Striking Distance لا يعتقد أن الجيم باس مناسب للعبة فردية مثل The Callisto Protocol

[ONLY PLAYSTATION]

من الموقع

انطلقت خدمة الجيم باس لأول مرة في 2017 ومنذ ذلك الحين وهي تحظى بشعبية متزايدة بين اللاعبين بفضل القيمة الكبيرة التي تقدمها لهم بتوفير مكتبة ألعاب مقابل اشتراك شهري يصل إلى 10$، إلا أن لعبة الرعب المنتظرة The Callisto Protocol لن تصدر للخدمة.

وفي لقاءٍ جديد مع “مارك جيمس” رئيس التكنولوجيا في فريق التطوير Striking Distance Studios، أكّد مارك أن الخدمة هي مكان صعب للعبة طور فردي خطية و مستقلة مثل The Callisto Protocol:
​

أنت تلعب مرة واحدة في The Callisto Protocol، أعتقد أن هذه الخدمات مبنية لتُلائم ألعابًا بأسلوب العالم المفتوح أو الألعاب الجماعية المكررة. أعتقد أن مثل هذه الألعاب تؤدي جيدًا على الخدمة.​

​

سيكون هناك ألعاب طور فردي على الخدمة، ولكنها ستأتي من الطرف الأول على الأرجح. كطرفٍ ثالث مستقل، من الصعب أن يعمل نموذج لعبة منظور ثالث خطية في مثل هذه الخدمات. لا أقول أن هذا مستحيل، إلا أن تبريره اقتصاديًا صعب.​

The Callisto Protocol تصدر في 2 ديسمبر على البلايستيشن4 والبلايستيشن5 والإكس بوكس ون والإكس بوكس سيرس والحاسب الشخصي.​

 

[ONLY PLAYSTATION]

قلتها من زمان خدمات مثل هذي حدها ألعاب اندي وألعاب اونلاين بوجهة نظري

 

[m7tram]

قلتها من زمان خدمات مثل هذي حدها ألعاب اندي وألعاب اونلاين بوجهة نظري

مع هذا قاعدين نشوف العاب قويه تنزل بأول يوم .. يكفي ان لعبه تيم نينجا الجديده راح تنزل اول يوم.

 

[aboooood]

مافي شي مناسب او غير مناسب انت كطرف ثالث عندك حرية الاختيار تاخذ مبلغ عشان تنزلها ع الخدمة او لا

وباقي المواضيع مالك علاقة فيها ان كانت مناسبة او لا ،،،اللاعبين من حقهم قول بان اللعبة مناسبة او لا

 

[Eye]

قلتها من زمان خدمات مثل هذي حدها ألعاب اندي وألعاب اونلاين بوجهة نظري

وقلناها لك من زمان ونقولها لك الحين ، التنويع والسعر هو عامل الجذب بالخدمات ، انت متخيل يكون عندك ٥٠٠ لعبة على كيفك ب ٣٠ ريال بس!

والعاب طرف اول داي ون ومكتبة اكسبوكس ، هي بس يبي لها واحد يبي يلعب لعبة وحدة بس ، بعدين يطيح في الكمين

 

[guitaro]

ياليت هالمطورين مايصرحون مثل هالتصاريح

اولا مافي شي اسمه مناسب او لا للخدمة لأن في ألعاب اضخم من لعبتك ونزلت

ثانيا لما تجيك الفلوس بتنزلها وانت ساكت عشان كذا لاتحرج نفسك وتصرح

 

[Smart Smile]

مع هذا قاعدين نشوف العاب قويه تنزل بأول يوم .. يكفي ان لعبه تيم نينجا الجديده راح تنزل اول يوم.

أغلبها ألعاب طرف أول أو ألعاب طرف ثالث بعد فترة من نزولها

 

[ONLY PLAYSTATION]

يكفي ان لعبه تيم نينجا الجديده راح تنزل اول يوم.

ألعاب تيم نينجا ترى العابها AA مو تربل A

وقلناها لك من زمان ونقولها لك الحين ، التنويع والسعر هو عامل الجذب بالخدمات ، انت متخيل يكون عندك ٥٠٠ لعبة على كيفك ب ٣٠ ريال بس!

بخصوص 500 لعبه أكثرها من الاجيال السابقه و ألعاب اندي

 

[MH MD]

ألعاب تيم نينجا ترى العابها AA مو تربل A

وايش يحدد AA ولا AAA، بالنهاية هالحروف مالها معنى لما تجي لأرض الواقع، كلها العاب كبيرة وضخمة.
كثير العاب ضخمة نزلت بالخدمة عادي ونجحت فيها عادي، فإيش وجه القياس بالضبط؟ كلام مطور لعبة اندي كوبي بيست من ديد سبيس؟

 

[Emirates]

تصريحي (كمشترك في الخدمة وانتظر كل ماهو جديد فيها ) اقول

خل اللعبه لك

 

[صـلاح]

قلتها من زمان خدمات مثل هذي حدها ألعاب اندي وألعاب اونلاين بوجهة نظري

لهذا السبب مايكروسوفت جالسة تستحوذ لتعالج هذه المشكلة لكي تضمن الألعاب الضخمة في مكتبتها من اليوم الأول

فمايكروسوفت تدرك ذلك جيدا أنها لن تستطيع الاعتماد على الطرف الثالث للأبد !

لازم تصنع الشيء بنفسك وتقوي خدمتك لتكون ذات قيمة عالية للاعبين

لسان حال مايكروسوفت القوة القوة لابارك الله في الضعف

 

[MH MD]

وايش يحدد AA ولا AAA، بالنهاية هالحروف مالها معنى لما تجي لأرض الواقع، كلها العاب كبيرة وضخمة.

الا لو تعتبر العاب سوني اللي نزلت على خدمة البلس الجديدة زي سبايدرمان وجوست اوف تسوشيما الخ هي العاب اندي، وقتها هذي مصيبة عظمى!

 

[Emirates]

اتوقع انه تسويق اللعبه ويا sony

 

[abdullah-kh]

ايه وبكرة نشوف اللعبة بالجيم باس مارك ماي ورد

 

[صـلاح]

وايش يحدد AA ولا AAA، بالنهاية هالحروف مالها معنى لما تجي لأرض الواقع، كلها العاب كبيرة وضخمة.
كثير العاب ضخمة نزلت بالخدمة عادي ونجحت فيها عادي، فإيش وجه القياس بالضبط؟ كلام مطور لعبة اندي كوبي بيست من ديد سبيس؟

باختصار عزيزي ,, اللاعبين متفاوتين في نظرتهم وأرائهم واحتياجاتهم وقد تكون بسببب اختلاف ميولهم

الخدمات بيظل نقاشها طويل ومستمر والجدل واسع فيه

في النهاية كل لاعب يستطيع تجربة الخدمة ويختبرها , منهم من تناسب ظروفه ومنهم لا تناسبه

اللاعبين هم أحرار في اختياراتهم سواء في شراء الألعاب أو اشتراكهم في الخدمات أو اللعب سحابيا ,, كل شخص سيجد ضالته

ممكن صاحبنا @Only games عنده نظرة أن الخدمات لا تصلح ,, حتى وإن كان فيها ألعاب كبيرة ,, فمعتاد على أمر معين ومرتاح معه

 

[YazeedVx]

لول الشباب الظاهر يحسبونه فانبوي، الرجل ماجاب شي جديد وولا هو قاعد ينتقد الخدمة من الاساس .. بس الحساسية ضد الواقع زايده (&)

الا لو تعتبر العاب سوني اللي نزلت على خدمة البلس الجديدة زي سبايدرمان وجوست اوف تسوشيما الخ هي العاب اندي، وقتها هذي مصيبة عظمى!

ايه وبكرة نشوف اللعبة بالجيم باس مارك ماي ورد

ويل، اصدار لعبة من اليوم الاول مختلف تماما عن اصدارها بعد ماتاخذ دورتها كامله بالسوق كمنتج فما فيه تناقض يعني

 

[ONLY PLAYSTATION]

كلام مطور لعبة اندي كوبي بيست من ديد سبيس؟

مطور لعبة dead space هو نفسه مطور

The Callisto واما بخصوص العبه ترى ​

ترى من فئة AAA

https://www.google.com/amp/s/wccftech.com/the-callisto-protocol-2022-confirmed-aaaa-new-images/amp/

 

[ONLY PLAYSTATION]

اتوقع انه تسويق اللعبه ويا sony

لانه في شبه من جودة ألعاب بلايستيشن

 

[m7tram]

ألعاب تيم نينجا ترى العابها AA مو تربل A

بخصوص 500 لعبه أكثرها من الاجيال السابقه و ألعاب اندي

على اي أساس؟ أهم شي لعبه ممتازه وقويه.
واذا بنمشي على هالمنوال معناته كل الالعاب الي اهتم لها هم AA فعادي عندي مو هامني التربل A الي يتشابهون.

 

[صـلاح]

على اي أساس؟ أهم شي لعبه ممتازه وقويه.
واذا بنمشي على هالمنوال معناته كل الالعاب الي اهتم لها هم AA فعادي عندي مو هامني التربل A الي يتشابهون.

تدري أن فيه لاعبين يعتبرون لعبة ريد ديد AA متوسطة ,, وماهي مثل GTA !!

عشان كذا ,, راح تتعب كثير مع أراء اللاعبين ومستحيل يتفقون على نظام واحد

أنا بالنسبة لي اللعبة لعبة سواء صغيرة أو كبيرة , المهم المحتوى والمتعة اللي تقدمه لي هو المقياس الحقيقي

 

[MH MD]

ويل، اصدار لعبة من اليوم الاول مختلف تماما عن اصدارها بعد ماتاخذ دورتها كامله بالسوق كمنتج فما فيه تناقض يعني

لعبة تنزل للخدمة بعد سنة بتبطل بقدرة قادر تصير لعبة فردية ولا كيف الوضع (&)

مطور لعبة dead space هو نفسه مطور

The Callisto واما بخصوص العبه ترى ​

ترى من فئة AAA

https://www.google.com/amp/s/wccftech.com/the-callisto-protocol-2022-confirmed-aaaa-new-images/amp/

ترا يقوللك AAAA مش AAA حتى، معناه المطور ذا طور العاب بميزانية اعلى من العاب سوني وروكستار وكل الصناعة، ايش الفضيحة ذي (&)

 

[ONLY PLAYSTATION]

ممكن صاحبنا @Only games عنده نظرة أن الخدمات لا تصلح ,, حتى وإن كان فيها ألعاب كبيرة ,, فمعتاد على أمر معين ومرتاح معه

ياخوي صلاح انا ما اذم الخدمة بالعكس هي أفضل بالنسبه للاعبين بس تعال عند المطورين الي العابها ذات ميزانيه عاليه شنو يستفيد من الخدمه كا مطور؟؟؟؟؟ هو بالنسخة الواحد يبيع 60 دولار تبي ينزل لعبته على اشترك شهري ما تعدا ١٠ دولار هو شنو بيستفيد من هذي الخدمة وهذي الي يخلي شركات الطرف الثالث تغض النظر عن الخدمة

 

[صـلاح]

لعبة تنزل للخدمة بعد سنة بتبطل بقدرة قادر تصير لعبة فردية ولا كيف الوضع (&)


ترا يقوللك AAAA مش AAA حتى، معناه المطور ذا طور العاب بميزانية اعلى من العاب سوني وروكستار وكل الصناعة، ايش الفضيحة ذي (&)

صحيح لعبة The Callisto Protocol تم تصنيفها على أنها AAAA
نفس الأمر مع هذه الألعاب Beyond Good & Evil 2 و Perfect Dark
جميعهم تم تصنيفهم AAAA
عموما هالتصنيفات كلها ما تعني لي شيء
ان شاءالله تكون A وحدة ,, المقياس عندي هو جودة المحتوى والمتعة فقط لا غير !

 

[صـلاح]

ياخوي صلاح انا ما اذم الخدمة بالعكس هي أفضل بالنسبه للاعبين بس تعال عند المطورين الي العابها ذات ميزانيه عاليه شنو يستفيد من الخدمه كا مطور؟؟؟؟؟ هو بالنسخة الواحد يبيع 60 دولار تبي ينزل لعبته على اشترك شهري ما تعدا ١٠ دولار هو شنو بيستفيد من هذي الخدمة وهذي الي يخلي شركات الطرف الثالث تغض النظر عن الخدمة

بالضبط وأنا جاوبتك على هذا الاستفسار أن هذا هو السبب اللي يخلي مايكروسوفت تقوم باستحواذات مجنونة

لأنها ما تقدر تعتمد على الطرف الثالث دائما ,, فهي تبي تأمن نفسها بأهم الألعاب تكون بخدمتها الجيم باس

 

[Black Wolf]

اكيد هو رد على هذا الخبر

https://www.true-gaming.net/home/51...ى-إمكانية-توفّر-the-callisto-protocol-لمكتبة/

 

[ONLY PLAYSTATION]

بالضبط وأنا جاوبتك على هذا الاستفسار أن هذا هو السبب اللي يخلي مايكروسوفت تقوم باستحواذات مجنونة

لأنها ما تقدر تعتمد على الطرف الثالث دائما ,, فهي تبي تأمن نفسها بأهم الألعاب تكون بخدمتها الجيم باس

والله لو تستحوذ على كل الشركات ما راح تستفيد هي بنفسها شلون تطلع ميزانية التطوير العابها وبنفس الوقت كم لعبة راح تطورها من استوديوهاتها وكم الميزانيه الي بتقطها عليهم وشلون اطلعها بخدمة اشتراك 10 دولار والله صعبه من وجهة نظري

 

[YazeedVx]

لعبة تنزل للخدمة بعد سنة بتبطل بقدرة قادر تصير لعبة فردية ولا كيف الوضع (&)

كاش بعد مابعت اللعبة وكل من يبغى يشتريها اشتراها دائما افضل من كاش يقلل من مبيعاتك

 

[Emirates]

لول الشباب الظاهر يحسبونه فانبوي، الرجل ماجاب شي جديد وولا هو قاعد ينتقد الخدمة من الاساس .. بس الحساسية ضد الواقع زايده (&)

تصريحه ضد الخدمة فعلا يحسسني انه فانبوي باعتبار انه في العاب طور فردي جايه مستقبلا من طرف ثالث في الخدمة من اليوم الاول

 

[Dark_N11]

مافي شي مناسب او غير مناسب انت كطرف ثالث عندك حرية الاختيار تاخذ مبلغ عشان تنزلها ع الخدمة او لا

وباقي المواضيع مالك علاقة فيها ان كانت مناسبة او لا ،،،اللاعبين من حقهم قول بان اللعبة مناسبة او لا

الموضوع ليس بهذه البساطة
سلوك المستهلك في الشراء و اللعب يتأثر بخدمة الجيم باس وهذا سلبي للطرف الثالث و يشعرون بالتهديد

الحقيقه الي البعض يتجاهلها
انه نموذج واحد فقط هو الي راح يسيطر على 80% من السوق
هل راح يكون نموذج الجيم باس او نموذج الشراء التقليدي ؟ ننتظر و نشوف بالسنوات القادمة .

 

[ONLY PLAYSTATION]

ترا يقوللك AAAA مش AAA حتى، معناه المطور ذا طور العاب بميزانية اعلى من العاب سوني وروكستار وكل الصناعة، ايش الفضيحة ذي (&)

والله يا خوي محمد انا ما ألومك بخصوص ألعاب تربل AAA يمكن إلى الآن ما وصلتوها بس ان اتمنى لكم الخير وتلعبون بنفس جودتنا الي عودنا عليها المنافس