الموضوع الرسمي Super Mario Run - عالم ماريو السحري على هاتفك النقال (الان على أجهزة الاندرويد)

[s3rorh]

سؤال حق ألي ما جربوا ماريو على اجهزه نيتندو، ليش متحمس لهاللعبه ... و عندك تجارب لماريو على wii/wiiU/ds/3ds ، افضل منها بمراحل !!؟

 

[Mr.Sora]

سؤال مهم .. الا عنده اكثر من جهاز لازم يشتري اللعبه على كل جهاز على حدى ؟ بما ان الدفع من داخل التطبيق يعني

لما تعمل لينك للنينتيندو اكاونت بتكون ارتحت من هالمعضلة .

 

[Buck]

طيب ليش ما اقدر احملها حتى الآن !؟ 🙁
حسابي امريكي .

 

[The Praiseworthy]

ماعجبتني مرة، مسلية اللعبة لكن مااحس فيها تحدي

كمل في المراحل التاليه و نشوف اذا قدرت ما تموت و تعيد المرحله من الأول ;p

سؤال حق ألي ما جربوا ماريو على اجهزه نيتندو، ليش متحمس لهاللعبه ؟

أتكلم عن نفسي أنا فان كبير لأجزاء ماريو الكلاسيكية و مخلصهم كلهم و سوبر ماريو بروس ٣ أعتبرها من أفضل ألعاب التاريخ الخالده الي لازم سنويا أختمها... أيضا خاتم جالكسي الأولى و ان شاءالله الثانية و ثري دي وورلد قريب تلحقها.

أيضا هذه ماريو و موجودة على هواتفنا الذكية... منو ما يتحمس لها؟

 

[mario0o]

ما اطوف المرحله الين ما اجمع كل الكوينز الوردية والبنفسجية والسودا

 

[The Praiseworthy]

ما اطوف المرحله الين ما اجمع كل الكوينز الوردية والبنفسجية والسودا

برافو عليك... أنا بديت أعاني مع الكوينز البنفسجية و أنت ماشاءالله شطبت عالسودا

 

[Lord Kaido]

اي واحد عنده 3ds ويحب ماريو زيد 29 دولار والعب ميكر بدل هذه

وراح يعيش افضل الايام مع ماريو

 

[Orange]

اللعبه تقدم مستوى تحدي محترم اذا كنت ناوي تجمع الكوينز ، وطبعا فيها افكار حلوه وتطبيق سلس ، اللعبه جيدة

 

[sol-bad]

اللعبه ممتازه جدا ماريو عنده لياقه في هذا الجزء

 

[Eye]

تبن وسوحقن وعدمن للننتندو .. احنا ناقصين الناس تمسك الجوالات يعني؟ ونجاحها طبعا يسوق قطيع الشركات الكبيرة الدبش نحو الجوالات ، مع السلامة للهاردكور فلترقدو بوءام ، لقد عشنا اياما سعيدة

 

[C RONALDO]

شطبت على الكوينز الاسود بكل الworld 1 ماعدا آخر مرحله يبيلها شغل مكثف ههههه

اللي يشتكي من سهولة اللعبه .. اللعبه متعتها وصعوبتها بتجميع الكوينز الوردي والبنفسجي والداهيه الكوينز الأسود

بالنسبه للبطاريه
فيه خيار للbattery saving بإنك تقلل جودة اللعبه من الخيارات (مافيه فرق كبير بالجوده اذا قللتها)

 

[The Praiseworthy]

مع السلامة للهاردكور فلترقدو بوءام ، لقد عشنا اياما سعيدة

ههههههه ليش المبالغه و الدراما

ترى شي طبيعي تبدأ الشركات تستثمر في سوق الهواتف الذكيه بألعاب تناسبها و موجهه لها.... أصلا راح يفيدهم اقتصاديا كثير و هذا الي نحن نحتاجه، من كلامكم كأن خلاص ألعاب AAA راح تنقرض و يحول الجميع لألعاب موجهه لسوق الهواتف الذكيه فقط بجميع اصداراتهم مستقبلا

 

[LegendaryK]

اللعبة تدعم الشاشة بالعرض فل سكرين ولا لازم بالطول ؟

 

[The Praiseworthy]

اللعبة تدعم الشاشة بالعرض فل سكرين ولا لازم بالطول ؟

هي أساسا فل سكرين بالطول و مصممة على هالشي ( و أنك تقدر تلعبها بيد واحده فقط ).

 

[mario0o]

اللعبة فيها صعوبة عشان تجمع الكوينز لل3 مستويات .

 

[MH MD]

تبن وسوحقن وعدمن للننتندو .. احنا ناقصين الناس تمسك الجوالات يعني؟ ونجاحها طبعا يسوق قطيع الشركات الكبيرة الدبش نحو الجوالات ، مع السلامة للهاردكور فلترقدو بوءام ، لقد عشنا اياما سعيدة

الشركات الكبيرة من زمااااااان اتجهوا للجوالات أصلا وأنتجوا ألعاب عليها، نينتندو فقط هي آخر الواصلين 😛

 

[The Praiseworthy]

بعض السبيشل كوينز يرفعون الضغط لما تفوتهم بشكل غبي و تضطر تعيد من الأول -_-

و لكن المراحل ممتعة جدا و اعادتها تكرارا و مرارا ماهي مشكلة أبدا.... صارلي ساعات من فقت من النوم و للحين في سريري قاعد ألعبها 😀

وين البقية توقعت تفاعل أكبر بكثير عند صدور اللعبة؟ معقولة الغالبية هواتفهم بنظام الآندرويد؟

 

[mario0o]

انا من مستخدمين الجالكسي. وعندي الايفون منظر ومغبر ما استخدمه. واخيرا استفدت منه هههه

 

[Rain]

العبها على الiPhone 5S. العملات السوداء بتكسر اصابعي t_t ..صعبة!
Toad Rally طور قمة المتعة!

 

[XORO]

شكلي بسلف ايفون وبجربها من دافع الفضول

اللي مزعجني انا تحتاج اتصال نت دائم

 

[C RONALDO]

Super Mario Run is the top-downloaded app in 62 countries, including the United States

 

[C RONALDO]

ترى فيه بعض الكوينز الملونه تحصلونها داخل الصناديق (Block)

 

[C RONALDO]

اللي مزعجني انا تحتاج اتصال نت دائم

هذا اكثر شي زاعجني بالموضوع
واخاف تكون بداية توجه جديد لنينتندو بألعابها وبعض العاب السويتش يكونون نفس الموضوع

 

[C RONALDO]

جبت راسها ,,, الحين أكمل المراحل الجديده وانا مرتاح نفسياً

 

[king zell]

بصراحة اللعبة ممتعة جدا و تعمل بشكل مناسب للجوال، و في نفس الوقت تقدم تحدي حلو للي يبي يبحث عن كل القروش

خلصتها كامل، و بتفرغ في الأيام الجاية لجمع كل القروش

 

[The Praiseworthy]

ترى فيه بعض الكوينز الملونه تحصلونها داخل الصناديق (Block)

مخبينهم بشكل جيد جدا... أنا بالغلط اكتشفت وحده و تفاجأت ;p

 

[C RONALDO]

بصراحة اللعبة ممتعة جدا و تعمل بشكل مناسب للجوال، و في نفس الوقت تقدم تحدي حلو للي يبي يبحث عن كل القروش

خلصتها كامل، و بتفرغ في الأيام الجاية لجمع كل القروش

صدقني المتعه الحقيقيه بتجميع القروش مو بتخليص المراحل
خاصه لما تدور اماكنهم وخصوصاً الداهيه الأسود

 

[White Soul]

انطباعات مبشرة
أنا ما عندي جهاز أبل غير الآيباد، بس ما أحس اللعبة تصلح عليه.... فعلى الأرجح بنتظر نسخة الأندرويد

 

[Sir Guts]

اللعبة جميلة تستاهل الـ10$

 

[Darkness Key]

جربتها على الآيباد وكانت ممتعة
بس لاني ابغاها على جوالي حاشتريها كاملة على الأندرويد لما تصدر عليه