لعبت اللعبة وتقريباً واصل للربع الاخير فيها ، اللعبة من البداية تبهرك بمستوى الافكار فيها والارت الخلاب الى اخر شي ، أوكي ... لكن القيم بلي بنسخة الفيتا انا أقول أفضل إنه خلوها قصيرة لانه غطت على بعض العيوب ، انا طفشت من الروتين الاساسي بالقصة ، القيم بلي مكرر بشكل ممل ... مستغرب لعبة بلاتفورمر يصير فيها تكرار بهالطريقة المملة
والي مستغرب منه أكثر مافي إلا عدوين طول هالوقت مكررين " القصاصات الورقية " و الي تنط عليهم >_>
وكل الي تسويه تستعمل الكيان وتطيرهم او تستعمل الهواء او صاحبك المؤقت او تطير لفترة محدودة باللعبة ، نهاية الفيتا صارت False Ending .. المهمات الفرعية الي تسويها ياتصور أحد عشان فاقد لونه او مطلب منه ، او تسوي كاستومايز ، او تدور على احد .. الخ ، عانيت من الكاميرة في اكثر الاماكن .
اللعبة اقصر respawn للموت فيها شفتها بالالعاب ، الرسم حسيته مناسب للفيتا اكثر من الفور ماضبطوه هنا لانه اللمس مساحته صغيرة بال Dualshock4 ..
ماعندي PS Camera بس عندي السماعات ، في مراحل ماتقدر تتقدم الا ادا كان عندك اكسسوارات الجهاز مستغرب كيف بقدر يكملها الا ماعنده سماعات او كاميرا او اي اكسسوار ابداً ؟ هذا عيب وميزة بنفس الوقت لانها مستغلة الكنترولر بشكل كلي .
الدبلجة ممتازة جداً تذكرني بدبلجة المصرية لل"فسحة" ومسلسلات ديزني القديمة ، وقت ماكتب هالرد تقريبا قربت اخلص اللعبة .
