستوى فان بيرسي وقلة الدعم الهجومي معاه تعبوه كثير..

 

[Wild Fox]

يا رجل من جدك موريتو يشحن كريستيانوا :laugh:: > لوول حركات كل الاندية ما تسوى و مدريد ما يسوى من لاعبينه لمدربه الا نادي برشلونة الوحيد ذو الأخلاق الخارقة و اللي ....
أذكرك بآخر مرة لما ميسي يشوت الكورة على جمهور مدريد و ضربت راس عجوز مسكين !!! و جاه بيبي و ... ما ابغى ادخل في نقاش عقيم و بلا فائدة بس يعني ...

المشكله ردودك الماضيه تخليني ما افكر حتى اناقشك ! ذكرياتك حلوه صراحه تتذكر حاجات و تنسى حاجات .

 

[Uzumaki Naruto]

رعبتوني حسبت الكلاسيكو خلص وانا ما داري..بكل الاحوال متحمس لمباريات الدوري الانجليزي اليوم اكثر @@
ناروتو..انا اوافقك بخصوص جريفينهو كان بلاشك يستاهل الطرد مع بارتون..بس شكله الحكم الاول ما شاف حركة بارتون ولما خبروه الحكام المساعدين بغى يسوي فيها شخصية ويتمسك بقراره عشان ما تنفلت عليه المباراة "والحكام عادة ما يتراجعون بعد قرارات مصيرية مثل كذا"..
بخصوص مستوى جيرفينهو كان ممتاز لكن لمسته الاخيرة سيئة جدا سواء بالعرضيات او اختيار الحلول المناسبة..ماهر بالمراوغات والحلول الفردية والسرعة بالمقام الاول لكن غير كذا فيه نواقص كثيرة.. + الشوط الثاني انهار لياقيا بسرعة..والمشكلة سوء مستوى فان بيرسي وقلة الدعم الهجومي معاه تعبوه كثير..

لول لا تخاف الكلاسيكو لسا ما بدا ولو انه خلص كان شفت الموضوع واصل 20 صفحه.

صح كلامك عن الحكم (بالمناسبه وشي ماله دخل بالبلنتي الحكم الرابع بطاريات الجهاز الي يتواصل فيه مع الحكم الأول خلصت!) ونفس رايي على مستوى جرفنيو. بس يبغاله وقت يتعود على لعيبة الأرسنال وتحركاتهم ولو انه متفاهم معهم بالثلث الأخير من الملعب كان النتيجه بتكون على الأقل 3-0, وفان بيرسي أبداً ما كان بيومه حتى في آخر هجمه بالمباراة يوم يشوتها على طول خيب أملي وكان يمديه يضبط الكوره أو يناولها لوالكوت. أرشافين على كسله المعتاد بس عجبني بالمباراة, كم لقطه تحركاته كانت حلوه (حتى لو ما جته الكوره) وكم مناوله عملها جيده.

أتمنى بداية قويه لتشلسي وما همتني نتيجة المانيو (ما بحبهُمش) بس حتفرج عليها لأداءهم الحلو (اذا كملوا على مستوى مباراة الديربي)

 

[Nintendo]

امممممممممم اليوم اتوقعها تعادل والحسم بمبارة كامب نو الاربعاء

 

[Fire Blast]

شسالفه قبل يومين او ثلاثة سمعت اكثر من لاعب من تشكيلة برشلونة مصابين ومابيلعبون و الحين كأنه كلهم بيلعبون ماعدا بويول ؟! :laugh:: كل مره يعني هلسالفه
على العموم اتوقعها 1 - 0 لواحد من الطرفين

 

[kInGsIzE]

باقي نصف ساعه و تبدأ مباراه تشلسي 🙁
و انا في الدوام و لا عندي اصلا ابو ظبي 🙁 اول مره تصير ما اشوف افتتاحيه الدوري .. بس يلا بما انها اواي مو مشكله 🙂 .. اهم شي ما تفوتني مباريات ستامفورد بريدج 3>

للاسف ما شفت مبارايات ارسنال و ليفربول .. يلا ان شاء الله الاسبوع الجاي بلحق على كل شي .. اخر تصريح لبواس يلمح فيه انه يبي لاعب وسط .. و احنا فعلا نحتاج لاعب وسط سريع و جناح بعد اجنحتنا الله بالخير ..

بخصوص مدريد و برشلونه الليله .. اتوقعها تعادل او فوز بشق الانفس لمدريد .. اهم شي نشوف اللاعب الجديد مثل شاهين و كونتراو 🙂

 

[hussien-11]

نوري شاهين مصاب على حد علمي .

 

[HighlyRed]

^
كيف مصاب وهو ما لعب؟ عمومًـا، اصلاً المفروض ما يلعب.. توه مع الريال وداخل في كلاسيكو.
عندي إحساس انه برشلونة يفوز (أتمنى العكس).

 

[kInGsIzE]

جالس اشوفها ستريمنج D= ... كويس ما يقطع

 

[Fairzilla]

اتوقع تنتهي تعادل ، او فوز الريال 1 - 0 ، الله يستر بس لان ريال مدريد اشوفه اكثر جاهزية ، اتمنى من كل قلبي اشوف سانشيز يلعب حاس راح يفجر الملعب لو نزل ..