Sony تتيح الفرصة لمالكي PS3 بإنشاء تصويتات تخص مميزات منتجاتها

[PS]

أتاح موقع PlayStation.Blog والتابع لشركة Sony بأن يتم التصويت على مميزات التحديث القادم لجهازها PS3 من هذه الصفحة

ويجب عليك تسجيل الدخول بمستخدمك في الجهاز ومن ضمن الإقتراحات القوية :

1 - اضافة اللغة العربية من هذه الصفحة
2 - الشات الصوتي من هذه الصفحة
3 - تحميل العاب PS2 من Store واللعب بها من هذه الصفحة4 - تحديث جديد للعبة Metal Gear Solid 4 لاضافة التروفي من هذه الصفحة
5 - جعل Kevin Butler هو المقدّم لمؤتمر سوني في معرض E3 القادم من هذه الصفحة
6 - جعل صيغة MKV مدعومة في PS3 من هذة الصفحة

منقول NG4A​

 

[xxamerxx]

اعتقد التصويت غير رسمي ( مو من طرف سوني )

- جعل Kevin Butler هو المقدّم لمؤتمر سوني في معرض E3 القادم من هذه الصفحة

وشدخل هذي النقطة بالتحديث ؟؟

 

[Averroes]

اعتقد التصويت غير رسمي ( مو من طرف سوني )

الموقع رسمي من سوني

وشدخل هذي النقطة بالتحديث ؟؟

أي شخص يقدر يحط موضوع ويخلي الناس تصوت عليه

 

[Gladiator]

شكرا سوني....

 

[xxamerxx]

الموقع رسمي من سوني




أي شخص يقدر يحط موضوع ويخلي الناس تصوت عليه

ادري ان التصويت بموقع سوني الرسمي لكن انت قلتها اي شخص يقدر يحط موضوع ويخلي الناس تصوت عليه

وانا اعتراضي على نقطة ان الموضوع يتحدث عن تحديث الجهاز وش دخل مقدم معرض E3 اعتقد فيه تعارض بالموضوع

 

[G7Ga7]

المفروض واحد يكتب: "حطّوا كل شيء موجود بالإكس بوكس 360" وخلاص.

 

[Zodd]

رسمي ولا غير رسمي المهم هو في الموقع الرسمي لسوني على العموم

نعم للغة العربية و بقوة .

 

[G7Ga7]

ادري ان التصويت بموقع سوني الرسمي لكن انت قلتها اي شخص يقدر يحط موضوع ويخلي الناس تصوت عليه

وانا اعتراضي على نقطة ان الموضوع يتحدث عن تحديث الجهاز وش دخل مقدم معرض E3 اعتقد فيه تعارض بالموضوع

مكتوب:

Do you have an idea for how to improve the PlayStation experience? If so, Share it! PlayStation.Blog Share is a place to formally submit your best ideas on how we can improve all PlayStation products. It’s also a place where you can discover and vote on other people’s ideas, as well as communicate with us and other PlayStation fans about how to bring great ideas to life. You can only submit one idea per day. Make it count! Click here to see how.

الموقع للأفكار الممتازة لمنتجات سوني بشكل عام. NG4A ما ادري من وين جايب سالفة التحديث القادم.

 

[NasserFahed]

أبي شبكة تفتح النفس مثل شبكة الإكس بوكس لايف .
أشوف اللغة العربية مالها لازم بصراحة ، يعني ودي يكون دعم المتصفح للغة العربية و كتابة عربية أيضاً هذا أشوفه مناسب بقوّه ..

 

[Jonas]

يا حظكم لو الـMKV صارت مدعومة في الـPS3 🙁

بالنسبة لي الأهم هو الـMKV و بعده تحميل العاب الـPS2..

تروفيز MGS 4 اشوف المفروض ما تضاف لقائمة التصويت

 

[Genocide Diego]

لو يضيفون برضو ميزة تنصيب اللعبة بالكامل على الهاردسك بيكون شيء ممتاز من سوني ( تلعب اللعبة من الهاردسك بدون السي دي مثل الإكس بوكس 360 )

وهذي الميزة تخلي اللودنق شبه معدوم مقارنة بلعب اللعبة من السي دي

أتمنى بعد يغيرون شكل قائمة الـ XMB التعيسة حقت الـ PS3 ويحطولنا XMB فخم مثل الإكس بوكس 360

سرعة مزامنة التروفيز أتمنى يعدلوها لأن في ألعاب يطلع فيها التروفيز بعد دقيقة من فعل المطلوب -ـــ-"

تحميل ألعاب الـ PS2 إضافة حلوة بس وين المشكلة ؟ تحميل اللعبة الواحدة بيأخذ وقت طويل -ـــ-"

لأن الحجم بالجيجا مو مثل ألعاب الـ PS1 بالميجا ( الغالبية منها ) واللي ما يأخذ تحميلها أكثر من ساعة ونص بالكثير إذا عندك سرعة إتصال ممتازة

طبعا مو كل ألعاب الـ PS2 حجمها كبير لكن الغالبية منها ( حجمها فوق 4 جيجا )

 

[squall leonhart]

أتمنى بعد يغيرون شكل قائمة الـ XMB التعيسة حقت الـ PS3 ويحطولنا XMB فخم مثل الإكس بوكس 360

لوول شكلك تمزح .. قائمة سوني عملية + سريعة + جميله .. تبغاها تصير زي قائمة ال 360 الثقيلة و المتكلفه

لو يضيفون برضو ميزة تنصيب اللعبة بالكامل على الهاردسك بيكون شيء ممتاز من سوني ( تلعب اللعبة من الهاردسك بدون السي دي مثل الإكس بوكس 360 )

تبغي تثبت 50 قيقا لكل لعبة ( او 25 ) .. !!!!!!!!

 

[Photon]

^
نفس الشي هنا .. ما عمري إستسغت و لا حبيت إنترفيس الإكس الثقيل و المشتت و البشع مظهراً بنظري مقارنة بخفة و جمال و عملية الـ XMB تبع البلاي 3 ( مايكرو من متى كانت تسوي شي مظهره Catchy أصلاً ؟ :laugh:: )

أغلب الإقتراحات اللي شفتها ممتازة و لو سوني تطبق نصها راح يكون شي خرافي .

 

[Jonas]

اذا بتحتقرون الداش بورد "الحالي" تبع الاكس بوكس بكيفكم..

لكن داش بورد الاكس بوكس الي قبل NXE أحسن من الـxmb بمليون مره

 

[The Heartless]

تبغي تثبت 50 قيقا لكل لعبة ( او 25 ) .. !!!!!!!!

أولا ً أغلب الألعاب ماتوصل مساحتها ال25 جيجا فما بالك بال50 جيجا.

ثانياً الهاردسكات المبنية داخل الps3 والأكثر إنتشاراً بين الملاك ماتقل عن ال60 وال40 جيجا, والحين مع السليم أقل شي عندك 120 جيجا (هذا طبعا غير فئة ال250 جيجا), ولا ننسى إن تغييرك لهاردسك الجهاز علشان تحط حجم أكبر عملية سهلة جداً وتقدر تسويها بنفسك وماتكلفك كثير.

فأنا مع الأخ في إقتراحه وفعلاً ودي لو نقدر نسوي إنستال للعبة كاملة والي مايبي لايسوي لإنه في النهاية تظل عملية إختيارية.

 

[The Doctor]

NG4A ما ادري من وين جايب سالفة التحديث القادم.

وش به هالموقع ويه الhyperbole؟

 

[itachi]

العربيه ..وقراءة الترجمه الخارجيه ..وملفات mkv ..وبعدها العاب سوني 2 للتحميل 🙂
هذا اللي أتمناه يصير

 

[REDFOX-ZERO]

بس الكلام بالموضوع كله راح يدفعوني فلوس حق اشتراك بالمحادثه صوتيه او لا ..... ؟


بالعربي نبي مثل الاكس بوكس لايف ....................

 

[Chris Van Dam]

^

مو الأكس لايف يشفط منك فلوس على الاشتراك ، تبيه يشفط على الفويس شات بعد ؟

ما اظن الفويس شات يكون على فندز .

 

[G7Ga7]

تبغي تثبت 50 قيقا لكل لعبة ( او 25 ) .. !!!!!!!!

إذا كان اخياري, إيه ما أمانع. أي لعبة 360 العبها لازم أسوي لها انستول على الهارد درايف على طول. أفضل اداء, وصوت الجهاز يكون منخفض وقت اللعب. وكل ما أنهي لعبة, امسحها من الهارد درايف وخلاص. اتمنى سوني تسوي نفس الشيء. تعطيك خيار انستول للألعاب على راحتك.

أتمنى بعد يغيرون شكل قائمة الـ XMB التعيسة حقت الـ PS3 ويحطولنا XMB فخم مثل الإكس بوكس 360

لا تكفى. الـXMB أفضل واجهة لأي كونسول صراحة. قمة الأناقة وعملية وسهلة. واجهة الاكس بوكس للأمانة مقرفة وبطيئة وحوسه وصعبة تفهم لها.