STC تبدء حملة جديدة ..

[Id]

في أخر أخبار الشركة .. الاتصالات السعودية تبدء في العمل حالياً على حملة إعلانية جديدة ... بدأت اليوم في الشوارع بجملة تتحدث عن التكنولوجيا وتطبيقها ...

طبعاً في لمحة لشعار الشركة في الأعلان ...

الغريب في الموضوع جاني ايميل يقول التالي ...

شعار شركة الإتصالات الجديد ...

شعار شركة اتصال ثانية ... ((يقولون مسروق منه))

-----------------------------------

للأمانه قلت بشوف هالكلام صح لأنه دايم نشوف ايميلات كذا .. وبعد الاستطلاع طلعت شركة شركة اندونسية ...

[YOUTUBE]<object width="425" height="344"><param name="movie" value="http://www.youtube.com/v/UgypIA_c8Mc&hl=en&fs=1"></param><param name="allowFullScreen" value="true"></param><embed src="http://www.youtube.com/v/UgypIA_c8Mc&hl=en&fs=1" type="application/x-shockwave-flash" allowfullscreen="true" width="425" height="344"></embed></object>[/YOUTUBE]

لا تعليق بصراحه

 

[BioHazard]

الاتصالات السعوديه لها اسهم بالشركه الاندونيسيه بنسبه كبيره. بس ما يبرر "لطشه" الشعار.

 

[Pichi]

شركة الاتصالات السعودية تملك الشركة الاندونيسيه , أعتقد هذي الخطوة لتوحيد شعارات الشركات التابعه لشركة الاتصالات السعودية. و الدليل ان الشعار يحمل نفس عنوان الحملة "شاهد , تعلم , تكلم"
Baik تعني تكلم , Yang تعني تعلم , GSM تعني شاهد. أنا لا أعرف لغتهم ولكن هذا مااستنبطته.

 

[Khalid-S]

خخخخخخخخ .... شركة منحطه، مو قادره تسوي لوقو محترم. من لوقو خايس لسرقه.

اتذكر قبل ما اسافر كنت شايف اعلان الشعار ومحطوط عليه blur.

 

[Id]

Baik تعني تكلم , Yang تعني تعلم , GSM تعني شاهد. أنا لا أعرف لغتهم ولكن هذا مااستنبطته.

أول ثنتين ما بقولك شيء .. بس GSM .. تكلم !!!!!

 

[Humam]

أصلا شعارهم القديم كان ملطوش من شركة اتصالات آسيوية ( إن ما خاب ظني سنغافورية ).. وحركة تغيير الشعار والله شكلها بهللة, الظاهر انهم دخلوا في قضايا وتم الزامهم بالتغيير..يعني الآن كمان لطشوا شعار.. فعلا العرق دساس.

 

[Majeed]

أول ثنتين ما بقولك شيء .. بس GSM .. تكلم !!!!!

قل قسم GSM :laugh:: ،،

 

[AMG]

Space Time Coding
لول اول شي خطر ببالي يوم قريت العنوان

 

[Zero]

أوكي هالشركة شغلها كله سرقة في سرقة ؟ أشوف الشعار هذا بسيط ،والمفروض أي واحد عنده أدنى معرفة بالفوتوشوب يصمم زيه بالراحة ، شركة ما تعرف تصمم حتى شعار بسيط لنفسها .. ويسألوا عن تخلف الإتصالات عندنا .

 

[squall leonhart]

شركة الاتصالات السعودية تملك الشركة الاندونيسيه , أعتقد هذي الخطوة لتوحيد شعارات الشركات التابعه لشركة الاتصالات السعودية. و الدليل ان الشعار يحمل نفس عنوان الحملة "شاهد , تعلم , تكلم"
Baik تعني تكلم , Yang تعني تعلم , GSM تعني شاهد. أنا لا أعرف لغتهم ولكن هذا مااستنبطته.

كلامك صحيح 100 هي اشترت نسبة الغالبيه في الشركة الاندوسية + شركة ماليزيه نسيت اسمها

فالحركة هذي توحيد للشعار لان الظاهر الشركة تبغى توجه توسعها للسوق العالمي اكثر .. مثل زين .. و لاهي سرقه و لا يحزنون

 

[Pichi]

أول ثنتين ما بقولك شيء .. بس GSM .. تكلم !!!!!

والله ياأخي العزيز لا أعتقد ان GSM تعود لـGlobal System for Mobile , خصوصاً إذا كان في شعار الشركة. البعض يعتقد ان الشركة الوحيدة الي قاعدة تسرق هي الاتصالات, بالرغم ان فيه كثير شركات مثلها وممكن أزفت منها تسرق هي كمان. مافيه حد أحسن من حد !

فالحركة هذي توحيد للشعار لان الظاهر الشركة تبغى توجه توسعها للسوق العالمي اكثر

بالضبط. خصوصاً ان الشركة بصدد الاستثمار بنادي مانشستر يونايتد. بالاضافة إلى شرائها لعدة شركات في تركيا و باكستان و مصر على حد علمي.

 

[king zell]

من جد كلام فيصل صحيح


أحلى شي إن ربعنا يحبون تكبير المواضيع و الأحكام السريعة و إرسال الإيميلات النصبية

 

[Saadawii]

أشوف الشعار بالإعلانات بالشوارع بس ما خمنت، إلا انه كان يشدني.

إذا آخذينه من شركة يملكونها، ما أعتبرها سرقة. بالإضافة، شعار جميل جداً بصراحة.

أصلا شعارهم القديم كان ملطوش من شركة اتصالات آسيوية ( إن ما خاب ظني سنغافورية ).. وحركة تغيير الشعار والله شكلها بهللة, الظاهر انهم دخلوا في قضايا وتم الزامهم بالتغيير..يعني الآن كمان لطشوا شعار.. فعلا العرق دساس.

أي عرق؟
لو على العرق، كان يمكن أقول ان شركات كثيرة يقربون لبعض.

 

[Magnificent]

قهر لما تشوف افكار ادارية بسيطة و ابداعية مطبقة عندنا تطلع آخر شي مستوردة من برى ، تكنلوجيا و سلكنا لهم محنا طالعين القمر لو ايش ما صار ، بس حتى السياسات التسويقية و الفلو تشارتس و خرابيط الادارة و شغلات يطبخونها بمزاجهم يقومون يسوون لها كوبي بيست من برى ؟؟ لهالدرجة وصل فينا التعود على حل واجباتنا من دفاتر اخويانا ؟؟

 

[ZiZ]

أجل هالـ"بقعة" هي شعار الـ STC الجديد...

أنا كنت أحسب أنهم حاطين Blur علشان يقالهم بيسوون شعار جديد مفاجأة...

 

[Aoks]

الحين لهم وجه يسوون حملات جديده ؟

خلهم يصلحون الخرابات الي عندهم اول

صار لي يومين كل مااتصل على 902 يحولني على خدمة عملاء سوا

خير ان شاء الله ؟؟

دقيت على خدمة العملاء قلت لهم جوالي مفوتر ليش لما اتصل على 902 يحولني لسوا ؟

يقول في ضغط على الجوال وحولوا مكالماتكم لنا ؟؟

قلت خير ان شاء الله وش استفيد انا ؟ ماقدر اسوي اي شي بخدمة عملاء سوا

-_- قسم بالله رفعوا ضغطي ,, لول وللحين ما رجع زي اول​

 

[KOTSHY]

ما اقول الا

الله لا يهينك يا حازم صمم لهم شعار صدقة منك :laugh:: وارسله على ايميلهم هذا اذا عندهم ايميل (( اشك في ذالك )):laugh: ولو كان اتوقع ما يستخدموه


بدل الشعار الي يفقع العين :yuck::yuck:

 

[Lonely Heart]

اذا بيزرفون شعار يزرفون واحد حلو

 

[Mista Koo]

فرصة هالموضوع أحش بالاتصالات.. الله ياخذكم الانترنت صار له أكثر من 24 ساعة خربان وداخل الحين عالدايل أب >.>

 

[Yaz3D]

هم مو أغبياء لدرجة يسرقون من شركة اتصالات ثانية كذا من الباب للطاقة ..

يعني ما فيه شي حقوق محفوظة؟ لوول

 

[Dr.Dreams]

مثل ماقال يوشي هالبقعة او اللطسة هو الشعار!!

اعجبتني الصورة هذي لهم

انقذوا الشرق الاوسط:w00t:

 

[Link]

شباب اصلا حتى القديم مسرووووق على حسب ما سمعت

 

[Humam]

أنقذوا الإنترنت في الشرق الأوسط.. حتى لو هم فعلا الي حولوا الكيابل, يعني قصدهم يتمننوا علينا ؟ ايش الحقارة الزايدة هذي.. والله من جد شركة منحطة.. ترى كلنا عارفين إن كل يوم يمر عليكم بدون إنتنرت معناته خساير كبيرة على قفاكم.. كلام الالتزام هذا بلوه واشربو مويته.

هذا الشعار القديم المسروق:

 

[Nintendo]

اهم شئ يخفضوا الاسعار .. يغيروا الشعار ولا يسرقوه ولا بطيخ بكيفهم

 

[JOE]

stc هي اسوأ واحقر شركة في المملكة العربية السعودية confirmed
ياعمي كفاية انهم خسروا مناقصة اتصالات في فلسطين واخذتها عليهم شركة سورية

الله ينتقم منهم بحق رمضان وينقذ الانترنت منهم

 

[general kane]

اول شي الشركة تعتير من افضل 10 شركات متخصصة بالاتصالات في العالم فلازم نتكلم بطريقة محترمة عنهم .

ثاني شي ............. بعد لما اشوف ردكم اعلمكم:whistle: .

 

[Humam]

اول شي الشركة تعتير من افضل 10 شركات متخصصة بالاتصالات في العالم فلازم نتكلم بطريقة محترمة عنهم .

لول يمكن التأليف صار سهل بس اكتشافه أسهل و أسهل.

 

[Torpedo]

اول شي الشركة تعتير من افضل 10 شركات متخصصة بالاتصالات في العالم فلازم نتكلم بطريقة محترمة عنهم .

ثاني شي ............. بعد لما اشوف ردكم اعلمكم:whistle: .

ليش ؟ عندك قرايب في الشركة ؟ -_-" ..


أفضل شركة بعد سنة كاملة من سوء النت عندي اكتشفت ان اشتراكي الميجا في الاساس 256 ك.ب ..... و ما يزيد عن هالشي .. مع اني كنت اكلمهم تقريباً اسبوعياً لمدة سنة اشتكي حال النت .. و جارنا مبسوط بالـ 4 ميجا.....

الي يدافع عن الاتصالات ماله داعي ..

 

[general kane]

من الي قال اني أألف لك انا قاري الموضوع في جريدة .....( نسيت الاسم >_< ) والخبر صحيح .

وانا مب غبي أألف كلام واقوله على النت .

 

[Justice]

لوووول اغبى شركة
امس شركة الاتصالات حفرة في ارض الحي الي ساكن فيه وضربت بيب مجاري هيع هيع وفوض عندنا الحي والاحياء المجاورة
بسبب الماي اختربت الاشارات وصارت فوضى والله لوتشوف الماي تقول فيضان والشوارع صارت رائحتها كريها
ماتشتهي تمر ><! كل ذا بسبب الاتصالات ><!