hits counter

TG ساعدوني أشتري surround system !

  • بادئ الموضوع بادئ الموضوع DEMON
  • تاريخ البدء تاريخ البدء
DEMON

DEMON

True Gamer
السلام عليكم .

بعد سنين من الاعتماد على سماعات الشاشة قررت أغير وضعي ، أبي أشتري surround system لغرفتي هالفترة ..

المشكلة هي : ما عندي أي خلفية عن الـ surround system ... أبدا .

غرفتي متوسطة الحجم ، شاشتي sony 32 inch مع احتمال انتقل لـ ..
أما بالنسبة لمكان لعبي/مشاهدتي للأفلام ، فأنا أجلس قريب جدا من الشاشة "مسافة أقل من 1 متر"

ايش تنصحوني بنوع السماعات ؟؟
استعمالي بيكون للجيمنج والأفلام ، ما أطلب شيء جبار ، لكن أبي شيء ممتاز .

بالنسبة لسعر ، ما عندي أي فكرة عن الأسعار صراحتا ، لكن الميزانية 1700 ريال وممكن أكثر اذا شيء يستاهل .

TG ... اتوصوا فيني .
 
التعديل الأخير:
ميزانيتك ممتازة وبتحصلك مسرح منزلي جيد جدًا فيها .. شخصيًا مو متعمق بهالموضوع وماقدر انصحك بأفضل الشركات بس لابد انك تشطف على محلات الالكترونيات الكبيرة وتجمع لك مسرحين ولا ثلاثة يناسبون ميزانيتك وبعدها تبدا تقارن بينهم وتطرح موديلاتهم هنا والشباب بيساعدونك .. بس أكثر شي أحرص عليه أن المسرح يكون فيه أثنين HDMI واحد IN والثاني OUT ..
 
17 الف ريال لمسرح منزلي @@ ما شاء الله
اتوقع بهالميزانية تقدر تشتري تلفزيون 50 بوصة سوني برافيا 3 دي مع مسرح منزلي .
 
:laugh:: :laugh:: :laugh::

شباب !
ألف وسبعمائة ريال لووول ، 1700 .

موب 17000 ، تم التعديل ....هههه
 
اذا عندك أهل في البيت وما تبغى تزعجهم..لكن تريد الإستمتاع بتجربة مسرح منزلي
خذ لك سماعة استرو الجديدة
 
^^
على حسب ما أعرف ، السماعات ما تقدملي ولا نصف تجربة المسرح المنزلي ، عموما أنا ما أحب ألعب وأنا لابس سماعات .

شباب كيف ماركات سموني وسامسونج ؟؟
ولا ما ينصح بها ؟ لأني الآن طالع أدور .
 
انت شكلك مصمم على المسرح المنزلي، لكن في حال غيرت رأيك فا اقول ان ميزانيتك تجيب لك هيدست اسطوري وتعيش معاه روعة الصوت المحيط، انا عندي سماعة بلاي ستيشن اللي ب350ريال تقعد على راسي 3 ساعات ولا احس فيها فما بالك لو تاخذ هيد سيت على ميزانيتك، وعموما اتمنى لك التوفيق.
 
Vorg Zangief قال:
17 الف ريال لمسرح منزلي @@ ما شاء الله
اتوقع بهالميزانية تقدر تشتري تلفزيون 50 بوصة سوني برافيا 3 دي مع مسرح منزلي .
أنقر للتوسيع...
17 ألف أقطها في مسرح إحترافي افضل من نصبة كبرها 50 بوصه مع ثري دي مضروب + مسرح الله بالخير.


اخوي Demon بأولاً حجم غرفتك كم ؟ ثانياً هذه الميزانية بتجيب لك HTIB حليو و الأفضل ترفعها إلى 2500 بالكثير عشان تجيب HTIB محترم و أفضل.
أبعد كل البعد عن الخياس اللي اسمه LG,Samsung,Sony في المسارح المنزلية رح محل الدولية و قوله أبغى مسرح جاهز من onkyo,yamaha و حسب ميزانيتك و التجربة اختار اللي يعجبك.

عموماً موديلات ياماها الجديدة شفتها قبل فترة خايسة للأسف في موديل حلو من onkyo بـ1700 قبل فترة عليه عرض.

حصلته هذا هو : http://im26.**********/2012-05-28/1338186151851.png

و إذا تبغى 7.1 + سب ووفر أقوى بـ2500 ريال عندك هذا الموديل :

http://im25.**********/2012-05-28/1338186925241.png

الموديل الأول عند واحد من ربعي أنا شاريه له لأن غرفته صغيرة مثلي 😀 جميل جداً بصراحة منافذ وأصوات بس يعيبه الـsub-woffer داون فرينج و ما احب هالنوع 🙁
 
التعديل الأخير:
اخوي Demon بأولاً حجم غرفتك كم ؟
أنقر للتوسيع...

صغيرة ، ما أدري كم بالمتر ، لكنها صغيرة .

أبعد كل البعد عن الخياس اللي اسمه LG,Samsung,Sony في المسارح المنزلية رح محل الدولية و قوله أبغى مسرح جاهز من onkyo,yamaha و حسب ميزانيتك و التجربة اختار اللي يعجبك.
أنقر للتوسيع...

أكثر من شخص قالولي نفس الكلام، عمِي عنده غرفة خاصة بالجيمينج فبيته ، شاريلها سماعات sony وأبدا مش عاجبته وندمان وراح أشترى اونكيو والآن مرتاح ، خوفني الصراحة ، لكن المشكلة ما أعرف وين ممكن ألقى بووز| انكيو| ياماها عندنا بالمدينة المنورة ، ومش مستعد أطلب من برا أبد .
 
^
مثل ماقلت لك رح محل الدولية "اظاهر مو موجود في المدينة فمالك الا تنزل جدة أتوقع فيه كذا فرع له فيها " بتحصل اونكيو اللي قلت لك عنه و بتحصل bose اللي بـ12 ألف حتى (&)
B55-1064-main1.jpg
 
^

بس اذا كان ناوي على هالموديلات لازم يحط فيه باله انه بيعاني بتثبيت السماعات لأنها صغيرة وما أذكر يجي معها حامل فلازم تشتريها واحد وتثبتها عليها .. أو يريح راسه وياخذ له من المسارح الي بهالشكل ..


لكن الحق يقال على أن هالسماعات ذي صغيرة ألا ان جودتها أفضل بكثير من الطوال.
 
تبا ! أبو العذاب يا شيخ ، المشكلة ما فيني أدق مشوار لجدة علشان السماعات ...
اكسترا ما يبيعها ؟؟
شكلي بأحوس وأنا أدور هنا .
 
DEMON قال:
تبا ! أبو العذاب يا شيخ ، المشكلة ما فيني أدق مشوار لجدة علشان السماعات ...
اكسترا ما يبيعها ؟؟
شكلي بأحوس وأنا أدور هنا .
أنقر للتوسيع...

لوول حتى في المسارح المنزلية وضعنا مزري :laugh::


ما عندك غير أكسترا ويمكن بنده فيله ( قسم الاليكترونيات ) و وكلاء سوني - سامسونج - ال جي .

للامانة ماعندي خبرة في المسارح المنزلية ( لأني أستخدم السماعات ) فما أقدر أفيدك 🙁
 
^^^
ياخي والله وضع مقرف ، شكلها بالنهاية مسرح سوني أبو كلب 🙁 .
أنا رايح أدور
 
ماعندي خبرة بالمسارح كثير رغم إن عندي وحدة كانت على أيامها شيء جبار و هي من JVC و لكنها من الجيل القديم. بس كانت تملك صوت جبار 🙁

احمد بن محفوظ هو الإنسان الوحيد الي دايم اروح له و استمتع باللعب عنده، عنده مسرح رهيب و جودته حلوه "سامسونج" و اشك اني بجيب لي واحد زيه قريب. حاول تسأله هنا او في تويتر و يعطيك نوع المسرح.
 
كان عندي وقت الجامعة سماعات creative 5.1 .. أعتقد اشتريتها بذلك الوقت بـ 400 ريال

بعد البحث لمدة دقيقتين و 11 ثانية وجدت هذا المنتج
HT-S5305




http://www.adslgate.com/dsl/showthread.php?t=694152

السعر 2000 ريال ( عام 2010 )
 
الأن من الدولية سعر الـ 5405 حوالي 1725 ريال
 
بالنسبة لي علقتها و سويت حركة رخيصة عشان ماتبين الأسلاك نازلة. كان ودي اسوي جيبسوم بورد بس بتكلف كثير وماتستاهل التعب دام غرفتي صغيرة .
في حل حلو و سويته أنا لول تعرف غراء السيلكون ؟ تثبت بالبداية السلك على الجدار وتخلي منه طالع شوي عشان تشبكه بالسماعة واللي نازل حط عليه الغراء 😀
هذا قبل لا تصبغ الغرفة سو هالحركة بعدين لما تصبغ الغرفة راح يبين للي يدقق انه في شيء بارز شوي ولا اللي مايلاحظ راح يحسبها وايرلس 😀

يب و أنت قلتها بنفسك . عندي سماعات من هذا النوع "المسرح : YHT-195" لها 3 سنين اللحين أو أكثر وللحين مثل ماهي لا تشويش ولا هم يحزنون العيب الوحيد انه الـHDMI صورة فقط .
بخلاف واحد من ربعي قبل سنة كان مشتري dav dz777 ومستانس فيه وبعد 8 شهور جايني يقول السماعات اختربت والـAVR قام يستعبط:laugh::
 
اسمع كلام Zuss7 وروح على الدوليه وانصحك تاخذ 5.1 ارخص واحسن الالعاب كلها تشتغل على 5.1 والافلام ما فيه الا افلام تنعد على الاصابع اللي تشتغل على 7.1
انا مسرحي 7.1 وفاك السماعتين ومخليه 5.1 افضلي
 
1700 واجد زين يمكن تحتاج تزيدها إلى 2000
أي شي من، ياماها، أونيكيو، بايونير، بيكون مضمون 100% وجودة الصوت راح تكون عالية... بايونير بتحصل منهم خيرات في الأسواق. في موديل عندنا "ما ادري عندكم أو لا" يجي مجمع من وكيل بايونير، سماعات زلزال وصوتها نقي + AVR محترم وب180 دينار

وأخيراً مثل الشباب أنصحك، أبتعد عن سامسونج سوني إل جي بطيخ، سعر على الفاضي
 
أي شي من، ياماها، أونيكيو، بايونير، بيكون مضمون 100% وجودة الصوت راح تكون عالية... بايونير بتحصل منهم خيرات في الأسواق.
في موديل عندنا "ما ادري عندكم أو لا" يجي مجمع من وكيل بايونير، سماعات زلزال وصوتها نقي + AVR محترم وب180 دينار
أنقر للتوسيع...

زين فدتني .. في وين احصل هالموديل ومنهو وكيل بايونير ؟؟

صار ليي ازيد من سنة افكر آخذ ليي ساوند سيستم او لا .. عندي كرييتيف مال الكمبيوتر مركب وصلة ليهم وموصلنهم بالتلفزيون :laugh::
 
عندك ثلاث خيارات يا ناصر. وبعطيك كلام عن بحث وتفكير سابق ويحتمل الخطأ والصواب، عموماً:

- عندك شغل "كاجول" زي المسارح التجارية أو السوقية والّي تلاقيها عند شركات تخصصها "بتاع كله" زي سوني|إل جي|ساسونج.
شكلها: ممتاز. أداءها: مشي حالك. عمرها: أقصر. سعرها: منخفض. طبعاً اتكلم بشكل عام ولا تلاقي في منتجات ممتازة.
وهذا ما انصحك فيه إذا غرفتك صغيرة وللنوم. تنفع للصالات وغرف الجلوس أكثر بحكم شكلها وكُبر حجمها بتعطي شكل بايخ لغرفتك الصغيره.
ولأنها تعتبر للفشخرة والزينة فقط P: ~
لو انا متجه لذا الشيء أخذ لي هيدست البلايستيشن أفضل. أو أي شركة مختصة بالهيدست لأن الأداء هو أهم شيء.

- وعندك شغل "شبه احترافي" والّي تاخذ المسرح على شكل باكج كامل، من شركات متخصصه في الصوتيات زي ياماها، أونكيو، بايونير.
الشكل/الأداء/الجودة التصنيعية/وعمرها كلها "ممتازة". بس سعرها يوصل للـ2000 والـ3000 ريال.
وهذا الي انصحك فيه بشدة بحكم عدم خبرتك وتبغى مسرح منزلي حقيقي + مناسبة لميزانيتك وتستاهل + سماعاتها تلاقيها صغيره وتصلح لجميع الغرف تقريباً (علِّقها) + تتعلم منها إذا بتنتقل للمرحلة الثانية XD

- أو عندك الشغل الاحترافي أبو بحث عميق وحوسة التجميع، زي تجميع أصحاب الـPC كل قطعة لحالها ومن شركات مختلفة.
مثل الرسيفر من شركة والسماعات (الأمامية والجانبية والمحيطية) من شركة والسوبوفر من شركة.
لها متعتها الخاصة وبالخبرة والتجربة تكتسبها. بس يبغالها "قرنقش" القطع غالية جداً مو مثل تجميع الـPC. توصل للـ5000 والـ8000 وأكثر! >_>

عموماً يا ناصر انصحك ما ترمي فلوسك في شيء منتا "مُقتنع" فيه تماماً وبعدها تندم.
إذا عندك أحد قريب أو زميل لك في جده، حوّل له المبلغ ويأخذ لك هيَّ من الدولية هنا ويشحنها لك (= ~

واقصد بـ"هيَّ" الموديل الممتاز الّي حطه الأخ علي جزاه الله خير، الكثير يشيدوا بيه ويمدحوه بشكل كبير وهو الخيار الأمثل لك! وأنا إن شاء الله بطق لي واحد مثله XD ~
http://im25.**********/2012-05-28/1338186925241.png
9O0gb.jpg

وهذي مداخل الرسيفر يكفي ويوفي أظن 😀

موَفق ^^
 
التعديل الأخير:
شباب من جدكم يعني مسارح سوني وسامسونج وهل الطقه ماتعتبر مسارح منزلية حقيقة :w00t:

عندي jvc له 3 سنين عندي واحس اني مرتاح معاه

لو اخذ onkyo وش الشئ الي راح يختلف في الصوت ؟؟
 
عندنا في المحل الثري دي بـ 1999 طبعا مع مشغل افلام ثري دي
 
Veeto قال:
زين فدتني .. في وين احصل هالموديل ومنهو وكيل بايونير ؟؟

صار ليي ازيد من سنة افكر آخذ ليي ساوند سيستم او لا .. عندي كرييتيف مال الكمبيوتر مركب وصلة ليهم وموصلنهم بالتلفزيون :laugh::
أنقر للتوسيع...
تحصله في محلات الالكترونيات العملاقة، شرف دي جي، هوم ألكترونك، والهايبرماركتس... والوكيل يبيع بعد، إسمه كاجريا مقابل مجمع الدانة بالضبط
 
ALONE قال:
شباب من جدكم يعني مسارح سوني وسامسونج وهل الطقه ماتعتبر مسارح منزلية حقيقة :w00t:

عندي jvc له 3 سنين عندي واحس اني مرتاح معاه

لو اخذ onkyo وش الشئ الي راح يختلف في الصوت ؟؟
أنقر للتوسيع...

يفرق كثير يا محمد و ماراح تحس بالفرق الا اذا جربته لفترة وبتشوف كيف. هذا وحنا نتكلم عن سماعات صغيرة و كتكوتة كيف لو ندخل بالعميق. مثلاً اهل الكويت عندهم ما شاء الله سعر السماعات شوي رخيص في بعض الماركات
قبل فترة لما رحت الكويت و شفت سعر Polk Audio RTI-A9 شوي و أموت فرق كبير بالسعر عن الوكيل حقها في السعودية بإذن الله أجمع لي كم قرش مع مساعدة الوالد و أطق لي هالأشياء "اللي اعتبره مسرحي المستقبلي " بالملحق 😀 :


حبة طقم من الحلوة هذي Polk Audio RTI-A9
polk-audio-rti-a9-382x500.jpg



حبة طقم من الحلوة هذي Polk Audio Rti a6
surround-rtia-large.jpg


حبة وحدا من الحلوة هذي Polk audio RTiA

center-rtia-large.jpg



حبة Denon AVR-1912 " الرسيفر هذي قوي جداً "
denon_avr_1912_1.jpg



و باقي الـsub woffer بيجيني هدية لأني طفرت خلاص لول 😀
 
فيه شي اسمه الساوند بار. أنصحك تفكر فيه. قريت ان جودة صوته عالية ولا يحتل مسافة كبيرة ويحوس الغرفة. أعطيك المسرح المنزلي حقي هالايام لأحدهم ولا عندي نية أشتري ثاني، ما أحس ان الموضوع يسوى الحوسة، ساوند بار ممكن أشتريه بعدين.
 
^
السراوند بار مايعتبر 5.1 حقيقي و هو موجه للي يبغى جودة صوت أعلى وبشكل جميل بالصالة و كذا .. لأن طريقة عمله هي توجيه الأصوات على الجدران الجانبية وإصتدامها فيصير كأنها جايتك من الخلف و فيه طريقة ثانية
وهي إن السماعات الجانبية تخلي الموجات الصوتية تلف و وتعطيك جو محيطي "افتراضي طبعاً" فلازم تجلس قريب من السراوند بار أو توجيه الصوت لمكان محدد بالغرفة , بأوضحها بصورة لمختلف طرق العمل .
فعموماً الساوندبار يتأثر كثير على أشياء بالغرفة : 1-الأثاث بالغرفة. 2-حجم الغرفة. 3-هل في عوازل بالغرفة ولا لا؟ 4-مكان وضعه. 5-مكان جلوسك.
الأسباب تأثر أيضاً حتى في المسارح المنزلية لكن مو بتأثير قوي زي السراوندبار .



7684_12074_1.jpg
 
^
مواصفاته مو ذاك الزود، حسب ماهو مفهوم من جدول المواصفات، فيه مدخلين HDMI ولكنه ما يدعم الصوت عن طريق الHDMI، فقط يمرره من المسرح وبتسمعه عن طريق التلفزيون، إذا تبي تسمع الصوت من المسرح بتضطر توصل لك كيبل أوبتيكال "صوت فقط" من الps3 وكيبل الاوبتيكال ما بيكون HD طبعاً

بالسعر اللي عندك تقدر تجيب avr بايونير محترم وسماعات ممتازة، إنت بس دور على وكيل البايونير عندكم وجيب لنا الموديلات واحنا نعطيك الشغل المزبوط... ومرة وحدة روح الياماها ترى عندهم أغراض زينة
 
يجب تسجيل الدخول أو التسجيل كي تتمكن من الرد هنا.
عودة
أعلى