الأنمى كان متميز من أكثر من جهة ، الكتابة و الحوارات كانوا ممتازين ، كان فى تنوع رائع فى الخيال و الأفكار حتى لو ماحبيتش بعضها دا غير إنى حبيت الآرت و الأنيميشن بس أحسن حاجة فى الأنمى كانت كيون
كيون هو الشخص الوحيد الطبيعى وسط كل الظروف الغريبة اللى حواليه ، أسلوبه الساخر فى التعامل مع المواقف الغريبة كان رهيب و تعليقاته كانت ذكية و ممتازة و هى اللى إدت للعمل جوه المميز
بالرغم من إن هدف كيون إنه يعيش حياة طبيعية إلا إن تعليقاته تدل إنه مابيكرهش الوضع اللى هو فيه و ده واضح من تلميحه المستمر إن المكان بيبقى هادى جدا من غير هاروهى
حبيت شخصية كيون جدا و عجبنى إنه مش سلبى على عكس المتوقع من شخصيته ، ده ظهر بشكل واضح فى جزئية إنتاج الفيلم لما وقف ضد هاروهى أكثر من مرة بالرغم من اعتراض كويزومى ، بالإضافة لكده كيون ذكى و عنده فكرة عن مشاعر اللى حواليه زى ما حصل مع يوكى فى آرك Endless Eight و المواجهة مع نادى الكمبيوتر و ده اللى بيخليه مختلف عن شخصية البطل المعتادة فى الأنمى
بالإضافة لكيون حبيت شخصية يوكى بالرغم من دورها القليل نسبيا مقارنة بباقى الشخصيات ، يوكى كانت رهيبة فى المواجهة ضد أساكورا و حبيت دورها فى حلقة نادى الكمبيوتر
تسوريو كانت رائعة
😀
بالنسبة لسلبيات العمل فأولها طبعا كانت هاروهى
وضحت رأيى فى هاروهى قبل كده و باختصار كرهت الشخصية بس للأمانة كرهى ليها ماوصلش لمستوى كرهى الشديد لشخصيات ثانية و ده بسبب إن وجود كيون كان مقلل من تأثيرها (بس لسه بكرهها برضه
😛)
نفس الوضع بالنسبة لآرك Endless Eight و الحلقة الأخيرة اللى ماكانش ليها أى داعى من أى نوع
شخصية أساهينا تعتبر أقرب لبارودى للنوع ده من الشخصيات بس ضعفها كان مبالغ فيه أحيانا و ماحبتش موافقة كويزومى على أى حاجة تقولها هاروهى
، كويزومى كان مستفز فى أوقات كثيرة
فى الآخر كان فى ملاحظة بسيطة ، سواء كويزومى أو أساهينا أو يوكى كل واحد من الثلاثة بيمثل جهة مختلفة و كل جهة ليها نظرية مختلفة عن هاروهى بس العمل ركز بشكل كبير على نظرية كويزومى فى الوقت اللى نظرية يوكى و أساهينا ماتمش ذكرهم غير فى حوار واحد بين كيون و كل شخصية ، ده اتعمل بطريقة توحى إن دورهم لسه ماجاش و إن الوضع أعقد بكثير من الظاهر بس للأسف ماتمش التعمق فى النقطة دى
🙁
الأنمى حسسنى إنه جزء صغير من العمل ككل و اللى سمعته إن الرواية فيها أحداث رهيبة ، بصراحة مستغرب من عدم وجود موسم ثالث للأنمى
وبرضوا أعتقد فيه حلقة خاصة عن الفلم ذا شوفوها (رهيبة).
