TEKKEN 6 صور جديدة (دايركت)

[AMOR]

المصدر(مليان صور بس ماقدرت اطلعها منه سويت ابلود للي شفته يسوى).
هممممممممممم أشوفها مخيبة بس تو الناس 🙂.

 

[m7tram]

الأرضيه يبيلها شغل واكثر من شغله بعد بس مثل ما قلت تو الناس .

 

[Khalid-S]

في الصوره الاولى جسم كازويا مره ممتاز ... اللعبه باذن الله مع الوقت تتحسن .. الوجوه يبيلها تفاصيل اكثر. (شوف هاورنق مثلا تحسه ما تغير ابدا) .. ايضاَ اجسامهم يبيلها تفاصيل مثل كازويا.

 

[Old Snake]

الصورة الاولى لكازويا تحفة صراحة...!

 

[High Lander]

خخخخخخخخخ اليد اكبر من الرااس :yuck: ...عدلوا الوضع الله يجزاكم خير ..
الصور من ناحية الشخصيات جيده ....عادة فريق تكن يشتغلون على الحلبات اخر شي ..
BELIEVE in THE IrOn FiSt :kiss:

 

[Gon freeces]

الأرضية يبغالها شغل....

 

[AMOR]

المزيد من الصور :

المراحل :

 

[BioMario]

-__________________-
VF افضل بمراحل ..

ننتظر الشكل النهائي

 

[Ginko]

مودلز الشخصيات والتكستشرز عليهم ممتاز. لكن الخلفيات مضروبه، سواءا الارضيه ولا الجدران.

 

[M 7 L]

المراحل ما عجبتني . . . وأتمنّى يكون فيه أكثر من مرحلة بدون حدود . . . لأن الحدود مملّة صراحة

أما رسم الشخصيّات أشوفة " حلو " وفيه شبه كبير بتكن 5 !! يعني ما هي ذيك القفزة لتكن . . . !!

ننظر الشغل النهائي وهاذي تكن يعني راحت لو جات راح تكون مدمّرة , , ,

 

[Tekken]

روعة.. اذهلتني..

 

[fai9al]

ميقيل ماعجبني وجهه!
بس جسم كازويا ok...التفاصيل أفضل بكثير.

 

[Humam]

الحلبات شكلها ابداع ابدااع.. ثلج ! ثلج ! كاونت مي اننننن !!

في صور خطيرة مرة لزافينا ضد كازويا .. ياريت واحد يتبرع ويحمل لنا الصور.. أنا النت عندي سيء جدا.. لول من يوم ما نزلت موضوعي المكرر والنت فصل ودوبه لسة رجع..

بشكل عام تكن 6 أكيد مخيبة لآمال النكست جن من ناحية الجرافيكس.. بس هذا كان نفس الوضع مع جميع العاب الفايتنق هذا الجيل.. ديد اور الايف اتذكر جاها هجوم عنيف.. فرتشوا فايتر 5 أول ما تم الكشف عنها أنا جاني احباط مو طبيعي.. تكن 6.. الكشف النهائي عنها جاب لي الاكتئاب.. بس يلا الحمد لله أحس الوضع أفضل مما تخيلته بكثيير..

 

[AMOR]

صور زافينا :

السيء هنا ان اللعبة منظرها عادي, مقارب لديد اور الايف 4 و أسوأ من فرشوا فايتر 5, توقعت تكن تطلع قدرات الPS3.
ننتظر يمكن تطلع افضل 🙂.

 

[Humam]

لا في صورة ثانية لزافينا ضد كازويا تكون.. الحلبة أظن في شارع في الليل والخلفية لونها أزرق.

السيء هنا ان اللعبة منظرها عادي, مقارب لديد اور الايف 4 و أسوأ من فرشوا فايتر 5, توقعت تكن تطلع قدرات الPS3.

تدري ايش الحقيقة الأمر بالنسبة لي.. ان ذا الشي صار ما يفرق معاي, فرتشوا فايتر 5 بعد ساعات من اللعب الطويل عليها ورغم اعجابي بها, لكن مازلت أفضل تكن 5 عليها.. شي متوقع بالنسبة لي لأني اعتبر تكن 5 أحلى جزء في تاريخ تكن.. رغم المبيعات الخااايسة..

لكن ايش نقول.. ما ألوم نامكو والله على ذا الأبقريد.. لمن الناس تعطي تكن حقها ذيك الساعة خلونا نتوقع جرافيكس جبار.. مو معقول تكن 5 تبدع وينحط فيها مجهود وفي النهاية تصدر 3 مرات على أجهزة و مرتين على الاركيد ومحد يعطيها وجه.. فعلا شي محبط >.<

 

[AMOR]

لا في صورة ثانية لزافينا ضد كازويا تكون.. الحلبة أظن في شارع في الليل والخلفية لونها أزرق.

أها هي صورتين الاولى في الرد الاول في الموضوع, اتوقع مو طالعة عندك.
بالنسبة لكلامك عن اللعبة اعتقد فعلاً المبيعات سبب وارد, بس ماتلومني لو توقعت اللعبة تطلع زي اول مرة شفت فيها تكن تاج و قلت فعلاً هذا النكست جنريشن.

 

[Humam]

لول الظاهر فعلا مو طالعة عندي.. عموما هذي هي:

http://img.blogs.yahoo.co.jp/ybi/1/da/ec/gemaga1985/folder/47699/img_47699_7896510_20?1180673839

ومن الصور الي عجبتني:

http://img.blogs.yahoo.co.jp/ybi/1/da/ec/gemaga1985/folder/47699/img_47699_7896510_3?1180673839

هههههههه شكله رهيب..

 

[Ash]

ممم عادية للحين , الحلبات فيها تكرار , أحد يذكر موون فلاور ( شيئ نفس هالاسم ) بتكن 5 ؟ هذيك كانت الابداع الصجي ! مع موسيقى أوركسترا , كانت تحطيم .

هذا كان نفس الوضع مع جميع العاب الفايتنق هذا الجيل

أتمنى سول كاليبر تكسر القاعده , ان شاءالله!

 

[Kratos]

moonlit wilderness
كانت شي مو طبيعي أحسن حلبة بالنسبة لي بتكن 5

الصور .. عادية بس أفضل من الصور الي طلعت في البداية إنشاء الله تتحسن قبل ما تنزل

 

[ASWD]

عالاقل افضل من اول ظهور لها..ان شاء الله تتحسن اكثر ولو اني اعتقد اننا مننصدم في الجزء السابع اكثر شي مو هذ اللي يعتبر بداية السلسلة في النكست جين

 

[Tekken]

عالاقل افضل من اول ظهور لها..ان شاء الله تتحسن اكثر ولو اني اعتقد اننا مننصدم في الجزء السابع اكثر شي مو هذ اللي يعتبر بداية السلسلة في النكست جين

هذه مايبغيلها كلام.. ولو انه الصور عاجبتني اكثر من فيرتشوا فايتر 4.01 او كما تعرف بإسم فيرتشوا فايتر5 . اكثر جزء محبط في السلسلة.

 

[Mista Koo]

صراحة صورتي جين والبنت التومبوي (نسيت اسمها) اللي في الثلج روووووووعة.. والباقي مقبول

بس ليش أي لعبة إذا حط شخصية عربية لازم يكون لبسها فاضح :\؟؟

 

[king zell]

المشكلة إن ألعاب القتال الجيل الماضي كانت مذهلة جدا.. عشان كذا هالجيل مش جالسين نلاحظ فروق مبهرة

 

[Ginko]

محمد قاعد تسوي hotlinking (زي بعض الناس الي حطوا صورة هنتاي قبل كم يوم لول). حملها على موقع صور وحطها.

 

[Suzuki Yu]

هذه مايبغيلها كلام.. ولو انه الصور عاجبتني اكثر من فيرتشوا فايتر 4.01 او كما تعرف بإسم فيرتشوا فايتر5 . اكثر جزء محبط في السلسلة.

مبالغة كبيرة جدا 4.01 !!! اذا كنت تقصد بالجرافكس فأسمح لي بقوة لانه مافي منافس أصلا ...

نعم اللعبة ما اختلفت كثير عن الجزء الرابع من ناحية الجيم بلاي وفي الاسلوب لكن هذا الشي مرده واحد , ان يو سوزوكي لما سوى اللعبة الاسطورية هذيك واللي اسمها الجزء الرابع سواها عشان تكون ستاندرد لالعاب القتال لعشر سنين قدام
فعلا نظام متقن وجبار بكل ما تحتويه الكلمة , لعبة صارلها ريميكين بالاضافة للباتشتات ,,, امكن لو كان سوزوكي still بالفريق كان جدد بشكل أفضل في الجزء الخامس
لكن هذا ايضا لا يعني انه مافي جديد بالجزء الخامس , اللعبة صارت اسرع من ذي قبل وصارت مهتمة بميزة الالتفاف على الخصم بشكل جدا ممتاز , نظام كستمايزيشن أفضل بكثير ولا ينافس

 

[Jizasu]

:slant: اللعبه فيها شوية تطور من ناحية الجرافيك...

لبس زافينا ملاحظين انه في احدى الصور عاكس المرحله من كثر ما هو لماع ؟؟

لبس ليو بالثلج تفاصيل ولا اروع..

و جسم كازويا فن بحت !

ان شاء الله نلاقي تطور كبير بتكن باذن الله...

و محمد كلامك و صورتك صحيحين و ماعليهم حجي !

 

[Dark Angel]

يعطيك العافية عمر على الصور...

سين سؤال......

مين قال أن الصور هذي من نسخة البي اس 3 ؟؟؟ ... انتو نسيتو أن اللعبة راح تنزل على الاركيد في الأول....يمكن هذي من نسخة الاركيد وإذا كان كذا فالجرافكس معقول....

لكن أنا ما أعتقد أن هذي الصور من نسخة البي اس 3 لأنه فعلاً محبطه....

يا خبر اليوم بفلوس...

 

[M 7 L]

إذا كانت هاذي الصور للأركيد أتمنّى من كل قلبي إن تكون نسخة البلاي 3 رائعة في الجرافيكس , , ,

لكن بصراحة حتى لو نزل تكن بمستوى أقل من هذا في الجرافيكس راح تكون موجودة حتى قبل لا أشتري البلاي 3 P:

أهم شي يكون الأون لاين موجود = إدماااااااااااان

قرّب اليوم إلي حلمي يتحقق فيه ( تكن + أون لاين ) يالله شنو راح تكون النتيجة

 

[R O C K Y]

لو تقارنوا انتقال تكن من البلاي 1 الى البلاي 2
بنتقالها من البلاي 2 الى البلاي 3

راح يتضح لكم انا نامكو تشتغل مضبوط حاليا

نامكو قدرت تجيب افضل الرسوم على اجهزه سوني الثلاث
بلاي 1
بلاي 2
بي اس بي
ماظن انها عاجزه على البلاي 3

تكن من ناحيه الجرافكس ...تطمنوا

عجبتني جدا المرحله الموجود فيها كازويا مع اسكا .. ( شوفوا الخلفيه ..غريبه )

تكن لسه في مراحله تطوير الى لما تصدر على الاركيد ...وبعدها برضوا راح تكون في مرحله تطوير الى ماتصدر على البلاي 3 في 2008

مشاور طويل على مابال تحكموا مضبوط بينها وبين فيرتشوا فايتر 5

قرّب اليوم إلي حلمي يتحقق فيه ( تكن + أون لاين ) يالله شنو راح تكون النتيجة

هذا الحلم ماظن راح يتحقق لك -__- الى يمكن في تكن 14

 

[ryo hazuki]

الجرافك مقبول و حلو و تحمست لها صحيح ان الجرافك مايبهر بس يظل مقبول
والله كنت اتمنى لو كانت اقوى يالله انشالله على تكن 7

بس ليش أي لعبة إذا حط شخصية عربية لازم يكون لبسها فاضح :\؟

من الشخصيه العربيه ؟